尚品餐室 (Closed)

尚品正在西九龍廣場正前方~環境光猛企理！見到有小菜，粉麵，雞煲，潮州野食~坐底後叫左枝啤酒啤啤佢超冰凍！一流叫左份京都骨~肉排肉質爽彈！份量好多~配料洋葱亦功不可沒！吸哂酸酸甜甜既醬汁，好入味味道剛剛好~炒左碟咖哩牛肉炒烏冬~雖然顏色較淺色~但味道亦相當夠味~反而食出既味道是星洲炒米既咖哩味，用左烏冬底去炒！炒到非常乾身~唔會有油膩感覺。牛肉亦重牛味而且所幾樕又唔鞋口不錯

行咗半日鴨寮街, 終於選購咗我最心愛嘅容祖兒咪啦, 行到攰攰地,個肚又餓餓地,咁就要去醫肚, 本來就想去西九龍食個平飯嘅, 但當過馬路之際, 發現原來有間潮州打冷舖,價錢都幾十蚊位, 就入去食餐飯啦環境其實好乾淨, 比一般茶餐廳乾淨, 地下連一件垃圾或者餸都冇, 呢個值得一讚除左潮式野食之外, 仲有中式小炒, 焗飯, 點左個海鮮小炒王, 材料都幾包羅萬菜方面有青椒, 西芹,紅椒 , 仲有素鮑片, 蝦仁, 花生再加啲炒白飯魚 , 用XO醬嚟炒所以都幾惹味, 又夠鑊氣, 口感豐富, 中蝦口感彈牙, 送酒就非常之好, 之後就叫咗個時菜牛肉飯 , 打芡汁我覺得打得幾好, 幾鮮甜 ,啲牛肉都嫰, 再一個好滿足今晚上呀

陪老公去鴨寮街買電子零件，購完物後，見時間已不早，決定先到附近找個地方吃頓晚飯才回家。記得上次去西九龍中心吃午餐時，見到商場對面有間街坊格局的潮州菜館，反正老公愛吃煎蠔餅，提議不如一起過去碰碰運氣。店子名字叫《尚品餐室》，店裡地方不大，而且入面佈置看起來似茶餐廳多過飯店，幸好環境不算擠迫。先選了個靠牆的座位，安頓後再環顧四周，椅桌雖然以木製為主，但擺放得整齊企理，配上一室簡約的裝潢，整體感覺也頗不俗。拿起檯上的餐牌細看，原來小店唔單止有潮汕鹵水，還有雞煲、火鍋、小菜、炒粉麵飯、至尊焗飯及海南雞等供應，選擇非常豐富。由於兩口子食量不大，所以決定只點兩個小菜，一客湯和一碟炒飯。招牌風味蠔仔煎鴨蛋 ($78) 先上桌，蠔餅看起來雖然只是薄薄一塊，但原來用料頗足，每啖都可以嚐到粒粒肥美的蠔仔，而且入口外脆內軟又不油膩。其實用鴨蛋煎蠔仔餅是正宗做法，比起用雞蛋煎出來香口鬆化，吃時蘸上魚露，風味十足。接著出場的咸菜胡椒豬肚湯 ($38/碗)，非常足料，而且十分大碗。先舀起湯呷一口，胡椒香氣勁濃郁，再吃豬肚，爽脆得來又無豬臊味，而酸菜亦十分爽口，啱曬我這倆個豬肚湯迷。如果是一家人來吃晚飯的話，點一窩

是夜中秋追月夜，與朋友到D2 Place秋日文化祭之麥田捕手假日市集。市集更增設許願水燈及音樂表演，好浪漫呀！祝願【追月夜快樂】，開心又美好。 行完市集一路行就到西九龍中心，對面有一間「尚品餐室」地方不算大。以潮式的菜式為主，完全適合潮洲人的我。有別於從前的大排檔或潮式店鋪，帶點舒適度。 阿姐遞上餐牌：潮汕鹵水、潮汕靚粥、巧手小菜、老干媽、風沙或椒鹽炸物、清湯蘿蔔、尚品靚鵝、特別推介及湯等，種類繁多，應有盡有。3人行點3個款式就最適合不過，還要盡傾一番吧！ 潮汕鹵水併盤 $148身為一個潮洲人又點少得叫一客潮汕鹵水併盤，墨魚切至薄片新鮮彈牙並帶點爽口。鵝件的肉質軟身味道如果濃味一點會更好，口感煙韌肥膏不會太多。金錢展口感煙韌配上醬料惹味無比也是不錯之選。 蠔仔肉碎粥 $78潮洲菜又點少得蠔仔粥，有一窩及一碗之分。一碗$33一窩卻是$78，蠔仔肉碎粥份量十足材料豐富最重要蠔仔大大粒，而且頗多相當抵食。蠔仔添加了多蔥多蒜，可以辟了腥味而且還有通菜的味道不錯。一窩三人食完全足夠，下次要試下鮑片雞粥的味道。 海鮮粉絲什菜煲 $88吃了潮汕鹵水併盤來一客海鮮粉絲什菜煲最好不過。海鮮的份量頗多，蝦

去深水埗買完材料順便係附近食埋飯先走見到個滷水拼盤好靚 就算得兩個人都照打冷！有豬耳、豬肚、豆腐、豬舌、鵝腎同紅腸最底仲有d芽菜！樣樣教好入味，豬耳仔已經好耐冇食過，軟骨卜卜脆好好食豬肚口感一流，軟硬悉中，而且好入味！最正係鵝腎！佢冇腎獨有既口感同味道，再配上滷水味好正！打冷必食韮菜豬紅豬肉口感QQ，一咬落去就有汁湧出黎！味道香濃！送飯一流！加埋韮菜食就勁香口惹味！餐廳既環境比一般打冷店乾淨同簡單，坐得好舒服

今晚去左深水埗食打冷。已經好耐冇食打冷啦！咁岩今日落雨，食下d熱野最正！叫左個牛坑腩拼金錢肚送白飯。呢味送真係份量超大，深水埗既野永遠都咁平，靚，同埋正！飲一飲佢湯底，好重胡椒味之餘，唔會淨係食到胡椒味，仲有牛腩汁味，成個湯底已經好香，真係好滿足！叫岩左野食！不嬲食野鍾意食配角先，最後先食主角，食左個白蘿蔔先。白蘿蔔已經吸曬牛腩湯既味，一入口，好多水份標出黎，好耐冇食過咁入味既牛腩菜色啦！之後食牛腩，牛腩質感彈牙，真係好好味，胡椒味同牛腩好夾，金錢肚都好彈牙。點解可以整到咁好味。呢碟野雖然份量大，但好快就比我ko完，不知不覺就食曬。雖然已經好飽，但都覺得未夠喉。下次會再黎試下其它菜色！

深水埗欽州街 58 號地下細細間食店可以坐到10.幾人 主要食潮州菜打冷 仲會有碟頭飯同少炒 等等 食物多樣化啤酒雞煲 148 蚊半隻通常啤酒煮既食物唔會好大啤酒味 但無論香味同口味都有佢獨特既味道， 好特別 再加上甜辣既醬汁 生菜 辣椒 八角 葱花 等材料 成為好香噴噴既雞煲 , 但醬汁整體唔算好濃 但夠香， 而雞肉都算多 比較細件 口感好滑 辣度都夠 . 食落好香口 配埋啤酒 就一流(14 蚊枝青島純生 )墨魚拼豬頸肉 102 蚊用芽菜墊底既拼盤 墨魚新鮮彈牙 口味比較清淡 應該係用白鹵水醃成 而豬頸肉口感煙韌比較少肥膏 點以辣醬 都好正蠔仔炒鴨蛋 72 蚊 正宗既潮式蠔餅係用鴨蛋整， 甘樣會特別香，蠔仔又大又新鮮 雖然係煎到好扁身 但入面既蠔仲大大隻夠juicy而蛋亦都煮到7 成熟 所以入面有d流心 熱辣辣， 配以葱花 令到成碟蠔餅更香口 , 呢個必點！食店食物多元化, 但潮州菜類特別出色建議點多D 打冷類, 正.!!

去完西九龍行街，當然要食個飯啦！就係西九龍對面，新開業不久的尚品餐室價錢經濟實惠，款式選擇多元化。 點了個清湯牛坑腩飯餐（$49）湯底鮮甜美味，又夠熱，牛坑腩肉質炆到恰度好處，配上蘿蔔、芫茜等非常香口。 套餐還配有油菜，夠曬健康。 滷水鵝飯套餐（$68）份量也很充足。滷水鵝熱辣辣，夠曬入味之餘肉質又夠嫩滑，底下還有大豆芽，大滿足！ 配老火湯、油菜 招牌風味蠔仔煎鴨蛋（$78）一份一大的，蠔仔新鮮肥美，配上鴨蛋香口惹味，一口一口便把整碟KO了！ 韭菜豬紅（$48）滷水汁香香的，豬紅滑溜，韭菜翠綠爽脆，配上潮州辣油最正！ 蠔仔肉碎粥（$33）有別於一般潮式蠔仔肉碎粥，一般吃到的都是泡飯的，但這個是綿滑的粥，香綿夠香，不錯！

行到餓餓地，沿路邊行邊覓食，經過尚品餐室，已經有好香好香既味道，所以決定一試。一睇餐牌已經係花多眼亂！我同友人兩個人都諗左陣先可以決定到叫什麼，我們點了碗潮汕肉碎雞粥，腐乳炒通菜同埋風沙椒鹽九肚魚。潮汕肉碎雞粥：碗粥好正宗，好有潮洲粥嘅感覺，同埋用料十足，而家好難食到咁正宗咁足料嘅粥！好好味，我同友人好輕鬆就將成碗粥食晒腐乳炒通菜：份量同賣相絕對唔惹少，啲汁好多好好味，炒得好入味，食每啖通菜都有腐乳嘅香味，我同友人真係食到完全停唔到。風沙椒鹽九肚魚：唔係好多地方食得到，見到呢度有得食當然要叫啦！風沙椒鹽九肚魚絕對沒有失望，一定一定要點，一咬落去係皮薄完全唔會覺得太厚粉，九肚魚非常滑，非常值得推介。而且呢度份量十足，大大的一碟九肚魚，但實在太好味喇，我同友人全部食晒。尚品餐室確是驚喜之作，佢小菜之外仲有雞煲同火鍋，下次會同多啲朋友黎試下個雞煲

聽其他人講深水埗區多特色風味的自家食店，所以就黎尋下寶啦！果然俾我尋到！哈哈！潮汕肉碎雞粥大碗夾抵食！價錢公道，兩個人食都夠呀！用料十足，好多雞肉同肉碎，加埋煲到棉棉得黎又有米粒飽肚感的粥底，超級入味！配埋香葱等的調味，好食到不得了！風沙椒鹽九肚魚必食推介！係我食過最好食的九肚魚！魚肉嫩滑鮮甜，外皮炸得好薄，真材實料！加上落足料，完全吾鄙吝的椒鹽，風味十足！食到停吾到口，成碟清哂！腐乳炒通菜超大碟！勁抵食！通菜又夠青綠新鮮，咬落好爽口！加埋重料腐乳爆炒，少少辣得黎，多多滋味！好正！

最近食多咗住家飯所以少咗好多外出吃飯，通常冇人煮飯嘅話我都係出去食飯！原來係深水埗西九龍中心對面對正就有一間食中式菜嘅餐室，叫做尚品餐室。裏面啲格局都好似普通茶記，不過都有啲似我之前同屋企人去食嘅私房菜。好似酒樓咁一樣有比人洗餐具嘅服務，我太早來食飯所以真係冇咩人，始終香港人都係夜鬼，六點左右邊有人黎食晚餐架？一睇呢個餐牌就想叫海南雞，同時都配有老火湯，蠔油時疏同埋雞油嘅飯。另外加多杯凍檸茶就要加＄8，原來呢間餐廳夜晚係冇熱飲嘅，不過正常人係呢個夏天嘅晚上都會想飲凍飲啦！成枱嘢食＄76抵唔抵就見仁見智，至少一個大男人食完都覺得非常飽⋯不過海南雞就唔係非常似海南雞，味道比較似白切雞，不過口感一樣滑嫩，少咗海南雞嘅風味，可以點上蔥油汁更添風味，另外都有一個燒味豉油真係睇吓個人口味啦！另外果一碟油菜就係菜心，整得比較爽，時間剛剛好，加埋蠔油就豐富返小小。個老火靚湯到真心唔錯，裏面有有紅蘿蔔同埋青蘿蔔，豬骨同埋豬肉都佔好大比例，好足料，雖然唔知道有冇味精，但係飲落去好清甜好香！雞油飯都係不得了，雖然有少少乾身，不過雞油嘅香味真係好夾食海南雞，好好味，不過好快就會食飽，我咁大食都竟然有d食唔晒添

如題，見到呢度好似物都有得食，應該總有款岩自己既就試下天時熱熱地，食飯好似太full ，就叫左碗蠔仔蝦球粥，一碗都唔平架，要39。不過個料好足，抵反晒粥好綿，咸道剛好，蠔仔唔算話細只，有八只到，不過蝦球好大只！有四五只，咸咸到，奄過黎，好彈牙爽口。仲有冬菇片，甜甜地，加埋莞西葱，好香！鹵水雙拼有好多種俾你揀，牛展同豆腐係我既選擇！個底係芽菜，份量好多。鹵豆腐夠滑，有微微既鹵水味。牛展入味，厚切，有“趙”口。點解話呢度多選擇？因為佢有雞煲、豬肚雞、小菜、鹵味、海南雞飯、西式焗飯等。應該會揀到自己杯茶！深水埗食市多，要吸取客源真係要落多啲力，多啲花款先得！呢度職員幾友善，食物都唔錯，會再黎食！

行行下落大雨，就搵間餐廳避下雨，順便食晚餐。間餐廳係正西九龍中心對面，可能早，唔多人，門口貼住唔同餐牌，價錢唔貴，好多野揀下，有潮州野，小菜，又有西式焗飯。叫左海南雞飯同鹵豆腐。海南雞飯有湯、蠔油菜、飯同主角海南雞！其實呢個餐幾多野，食唔晒甘濟，好飽。要讚下個菜芯，水"law"熟，無落油，夠健康。佢好爽口，唔會林晒，又唔會太硬。蠔油味淡，唔咸，剛好！個雞好嫩滑多肉，點埋個醬油同疆葱，好味！一碟份量差不多有半只雞，有成只脾！今日個湯係雞腳花生，足料，無味精！鹵水豆腐外邊炸過，硬硬地，內裡夠滑。入味，有鹵水味。豆芽墊底，鹵水汁落晒去，豆芽都有鹵水味。睇反openrice ，原來間餐廳新開，整體唔錯，可以黎試下

近日Pokemon Go 熱，我和男友不斷遊走各區尋寶🙈上星期，等埋男友美孚收工後，就去深水埗尋寶同搵食，順便去康瑞涼茶食糖水！路過呢間茶記，見菜式幾多款，就入去試下！餐廳位於西九龍對面，位置十分方便。我地叫左海南雞飯、蠔仔肉醉粥、蠔仔煎鴨蛋。海南雞飯個餐一到，我就給那份量嚇呆了！套餐有切雞、油飯、烚菜同老火湯。切雞仲係脾位添，口感幼滑，有雞味；配上香口的油飯，令人垂涎，油飯內有少許薑粒，增添味道。老火湯十分足料，有豬骨、蕃茄、薯仔、蜜棗、南北杏，好似住家湯水。我因為感冒初癒，所以就叫了蠔仔肉醉粥。這個粥真係唔話得！粥底原來有秘方，有好重海鮮味（應該有魚、蝦）。蠔仔肥美，份量都幾多，仲有少少魷魚粒添！吃著吃著，鮮味的味道令剛病好的我胃口大開！33蚊絕對是物超所值蠔仔煎鴨蛋，我實在大喜愛食蠔所以又叫左個有蠔仔既菜式XD蠔仔依然肥美，鴨蛋較用雞蛋更濃味！鴨蛋煎得香滑又香口，店家用了少許芫茜墊底，一起吃感覺好清新！總結：呢間餐廳性價比高，在味道上亦十分細心！讚！（毒毒的我倆仲係餐廳捉到精靈，不亦樂乎）

星期五晚，浪子約了一些久違的九龍區朋友到電腦商場閒逛，晚上就到了附近找好吃的。友人說想吃打冷，又記得欽州街附近有一間好吃的打冷，誰不知去到一看卻發現已改名。既然也是做打冷的，也沒所謂，即管一試。三個人叫了幾個小菜。餐牌的內容頗多，我們也研究了一段時間才拍板叫餸。先來的是墨魚片皇三拼。以墨魚片為主軸，再任選兩個餸。我們選了豬大腸和豬肚。墨魚片是白色的，不是常見有染成橙色那種。非常爽脆，厚砌的口感也非常不錯。豬大腸經浪子細心研究，清潔得很好，沾少許酸醋十分好吃。豬肚則略為稔了少許，沒有想像中那麼爽口。椒絲腐乳通菜，很大碟，炒得香，菜也不算嫩。是一碟非常稱職的菜。蠔仔肉碎粥。粥是潮州粥水，材料豐富，淡淡有料。而且配少許胡椒粉，味道出眾。這個一窩的粥份量足夠分到八碗左右的份量出來，算很抵食。最後到了戲肉。青芥辣炒牛柳粒。非常惹味，青芥辣撈得很均勻，牛柳粒很稔，吃下去非常好餸飯。友人請客，每碟餸的價錢不好意思記低，但以上這麼多東西才不過$340左右，以一間入鋪的打冷鋪來說是非常抵食了。總結：值得再去。