Video
Payment Methods
Above information is for reference only. Please check details with the restaurant.
假期到了啟德新地標行下，啟德零售館有三期，食店確實唔少，轉了一圈決定食“茶東西”。店內幾濶落，環境不錯。兩點多來到，午餐還供應，亦快有下午茶了，心大心細唔知點咩好添。⭐雙色芝士咖哩牛腩煲仔焗飯朋友先點了一個咖哩飯，原個煲仔焗，上面嘅芝士香噴噴，而下面嘅飯亦有飯焦嘅焦香，咖哩汁唔辣的，牛腩軟腍，飯炒底，整體唔錯喎。⭐北海道男爵薯餅跟餐加配嘅薯餅，以為一份得一塊，原來一份係兩塊嘅😋即叫即炸外脆內軟，有薯仔香，好好食。⭐茶記鹹牛肉炒蛋熱狗配德國薯仔沙律再嚟叫咗個熱狗包，上面嘅炒蛋又嫩又滑勁正喎，條腸仔仲有芝士拉絲添🤤薯仔沙律個人覺得偏淡，可以落返少少黑胡椒調味。⭐芝士安格斯牛肉漢堡配美式炸薯角另外點咗漢堡包，入面夾住牛肉漢堡扒、蕃茄、生菜同芝士，醬汁係千島醬，咬落多汁又鮮味，好食喎🤤差唔多全場嘅人都係嗌漢堡包下午茶餐，睇下佢幾受歡迎就知好食啦。⭐雪糕西多士最後就係share食嘅雪糕西多士，西多士厚身，中間夾咗吉士醬，上面仲淋咗大量朱古力醬，加埋溶咗嘅雪糕又香又甜好好食。不過都真係幾甜，個人建議兩個人以上share食會好啲😆⭐凍檸樂 & ⭐即磨咖啡凍檸樂係原罐上加檸檬冰底，即磨咖啡啡香奶滑，好飲！食下野傾下偈，再去新場館打個卡先😎
continue reading
［📍啟德｜茶東西］放工經開啟德，望吓附近有咩食，原來除咗airside，零售館呢邊都好多唔同餐廳，今次揀咗呢間茶東西試吓，呢度環境好闊落，裝修好靚，想簡簡單單食個晚餐，呢到係個唔錯嘅選擇。佢哋嘅港式鐵板餐好抵食，百零蚊就有，仲要有湯有嘢飲。紐西蘭草飼頂級西冷好大塊，好有咬口，而且牛味好濃郁。法式免翁牛柳相對比較鬆軟，肉質軟腍啲，配埋蒜蓉汁，非常惹味。另外要讚下，佢地既薯條驚喜地咁好食，非常新鮮熱辣，炸得好脆身，又唔會炸過龍，值得食！另外仲嗌咗個火山烏冬，一黎到係岩岩滾起咁熱，出哂煙好熱辣辣。湯底有三款，今次揀左豆乳雞白湯，湯頭味道好濃郁，調味啱啱好，配埋大蝦球同廣島蠔嘅鮮味，冬天黎食最適合不過。呢到用既烏冬係偏粗身的，煙靭口感嘅烏冬，每一啖都好掛湯。🥩紐西蘭草飼頂級西冷 $148(🍟炸薯條 另加$20）🥩法式免翁牛柳 $148(🍟炸薯條 另加$20）🦪廣島蠔蝦球火山烏冬 $88📍茶東西九龍城啟德承啟道38-39號啟德體育園啟德零售館3G樓M3-003號舖
continue reading
茶東西位於九龍城啟德體育園。見餐牌好啱食同抵，所以入去食晚飯。天氣好凍，係出面行到好凍，見到餐牌有喜燒美國板腱牛肉，所以立即必點。牛肉片薄而均勻，保持著柔嫩多汁。與贊岐烏冬和蘭王蛋相伴，好美味。 非常好又可以追加肥牛，滿足到我呢個牛魔王。屋企人嘅紐西蘭草飼頂級西冷牛排，鎖住肉汁，外焦裏嫩，配以特製醬料，更顯層次豐富，是本店招牌中的翹楚。兩個餐可以升級套餐，有前菜和餐湯。另外加小食北海道男爵薯餅，鹿兒島國產豚肉餃子和七味椒鹽雞中翼，北海道男爵薯餅，金黃酥脆的薯餅，內部綿軟香甜，好香口，推介。鹿兒島國產豚肉餃子，皮薄餡足，優質豬肉。餃子的每一口都能感受到豬肉的緊實與調料的完美融合，再蘸上特製醬油，那是一種無法言喻的美味體驗，體現了日式料理的精髓。七味椒鹽雞中翼，炸至外皮金黃酥脆。雞肉的鮮嫩與香料的辛辣相互交織，形成了獨特的風味，讓人回味無窮。飲品白桃檸檬汽泡茶和熱情果多多梳打好好飲。食物質素好好，性價比高，職員服務又好好會再encore ！！
continue reading
今日同豬終於去咗啟德體育園-啟德零售館行街😍竟然見到平時食開既「茶東西」餐廳🍴，冇諗過呢間分店係呢一種風格🫢 以淡粉色為主打，少女味十足🤗環境好大，坐得好舒適，最特別係中間有棵大樹做裝飾，牆上掛滿可愛的畫，燈光柔和～同樣提供中、日、西美食，選擇種類不少👍🏻蘭王蛋煲仔焗芝士牛肉肉醬意粉🍝呢個煲仔焗肉醬意粉🍝真係好少見，由於採用咗蘭王蛋，所以蛋黃夠黃兼味道濃郁😻配上番茄🍅及不少牛肉碎的味道，不甜不酸非常夾，口感及層次提升～意粉煮得恰到好處，掛滿不少肉醬醬汁🤩非常美味🤤吉列豚肉扒北海道咖喱蛋蓋飯🥘賣相好吸引🤩吉列豚肉扒相當大塊😮 炸到脆卜卜～炒蛋亦相當大塊，蓋滿整個白飯👀仲有不少配菜～咖哩🍛可選擇甜咖哩或辣咖哩，而小妹就擇咗甜咖哩口味，香濃多汁，味道好似日式餐廳提供既甜咖哩味道👅好食到停唔到好😙芝士安格斯牛肉漢堡🍔配德國薯仔沙律🥗表面睇看似份量唔多，但食到落口絕對感受到真材實料，中間夾咗一塊芝士🧀新鮮番茄片及生菜🥬當咬落漢堡🍔時，味道滲透咗係安格斯牛肉度，好味到難以形容👅配埋德國薯仔沙律🥗🥔份外好味😋薯仔🥔面仲用上魚子做配搭～北海道男爵薯餅（追加）🥔一共兩塊薯餅，炸至金黃色，食落口同樣香脆唔油膩，香氣十足，內涵非常鬆軟😬乾果營養燕麥杯（追加）🥣當凍食甜品😝 燕麥杯非常足料，上層舖滿不少乾果及堅果🥜 甜度適中，燕麥內除堅果外更有新鮮的蘋果粒，健康又美味🤤水果茶🥤一上枱見到呢杯水果茶全部用咗新鮮水果製作而成，用料十足，甜度少甜，飲落唔會覺好甜☺️只係少冰仍感多冰🤣熱柚子茶☕️茶好濃郁，杯底內有不少柚子，同樣足料😆整體黎講呢間餐廳🍴好新，環境坐得好舒適，價錢合理，重點係食物份量多，絕對係推薦餐廳🍴之一🥰
continue reading
💖 茶東西 (九龍城)✨九龍城啟德承啟道38-39號啟德體育園啟德零售館3 G樓M3-003號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️之前喺行街嘅時候見過呢間餐廳，建議有人喺入邊打緊邊爐🍲，我覺得好吸引，所以就同老公🐻❤️講話有機會一定要嚟試吓🫡，不過上openrice睇呢間餐廳係屬於茶餐廳/冰室😂，細心睇原來個餐牌啲嘢食都少少茶記feel，不過係西式版。-香蒜牛油煙三文魚鍋燒飯🥘 $88+$20乾果營養燕麥杯口味 +加15蘭王蛋呢個飯好OK ！唔會好鹹，唔似胡椒廚房嗰啲咁鹹👍🏻，蘭王蛋已經打咗喺煙三文魚嘅上面，一拮爛隻雞蛋🍳就有少少似火山爆發🌋咁嘅感覺，都幾壯觀😋。煙三文魚嘅份量好多，而且仲有勁多芝士打底🧀，每一啖都勁邪惡🤩另外要大讚佢嘅燕麥杯😝，本身好多堅果已經好正‼️點不知竟然入邊仲有蘋果🥳，好爽口又夠甜！壽喜燒美國板腱牛肉鍋配讚岐烏冬及蘭王蛋🍲 $108+$38追加肥牛火鍋嚟講呢個價錢我覺得係幾抵食😍，老公🐻❤️話呢個壽喜燒湯底唔會好甜，啱晒戒緊糖嘅佢🥳，有得揀配白飯定係烏冬，佢就揀咗配烏冬😆。初頭以為牛肉味道唔會好濃，點知肉味都幾重，有驚喜🫡，除咗牛肉可以追加之外雜菜都可以追加，如果鍾意食菜多啲嘅你就可以再加多一份啦🥬-七味椒鹽雞中翼🦴 $58唔知有冇朋友仔都係雞翼fans🤩，通常如果雞翼係小食嘅話我都會叫嚟試吓😌。今次呢個炸得好好，外面脆脆，入邊仲充滿肉汁好Juicy😙-鹿兒島國產豚肉餃子🥟 $58+$20美式炸薯條🍟。呢一個餃子，唔會好似平時拉麵店嗰啲煎到個皮乾晒👍🏻，亦都唔會話好油😌我唔錯！每隻餃子嘅肉餡都好多😎。另外薯條香脆可口，啱晒偶爾想放肆嘅我😝-薄荷伯爵檸檬茶🍹 +$9有少少薄荷檸檬茶，都幾特別喎飲起上嚟比平時更加清爽🧊加$28就可以升級套餐‼️有精選前菜+精選餐湯＋熱飲😆今次嘅前菜就係蜜糖芥末炸雞粒，有四粒咁多！幾抵🤭，另外餐湯就係羅宋湯，好足料！
continue reading