Chatterbox Café (圍方)

Open Now

Now Closed

平時K11都見到呢間海南雞好似好正今日同朋友離開葵芳發現原來都有喎咁就一齊入去食吓啦我哋叫咗個二人滋味套餐有兩個主菜，又有小食又有飲品非常抵食🩵文華海南雞配香米飯呢個海南雞真係冇得頂雞肉嫩滑，仲要冇骨配埋佢嘅油飯，非常好味🩵招牌大蝦喇沙一嚟到超級香喇沙味仲要有三隻大蝦添，每隻都啖啖肉喇沙好濃味，但係又唔會好鹹推介推介🩵炸素春卷4件即叫即炸，嚟到熱辣辣入面都好足料好多餡🩵黑醬油炒蘿蔔糕（半份）有別於我平時食嘅炒蘿蔔糕呢個黑醬油味好特別食完你會想再食🩵醬油生菜新鮮嘅生菜都幾大碟🩵招牌椰子雪糕用咗椰皇嚟裝住啲椰子雪糕仲有啲沙冰雪住唔怕會溶？椰子雪糕入邊仲有啲椰絲添鍾意椰子味嘅朋友唔好錯過🩵熱有機雜莓茶，熱有機蘋果茶雖然只係茶包嘅果茶但係味道都好濃郁

大圍有個大商場圍方，今次嚟到Chatterbox Café食飯，環境裝修幾高檔，食物睇落幾精緻～揀咗一個二人餐，食物款式幾多，先揀小食，咸蛋雞翼，幾開胃～主食可以揀兩樣，精選推介文華海南雞飯，皮薄軟彈、肉嫩，有黑醬油，提昇海南雞嘅鮮味～再叫一個肉骨茶，白胡椒口味，大大嚿肉，唔會鞋口，蒜香加上胡椒味湯底，浸脆卜卜嘅油炸鬼食唔錯～健康啲食個菜，蠔油小棠菜～加配咗半份小食，黑醬油炒蘿蔔糕，甜甜地～飲品有限定飲品，椰子雪糕菠蘿梳打同椰子雪糕番石榴梳打，兩杯都透心涼，椰子雪糕幾fresh~

Chatterbox Café 個海南雞飯真係想一食再食, 而家仲要多左分店, 方便左我去到圍方都有得食!中意佢雞肉個種細嫩有肉汁既感覺, 雞皮薄得黎又香。我都係食到今次先知哩度既無骨海南雞係慢煮50分鐘, 先做到鮮嫩多汁效果, 難怪同普通既海南雞飯有咁大分別。跟個3款醬汁都比出面獨特又好味, 果然係「新加坡最佳海南雞飯」。口痕想食香口野叫左個馬來特式炸豆腐, 外脆內嫩個口感似臭豆腐, 點埋個沙嗲醬再香口D, 滿足到我胃口~食飯配杯四季柑汁幾好, 酸maymay解膩又開胃。

大圍圍方商場開幕嘅時候幾咁震撼，我都係要等熱潮過咗先好嚟呢個商場食嘢，呢度果然有好多嘢食先吸引到咁多人過嚟，朋友想食海南雞，所以今次揀咗一間新加坡餐廳試試佢！佢個二人餐都好抵食，有小食，兩個主食，一碟菜同兩杯飲品，小食揀左鹹蛋黃雞翼，好香濃嘅鹹蛋黃味！一個小食唔夠喉嘅話可以再加，另外再加左半件黑醬油蘿蔔糕，黑醬油煮得好入味，唔錯！另外主食叫咗海南雞飯同肉骨茶，海南雞好嫩滑，醬汁有齊黑醬油、辣醬同薑蓉，鍾意點咩口味都得，另外個雞湯清清地都唔錯！另一個主食肉骨茶係胡椒味，有別於馬來西亞嘅藥材味，肉嘅份量都唔少，仲有金菇豆卜油炸鬼做配菜，量多到個白飯都食唔晒！飲品方面就揀咗夏日特飲菠蘿梳打同椰番石榴梳打，兩杯都有配雪糕，炎炎夏日飲杯冰凍梳打同食到雪糕真係好爽！

今日黎到圍方食呢間新加玻菜，位置坐得好舒適。而且店員都好有禮貌，態度友善。文華海南雞飯每次去食新加玻菜，我都一定會叫海南雞飯! 雞件好滑嫩，雞皮仲會見到啫喱狀!佢附有3款醬，我最鐘意佢既薑蓉，薑味重但唔會搶辣。鐵板蠔餅見到係新出產品之一，用鐵板上，保持熱度。呢款蠔餅令我諗起台灣既蚵仔煎，不過唔同佢既，呢款蠔餅蛋皮比較厚，蛋味比較突出，仲有好多粒蠔仔。而且佢食落唔會太重油味! 班蘭蛋糕伴椰子雪糕最後叫左個甜品，好好食! 班蘭蛋糕好清香，配埋帶有少少甜味既椰子雪糕，真係prefect match。

圍方都開左呢間馬來西亞餐廳入黎餐廳嘅時候係6點左右，去到食飯時間就開始多人呀餐廳都夠大呀白胡椒肉骨茶配麵線湯既白胡椒夠曬濃呀，聞落都好重胡椒味～一路飲好暖身，就咁樣個湯底都好滋味是一字排骨肉有豆卜、金菇、原隻蒜頭個蒜頭定係一粒粒嗰啲呀，係原顆喔仲有油炸鬼，浸一浸湯底食～炸春卷小吃很棒，不會太膩，外脆內軟，酸辣醬很棒。夏日刨冰配雪糕 香濃紅豆，冰涼刨冰和雪糕，誘惑大大，非常棒！棒喔，畫上一個完美句號。

圍方真係好方便，大圍站一出就到商場，今次去之前同朋友食過chatterbox cafe出名海南雞飯度帶呀媽食飯文華海南雞飯-得獎名菜，當然必試，冇骨雞份量大，配有3款典型薑蓉，黑醬油和辣醬.雞肉嫩滑，食落啖啖肉，加上醬汁更惹味，油飯粒粒分明，濃郁帶香，小吃飯的我都吃晒成碗飯。雞湯解油膩。入面有豆腐菜絲。雞湯味香白胡椒肉骨茶—星加坡最經典肉骨茶，大量金沙骨及白胡椒，飲第一口有點辣口，但越辣與好飲，豬骨咬落鬆化，加點醬油更提升，湯有金菇，豆腐卜，另上油炸鬼。好似打邊爐咁吸幾秒入口，正呀喂。椰子雪糕-超級香口，好好味，清新，飯後甜品之選

呢排少左出post, 是關多左位家庭成員👶🏻 very very busy 拿，如果兩公婆想休息一下，可以試吓啟動托顧模式，二人世界去 chatterbox 食個晚餐，快得黎又舒服又好食😋 性價高之選今次去新開嘅 THE WAIIIIII 個間 chatterbox! 都唔少人，要排一排先入到去。THE圍呢間嘅裝修同其他分店都差不多，都係闊落舒服嘅。今次叫左佢個二人套餐另加沙嗲串燒First of all 緊係食佢個必食文華海南雞飯啦，樣子平平但係絕對好食😋雞，滑，唔肥，無骨；飯，香而不油，十分出息。然後係招牌大蝦喇沙，喇沙湯極度濃郁鹹蛋雞中翼絕對係每次必叫，鹹蛋醬充滿係雞翼嘅皮上面，仲有少少辣味，極邪惡，totally crazy but I like itttttt沙嗲串燒出乎意料地好食，燒得唔乾，10分Juicy!! 個沙嗲汁都係超讚甜品叫左個椰子雪糕，有成三球！！！好香好好味😆

Chatterbox於大圍圍方3樓， 未夠七點就排曬隊，我點了前菜：🌿鐵板蠔餅，不同於潮式蠔餅 或台灣的蚵仔煎。它由鮮嫩的蠔肉和煎蛋組成，並在燒熱的鐵板上煎烤。蠔餅外層雞蛋很嫩滑，內部則有豐富多汁的蠔肉，上面還添加了一些配菜一。主食：🌿星洲海鮮炒貴刁，它以新鮮彈牙的蝦、 魷魚、 臘腸 等為主要材料，配合辣椒、咖哩粉和香料炒製而成。這道菜色香味俱全，辣中帶香，海鮮的鮮味與調味料的結合令人食指大動。河粉炒得很有鑊氣，豉油的香味令人垂涎欲滴。甜品：🌿班蘭蛋糕配椰子雪糕，真是一個絕妙的甜點組合。班蘭蛋糕是一種以班蘭葉提取物調味的蛋糕，它具有淡淡的芳香和獨特的綠色色澤。配上椰糖，這道甜點更加豐富美味，雪糕內還有一粒粒的椰肉 ，絕對值得一試。

「Chatterbox」這不是一家普通的餐廳，佢既「文華海南雞」是整個沙田區最 delicious 和最熱門的一道菜。Chatterbox 不僅有一家分店，分店在新商場都會見到 ，成日經過都擁有滿滿的顧客。之前係k11試過這家海南雞的口感非常 tender, juicy, 完美地烹調，味道具有獨特和難忘的特點。雖然貴一些，但見大家都願意付出代價，品嘗這道美味的菜。Chatterbox 大圍市中心新開一家分店。這家新分店的設計比其他分店都要較大和豪華，帶有一股簡約的奢侈感。雖然價格有些高，但食物的味道和品質依然不變。夜晚七點幾黎到，門口都聚左幾枱人等位。新分店很快成為了區內食客和飲食愛好者的新竉。今次同朋友一齊嚟食，叫咗個套餐都幾豐富。除咗必叫嘅海南雞飯之外，發現原來佢個喇沙都好惹味。湯底超級香濃。仲有佢個鹹蛋黃雞翼超級邪惡😈😈😈😈，雖然熱氣到死，但真係唔叫唔得。不得不提嘅係甜品椰子雪糕🍨，真係超級香，絕對係一試難忘。可以話係成晚嘅驚喜。大家千祈唔好錯過

第一次去大圍圍方商場逛逛，位置非常方便，是港鐵大圍站上蓋住宅項目的基座，共有4層於去年年中開始營運，商戶大概有150間。午餐時段人流一般，我哋選了來自新加坡的Chatterbox Cafe，午市套餐都有好多選擇。星洲海鮮炒貴刁，這是一道星洲日常美食，有爽脆的銀芽、臘腸片、蝦仁、炸魚片絲、魷魚筒和雞蛋等，貴刁再加上醬汁、蒜蓉、辣椒蓉、生抽、甜豉油等，香噴噴熱辣辣，要趁熱進食才最好味。白胡椒肉骨茶配麵線，排骨份量好多比較偏瘦，但肉質仍是鬆軟，點上辣椒醬油幾好吃，還有豆卜，金菇，香菜白等配料，白胡椒湯底很香又滲透着肉的甜，但可以再濃一些就更好。餐飲咖啡一般，但係奶茶好有茶香，有回甘味。

和朋友行大圍的新商場「圍方」，想不到平日的下午都非常多人，晚飯時間，我們來到3樓的「Chatterbox Cafe 」食新加坡菜，之前試過其他分店，品質有保證。滋味2人套餐$338，有一款小食，一款蔬菜，二款主食，二杯飲品，正合有選擇困難症的我。《小食：黑醬油炒蘿蔔糕》蘿蔔糕切成細粒，香口惹味《文華海南雞飯》招牌菜海南雞果然出色，雞脾肉同雞胸肉都很好吃，附上三款醬汁配海南雞一齊食，更加滋味。隨餐還有一碗豆腐湯，油飯香噴噴好滿足。《香炒河粉燴牛肉》很大碟的河粉燴牛肉，超多的醬汁令河粉完全入味，牛肉軟腍好吃，濃郁滋味。《醤油生菜》生菜新鮮，份量足夠

今晚係圍方發現原來佢有2人餐, $338 CP值幾高, 又可以揀必點既文華海南雞飯~2人餐有小食有菜仲有野飲甜品（特定項目要加$）朋友中意哩度既海南雞, 又滑又唔油膩, 我今次就揀左肉骨茶, 熱辣辣既湯頭胡椒香突出再甜甜地, 肉骨腍香, 而且好鬼大件仲要有成3-4件, 另外好中意佢配左一小碟即炸油炸鬼, 好耐冇食過新鮮香脆既油炸鬼啦!! 就咁食同浸湯食都好正。 小食中意黑醬油蘿蔔糕, 醬油香入哂味, 蘿蔔糕表面炒到焦香好惹味。食到中間仲可以食番條小棠菜解膩一下~OMG哩個絕對係不能錯過既甜品!! 原個椰皇配椰子雪糕賣相靚不特止, 椰子雪糕入面仲有椰子肉, 加埋荔枝肉同nuts, 成個超清甜, 一D都唔會覺得heavy!!哩度既特飲都真係幾特別唔係度度有, 涼粉豆漿同埋四季柑汁都好飲又大大杯。

🇲🇾🍽️🇸🇬坐得舒服星馬菜▫️二人套餐$338☑️ 小食：炸素春卷（四件）春卷雖然唔係好大條，但係都炸得好脆，裏面有椰菜絲紅蘿蔔絲等，本身都已經有調味，另外亦都可搭配附上嘅泰式酸辣醬。☑️主菜：星洲海鮮炒貴刁炒貴刁好大碟，有鑊氣，亦都有唔少海鮮，包括兩隻大蝦、一粒帶子、好多魷魚，亦都有炒蛋、芽菜、臘腸，好足料，但係個調味好似茶餐廳乾炒牛河嘅醬油味，雖然都惹味，但就欠缺咗一啲星洲嘅風味。☑️主菜：白胡椒肉骨茶配白飯+$20雖然要加錢，但係都值得一試。肉骨茶成煲上，湯底好重白胡椒味，好味😋上面有啲金菇，同兩粒大豆卜另外仲有一大粒蒜頭🧄而豬肉就有成3大件，容易骨肉分離，亦都入味。另外會有四件油炸鬼俾你浸落去食。🆗蔬菜：醬油生菜🥬生菜雖然份量都唔少，但係就相對普通，就係平時嘅一碟油菜，如果有馬拉盞通菜嗰啲就會比較吸引。☑️飲品：熱錫蘭奶茶/ 熱檸水味道正常，但錫蘭奶茶嘅茶味冇港式奶茶咁濃。☑️椰子雪糕新地門口派coupon，食二人餐就有得送，椰子雪糕有三球，連埋椰絲真係幾重椰子味，另外仲有藍莓味嘅爆珠及椰果。

朋友最愛新加坡食物，店的很有名氣白胡椒肉骨面線肉骨茶香氣滿滿，肉骨茶用肉湯烹製出香濃排骨。在馬來西亞和新加坡的地方很受歡迎，肉骨茶的湯香濃，下面，它是誕生於四十年代，發明肉骨茶真的不錯春卷小食香脆薄，醬汁非常入味，金黃好吃精緻之食物品，感覺很棒，滑順滑，份量大點會快樂喔。享受和朋友的一天，甜品可以打卡的，品嚐美味香濃雪糕！吸引的味道，非常吸引，口感很棒有機雜莓茶刨冰雪糕一個甜品作結尾Chatterbox