臺坊 (香江大廈)

Open Now

Now Closed

天氣有點熱, 冇咩胃口呢邊又冇咩野食, 唔想行...是但入左間店舖少少的,有點迫點了蛋餅(芝士+栗米) $45 & 珍珠奶茶$21蛋餅等候需時, 因此有點期待熱熱的有拉芝效果, 但皮有點厚, 蛋味又不重,不過,  珍珠奶茶值得一讚, 奶茶很香很滑 !! 必試

在灣仔想找台式滋味，這天下午，去到位於香江大廈的臺坊用膳。食物方面，餐廳提供飯、冷麵、肉燥拌麵、招牌牛肉麵和藥膳米線，還有各款小食、台式蛋餅以及飲品。炸豆腐肉燥拌麵的炸豆腐和肉燥分開擺放，細心安排保存了炸豆腐的香脆，值得一讚。肉燥味道香濃，用來拌麵，味道一流。飲品是小麥胚芽奶茶， 加配珍珠。這是我一直很喜歡飲的配搭，可惜現在坊間已經沒有很多地方供應胚芽，能在這裏再次品嚐這種滋味，實在令我十分感動呢。

夏天天氣非常之熱，出開灣仔，是但行入去呢間近地鐵站嘅餐廳食晏。冷氣好夠，入嚟即刻涼晒舒服晒餐牌見到都多嘢食，每份都價錢相若。位置唔係好多，人客多不過又唔使等位。我同朋友粗粗地各自食個麵。佢食紅燒牛肉麵，估唔到咁足料，牛筋、牛腩、蘿蔔，全部都大大件。我本身落單係叫手斯雞，但最後聽錯咗落錯單(?) 上咗炸豬扒，咁整咗就照食啦，都叫做錯有錯著。冇我想像中咁煎炸，唔係好厚嘅一層粉包住個種。我仲叫咗杯珍奶，嚟緊都就嚟去台灣旅行，天時暑熱特別口渴，已經忍唔住要飲珍奶好多珍珠，咬口Q彈，份量同味道唔差得過啲台式飲品店！價值上因為跟餐叫所以好抵呢基本上都好飽好滿足，大大碗，價錢係灣仔區嚟講都合理，值得一讚，食物方面完全冇嘢要彈。係位置迫窄左少少，唔方便咁大聲講嘢，不過呢度有好多單丁位，呢點都幾好，打工仔一條友食lunch都唔怕奇怪！唔使下下叫外賣。另外如果櫃桶有餐紙巾提供會更好最後飲唔晒拎走邊行邊嘆！嚟個close-up比大家睇吓！二人小溫馨個藥饍湯底好特別好香鍾意食炸嘢嘅不妨一試賣相靚，用料正

佢係我最近最鐘意嘅台灣牛肉麵店講左杯野飲先 佢個香芋珍珠真係不得了好香濃嘅香芋味 飲得出好足料 而且好滑有厚度 珍珠都煮得啱啱好 煙韌 有咬口 作為香芋珍珠嘅忠粉 意間真係100分 我個人覺得熱飲會濃味d 凍飲嘅水準就等大家試至於主食方面 我就食左牛肉麵 水準都好高 首先大大碗夠曬份量🤣🤣湯底好夠濃 食完都無口乾牛肉牛筋大大舊 同都有成五六舊 全部都炆得好冧 仲要有三舊入白蘿蔔添每次食完都好滿足見倒隔離飲蛋餅又想試 不過已經夠飽luuu~

臺坊位於灣仔站A1出口，過馬路就會見到。門口有自助售票機方便食客買外賣，對於平日的上班族，可算相當方便門口有大電視，播放著飲品同食物等照片。門口係趟門設計，點餐區同收銀都係門口收款方式種類非常齊全，現金，支持寶，八達通等等職員態度非常友善，因為今日係書展好多人黎食午餐，職員在他們排隊時送上餐廳，非常貼心周到餐廳的醬壁上掛滿食物的照片，而檯椅係用木製餐廳上有全日餐，小食同飲品，仲有台式蛋餅😋今日我點左炸豬扒肉燥飯$63，跟餐野飲$8，我點左清甜冬瓜茶，仲叫左個芝士肉鬆蛋餅$45先黎係清甜冬瓜茶冬瓜茶係我夏天消暑的飲品之一非常清甜😋炸豬扒肉燥飯肉燥醬汁以瘦肉為主食落唔肥膩炸豬扒外皮非常香脆，多汁，嫰滑😋醬汁裡有少少酸菜粒都幾清爽芝士肉鬆蛋餅😋芝士呈拉絲❤️肉鬆多❤️照燒醬汁今日人多我坐吧檯都幾舒服❤️

一向番工帶飯既我，好少出灣仔食lunch。朋友強烈推介我食臺坊（佢對食都有要求的），咁我就去試下啦。不過因為我唔夠時間堂食，所以唯有外賣番公司食。我叫咗鹽酥雞肉肉燥拌麵，份量好多，我完全食唔晒。。。性價比真係算抵。我加咗$8飲杯珍珠奶綠。完全諗唔到嘢飲咁出色，本人係珍珠奶茶控，我都不得不講呢杯嘢超好飲。首先我唔記得咗叫少冰微甜，我勁驚會全糖太甜，但一飲杯嘢係唔甜的！！我超驚喜已經好加分。第二，佢啲珍珠係有彈性嫁！！超好咬完勝對面街既天x茗x哈哈。我已經決定咗以後lunch完想飲珍珠奶茶直接係臺坊買就算haha

之前成日經過尖沙咀厚福街見到呢間臺坊，一直未有機會試，今次去開灣仔見到就揀咗呢間，我同朋友每人揀咗個麵，再跟餐叫咗杯台式飲品🌟紅燒牛肉麵碗麵上枱時係熱辣辣，望落有層紅油喺面，以為會幾辣，但食落去只係少少刺激味蕾果隻微辣，幾惹味，而牛肉份量足料，不論牛肉定蘿蔔都炆得好淋好入味，麵條都Q彈🌟鹽酥雞肉燥拌麵麵條同紅燒牛肉麵一樣咁煙韌彈牙，肉燥夠哂撈勻個麵，仲有啲菜脯增加層次，而鹽酥雞炸得幾香，火候啱啱好，雞肉仲保持到肉汁🌟黑糖仙草凍呢杯幾好飲，有茶味之餘仲夠黑糖味，仙草幾滑🌟香芋珍珠奶綠芋頭味濃得黎唔算假，而珍珠煮得幾有咬口呢間台灣野整體都唔錯，我發覺身旁啲食客好多都係去會展睇show前食，想食個快靚正嘅晚飯都可以考慮呢間

今日下午去到灣仔食台灣菜，open rice介紹睇落都不錯，就決定試一試。一入門男侍應好有禮貌問我幾位，之前安排我坐低後同我講要去收銀點餐，我要左手撕雞肉燥飯+凍珍珠奶綠走甜，通常第一次幫襯台灣野我都會叫肉燥和珍珠飲品，咁先知對比好快野食就黎，賣相不錯 試了一啖 好食喎！ 肉燥和手撕雞份量都好足 讚👍🏻 輪到杯飲品 又係好正喎 ！ 佢係大粒珍珠咬落好Q彈，真心講句比起好多手搖飲品店好飲價錢台灣菜黎講不過不失啦 $68 下次黎開灣仔 我會再試埋佢嘅麵食

經過灣仔附近，見到有一間食台灣嘢。突然間好想食鹽酥雞珍珠奶茶，所以入去試一試。舖頭雖小，但五臟俱全，見到下晝2:30已經好多人。叫咗一個肉燥鹽酥雞乾拌麵，胚牙奶綠。好快就有嘢食。肉燥鹽酥雞江畔麵，超多肉燥， $63好抵食好大兜好抵食呀👍🏻👍🏻👍🏻面頭亦有少少炸菜粒粒，食落增加口感不同層次，口感更加豐富！😋😋鹽酥雞味道剛剛好，炸得外脆內軟，熱辣辣，十分惹味！👍🏻唔錯唔錯👍🏻👍🏻👍🏻另外見好多人都食雞絲飯，下次都要試下先～～胚芽奶綠超多胚芽，即時感覺好健康，因為胚芽有豐富食用纖維素，可以幫助消化！奶綠不會太甜，味道剛剛好。整體來講，在灣仔食到$63 咁大兜又好食既十分抵食！

前排喺灣仔諗住食少少嘢就去整文件 估唔到俾我食到間幾唔錯嘅台灣野🙈餐廳都有好多款台灣美食揀 由小食到主食都好多選擇🙈•紅燒牛肉麵🐮•-台灣野又點少得牛肉麵🙈呢到嘅份量都幾大！我咁大食都差啲食唔曬😂而佢地嘅湯底都好濃郁 好香牛味 麵質仲好彈牙👍🏻牛肉都好冧身 唔係啲咬唔開嘅位•小麥胚芽奶茶🥤•-午市套餐仲有得加配飲品呢個小麥胚芽奶茶將我嘅罪疚感減輕 感覺幾健康 飲曬都唔怕 仲好香好多咬口添😆-灣仔返工嘅朋友有呢間食lunch多個唔錯嘅選擇👍🏻

今日去完會展展覽就喺附近睇下有乜食😃見到行人天橋附近有間專食台灣野既餐廳，睇落乾乾淨淨咁，天氣咁熱，仍都好想飲杯手搖😃😃我喺門口望兩望，見到價錢仲好吸引，五六十蚊一個飯或麵，仲可以半價加配飲品😄😄最梗要仲喺入面冷氣好足🤣岩哂而家炎夏入去醫肚😃😃喺眾多選擇下，我叫咗一個肉燥豬扒米線和一杯黑糖仙草凍。肉燥豬扒米線- 豬扒好大塊😄😄仲要係新鮮熱辣炸起！豬扒肉質嫩滑，有口感！配番有滿滿肉燥的米線，完全無得挑剔😃黑糖仙草凍- 真呀！ 好解渴，好岩而家天氣飲！仙草凍的份量好足，有嚼口，可以encore!下次想試下佢啲蛋餅，見到隔離枱食，貌相唔錯❤️❤️臺坊 (香江大廈) (灣仔)灣仔駱克道137-147號香江大廈地下A號舖

今日同朋友嚟咗呢一間喺灣仔地鐵站附近嘅台灣菜，餐廳位置非常方便，喺地鐵站行過去，大概2分鐘就到，絕對唔難搵！我哋晚上大概6:00到達，人流都唔算太多，可能因為早嘅關係！今次比較推介嘅嘢食有炸豬扒肉燥飯，由於唔係好肚餓，所以叫咗小飯，費事浪費食物 豬扒炸得非常香脆，非常有台灣嘅味道，咬落去亦都熱辣辣，好明顯係即叫即做！肉燥亦都做得非常好，同埋飯嘅配搭，簡直係一流！我哋呢個餐仲有半隻滷水蛋，正！朋友就叫咗花雕雞翼米線，佢大讚花雕雞翼，非常入味！仲有三大隻咁多！雞翼嘅味道非常突出，咬落去唔會有雪嘅味道！呢個位做得非常好！配埋啖啖的米線，味道非常配合！米線嘅份量亦都非常多，差啲食唔晒我就揀咗巨峰提子梳打，夏天嚟講呢一杯嘢消暑，簡直一流！非常推介，大家試吓！呢個價錢灣仔嚟講非常抵食，有機會會返嚟再幫襯 推介俾大家

成日都鐘意係灣仔搵野食，因為多小店，周圍都係美食。假日同朋友去睇展覽前，經過駱克道見到台灣小店-臺坊。店舖坐位寬敞，乾淨企理。鹽酥雞肉燥飯$63鹽酥雞炸得夠哂香口，有多舊雞件被，真係抵食。全碗飯都淋上滿滿的肉燥，撈飯真係食到停唔到口，鐘意食飯的我差啲想加飯。肉燥醬汁嘅味算甜甜咸咸咁，仲有半隻滷水蛋，夠哂豐富。紅燒牛肉麵 $65加牛筋$6食牛肉麵湯頭真係好緊要，濃濃嘅牛骨湯，要煲出蔬菜嘅甜味，咁先夠好味。牛腩亦都夠哂出入味，同埋煮得唔會太韌，另加嘅牛筋亦炆得好淋！麵都係正宗嘅陽春麵，食落軟硬適中，粗幼都好啱啱好，一匙湯連麵咁食，好好味。芝士肉鬆蛋餅$45呢個夠哂傳統嘅味道，最簡單嘅芝士肉鬆就最鐘意，好厚好大件，兩個人一人一半都好頂到下肚。冬瓜茶 跟餐價$8天時暑熱就叫多杯消暑冬瓜茶嚟飲下，甜度亦可以自己揀，健康啲叫少甜。

一個人孤獨食，我又簡簡單單搵麵食，食得多拉麵、米線，今日食台灣麵都好喎，係駱克道見到呢間台灣麵好似好好味咁喎！好，坐低睇下有咩好食先。手撕雞拌麵，有想過食冷麵，但岀面落雨又涼涼地，就叫個拌麵啦。海量雞絲，都佔左一半，好開心啊 啖啖肉。台式肉燥仲有獨特嘅醬汁，拌麵超好吃，醬汁唔會過咸，肉燥帶少少脂肪，食落更滑口。香芋珍珠奶綠，岀面大部分都係黑糖珍奶，我就好懷念呢個香芋珍奶，個味道好香，仲有彈牙珍珠，大滿足！

百香果綠茶一場嚟到灣仔 就試下呢間台灣嘢， 呢度座位舒適 購物可以全自動 佢門口有個自動購買機。 用八達通付款便可以。座位 可以對窗口 觀望灣仔人來人往的景象。 我自己唔係好識選擇 就叫咗 店長推介。店長推介佢哋最出名的 芝士 肉鬆 蛋捲。芝士味濃郁 芝士包著肉鬆 咬落煙韌 食落鹹鹹地。 蛋餅過蛋漿 非常均勻 蛋味濃沃。 一啖咬落去 煙韌。百香果蘆薈綠茶， 百香果非常之方向 一啖飲落去 果香味 透心回味。 杯底有好多 蘆薈 非常之 養顏健康。 呢度座位舒適 值得推介