尚品餐室 (Closed)

是晚入夜天氣再度轉涼，剛在深水埗附近買完野，凍凍地最好就是食番個雞煲暖暖肚，途經一個小菜館，見到不用等位，就入去坐低。原來此餐廳屬於潮式小菜館，餐牌選擇也算多元化。雞煲選擇亦有好幾款，首先黎個椰子雞煲先。這菜式配搭一直是我至愛，上台時陣陣椰子雞香香味撲鼻，二話不說先飲點椰子雞湯暖暖胃先，味道清甜可口，雖然點的是半隻雞，但裡面的雞件頗多，材料亦足，亦有𣏌子等材料可以補補身。另附送上一碟生菜，加分。既然潮式小菜館，就再來一碟潮式拼盆試試潮式滷水拼盆有五樣野，豬耳，豬肚，豬脷，滷水豆腐，紅腸。因為想食豬大腸，店員好細心換豬利換豬大腸俾我地，上枱時亦附上酸醋辣醬，抵讚。味道方面亦算入味。是晚晚餐整體上亦算滿意，唯一美足不足之處，由於人手不足，店員亦沒主動提供用餐工具，湯勺，匙羹等。但小店來說，已經不錯。

今日放假到深水埗買下電腦用品。路過西九龍中心附近，完見到一間潮州打冷，冷天最好就試下雞粥。就入去試下潮州打冷。我地叫左個鵝片，鵝片好鮮味，淡淡肉師父好細心，把鵝片切得件件大細均勻。滷水汁好入味，鵝片淡淡多汁。鵝肉好幼嬾，好好咬口。配合上少少鵝皮，煙剝軟口。沾上小小潮式果醋，份外野味。好味到連鵝片底下的牙菜也吃埋。牙菜好爽口，沾上果醋，換入鵝片浸入的鵝汁，份外可口醒胃。之後再來叫碟豬大腸，碟豬大腸碟頭好大碟。豬腸整理得好清洗得好乾淨一淡咬下去豬腸大大件，咬下可口。好煙綿，好好咬口。混上滷水汁入口醒胃，送酒一流 。呢個時侯當然要叫支生啤，啤啤佢啦。最後叫左個潮州雞粥，雞件大大件。個粥底煲得軟綿綿，配上潮式菜普，入口鮮甜，醒胃。

同個朋友係高登買完野，肚餓就搵間餐廳醫飽個肚就各自各散，經過西九龍中心對面有間餐廳遠遠就已經聞到佢嘅胡椒豬肚味，就咁樣吸引左過去胡椒豬肚雞湯飯胡椒味勁濃，豬肚好爽口，雞肉夠嫩滑，個湯仲來撈埋飯就真係冇得彈！加上現正冬天，食完個湯飯真係暖粒粒無得輸支竹花生燜豬手一個煲足足有五件豬手，想到枱仲要嘟嘟聲，熱辣辣，豬手啖啖肉，好入味，配菜都唔野少，吸哂豬手既精華總括嚟講，呢一間餐廳個CP值真係極高，簡簡單單食兩三個食送，都係二百蚊埋單，真係無得輸

去完鴨療街搵工具，同朋友見呢間d餐牌幾啱食，所以就入黎食～叫咗兩款小菜，小炒皇，呢度嘅小炒皇材料好豐富，揀咗四季豆，入面有炒花生同菜脯同小魚乾，正！！ 竟然仲有蝦同墨魚片～ 四季豆，炒花生，菜脯，小魚乾，好香口惹味；蝦同墨魚片好新鮮，墨魚片彈牙～ 好味，推介！！另外叫咗個椒鹽鮮魷魚鬚片，好脆口惹味，魷魚鬚片爽口，令人好口胃～無諗過小店都煑得咁有水凖，好有鑊氣，好味，一食就食到大廚功架經驗豐富～ 推介之選！！

行開呢到，係西九龍中心拍完車對面見到呢間潮州餐廳，潮州菜啱哂我口味～叫咗滷水鵝肉拼盤，可以拼兩樣，有多種選擇，揀咗拼大腸同滷水豆腐～ 送到黎竟然係滷水鵝脾，真正！！大隻多肉～ 滷水汁底濃郁，而鵝肉瘦中帶一點肥，滷水豆腐好滑，加上滷得非常入味之餘又夠肉嫩，拼埋新鮮大腸送啤酒一流～鴨蛋蠔餅新鮮熱辣，份量大 ，好酥脆，用上鴨蛋特別香，蠔仔好大粒好鮮甜，非常之香口，好味～食物好味，好正宗潮州菜，價錢合理，服務好～

深水埗不嬲多野食，今次去左呢間位於西九龍中心對面既餐廳，食既野好多元化，類似大排檔咁一入到去聞到勁香既古椒豬肚味，就已經比佢吸引左咸菜胡椒豬肚雞湯飯胡椒味勁濃郁,好足料岩哂冬天食,因為食完暖粒粒同朋友要搶住黎飲,因為真係好正!豬肚爽脆,重點係冇押味,完全唔會有豬臊味雞件就非常嫩滑整體係非常足料呀!鹵水拼盤揀左鵝片,豬大腸同豬耳,三樣野都係非常吸味既野,所以完全吸收左鹵水汁,好入味鵝片厚肉,而且幾滑,最怕食到啲鵝肉有膻味,但呢度冇豬大腸肥肥地,好有咬口,而且冇押味!豬耳則係爽脆,腍嫩!如果一大班人黎食會更好,咁就可以食到更多既野,呢度啲野都幾大碟架!!好抵食

在深水埗閒逛，無論是電子產品抑或其他東西，或多或少都會找到一些適用的物品。在購物完畢後，亦可到附近餐廳坐下來，休息一下吃點東西。今勻來到尚品餐室，雖然地方不大，但是也可作為晚餐的地方。從餐牌看來，小菜售價大眾化，適合一大班朋友來聚餐。友人點來獅威啤酒，而在下無意喝啤酒，只好點來奶茶。先來尚品海鮮小炒皇，有魷魚、魚仔干、蝦及四季豆等。上桌時感到鑊氣的氛芳，魷魚的煙靱，魚仔干的脆口，蝦的爽口。然後上桌的中式牛柳，有著橙紅的顏色，有著菠蘿及洋蔥的伴菜，吃起來有酸酸微微的味道，牛柳的不靱，不錯。再來京都肉排，同樣是橙紅的顏色，也有酸酸甜甜的味道，而且較脆口，用來佐飯，是不錯的選擇。當中的配料包括了番茄、洋蔥等，增添了不少味覺。雖然只有三款小菜，但是已經很滿足了。

今日經過深水埗, 見到尚品餐廳出面介紹左好多唔同既野食.... 我又忍唔住入去試下!入去見到餐牌..真係乜都有! 打邊爐呀, 羊腩煲呀, 雞煲呀, 椰子雞鍋呀...哩度地方不大，估唔到細細間小店都咁多野食!攪到我有d唔知食乜好! 哈哈哈!  最終我叫左水煮魚, 糊椒豬肚湯同埋潮汕滷水拼盤(墨魚皇片併盤)川味水煮魚 我好耐都冇食過喇! 味道唔錯呀唔會整得太過辣入唔到口! 味道啱啱好!魚野份量足夠2個人食! 不錯不錯!糊椒豬肚湯又係我好鐘意既一味! 我好鐘意糊椒味架!佢整得夠濃! 又辣! 飲落去勁暖胃! 又足料!好多豬肚同酸菜! 好味!最後一味汕滷水拼盤(墨魚皇片併盤)我一直以為墨魚係橙色! 原來真正既係白色架! 佢整得勁牙! 好有口感! 點醋同點辣椒油都好好味呀! 哩間小店都幾好! 黎食晚飯小菜打邊爐都幾好呀! 

朋友介紹，呢度嘅芥末牛柳粒好正好好食！一於黎試下先牛肉味好香！令我唸起沙拉骨嘅味度。。但係多正芥末味，成個餸即刻無咁漏！配啤酒一流！呢度好多小炒，炸野食都好啱送酒。。有大排擋風味，但環境又比大排擋乾淨好多。會再黎。

今晚收工，落雨再加上氣温急降，真係凍到一個點。本來想打邊爐。。但經過呢間未到食飯時間已經滿座嘅小菜館，就好吸引我行左入去！蠔仔炒鴨蛋呢個餸飯都真係不得了！介乎於煎蠔餅同煎蛋嘅口感之間，咸香，亦好多蠔仔。。食到停唔到！雞油飯一叫完之後開始好好奇，因雞油飯竟然比白飯上枱需時更耐。。估計原來油飯係新鮮即制！勁香嘅飯令我真係想食多碗!有米落肚，成個人即刻暖晒，食飽飯去隔離西九龍中心行下街先😊

平時好中意去茶記冰室打等，睇下電視，嘆返杯港式飲品，都可以話係放鬆，企鵝哥自問唔係毒男，但都中意一個人食野，而且個人較喜好中式菜。雖然企鵝食問山形海味，但都特別中意去啲茶餐廳或小店，推崇下香港嘅特色。尚品餐室就無意中成為企鵝哥遊歷香港美食第十二站。地點係深水埗西九龍對面，間野唔算難搵，環境同普通茶記冇兩樣，不過佔位面積唔大。其實都係自己一個食野，都唔洗太講究，偶然心血來潮嗌碟炒飯，又算得係啲咩？白灼時蔬(+$5)時蔬係生菜再加蠔油，不過時蔬就未必日日都一樣，要留意下，生菜翠綠又爽，份量夠多，其實幾抵加，多食綠色野健康啲評分味道：6/10賣相：6/10抵食：7/10尚品海鮮炒飯($68)企鵝緊係要食返啲海鮮維持生命，見佢以餐廳名黎命名，應該係本店皇牌，二話不說即刻點左，不過勢估唔到客炒飯嘅份量出其地多，其實夠兩個人食。不過企鵝唔會浪費食物，佢蝦球數目相當多，隻隻挑晒蝦腸，口感彈牙，而且仲有青口等等海鮮，炒飯以菜飯做底，炒至乾身之餘不至於太乾，味道香味吸引，但最好就2-3人分就更好。評分味道：8/10賣相：7/10抵食：7/10 凍菜蜜($8)食炒飯一定唔少得嗌杯凍野飲，哥至愛菜蜜，味道甜

美味又補身椰子雞煲@尚品 早幾日和同學上堂後就到附近搵食，這陣子天氣突然變涼，很想食一點暖粒粒的東西，經同學帶路下到了西九龍廣場對面的尚品餐室食飯 晚上７點餐廳半滿，可能天氣有點冷，因此人人都是點火鍋之類的食物，一入到去就香氣撲鼻，暖洋洋的 款式頗多元化， 西式的焗飯至中式小炒都有 經店員介紹，我們點了一份清湯牛坑腩 $88 份量很多，而且很足料，肉比羅白多好多，牛坑腩肥廋比例恰當，不會太肥或太廋，咬起來不會鞋口，牙力不太好的我也輕易食到，辣椒油有如畫龍點精，輕輕一點，令牛坑腩有另一番風味 白飯另點＄１０一碗 至於羅白我稍嫌不夠腍，咬起來爽口的，有點苦味，但整體來說，性價比非常高的一道 椰子雞煲＄１４８半只雞，人不多其實都夠食，入面雞件頗多的 未食已經聞到陣陣椰子香味，那湯底呈奶白色，輕輕喝上一口，啖啖甘香～ 在凍冰冰的日子，馬上能暖和冰冷的身體 入面的雞件也很美味，即使煮了一段時間仍然嫩滑，食起來帶點椰子香甜，非常滋味

今晚與一位老朋友吃飯，地點選擇了深水埗。海南雞。雞肉非常嫩滑鮮甜，雞皮薄薄油脂不高，沾上薑蓉和醬汁後味道更是滋味。雞肉沒有雪藏味道，嫩香的雞肉的確不錯。上湯肉碎浸雜菜。上湯浸雜菜是我兒時回憶，湯底鮮甜鮮香，雜菜爽甜沒有渣，肉碎增加口感和咸香味道，雜菜加上蒜蓉調味，更是香口。清湯牛坑腩。牛腩肉嫩鬆軟，沒有乾身口感，清湯帶點鮮甜味道，蘿蔔吸盡湯汁入口豐富，加上炸蒜更是特別。

今晚一個人食飯，隨便入左一間中菜餐廳。餐牌選擇非常多。一個人吃飯叫兩款剛剛好。蝦球雞粥。粥底軟綿，入口鮮味濃香，蝦球爽彈沒有雪藏味道，雞件不多沒有碎骨，雞肉尚算嫩滑。粥底加入香蔥和蒜粒，味道滋味香口。椒鹽魚腩。魚腩入口時每口都是咸香的魚肉，魚腩炸得香脆香口不油膩，加上椒鹽調味。

行完西九龍中心，商場無咩啱食，去左街坊小店，係正西九對面的尚品，見入面好多食客，出品望落吸引，就食佢啦。叫左一個滷水併盤（$148），有墨魚，鵝件，金錢展，下面有少許芽菜，不像潮州打冷般濃味，但食到食材本身的味道。鵝件肉嫩，牛展有肉味，墨魚片爽口，不錯喎。蠔仔煎鴨蛋（$78），蠔仔下得很多，很肥美，加了芫荽很香口，不知是否鴨蛋關係，感覺蛋醬較稀。食小菜一定要配白飯（$10），飯質軟綿，正。感覺良好，多多支持小店