陳勤記鹵鵝飯店 (Closed)

星期二的晚上，七時三十分到達，嘩！下層全滿。上樓上，嘩！一個人都無，隨便坐。想坐下之際，發現一隻反了肚的小強，唯有坐另外一張。其實都不會有任何不滿，亦不會意外。只要不是用小來伴碟就可以。兩人吃了滷水鵝，蠔仔粥，魚。鵝肉不錯，算嫩滑，可惜滷水味太淡，真的頗淡。蠔仔粥鮮甜，難得的是不含味精，加上脆脆的大地魚乾，野味，有口感。個人認為，如果可以再加一點土魷，味道更佳。魚味道不是特別侍出，也沒有不及。

卥水鵝飯是不錯的選擇, 加上豆腐乾及菜圃非常惹味. 但是太細碟, 不夠食. 如果可以的話, 我也不會再來.雖然好味, 但份量太細. 在上環來說, $22已經可以食得幾好而且會飽. 雖然我偶爾都會好想去, 但一想到不能滿足我的食量, 我又不想叫2碟, 便使我不願再去. 另有一小道消息, 其實某些伙記都不是太友善(可能是上了年紀的關係), 我上次去食的時候, 有一食客不知道叫伙記加了幾多次汁, 不過應該不會加汁加到變湯飯咁誇張卦(因為個碟好淺, 不能載咁多汁)? 某伙記就係度嘈啦…唔係咁好老皮咁話: 你加咁多汁, 我真係加你錢! 個食客就好無奈咁解釋, 因為佢唔鐘意唔夠汁撈飯. 場面勁尷尬. 不過, 講句公道說話, 兩個都有唔. 我坐係度食飯, 都覺得幾好笑!

來了2次, 一次食蠔仔粥, 一次食卥水鵝飯蠔仔粥($20)很足料, 蠔仔有指甲般大小, 咬爆後蠔味在口中爆發, 無沙洗得幾乾淨. 其實不是粥, 是湯飯, 很香的芫茜味, 在碗底加了少少特別的像炒辣椒的碎料, 添了層次無咁寡.卥水鵝飯($22)卥水鵝又軟又滑, 不太咸味道適中, 可惜比較凍, 兩條菜心也凍了, 也仍然是脆的爽口的. 另加幾條蘿蔔, 整體很不錯.特別推介:蠔仔粥

我今年七十餘(興幸還懂打電腦), 回想六十年前, 每星期晚上十一時代家人到潮州巷第一檔陳勤記買鵝宵夜, 那時大多人都是早上七八時開工,十時十一時計收工(現今打仔多幸福, 不要再怨天尤人了), 孩時感覺鹵水鵝非常美味,不知是懷舊還是美味, 到今天還常到陳勤記買外賣,應該是一甲子不變了, 對陳勤記的食物實在有感情,到其他店舖的鹵水鵝實在不對口味,只不過店舖太早關門, 潮州巷那時午夜十二時後還車如流水燈如晝, 人頭人湧湧呢!

介紹一個非常好味及價廉物美的食法，買一個鵝頸回家，不用加汁,叮半至一分鐘，鵝頭(是鵝頭)的滋味簡直是天下無敵，勝過鵝任何一部份，幫趁陳勤記多年，覺得勤記的鵝頭美味是其他所謂鹵水專家所遠遠不及的!不信?請花費二三十元試試,所費無幾!

食了蠔仔粥, 第一口感覺己不同, 好好味. 還叫了個外賣肉碎粥, 但放太久回家啲湯己被飯索哂!下星期會再來試其他的!

跟朋友到此開餐，其實一早想試下，但係又冇人陪我黎，今日終於可以試下啦。叫左一個and鹵水鵝飯。首先講鹵水鵝飯，ok啦，味道唔係太突出，反而佢個飯有菜莆同豆腐乾，辣辣地幾好味，個飯係得呢2樣吸引我去食。至於蠔仔肉碎粥，呢個真係好好味，蠔仔夠多同好肥美，美中不足係有d沙(真係dd唔多囉)，同埋佢本身都有落ok多胡椒粉，味精就應該都有少少，因為食完之後都有d口渴。下次會再黎食多次，而家諗返起都想食。

手頭上仍有多個食評正打算跟大家分享，但如題一樣先要為這食肆的食評打尖插隊，因實在太激動了。自已一個人來這帶交代一點東西，打算處理完後馬上離開，但路過這食肆店外時記起OR內不小有關這食肆的正面食評，見肚皮還有空間，二話不說坐下來先算。其實可選的菜式很多，滷味、潮式粉麵、牛丸墨魚丸四寶丸…；但以筆者首選相然是蠔仔肉碎粥多香菜，此看似簡單的潮州粗食反而可見食肆真將。好在客人不多，不用五分鐘一碗即制的熱辣辣蠔仔粥馬上上檯；一看，蠔仔夠肥美，而香菇、方魚、大頭菜等的食材很足，而要求多加的香菜亦真係夠多。先嚐一口湯底，是以豬骨煲出來的清湯，而帶辣的胡椒味是絕對匹配；再試蠔仔，沒有苦澀味，沒有沙礫，鮮甜，而肉碎食出是用新鮮豬肉做成的，到此已經相當滿意；而粥底是正宗的潮州粥底，嚐一口混雜了多種食材的粥，五味氛陳，真是一面食一面搖頭，完全想象得到如電影食神裡家燕姐說以後再不能品嘗到暗然消魂飯的落幕心情。這碗蠔仔粥絕對滿分，但食肆環境就相當唔掂，小蒼蠅四處亂飛，檯面地方不太干淨，但店員招呼就不俗，客客氣氣，而跟應該為這裡的少東閑聊時亦相當投契，而左影右影亦無任歡迎；另以這個價錢的一碗蠔仔粥是相當超值，故日

食友問有沒有好味的滷水，什麼是好味，她又答不出，一行三人來到陳勤記，看看是否她心目中的滷水。臨收舖，只剩鵝髀，大叔問買幾多，$70?嫌太多，只要了$50，反正出到來$50同$70大概差不多。$50一碟鵝髀，肉質談不上好嫩，但呢個日子，算交到貨，而滷水味道薄而純，唔錯。食友生飛滋的關係，見她隨便的吃了碗潮州粥及鵝髀，那味道，不知是否她想要的答案。

幾年前是陳勤記的常客,午飯多數會外賣鹵水鵝飯,還記得無論鵝肉,汁同配菜都是一流好味~今日剛好在經過附近,打算去重溫一下令人回味的鹵水鵝飯..結果很失望...在午飯時間過後到,只有3 檯客...2個人,叫2個鹵水鵝飯($20),一碟菜心($10),一細碗豬肚粉腸湯($16)...鹵水鵝飯最令人失望..是否因為午飯時間已過,結果飯只是微暖, 鵝又凍,鵝肉很淡沒味,以及又乾...整碟飯只有配菜"菜甫豆腐乾"依舊有水準...豬肚粉腸湯反而幾好味,湯料又好味~ 菜心也不過不失吧..唉...又少了一處食好鹵水鵝的地方..

食lunch, 叫左鹵水鵝片反加涼瓜湯, 鵝片夠滑, 非常正. $26, 自覺好抵. 凉瓜冇搾, 湯夠味...總括黎講好好味....

之前睇雜誌介紹過陳勤記，就同同事去左買外賣返公司慢慢嘆！蠔仔粥- 蠔仔肉鮮甜，冇沙，洗得好乾淨...鵝片- 一個字...正魯水拼盤- 大腸一絕好入味，而且唔會太乾好彈牙，還有鴨翼、魯水蛋、豆腐九菜鵝紅- 而家好難係香港搵到鵝紅食，第一次食感覺好鮮嫩好滑，同豬紅及雞紅口感完全唔同，值得一試

又約左食友有野傾，見近排食得飽飽滯滯，就決定來這裡吃潮州粥。一點鐘，如常的去了上層，但一個人客也沒有，不過不到一刻鐘，又全層坐滿。叫了鹹牙帶及菜甫煎蛋，以及潮州粥，簡簡單單就算。等得耐，但食物還是不錯的。鹹牙帶是打冷良品，亦是魚飯的中堅份子。煎香了的牙帶，肉結實，骨少而粗，吃落鹹鹹香香，醮豆醬，用來下潮州粥，十分不錯。一碟有三件，十五蚊，非常經濟抵食。也有人客會叫廚房煎熱才吃，不過個人而言，還是覺得凍吃比較可口；菜甫蛋亦精彩，煎得熱辣辣又微脆，用上了鴨蛋，口感結實，吃落又特別香。雖說要吃得清淡，但面對美食，還是一口一口的不停的吃。一碟菜甫蛋有三大塊，盛惠30蚊，又係抵食又好食。地方是十件如一日的惡劣，地下微滑，環境一般。服務又一貫的麻麻，如講了十幾次要白粥，阿姐還問「蠔仔粥下馬？」，結果等那兩碗粥來影相，等到差不多雙眼反白。而菜色雖然簡單，但竟然前前後後都要等了四十分鐘，眼見左右隔離遲來早到的都食飽，我們還在等，都幾離譜。難怪隔離檯的阿姐在落單時不忘吩咐「唔好漏單！記得要快！」，看來下次要照講。埋單53蚊，吃得飽飽，平得發笑，食物有水準，還會再來。

同d同事黎食,叫左2碟飯+蠔餅1.鹵水鵝片拼墨魚: 鵝片冇咩特別,不過墨魚幾好食2.四寶飯: 一般3.蠔餅: 好油,不過尚算ok

最近城中牽起藝人食店嘅話題，所以我都趁吓熱鬧。尚興對我嚟講就貴咗啲。咁我同阿K決定嚟陳勤記，順道同我一個做律師嘅好朋友食飯。環境:好老實講，都幾陳舊，對我咁大份嘅人嚟講，坐摺椅就辛苦咗少少。味道:潮州蠔仔粥一定要試。一入口就有一肢清新嘅芫茜味，稍為咀嚼吓就會發現粥入面微微嘅蠔仔鮮甜味。我地仲叫咗鹵水鵝片拼墨魚同咸菜豬肚，鹵水鵝肉質嫩滑肥美，豬肚夠爽嫩，湯底醒胃。服務:麻麻地。因為我地坐閣樓，好難叫到人來幫我地寫嘢。抵食:埋單二百蚊有找，吃得飽飽，絕對的物有所值。衛生:麻麻地。地板永遠都係少少黏黏的。