Video
Telephone
92132113
Opening Hours
Today
07:30 - 21:15
Mon - Sun
07:30 - 21:15
Public Holiday
07:30 - 21:15
Public Holiday Eve
07:30 - 21:15
Above information is for reference only. Please check details with the restaurant.
油塘大本營見到一間最近新開嘅新式茶餐廳，叫茶記研究所，裝潢懷舊得來又有啲年輕文青風格，感覺舒適～Menu畫滿好多美食插圖，見到都覺得好吸引，於是到嗌咗好幾樣嘢～勁蔥雙丁五香肉丁炒出前一丁，煮成一碟香口惹味雙丁～！一碟算一人份量，下午茶嚟講係剛剛好～ 雙丁唔會太油，仲加有洋蔥、椰菜絲，惹味得嚟減少咗罪惡感😋 黑松露芫荽炒蛋三文治炒蛋三文治會係我嘅必食推介～ 款式好多，可以跟餐肉/沙爹牛/豆豉鯪魚等配搭～ 而我揀咗嘅黑松露芫荽炒蛋，炒蛋嫩滑之外，仲爆蛋汁，蛋味香濃到不得了，真係超級好食～ 而香味極濃郁嘅黑松露同芫荽，竟然都夾得埋，風味獨特，係港式美食嘅創新，好有驚喜～ 絕對適合喜歡重口味嘅芫荽控同黑松露控～ 炸麒麟脾配薯條食茶記點少得一隻炸雞髀～ 麒麟臂可能係誇咗，但size都唔細～ 醃得入味，皮脆肉滑軟嫩，好食😋 而薯條都認真制作，糝有少少少椒鹽，令味道更高層次～菠蘿梳打食下午茶點少得飲品～ 秋日炎炎，菠蘿梳打清甜解渴～ 仲加有兩大粒甜菠蘿可以𡁻下～童年回憶黑牛黑牛絕對係港式經典～ 朱古力雪糕加可樂😊 就係嗰種味道～
continue reading
呢度啲姐姐超級親切, 完全令人忍唔住要入嚟試吓; 而試咗之後, 即刻有信心 我哋會再嚟~鹹鮮黃花魚（半條）蒸肉餅配 白飯、是日例湯 及 油菜 $88巴東牛坑腩牛筋配白飯 $82咖喱香濃, 微微帶辣; 牛筋軟腍得來, 仍保持小彈牙;㩞汁好好送飯, 感覺真不錯啊!肉餅清淡好入口, 完全小小都無 原本擔心點都有啲嘅魚腥, 真好!黃花魚蒸得啱啱好, 同肉餅一齊蒸 都 keep 到滑嫩嫩~ 好好呀, 食到 2個餸咁呢~ ^o^)/我們的港式飲料例牌: 凍奶茶 少甜 少冰 & 凍檸茶 少冰
continue reading
今日屋企唔煮餸，一個人出去食茶餐廳有咩好選擇，之前好想食佢哋嘅住家餸套餐，有魚有肉，見隔籬枱都食得好開心！不過新推出嘅一人火鍋好豐富，絕對唔可以錯過！！天氣凍凍地，總係想食火鍋，所以就叫咗個壽喜燒湯底火鍋，都唔錯㗎，入面材料好豐富，佢原本已經有蛋餃牛肉豬肉，金菇菜、魚蛋等等，唔使加餸都好夠食！！我自己就叫咗烏冬，因為超鍾意食，加埋壽喜燒個汁真係幾正！！另外叫咗西多士，作為飯後甜點，平平哋，都幾多件！！
continue reading
今日同屋企人來油塘行街見到係大本營商場入面🍴茶記研究所門店裝修時尚！環境唔錯👍🏻入來食晚餐估唔到晚市套餐竟然有蒸魚🐟即刻要試下先🐟鹹鮮黃花魚*半條蒸肉餅配白飯跟是日例湯、油菜！即叫即蒸上碟新鮮熱辣黃花魚肉質幼滑鮮嫩鮮嬽、肉餅厚實好下飯🐖蔥油豬扒煎蛋飯豬扒調味好好！而且煎到恰到好處！入口帶滿滿嘅肉汁加入自家製蔥油撈飯好香口！埋單百五蚊～都算經濟實惠！茶記研究所 (油塘)📍油塘高超道38號大本型LG2樓202-203號舖
continue reading
阿媽帶我去AEON買嘢，話逢星期三有優惠，買完之後順便嚟咗呢間茶餐廳度食嘢。環境睇上去，都幾寬敞下，唔會迫澀澀咁樣，顏色和色調整個裝修風格都配合得幾好。用QR code落單的，感覺幾方便。-羅宋湯通粉跟咗個 碎蛋沙律🥗和牛角包🥐個羅宋湯有啲肉粒喺入面（足料，有啲餐廳羅宋湯真係全素的），而且啲蕃茄味超級濃郁，甚至可以幻想到個湯可能係廚房啲人，用咗成罐蕃茄汁或者蕃茄醬去整出嚟的～（超大罐嗰種）-馬來風味喇沙（油麵）「超級推薦.好吃🖤」✨喇沙其實是有很多種不同的派系的，所以沒有唯指定那一款是正宗的，這個喇沙湯底 我嘗到有椰奶的味道，沒有很強的辣味，慢慢品嚐時有一種微甜的感覺。這個面裏面有豆卜、半隻雞蛋🥚、魚蛋、魚片同埋蝦🦐（各4件）本身個湯底就已經很好味了😋這豆卜是一開二的，像海綿一樣吸收着湯底，吃起來超級有汁水有口感又有豐富的味道👅而且這家店還很貼心的幫忙剝了蝦🦐殼另外跟餐 仲有一杯熱奶茶同埋一杯紅豆冰，紅豆冰超級好味😋普遍紅豆冰都是用牛奶的，這間店用椰奶的，而且冰也不會給很多只有三大粒冰🧊，主要以適量為主👍🏻👍🏻👍🏻（之前去過一間茶餐廳飲凍檸茶，啲茶一啲味都冇，啲冰又多到死）✨仲有一個員工（姐姐來的）好可愛，見到我想影相📸打卡，記錄一下食咗嘅嘢，佢仲幫我擺好個位，同我講笑，問我個位O唔OK🙈😂（有啲怕羞，哈哈，但感覺好親切🖤
continue reading