茶語

Open Now

Now Closed

今日去大埔搵朋友，探完朋友就喺附近搵嘢食，在我朋友家的附近，有一間台式餐廳，經過這間台式餐館門口，原來我很久沒有食過，今日決定買外賣回家品嚐，入到餐廳細看周圍，這裏的裝修別樹一格，看來很有色彩，而且餐廳地方寛倘，空間感十足，地方整潔，適合三五知己來聚一聚，而且店員也很有禮貌，看一看餐牌，有很多東西我都很想食，我叫了外賣，點了一個酥炸豬扒肉燥飯，本身個飯量都多，肉燥係食到粒粒嘅肉碎，汁比較多，可以用來撈飯食，而酥炸豬扒，表面炸到金黃色微焦，食入口豬扒表面卜卜脆，肉質軟嫩，容易咬，有相當質素，仲有隻滷水蛋，每樣餸都好好味還點了一柸珍珠奶茶，飲一口珍珠奶茶，奶味濃，茶香醇，混合一齊飲甜度也適中，加上粒粒珍珠，煙煙韌韌，口感十足，食完盒飯，再加上柸珍珠奶茶，今餐非常滿足

大埔區內台灣菜除左連鎖店，仲有呢間位於昌運中心外圍既餐廳，中午時段好受學生歡迎。門口不算太起眼，所以食客多數是區內住戶。假如你知道旅遊sim卡舖仔既位置，就會見到餐廳。套餐價錢不太貴，肉食配搭為多。而且免加一，包一杯指定台式飲品。曾經堂食過份量非常多，好幾次食都吃到撐。我呢個慢活又細食既人當然外帶回家，煲住劇吃。留意外賣盒要收$1，用料厚實又可以微波，值得清洗翻用。炸物方面就用上吸收濕氣的紙盒。唔好以為紙盒就易變形，開合處三邊附扣位好穩固。呢度既小食比較吸引，外帶回家20分鐘後依然脆口熱烘烘。芋泥波波糯米脆皮香甜，芋泥饀幼滑。整粒滿是芋頭味，我覺得比放題餐廳更高質。滷水雞翼jumbo size, 有我手心般大小。滷料的甜鹹味道平衡，咬到中間見到滷水已滲透雞肉中，但又不至叉起便骨肉分離。看似平凡的肥牛肉燥飯，牛肉用燒肉汁煮過，十分下飯。肉片沒有筋，肥瘦度還好，重點是牛肉份量嚇人！肉燥不是正宗台灣滷五花肉的顆粒，而是濃稠醬汁配肉末，甜甜的頗適合香港人口味。蝦卷特別配上新鮮醬汁，是一個濃蒜味的甜豉油，組合醒神。蝦卷見到有蝦膠及菜粒，不錯不錯。跟餐免費既珍珠奶綠茶味幾出，尾隨係綠茶的青澀口感，

啱啱去完一田行街已經好攰就喺附近睇吓有乜嘢外賣可以買返去食行到去附近就見到呢間台式餐廳就俾佢門口啲香味吸引住似乎係酥炸雞扒味道所以就買返屋企試吓蜜糖花之丸 炸到金黃色,而且仲好大粒,入口非常爽口彈牙,用蜜糖混合墨魚,令到味道提升一個層次, 食到花之丸入面有墨魚粒,無論口感同味道都做得非常好👍🏻酥炸雞翼肉燥飯,雞翼炸到好香脆,食落口仲係好juicy多汁,雞肉口感比較嫩滑分量都好多,配埋肉燥飯一齊食真係好開胃,好惹味五香牛展肉燥飯,牛展肉質非常結實,因為脂肪比較少所以肉質比較硬,但係牛肉味好香濃,而且仲係整到好入味,因為自己比較鍾意食牛肉,所以好鍾意呢個牛肉飯酥炸豬扒肉燥飯豬扒炸到外酥內軟,酥脆的外表肉汁內裏好豐富而且豬扒係偏大塊肉燥又多最適合鍾意食肉嘅我珍珠奶茶珍珠口感非常煙韌,奶茶的味道好香滑,兩者配合一齊調教得啱啱好。百香果綠茶 作為一杯果茶入口感覺好清新,而且味道好豐富,百香果酸酸甜甜,真係又解渴有清爽

食物和飲品👍🏼。常食肉燥飯、豬扒、鷄翼和肉燥米粉都好味。珍珠奶茶味道正常唔太甜，珍珠亦唔會好甜。環境一般，座位有點窄。但某啲員工態度有待改善，基本禮貌都欠奉👎🏼👎🏼

今日特登去大埔接男朋友收工，順便去嗰度附近行吓街，原來大埔商場都好多嘢行，行咗一陣就好想搵啲嘢食下，因為好少嚟大埔所以就上OpenRice望吓，喺附近見到一間台式嘅食品店，見到啲食物同埋價錢都幾吸引所以就去試吓，因為嗰日有啲晏，所以嗌外賣返屋企慢慢嘆。蜜糖花枝丸 外表炸到金黃色，打開蓋已經聞到香味，入口非常酥脆，而中間有啲墨魚粒，爽口又彈牙，而且墨魚味好濃，加上有少少蜜糖味，味道更加有層次。甜不辣呢個甜不辣好少地方有得食，食落口都幾過癮，煙煙韌韌，中間嗰啲就好似魚蛋，都好爽口彈牙，加埋面頭嘅醬汁味道都幾特別，好味酥炸豬扒肉燥飯豬扒份量非常大，仲大過我隻手板，豬扒炸到好酥脆，肉質軟嫩，口感緊致而且有咬口，外面炸到香酥薄脆，加上肉燥嘅味道調校得非常好，入口肉質鮮嫩，配飯食一流，好似去咗台灣食肉燥飯。好味鹽焗雞絲肉燥飯雞絲用鹽焗嘅方法，除咗可以令到肉質更加嫩滑，而且鹽嘅味道可以令到雞味更加突出，而且雞絲嘅份量仲要係好多，伴肉操一齊食，味道同口感都非常之好。食台灣嘢最緊要就係杯飲品，香芋珍珠香芋嘅味道好香濃清甜，加上淡淡的茶味，兩者配合得好好，絕對唔會太甜，我好鍾意飲，其次值得推介嘅就係黑糖珍

下午茶時間，同朋友行完一田去到附近嘅昌運中心，發現呢間台式小店有好多下午茶套餐選擇，好似幾吸引咁。入面位置唔多，假期下午茶時段差不多滿座，牆身有好得意嘅卡通壁畫。餐點方面，下午茶套餐同午餐都可以點，而且價格好親民。五香牛展米線非常之大碗，牛展份量都唔少。湯底係比較清淡的，所以可以食到牛展本身嘅味道，加埋少少台灣酸菜，幾開胃。 牛展煮得好腍好入味，而且米線軟硬度適中，比較掛湯，整體味道唔錯。迷你肉燥飯呢個係下午茶餐，細細碗飯，但肉燥多到可以鋪滿成碗飯，d汁非常濃郁而且帶甜味，撈飯真係一流。 另外仲有一碟小食，我點左涼拌雲耳，加左醋同蒜蓉，酸酸甜甜咁，又好爽口。芝士肉鬆蛋餅呢個係推介小食， 蛋餅煎到熱辣辣，入面芝士溶溶地，食落有拉絲效果，而且加埋肉鬆，咬落有少少脆口，好正。珍珠奶綠、柑橘檸檬我非常喜歡呢個珍珠奶綠嘅味道，茶味比較清，整體唔太甜，而且珍珠食落有Q彈感。

今日去咗大埔行街，行完街就去搵朋友，差不多晚飯時間，肚子有點餓，走咗去買外賣去朋友家進食，經過這間店舖是買台灣美食，因為疫情關係，已經好耐冇去台灣旅行，為咗滿足下自己對台灣美食的慾望，就決定今晚食台式美食，佢哋餐牌選擇都不少，最重要佢係有晚餐set平均都係$70左右一個小食，滷肉飯，樣樣台灣風味，好似好正樣樣都想食呀，但見佢主打應該係滷肉飯所以我哋都叫返個，試試佢，招牌肉操飯果然好好味，我哋分別買咗負責豬扒肉操飯，味道夠，就啱啱好，送飯一流，好味道，仲有半隻滷水蛋，雞蛋帶有少少鹹味做到好入味豬扒炸得金黃食，食一口，豬扒表面炸到卜卜脆，微蕉金黃色，肉質有口感，食落口啖啖肉，加上他自家秘製的醬汁， 十分惹味，醬汁香辣加上白飯一齊食，好味道手撕雞飯每一淡雞肉入口嫩滑，食落好清淡，完全冇味精，加埋啲肉碎一齊食更加好味炸豬扒開頭怕佢偏柴口，乾身，但食落完全唔會，反而覺得佢唔會用好多粉炸而他的白飯是選用珍珠米的每一粒都很圓而且食落口有口感，同平時食開嘅米飯有分別，而肉燥也很好味，豬肉碎又唔會太肥，食到停唔到口，實在太好送飯💕，仲有少少雪菜肉絲喺旁邊又係送到飯今餐食得太飽了，價錢仲可以配埋小食叫咗個

大埔有咩好野食? 大埔係有好多好野食!係咁多好野食既地方揀食咩都有難度今次就去左小店茶語買外賣試一試-首先叫左個鹽焗雞絲肉燥飯配珍珠奶茶 ($60)鹽焗雞係用左雞脾肉 啖啖肉又夠滑 唔錯珍珠奶茶茶底濃奶夠香 加埋我最愛既珍珠煙煙unun-五香牛展肉燥飯配蜂蜜綠茶 ($63)又係啖淡肉之選 牛展好入味加埋肉燥飯好正蜂蜜綠茶偏甜 但因為係用蜜糖既關係感覺上係比較滋潤-炸燒賣 ($21)炸燒賣本身唔夠地方有賣每次見到我都會必叫因為真係好好食如果即場食應該會更好食

茶語 (大埔)大埔安慈路4號昌運中心地下77號舖第一次經歷買完外賣之後～返到屋企樓下發現冇鎖匙入門口😵‍💫要喺樓下公園坐低食外賣盒🥡好彩有美食相伴安慰下我心靈😹特級肥牛肉燥飯🥘 $60肥牛份量超多～差唔多覆蓋左半個飯盒！肥瘦適中～牛肉唔會韌身～牛肉味濃！牛肉底下仲有一大堆肉燥！肉燥醬汁唔會過鹹～送飯一流！滷水蛋都醃得好入味～食完半隻想食多半隻😍😍青瓜拼雲耳 🥙（原價$28，晚餐加配小食$23）雲耳同青瓜都夠晒爽口～拌上酸甜醋～超級開胃！小編鍾意用醋多過用麻油～感覺食落健康啲！蒜汁時菜 🥬 $24菜心份量幾多！而且唔會煮得過淋！喺出邊食菜好怕一係太生「硬骨骨」～一係就淋到黃晒！台式蛋餅 -芝士 🌮 $34蛋餅好驚喜！有三個口味選擇，分別係煙肉，肉鬆同芝士！食嗰陣發現流心芝士就覺得揀得冇錯！流心芝士加上滑蛋餅～邪惡得來好好食！薄餅皮唔會比餡料整到濕笠笠～值得讚賞！杞子菊花茶 🌼（晚餐餐飲+$5）食完邪惡野～唯有控制下慾望唔飲台式飲品～揀個養身之選～杞子菊花茶加咗蜂蜜～啱晒開始轉涼天氣！等個人可以潤一下！

又係同朋友出去食飯嘅時候喇😊好似好耐冇食台灣野，又未食過呢間，咁就去試吓啦😋😋今次叫咗兩個主食再加兩個小食😌仲有2杯野飲，食到超級飽😂埋單都唔使$200，真係平靚正🤪🤪介紹番啲食物先😉酥炸豬扒肉操飯🐽超級足料，大大碟，肉操味道正，如果啲飯可以硬返少少就仲好😝豬扒做到外脆內軟，好味😋佢仲附送左一碟秘製醬汁加大豆芽，用點豬扒食，又係另一個風味😛鹽焗雞米線（加辣椒油）🍜又係大大碗，雞肉滑，食落滲出淡淡鹹味，食麵又點少得辣椒油呢😌😌重點推介佢個辣椒油，呢個唔係普通嘅辣椒油係有少少麻辣嘅味道，唔係好辣但就有好香嘅花椒味，令到碗米線生色不少🍜鹽酥雞🐔炸得好酥脆，唔會太油膩，上菜時候仲俾埋味椒鹽你，可以自己調味☺️咁就唔怕會太鹹啦😋黃金芋圓波🍡極度推介🤩🤩🤩鍾意食芋頭既你一定要嗌，外皮炸到好脆，裏面超多芋泥，重芋頭味，而且煙煙韌韌，好好味😋飲品分別叫左乳酸綠茶🍵同香芋珍珠，2杯都好味，係台灣既味道丫😍😍總括嚟講呢間都係值得推介嘅餐廳😌如果想食台灣野就去試吓啦😉

趁假期同小朋友們去遠少少玩，食完午餐再去海濱公園不過有人又指明要食肉燥飯，小朋友對肉燥飯的偏愛已經去到每星期要一次；所以搵下車站附近有冇台式餐廳結果發現這間親民街坊小店餐牌不花巧，好快便揀到心水食物📍酥炸豬扒烏冬豬扒炸得酥香，肉質唔韌，份量又多，絕對可以滿足大胃王哥哥的胃口湯底鮮味，哥哥連湯都埋📍鹵水雞翼肉燥飯雞翼滷得入味，肉燥份量足，餸飯一流📍臺式蛋餅雖然現時台式餐廳成行成市，但蛋餅這些較花功夫的小吃，卻不多見；這次選了基本的肉鬆口味饀料份量多，餅皮煙韌有咬口，食落有層次整體不算油膩，但比預想之中要飽肚📍蒜汁油菜冇影到相，但個蒜汁真係好正👍🏻👍🏻📍黑糖仙草凍（+$10）埋單$188，餵飽3個人，都幾實惠🤩

今晚突然想食下台灣嘢，食吓肉燥飯，飲番杯珍奶🧋所以嚟咗呢間茶語買外賣返屋企食，開咗咁耐都係第一次試。Menu比較簡單，主要都係幾款肉燥飯同米線，仲有啲小食同飲品。我哋兩個人點左兩款飯，一款小食，兩杯嘢飲。滷水雞翼肉燥飯肉燥嘅份量都OK，足夠撈哂成個飯。雞翼就冇乜太特別，係正正常常嘅滷水雞翼。反而個滷蛋有少少驚喜，滷得幾入味。酥炸豬扒肉操飯炸豬扒幾好食，炸粉唔會太厚，幾香口，點埋個辣汁就更加好食。黃金芋圓波都幾鍾意食呢個芋圓波波，裏面嘅芋泥甜甜地，食完一粒會想再食第二粒。胚芽珍珠奶茶🧋買咗忍唔住即刻試試。飲品size唔係好大，但又幾足料。裏面有唔少胚芽，珍珠超級Q彈，口感一流，奶茶唔會太甜，整體非常唔錯。乳酸綠茶乳酸同茶嘅比例啱啱好，清新解暑。

琴日去左大埔行街搵到一間雖然係大街但唔太顯眼既台式餐廳但餐廳主打街坊價錢 又大份又抵食所以我同朋友就決定試試佢😍員工服務好好 好有禮貌我地叫左米線同豬扒飯 再加追左2個小食🌟鹽焗雞絲米線 $50追加小食-炸燒賣 $20份量真係好大碗米線唔會乾身 軟硬適中雞絲都好嫩滑 而且舖滿哂成碗配埋雪菜既香味 加上濃湯味道 震撼味蕾 值得一試 🌟酥炸豬扒飯 $52追加小食-炸豆腐 $20佢係台式個種炸豬扒所以豬扒香脆之餘又唔油膩亦冇好厚炸粉既感覺炸豆腐香口香脆 配上特製醬汁好入味 仲瀰漫著豆腐本來既香味🍹免費餐飲-乳酸綠茶好濃乳酸味 第一次飲乳酸配綠茶飲品有意想不到既味道 仲可因為幫助消化🍹黑糖仙草凍 +$10仙草凍係我最鐘意食既甜品苦得黎又帶點甜配落飲料到 真係可以消暑推介指數：8/10

通常最簡單嘅食物就係最好食，10個唔同嘅家庭就會煮出10種唔同嘅味道。好難先會煮得唔好味，不過要煮得好味就唔易。係昌運中心地下，十分之方便。所以去買個外賣番屋企食。lunch menu 唔算太貴，學生menu 會再平d鹽水雞絲肉燥飯$59 有野飲好大碗，d 雞絲好香，肉燥味道夠哂正宗五香牛𦟌肉燥飯貴小小 $62 都係有野飲跟牛𦟌好多，爽口，自家出品。蝦肉春卷$28 跟餐價春卷正常，可能堂食會再熱d 新鮮d不過跟果個汁好正，小辣，好開胃。個汁夠哂你點，可以留起佢再食。簡單嘅一餐，但水準十分之高唔算貴，大埔又有一間餐廳推介

今日要去大埔做嘢專程入去食個late breakfast先第一餐唔想食得咁油膩咁大份眼見周圍都係粉麵飯之際俾我搵到依間食台式料理嘅餐廳有蛋餅食呀雖然呢度主要都係食肉燥飯不過我係衝着台式小食而去嘅餐廳入面有兩幅好可愛嘅壁畫小食嘅款式選擇超多首先當然係要食我最期待嘅蛋餅台灣有好多早餐店都係食蛋餅㗎而香港有得食嘅地方都唔多我揀咗芝士肉鬆雙拼餅皮少少脆口 咬落煙韌蛋漿偏厚所以好快就飽😆佢落咗大量芝士 但可惜芝士味唔算出所以食落好快就感覺有啲濟不過值得一讚係佢肉鬆份量都落咗好多一啲都唔吝嗇強烈建議大家要揀雙拼 如果單叫芝士蛋餅味道就會偏淡啦甜不辣 估唔到份量有咁多其實我都唔係好清楚甜不辣係咩嚟員工話係魚肉咬落軟韌有少少黏黏嘅感覺同我預期中嘅魚蛋彈牙口感好唔同但我覺得好好味😆但有少少甜味嘅而且佢喺面頭類似日式燒汁嘅醬汁唔會太多唔會太鹹非常適合我食第一餐較為清淡雲耳青瓜雲耳同青瓜 咬落好爽脆👍🏻👍🏻而且醬汁味道啱晒我口味蒜蓉味比較出 而辣味同醋味係較清淡如果雪凍啲就更加正啦飲品叫咗蜂蜜蘆薈茉莉綠茶綠茶底唔太突出 就咁飲下過下口癮係ok嘅蜂蜜份量適中 飲落舒服唔會過甜而蘆薈都幾好食 清爽嘅感覺整體嚟講