饞。台式食堂 (廈門街)

Open Now

Now Closed

下晝兩點幾肚餓，就走去食多個tea，係廈門街搵到間大份夾抵食嘅餐廳。🍜牛肉麵（$78） 牛肉煮得好腍身，麵線都有吾少份量～ 最開心係仲有白蘿蔔同埋紅蘿蔔，煮林咗索晒啲湯汁幾正。🥬肉燥青菜：呢度應該起碼有兩株的生菜～ 上面嘅肉燥都係半肥瘦再切細粒，有心機。肉燥上面仲有少少炸蒜片🧄 少少脆卜卜，惹味。所以$30其實都真係幾抵食。🍋蜂蜜金桔檸檬～ 夠晒大杯，而且仲可以揀蒟蒻球或者椰果～ 地址：灣仔廈門街31號

呢日去利東街睇新年燈飾🏮發現隔離街原來有台灣麵食正正想又飲台式飲品🥤岩晒～🍛《 饞三寶 - 鹽酥雞滷肉飯 💲76 》鹽酥雞外脆內軟，滷肉汁香味濃～仲有青菜、酸菜、粟米同滷豆腐～🍜《 饞三寶 - 台灣牛肉麵 💲96 》牛肉麵(原味)湯底清，牛肉好嫩，麵質感偏腍；仲有紅蘿蔔、蘿蔔、酸菜同青菜～🥤跟餐💲18 《 茉香奶茶(凍, 仙草, 少甜) 》🥤跟餐💲18《 白桃烏龍(蒟蒻球, 少甜, 走冰) 》免費有得加配料又幾好🆓～ 🍢《 炸花枝丸 💲30 》粒粒炸得漲卜卜，配上甜醬，灑上淮鹽好香口～ 店員有禮貌～

係灣仔囍帖街附近搵了間價錢較親民嘅台式餐廳解決晚餐。⭐️鹽酥雞香腸滷肉飯配料都幾多下，有鹽酥雞、香腸、滷肉、酸菜、豆腐，可以將所有鍾意食嘅台式小食一次過食，好滿足。鹽酥雞炸至金黃酥脆，滷肉有濃郁口感。⭐️肉燥青菜肉燥的肉末醬汁濃郁，搭配上清爽的青菜。⭐️人參蛹蟲草花膠烏雞湯係自熱原盅燉湯，但店員會熱完先拎出嚟。個湯好足料，有人參、蛹蟲草、花膠、烏雞、杞子，好滋補。跟餐加配會平啲，好過飲其他凍飲，養生啲😂。

又就黎農曆新年啦，今年繼續去咗灣仔買年花💖買完路過呢間饞。台式食堂見到餐牌幾吸引🤓就同屋企人入去食啦❣️饞食堂半筋半肉麵牛腩炆得入味軟腍，肉質一啲都唔柴🤩牛筋大大條，滑嘟嘟充滿骨膠原🥰有一大嚿好甜嘅白蘿蔔同朔晒味紅蘿蔔🤤鹽酥雞香腸滷肉飯鹽酥雞炸到外脆內Juicy，台式香腸配埋生蒜片一齊食勁惹味🤓滷肉調味鹹甜適中，撈飯一流🫶台式榨菜都有一大堆，最欣賞佢有配埋生菜😛炸物拼盤呢個小食拼盤勁豐富😌有爆餡嘅雙色地瓜QQ球🌟外脆內軟嘅府城蝦卷🌟爽彈嘅椒鹽花枝丸🌟煙煙韌韌嘅椒鹽甜不辣🌟蜂蜜金桔檸檬味道酸酸甜甜夠晒開胃🫶白桃烏龍陣陣白桃香嘅烏龍茶配上微甜嘅椰果😛

每次Lunch經過呢間台灣餐廳門外總是企滿等候進餐嘅食客不過唔洗好耐就可以入座QR落完單．上菜都好有效率揀咗其中兩款三寶系列✨台灣炸滷排骨飯豬排好入味再配上滷蛋．豆腐．生菜輕輕將酸菜同粟米粒同米飯搞拌均勻啖啖滋味✨台灣牛肉麵口感軟腍嘅牛腩．以6小時慢火熬煮滷香十足．亦唔會太鹹如果鍾意食辣，仲可以選四川麻辣✨蒜片台灣香腸切成一片片嘅香腸放上蒜片一齊食更好味點少得台式茶飲✨珍珠奶茶✨抺茶珍奶冰量同甜度都可以接個人喜好指定珍珠口感軟糯．有嚼勁

位於灣仔廈門街的饞台式食堂，裝修走木系風格，乾淨又明亮。繁忙時候挺多人挺受歡迎。🌿藥燉排骨麵 + ☕️荔枝風味椰果紅茶 $90藥燉排骨有好重藥材味，湯底甘甜順口湯頭濃郁。排骨炆得恰到好處，肉量挺足，刀削麵條也十分Q彈，每一口都是滿足。🍗酒香花雕麻油雞麵 + 🧋茉香珍珠奶茶$84一上枱就聞到好香花雕酒香味和台灣黑麻油味，食慾一下子刺激起來。雞肉嫰滑入味，湯底值得整碗干掉。🌭最佳拍檔$68小食拼盤有鹽酥雞和烤台灣腸，新鮮炸起的鹽酥雞十分酥脆，外酥里嫩。雞肉香味瞬間充滿口腔。台灣香腸外皮酥脆，內餡飽滿，配上蒜片一起吃讓人欲罷不能。📍饞。台式食堂 🏠灣仔廈門街31號地舖⏰11:30 - 21:00🚙港鐵灣仔站B2出口，步行約3分鐘

平時lunch time路過成日見呢間排晒隊，今日入去試吓先。呢度單點食物可加配小食、飲品或湯。🤩香香雞柳滷肉飯同鹽酥雞唔同，炸粉相對薄，雞柳長條型，容易進食。配料有滷肉、半隻滷蛋、滷豆腐、酸菜同埋青菜，十分豐富。🤩酒香花雕麻油雞麵湯底有濃烈花雕酒香同麻油味，麵底選用幼麵，易於吸收湯底。🤩黑松露花膠土雞湯燉湯好有驚喜，個膠碗可以自熱，非常方便外帶。飲完成個人都覺得好滋潤😊🤩府城蝦卷蝦卷沾上泰式辣醬，味道特別。🧸評分：🧸🧸🧸🧸4/5

最近同朋友去左灣仔一間台式餐廳，唔單止價錢相宜，仲好好味，CP值好高👍🏻呢度既半筋半肉牛肉麵好值得一試，牛肉牛筋煮得好腍滑，，麵條又掛湯，真係一個絕配！湯底濃郁，牛肉味道十足👍🏻鹽酥雞滷肉飯真係好抵食！只係$58！鹽酥雞炸得香脆，外脆內嫩，滷肉又入味，飯粒飽滿，仲有粟米、滷蛋、滷豆腐！真係十分之豐富😍雙色地瓜QQ球煮得軟綿又有咬口，外面裹埋一層脆皮，一口咬落去，甜而不膩，口感豐富最後，珍珠奶茶既珍珠Q彈有口感，奶茶香濃又滑順，真係一個正宗嘅台灣風味😋呢度地點方便，鄰近地鐵站，而且員工友善，服務態度好，裝修亦令人覺得好舒服，一定會再幫襯！

今日午餐又同同事過咗灣仔搵食，咁啱食飯前傾偈講去台灣旅行，所以晏晝行咗去食台灣菜。同事話之前嚟過呢間餐廳食覺得唔錯，所以我哋去咗這間餐廳食台灣菜。我們叫了一份主食，然後加咗珍珠奶茶同一份小食share嚟試吓。台灣炸滷豬扒飯 個飯一嚟到都比佢個份量嚇一嚇到，塊豬扒大過個碗。件炸滷豬扒味道很香，因為先滷水後炸所以豬扒咬落很有肉汁，最喜歡吃台式酸菜用酸菜撈飯已經夠晒正。滷肉拌刀削麵滷肉份量好多肉味香濃，而且滷肉係帶甜味嘅，所以用來拌面十分搭配，成碗麵嘅份量十分足夠，基本上食完超級飽。蒜片台式香腸超愛食台式香腸因為味道甜甜，餐廳將台式香腸煎到外皮十分之脆咬落好似食脆皮腸咁食到停唔到口芋香珍珠奶茶偷偷試飲咗同事的芋香珍珠奶茶，芋頭味香濃奶味十足，而且珍珠煮到軟硬適中唔錯。白桃烏龍茶蒟蒻爆珠我自己叫咗白桃烏龍飲，味道唔會太甜，最喜歡吃蒟蒻爆珠咬落口感十足，茶味香濃，十分喜歡

「饞。台式食堂」陸續在香港開了多家分店，今天來離利東街不遠的灣仔店。餐廳有兩層，座位不會太逼。🍜饞食堂半筋半肉麵牛肉麵是台式餐廳必試的料理，足料的牛肉與牛筋，配上纖細的麵條，一旁還有青菜與酸菜，看上去非常可口。牛肉軟嫩入味，牛筋彈牙有咬勁，麵條彈牙份量十足。湯頭帶有些滷汁，味道甘甜清爽不會過鹹。🍚饞三寶台灣炸滷排骨飯一整塊香酥金黃的炸排骨，看上去很誘人。排骨非常厚實，外酥內嫩相當美味。飯用的是台灣米，口感與香氣都很貼近台灣道地食物。🍗小份鹽酥雞主餐加20元可以有份小食，份量還挺大的，外皮酥脆肉質細緻的鹽酥雞，鹹香的口感，讓人一口一口停不下來。🥕椒鹽甜不辣單點的小食份量超大份，甜不辣十分彈牙，外皮撒上胡椒粉，嚐起來香辣爽口。

今日下午在灣仔吃下午茶。這家餐廳店面不大，是吃台式快餐。⭐️香香雞柳滷肉飯這道菜以香香雞柳、手切滷肉、滷蛋、豆腐、青菜、酸菜和玉米等多種食材組成。從外觀上看，這道飯菜色澤誘人，令人食指大動。雞柳嫩滑，滷肉也不乾柴。⭐️饞食堂牛肉麵這道湯麵以精選牛腩為主要食材，加入了白蘿蔔、紅蘿蔔、青菜和酸菜等配料。牛腩在經過長時間的慢火熬煮後，變得軟嫩可口，湯頭入口很順，充滿了滷香的味道。⭐️人参蛹蟲草花膠烏雞湯自熱湯買一送一，很抵飲。有人參、蛹蟲草、花膠和烏雞湯，用料足，滋補養身。⭐️黑松露花膠士雞湯雞湯味道清淡一些，但材料也很足，值得一試。

最近又發掘到公司附近有間台式餐廳吾錯😋 半筋半肉麵, 有原味同四川辣味+$2，湯頭好香，忍吾住系咁飲😂入面有幾大夠牛腩，已經炆到好入味，牛筋都炆到好淋，仲跟餐加左$18 嗌左杯珍珠奶茶❤️最佳拍檔～呢個小食拼盤有鹽酥雞+烤台灣腸，鹽酥雞炸到十分酥脆，新鮮炸起。台灣腸配埋蒜片食真系好好味😋雙色地瓜QQ球💛💜 好得意啊，每次去台灣夜市見到都一定會食，呢度嘅地瓜球好煙靭，好有口感，入面真系有地瓜蓉，吾會好似食咁空氣咁👍🏻

餐廳：饞。台式食堂地點：灣仔廈門街菜式：台灣野餐牌：幾款麵，飯，小食，原盅燉湯，茶飲。用QR code落單。牛肉麵 $78牛肉麵湯底我揀左原味，仲可以加$2揀四川麻辣。原味湯味道唔錯，完全唔油，感覺好正宗。有牛肉三舊，算腍而啖啖肉，仲帶少少筋位。個麵係陽春麵，幼身又有咬口，都唔錯。配有唔少生菜，紅白蘿蔔各一舊，同好多甜甜地既鹹菜，另外灑上蔥花，蔬菜份量都好多。台灣炸滷排骨飯 $59台灣炸滷排骨已經切好6大件，肉質超淋，帶唔少肥膏，有一件連骨，面頭灑上白芝麻粒，味道好入味，送飯一流。配有滷豆腐一片，滷蛋半隻，生菜，鹹菜同粟米粒，下底係珍珠米。鹽酥雞 跟餐加$20鹽酥雞一客六件，雖然唔係熱辣辣，不過炸皮好脆，肉質都算嫩，味道鹹度剛好。蜂蜜金桔檸檬 跟餐加$18蜂蜜金桔檸檬可以免費任選一款蒟蒻球或者椰果，我揀左椰果，下底真係有好多椰果，面頭一片桔仔，我叫左少冰。味道清甜帶微酸，加上爽口椰果，正！抹茶珍奶 跟餐加$18抹茶珍奶我叫左少冰同微甜，果然係微微甜，抹茶味淡淡地，珍珠都算煙韌，飲落都好滑溜。我加$1要外賣杯，飲唔嗮可以邊行邊飲。今餐食物質素都可以。餐廳裝修光猛新凈，座位及格。

來到灣仔當然要款走利東街啦，每一份節日都佈置得非常有節日感…欣賞完後都會有點肚餓，就比我找到旁邊廈門街中的台式美食「饞。台式食堂」。店內以簡潔，以木色為主調，讓人心情放鬆，食得輕鬆。凍炭燒烏龍奶茶+仙草奶茶口感順滑，陣陣烏龍香，再有清涼彈牙口感的仙草，令整體口感更豐富。鹽酥雞滷肉飯鹽酥雞炸至外皮酥脆，內裡多汁嫩滑，滷肉口感鬆軟，甜中略帶點鹹，真的一吃就愛上。半筋半肉麵來到台式店，點都要食個牛肉麵，他們更有半筋半肉可選擇，牛肉軟腍濃郁，牛筋脂香滿口，濃郁入味，味道豐富。雙色地瓜QQ球他們還可配上小食，其中地瓜QQ球口感彈牙綿密，煙靭香甜，帶來非一般的滋味。

行經灣仔囍帖街附近原來呢區都有呢間台灣餐廳嘅分店店舖唔算很大，但環境乾淨舒適食物熱辣辣．有水準✨ 鹽酥雞香腸滷肉飯兩種台灣小食，融入滷肉飯之中每粒米飯都沾上 滷肉和滷汁加上滷蛋同酸菜令味道更豐富✨ 滷肉拌刀削麵台灣拌麵好出色加入粒粒入味嘅滷肉配上粗身且幼滑嘅刀削麵．充滿嚼勁✨小份鹽酥雞追加鹽酥脆，外層香脆炸得乾身唔油膩✨ 牛奶雞蛋小油條呢款小食即叫即炸好少地方食到有點似港式油炸鬼又酥又脆，充滿蛋香味✨ 抹茶珍奶 ✨ 珍珠奶茶揀咗兩款台式飲品都加入珍珠軟軟糯糯嘅珍珠，粒粒分離．口感Q彈冰量同甜冰仲可以按自己需求選擇