陳勤記鹵鵝飯店 (Closed)

一星期之內來了這老店兩次。第一次是偕太座前來，另一次則是和極愛吃潮州菜的同事長輩來。前前後吃了五六個菜，當然拿手好戲如蠔仔粥、蠔餅一定要打孖一齊吃。真正吃得人仰馬翻...蠔仔依舊大隻之餘亦極度肥美，一咬之下甜汁流出；粥本身下了很多胡椒，很地道。長輩吃出癮來，連下兩城。自已本身已飽得動不了，還要捨命陪君子，最後吃得肚子漲了起來蠔餅即叫即煎，未吃已嗅到鴨蛋香。煎得不油，很乾身。蠔仔份量多一點更完美，不過想深一層，是不可以太貪心了。現在要小弟再吃那些炸得油油，粉又厚的港式蠔餅，已是難若登天了...鵝片依舊嫩滑，鹵水入味，論水準始終是全港數一數二的；長輩不吃鵝，轉而叫豆腐滷蛋，味道總覺差一點兒。蛋身太硬，豆腐豆香不足。還是配鵝吃才是絕配....之前未吃過這裏的魚飯，這夜跟長輩叫了條大眼雞，水準只是普通....老實說，光只是蠔仔粥、蠔餅及鹵鵝三味，就值得山長水遠過來了....在此謝過長輩的請客...

８／４之前我同男朋友講好想食蠔仔粥呀．．跟住我地就搵左呢間陳勤記食．．雖然對我地元朗人黎講係遠左ｄ．但有個很好既男朋友願意同我一齊去食．去到上環．兜左好耐．終於見到間鋪．入到去有種好臭既味．令我好作嘔．不過坐多２分鍾就冇咩．．我地叫左個蠔仔粥中．岩岩好２人份量．ｄ蠔仔好大隻．．．好正．．．之後叫左個鵝紅．幾滑．．再叫左個鵝片．．好好味．．不過點好食都唔會喜歡我頭上個冷氣係甘的水．

想起好一段日子沒有吃潮州菜, 人就不由自主地來到陳勤, 二話不說, 就要了一碗蠔仔粥和鵝片.蠔仔粥依舊的好味, 湯底依舊的胡椒味, 大大粒而飽滿的蠔仔, 吃起來相當滿足夠鵝片也是一貫的水準, 入味而且很香.這麼價廉物美的蠔仔粥, 真的是在香港也很難找到第二間了.

1-9-2008天氣又再悶熱悸焗起來, 自己只食得落一碗蠔仔粥, 結果好自私咁拉了朋友陪我0黎呢度. 叫了細碗 ($28) 肉碎蠔仔粥, 而朋友就 (又) 俾佢的至愛豬頸肉吸引了, 0黎個鹵水鵝豬頸肉飯雙拼飯 (好似 $38).試了一小件鹵水鵝, 鹵水汁十分香濃, 肉就好腍滑入味, 幾好食! 不過朋友就覺得另外0個幾件鵝唔入味, 反而豬頸肉仲好食咁話. 另外要提, 呢碟雙併飯幾少(食送) 0下, 汁亦唔多夠, 睇0黎叫一碟淨鹵水雙併再一人一碗飯/粥會好 d?而我的肉碎蠔仔粥, 就幾鹹及十分強烈胡椒粉味, 胡椒粉味係勁得有點吃不消, 不過 d 蠔仔實在肥美飽滿, 鮮到不得了; 加埋少量肉碎及大量冬菜, 芫茜, 唐芹, 好食! 而且夏天食特別正, 值得試試.環境同屋企樓下 d 潮州菜館一樣地 mou, 衛生麻麻, 阿姐態度亦麻麻, 不過既然食物先係最重要, 是但啦. 而且 $30 有找, 仲想點?

冒全城最掂蠔仔粥而前來一進店一股"潮州味"撲進點了大眼雞,蒜頭白菜仔以及必點既蠔仔粥大眼雞難吃到不得了非常的乾,非常的怪白菜我稍嫌鹹了少許而蠔仔粥很好吃蠔很多 也很入味但我不是expect這種味道的因為我是懷着全城最掂既感覺不過它的確是比一般既蠔仔粥好吃

成半年冇食陳勤記了, 和媽傾食乜, 一時興起, 跳上 10號巴士, 直達門外!六點三來到已幾滿 !本想叫鵝片, 但媽突然話要食滷水腩肉, 我又被她甜言蜜語 氹到俾佢叫黎食.另叫了全城最強必吃蠔餅,及一條人人有讚冇彈的大眼雞.滷水當然保持一貫水準.全城最強必吃蠔餅我不在此多講了, 其他成員已講得好清楚~魚真的好味, 點的醬也正宗, 下次試下烏頭先.見到老闆年紀不輕, 但仍行來行去, 樣樣都親力親為, 單是這熱誠已令我感動.再加上無敵好味道, 合理價錢, 我係有讚冇彈既!勁多人哎外賣, 以前好像冇咁多, 是奧運的原因?

個多兩個月之前一嚐這裏的自醃酸菜及鹵鵝，驚為天人，但就偏偏未吃過被譽為最好吃的蠔仔粥。今日專誠响覆診之前早點過來吃吃...粥的size分大中小。一心來吃的，當然起碼要叫中的。只吃粥固然不夠，再來個韭菜鵝紅才夠喉...一望便知對路。蠔仔大大隻，身形漲卜卜的。一咬落口甜汁流出，至佳享受也....若果冬菜及莞茜再下多一點就更是完美。但這已是自己吃過最好的一碗最好的蠔仔粥...豬紅就吃得多，鵝紅就較少機會吃得到。這裏的做得質感極滑，值得一試...真的邊寫邊吞口水。天時暑熱，恨不得飛車過去，再來一大碗蠔粥

22/7 星期2 晚, 6.30 pm 去到, 叫左:1. 蠔餅 我比較欣賞鬆脆身既蠔餅, but 呢度係偏身既，　食落覺得好飽肚，　唔知係咪粉多？仲有食到蠔殼2. 鹵水鵝片併掌翼好正呀，鵝軟熟，掌翼爽．3. 沙爹牛肉芥蘭ｄ　牛肉都幾好，沙爹汁都ｏｋ，　but 佢既　芥蘭唔夠熟，　生生地4. 蠔仔粥蠔仔好鮮味，　好食 total around $200** 有冇人可以話我知邊度至可以食到正宗潮州蠔餅呢？　聽講正宗潮州蠔餅係要鬆脆, 廟街既蠔餅就夠鬆脆啦，　不過太少蠔仔．．．

昨天朋友W還建議我到這家陳勤記試試鹵鵝。反正離辦公室不遠，欣然往這裡一試。店子不是很大(後來聽到侍者的對答，才知到後面/樓上別有洞天)，由於已差不多滿座，我選了最近門口的一個位。可是這個位不是十分好，因為頭頂就是門口的冷氣機風口。(可想而知有多大風!!! 我把餐牌放在桌上也能吹起。)本來想貪心一點，問可不可以四寶飯加鵝? 侍者搖頭。那只好點一碟鹵鵝飯。賣相是不錯的。但是為甚麼會用酸辣豆腐作為伴菜呢? 兩者的味道不配的啊........。好的，既來之，便吃之。 鹵鵝本身肉質不算得上很好(基本上比鴨"鞋")，但是用鹹淡適中的鹵水煮過後，挽回不少分數。 可惜，儘管如此，飯還是頗硬和凍，這點有點失分。應該和頭頂的冷氣大風有關。果然"風"味十足的一個午餐!!!!!結賬的時候，見到開始多人排隊了。其實，真的這麼好吃嗎? 看來，要再來多一次，才能真正下結論。

已有足足八年無到過陳勤記,這次全因在MSN上面,得知友人B想吃其鴨蛋蠔餅,即刻勾起味覺,相見不如偶遇,即晚就地正法.周日休息,但紅日照開,七點左右來到,地下已經差不多滿座.小弟差不多要坐到出街.兩個人也沒有所謂.雖然友人講明要吃蠔餅,總沒可能只要蠔餅嘛,一窩蠔仔粥,再一碟鹵鵝拼鵝腸,差不多了.再叫多一味恐怕也吃不下.很久沒有吃過飽滿的蠔仔了,這個蠔仔粥內的蠔仔,童叟無欺,每一粒也肥美鮮甜多汁,粥底夠鮮.很有水準.用鴨蛋做的蠔餅,當然比雞蛋香得多.陳勤記的鴨蛋蠔餅,賣相麻麻,但吃落蛋味香濃,外身香脆可口,在蛋內的蠔仔,依舊保持飽滿多汁之狀態.實在出色.廣東人用燒,潮州佬就用鹵去對待鵝肉.無論一年四季,也能水準如一,不同燒鵝也要分清明重陽前後.除鵝本身之外,鹵水亦是潮式鹵鵝的命脈,一窩幾十年歷史,味道濃厚,充滿著生命力的鹵水膽,絕有點石成金之力量.這夜的鵝片,鹵得非常軟熟,鹵水味芳香醇厚.配角鵝腸肥美爽脆,下面的豆腐,索盡鵝同鹵水的精華,最後吃到碟底朝天.每人只用區區幾十塊錢,換來花上幾十年的心血結晶,絕對值得.

其實up up dup dup 既,不過如果你唔太緊張環境,this will be a good choice!鵝片真係好食, 不過厚左少少,鵝翼都正, 少少提議大家唔好點沙爹牛肉芥蘭牛係un既...蠔仔粥好有胡椒味, 好好味

有食友覺得廟街的炸蠔餅好吃，我始終較喜歡潮式的煎蠔餅。說起煎蠔餅，毫無疑問，這裡是本地數一數二的選擇。在凍冰冰又雨綿綿的周三夜，與一眾朋友飯聚，訂了位，坐進了樓上雅座，只得我們一檯人，幾夠私隱又幾有私房菜feel。菜色價錢便宜，叫多幾味也不會吃窮人，大家也喜歡什麼叫什麼，吃完什麼好吃又再追加，吃得不如意又一起鬧，幾高興的。最好吃的始終是煎蠔餅，賣相一般，在在座朋友說自己也煎得比這裡好。但吃起來是香噴噴的，用上了鴨蛋去煎，是寧舍不同的。而蠔仔也大隻鮮甜，賣相不好，純粹鴨蛋下得不夠了，記得幾次午市來吃，也都是又厚又鬆又香的。吃煎蠔餅，仍然是這裡好，我說的；鵝片用墨魚來併，是日的鵝片鮮嫩軟熟，鹵水味夠香，也很有水準，墨魚雖然彈牙甜美，也給比下去了；另一碟鹵水菜菜則來個三併，分別是紅腸、豬頸肉及五花腩。只有紅腸最正常﹝紅腸會幾唔正常？﹞，豬頸肉肉質太腍，而五花腩又廋多肥少，肉質太韌。可幸其鹵水汁仍然美味，墊底的炸豆腐可真受歡迎；要了條大眼雞，肉質鮮美又實淨，點上濃濃的豆醬，相當對辦又美味，以魚飯來說，也真的很正宗。曾經在某九龍城的潮州舖吃到跟蒸魚無異的所謂魚飯，這裡的才像樣子；也有遜色的菜色，

點了鵝拼豬頸飯鵝好鞋﹐汁無味﹐碟太細﹐放得飯來送差的跌落檯豬頸一般﹐得幾塊28元﹐好過它的潮店大把﹐真不明為何這麼高分

昨天中午經過此處見門口那麼多的報紙雜誌報導就一時衝動進去試試叫了個中的蠔仔粥$33沒想到端上來的是一陀陀的飯團在一碗蠔仔湯裡雖然是潮州粥但也要把飯粒煮分開吧!還有鵝片併鵝腸$75既然出名的是滷汁應該鵝片會好好味但實際上鵝片又硬又沒味道除了鵝腸很脆還可以之外實在令人失望~

到上環搵潮州野食,唔會失望,因為有好多高手林立,,陳勤記係其中之一!我地食左鹵水鵝片,煎蠔餅,蠔仔肉碎粥,沙嗲牛肉芥蘭,白粥數碗!最好味係沙嗲牛肉芥蘭,其他幾樣都唔錯,煎蠔餅油唔多,幾好!蠔仔肉碎粥d蠔仔肥美,粥有"鐵布"味!正宗!!沙嗲牛肉芥蘭個沙嗲汁好香,好好食,鹵水鵝片鹵得入味,都好好!粥係潮州粥,所以d米煮唔爤!有水準!