趣亭餐飲館 (Closed)

又有樓上cafe好去處👫這店在先達廣場附近嘅先施大廈📢上去4F出電梯右手面👉第一間就是了-老闆都係最近接手做，可能部分擺設比較舊了點（會陸續更換中）但不失溫暖小家感覺🏠當然最驚喜就係老闆嘅廚藝😈<特盛日式汁燒鰻魚炒飯> $138記得要揀特盛先會有原條鰻魚喔💥上枱時真心覺得有驚喜嘅，食落不得了😍首先鰻魚好肥美，而飯也炒得夠乾身帶點香而不太鹹，燒汁也不錯<Oreo特濃朱古力> $52朱古力味真係夠哂濃郁，但又唔會過甜果下先正另外我朋友叫了個下午茶餐 $55<雞扒配胡麻蕃茄沙律拼薯仔沙律> + <荔枝紅茶> -✨升Lv轉套餐加$20可有$38以下飲品，$38以上特飲需要補回差價✨另外只有一廚師，所以起菜比較慢，可以同朋友玩住該店小遊戲，或悠閒傾吓計

今日bf陪我去mk 行街拎野，晚上去左朋友介紹既樓上cafe, 上到4樓後直行前轉右就到。進到店內，裝修雖然簡樸，但是仍然給我很舒適又親切，像家既感覺，我們坐在榻榻米位置很寬闊，另外牆上有一些別緻既裝飾物，cafe內放左一些毛公仔，好可愛 ，而menu係用人手寫，好別緻！點左個滋味拼盤有－雞翼、腸仔、鴨胸肉同粗薯條，雞翼炸得香脆，唔油膩，腸仔、鴨胸肉味道可以，普通做法，而薯條炸得金黃色就好d。招牌玫瑰雞翼可算是此店獨門小食，視覺上單看賣相將雞肉做成玫瑰花瓣，已經夠心思 ，仲有玫瑰花瓣襯托，味覺上食落去口感十分香口嫩滑，仲有淡淡玫瑰香同蜜糖味，簡直雙重享受 近來天氣酷熱，壓力既環境下點杯玫瑰花茶來養生就最好，有美白排毒、強化心肝既功效，入口清甜，滲出玫瑰花香，令人神怡。 bf點左荔枝紅茶夠冰涼，有荔枝香味，如果低糖既話會好d!超鍾意鰻魚既我地，點特盛日式汁燒鰻魚炒飯係不二之選，鰻魚份量十足，食落香甜嫩滑，仲有紫菜絲伴，真係yummy , d飯炒得好靚，用鰻魚汁同雜豆炒好鮮甜。另一份香草忌廉三文魚扒意粉，同樣有份量，三文魚煎得好香脆嫩滑，忌廉汁好香濃，夠creamy!最後我原本叫

相比起連鎖有名餐廳或是人氣旺店，個人更喜歡去小店試一試，這些餐廳大多都是小本經營，對其餐廳更用心，而且會時不時帶來意想不到的驚喜。趣亭餐飲館是其中一間這樣的咖啡廳。一間偶爾去到的小店，卻帶來了驚喜。小小的咖啡廳分了兩個區域，一邊是梳化區，而另一邊是帶點日式的榻榻米小木桌，兩種feel都是很不錯。.打開餐牌，是一本很用心的餐牌，每一本每一頁每一字都是人手親筆寫上去，還用上不同的顏色及畫上不同的圖案等，看到對餐廳的用心。.點餐後先來的是飲品，好讓客人慢慢喝慢心聊的等食物。看到水果花茶可以潤喉、增強抵抗力、改善失眠等，就選了藍莓花茶。以茶壺送上，並在下面用蠟燭台座熱，既保溫又美觀。喝下去味道清甜，帶有微微花香及藍莓的甜味，令人喝完覺得很舒服。.她點的是宇治金時，在抹茶沙冰下加了紅豆，兩者是perfect match，略嫌抹茶味不夠，重一點的話會更佳。.過了一會兒，第一道小吃招牌玫瑰雞翼上菜了！把雞翼捲成玫瑰花的形狀，單看外表已經令人心花怒放，很漂亮！吃下去雞肉嫩滑，蘸一下玫瑰醬，帶有花香味，清清甜甜，很好吃，還有蕃茄作伴菜，開胃又相配。.第一個主菜是特盛日式汁燒鰻魚炒飯。與一般的鰻魚炒飯不一

星期日...拍下拖! 搵間cafe食個下午茶!!! 上openrice見到佢既食評唔錯! 上到去覺得環境不錯! sofa位又好多公仔裝飾! 又有他他咪坐!之後睇menu! 都幾多野食喎! 唔好睇個kitchen細細!原來好多唔同既飲品同食物架!我order左特盛日式汁燒鰻魚炒飯同埋香草忌廉三文魚扒意粉!小食方面就叫左佢既招牌玫瑰雞翼!特盛日式汁燒鰻魚炒飯肥美既鰻魚～好好味既醬汁...配埋佢既炒飯真係好好味呀！炒飯用鰻魚汁炒！炒得勁香口！又炒得乾身！鰻魚又肥又厚...非常好味呀！ -香草忌廉三文魚扒意粉勁大塊三文魚扒呀! 煎得好香!而佢既白汁意粉味好濃! 好CREAMY呀!招牌玫瑰雞翼睇佢既賣相已經知道係用左幾多心機去整哩一味雞翼!4隻玫瑰型既雞翼非常特別! 帶一點蜜糖味! 不錯呀!飲品叫左藍莓沙冰同埋ICECREAM MOCHA!我最鐘意佢既ICECREAM MOCHA雪糕上面有CHOTOLATE! 好用心呀!總括CHATTING CAFE真的不錯! 食物質素同環境都好好!除左拍拖黎仲有d大枱可以比一班朋友仔一齊黎食飯傾計!讚呀!

係人流極旺既先達廣場附近, 有間Cafe雖然裝修地方唔太時尚美麗, 但食物質素一d都唔out~------------------------------【香芋布甸特飲】HK$52甜度適中, 有好香既香芋味, 連埋布甸一齊飲, 一D都唔寡【Oreo特濃朱古力】HK$52第一啖飲落有極濃朱古力味, 濃得黎又唔會過甜, Cream既下面有一層Oreo, 飲既時候可以飲埋Oreo, 飲之餘仲有得食, like!!!【滋味拼盤】HK$98有炸薯條, 鴨胸, 脆皮腸同埋炸雞翼, 個人覺得呢款小食比較普通, 係一個屋企都可以簡單整到既小食【香草忌廉三文魚扒意粉】HK$108三文魚扒表面煎得好脆, 入面又唔會太乾, 略帶點三文魚本身既甜味...而個意粉又煮得好Creamy, 食落係感覺漿住個口, 加上d香草, 令食成個意粉更加香~【特盛日式汁燒鰻魚炒飯】HK$138好出色既一個鰻魚炒飯, 有超大條既汁燒鰻魚, 啖啖肉, 燒得好香, 鰻魚依然都keep到好滑, 好鮮甜...個炒飯炒到粒粒分明, 雖然唔可以話極有穫氣, 但都係香噴噴...令我會食完仲想再食~ 【招牌玫瑰雞翼】HK$48相信呢個係呢間ca

今次又係旺角搵到新地方Hea喇！先達廣場出名係整手機，但原來係附近有間樓上cafe，就係"趣亭餐飲館"。Cafe有唔少小食比你揀，仲有意粉、炒飯同焗飯！枱上面有個鈴鈴，如果要點餐，搖一搖就可以叫店員過來，好有趣啊 原先係比薯仔沙律吸引左，但店員話太受歡迎，所以已經賣哂，唯有轉煙鴨胸好在蕃茄新鮮又甜，但煙鴨胸就略為咸左一啲。格左陣，滋味拼盤 ($98)就送到黎喇！食物相當豐富，有炸雞翼、炸薯條、煙鴨胸同法蘭克福腸整體唔算太油膩，但份量比想像中多炸雞翼同薯條都炸非常香脆，雞翼亦有少量肉汁，唔會乾身！朋友叫左香草忌廉三文魚扒意粉(HK$108)，但Cafe選用長通粉。三文魚扒亦份量十足，外皮煎至香脆，但魚肉仍然保持嫩滑多汁 香草忌廉醬汁味道濃郁，相映之下三文魚扒味道比較淡，若能咸少少，味道會更佳！之後黎到我全晚最中意嘅招牌玫瑰雞翼(HK$48)同日式饅魚汁炒飯(HK$98) 雞翼真係整到一朵朵玫瑰花咁樣，上面仲有少量玫瑰花花瓣碎，賣相極為吸引而且仲有淡淡玫瑰花香撲鼻，相信廚師的確花左唔少心思雞翼上沾滿香香嘅玫瑰花醬，真係無得彈 饅魚汁炒飯上面鋪左肥美嘅鰻魚而且仲有搽左濃濃稠稠嘅鰻魚醬汁

我和小新有個約會😁✌🏿️✌🏿去到chatting cafe就即刻揀左個位同小新坐😂小食就揀左招牌雞翼賣相好用心 整到好似一朵朵玫瑰咁🌹食落皮夠脆肉都夠腍 加埋玫瑰醬 甜甜地但又保留反肉汁 好推介大家試下😋意粉同炒飯都好足料 有成條鰻魚同三文魚同價錢成正比炒飯味道岩岩好唔會太咸 意粉都係值得試試 忌廉味夠濃三文魚夠脆食落啖啖滿足😋

吹水夜當然去chatting cafe 啦沒有豪華嘅裝潢 但有親切嘅感覺姐妹聚頭 當然要搵個點講講講啦先黎兩杯梳打 解解渴 消消暑先玫瑰雞翼 真係有淡淡嘅玫瑰味 而且入口嫩滑香酥雞翼 外層煎得脆脆的不愧為鎮店芝堡 漢堡入口香濃牛味又juicy最後來嘅鰻魚飯 完全令我地O咀原條鰻魚蓋過飯面 小店認真大手筆鰻魚沾滿醬汁 非常好食 👍🏼👍🏼👍🏼

位於旺角先達廣場附近的趣亭餐飲館，是一間樓上cafe。餐廳主打包場和開party當然也可以簡簡單單吃個午餐和晩餐。今天和我新相識的同事們包了半場farewell兩位好同事想不到服務員讓我們有一個大空間，可脫鞋子坐在榻榻米上更有一個窗簾阻隔開party的地方，真的不錯。旺角亞皆老街83號先施大廈401室紫薯布丁特飲$52紫薯控的我選了紫色的特飲上層是紫薯味的牛奶，下層是淺黃色的布丁。布丁早已切碎，飲下紫薯味不太濃，布丁甜度不高，怕甜者也可以一試。宇治金時$52上層是抹茶沙冰，下層是紅豆。抹茶沙冰的抹茶味也不太濃，建議飲品都可以加重口味一點點。Oreo特濃朱古力$52以特濃為名，果然味道最濃朱古力味濃而不苦，味道不錯。招牌玫瑰雞翼$48果然是招牌的雞翼貌相漂亮，雞翼弄成玫瑰狀，滿佈玫瑰花和醬，濃濃的玫瑰露酒味，我推介哦特盛日式饅魚汁炒飯$138不要點錯的炒飯哦餐牌有二種饅魚炒飯，要點特盛的才有一整條饅魚哦！濃濃稠稠的醬汁滿佈鰻魚，香氣令我心心眼。鰻魚中度肥美，更值得一讚是炒飯用饅魚汁炒成可惜由於人手不太足，大約等了一小時飲品才上齊。不過小店經營，要多多支持。

作為一個終於有時間閒逛的人，我選擇在先達廣場中留連，就是看看電話啦。到了晚餐時間就在網上找到附近一間叫做「趣亭餐飲館」的Cafe，反正很久沒有光顧旺角的Cafe，那就去吃吃看吧~水果花茶 (忘了價錢)平日在街外吃飯，有機會的話盡量都會選擇熱的花茶作為餐飲。因為花茶多會帶有養生的功效。今次這一壺有潤喉、增強抵抗力、改善失眠的功效。當中喝到有洛神花茶的味道，養顏更是一流。這位花茶酸酸的，本來喉嚨乾得要命，還有點咳，喝過以後感覺蠻滋潤，而且當晚咳的次數減少了。滋味拼盤 ($98)滋味拼盤相當豐富，有法蘭克福腸、炸薯條、煙肉跟炸雞翼。用上煙肉是一個蠻特別的配搭，因為平日的拼盤小食相對少用到煙肉，令這個組合蠻新穎的，而又令人很容易就接納它，味道嘛，相當鹹香而又不算油膩，這點我是蠻欣賞的；法蘭克福腸的份量比想像中還要多，而且也不算油膩，入口還有鹹香且彈牙的，不錯；炸雞翼外層香脆，而且肉質嫩滑，肉汁也算多的；炸薯條呀..這個是即炸的，但略嫌不夠香脆，而且用叉一「吉」，油就「咇」出來了，這個尚有很大的進步空間。香草忌廉三文魚扒意粉 ($108)這個意粉很特別啦，平時吃這類型的意粉，該是一塊塊的三文魚比

好耐冇嚟過樓上coffee shop啦！老闆話佢頂左手半年，地方唔算好大但係好有家嘅感覺，不過冇話佢話天花有啲殘舊！雖然天氣好熱，但係難得有一個下午可以休息下！我叫左一杯玫瑰花茶，我朋友就叫左Oracle朱古力！花茶可以有紓緩壓力同潤喉嘅功效！本身諗住叫鎮店芝堡，不過老闆話琴晚D牛肉有D壞所以比曬垃圾桶了。冇得食！唔緊要啦！可以食其他野姐！我地叫左「滋味拼盤」「招牌玫瑰雞翼」「卡邦尼意粉」！「招牌玫瑰雞翼」之前都食過類似嘅雞翼，不過真係冇幾個可以整到一朵玫瑰咁樣，賣相好靚又好食！有沒玫瑰味又有蜜糖味！

棉花糖奶蓋抹茶雖然有棉花糖，但就算啲棉花糖融咗都唔會太甜，好濃抹茶味，抹茶和奶比例適中。花茶：只是嚐到玫瑰味及洛神花味，沒什麼草莓粒，加了蜜糖會更好喝，但不太推介食材新鮮，即叫即做。海鮮份量充足，有好多唔同種類，白汁忌廉份量啱啱好，唔會有種太creamy 或太重口味的感覺。飯比較乾身，但整體來說很不錯。肉醬意粉： 意粉軟硬度適中，醬汁唔會太濃，唔會有種好肥膩的感覺。建議加多啲芝士粉會仲好味整體來說，食物質素很不錯，環境很適合情侶拍拖或小型聚會。老闆親切友善（還曾經在酒店做過呢），服務態度良好，值得一試。

上星期去了旺角的Chatting Cafe ，是一間樓上的小餐廳。店裡的裝修很窩心，很有女孩房間的感覺，窗台上還有些啤啤熊公仔^.^點食物的時間，要響台上的"Ling Ling" 叫店員過來點餐，哈哈好可愛~點了芝士煙肉蛋黃醬意粉，買相普通的，味道偏淡，芝士味道不重，可能我喜歡濃味一點的食物，所以意粉我覺得一般的~再來個鎮店之堡，味道還可以的，中間牛肉的肉汁都很豐富，配著的沙律也很清新，生果很新鮮，唯一只是漢堡包的包太乾，如果可以加小小醬汁應該比較出色^.^最滿意的就是燒烤拼盤，雞翼燒的非常野味，腸仔也很香脆，整個拼盤都會咸小小的，但適合重口味的我^.^店主說餐廳還可包場開party 等等，氣氛是不錯的，店員服務也很nice，食物選擇也很多，不過我覺得價錢比較貴喔。

身處在旺角中, 人多車又多, 空氣不佳；如果身在樓上店, 空氣又會如何?早前抽獎中了一張優惠券, 年尾到期便用掉它吧!地址在旺角人流極旺的先施大廈樓上。一出升降機便可得到指引→轉右叮噹 ...門打開, 眼前是一空曠的用餐區, 時為正午十二, 客人還沒放lunch。餐廳內擺放了電視、遊戲機, 另外看它的裝修擺設成家居的模樣, 愛...回家!?二人套餐  $1504個course還送雪糕餐牌裏也列明要求: 有最底消費、切餅費, 也可以包場。頭盤: 雜果沙律無花無假, 的確是沙律醬撈罐頭雜果的雜果沙律, 醬混得剛好的。在Cafe要喝咖啡, 可惜店員說咖啡並未煮好, 唯有叫我們點梳打飲品。串燒拼盤全部放進熱油裏炸就是串燒拼盤嗎??司華力腸兩片、雞鎚兩隻主菜是 鮮茄焗豬扒飯, 怎麼看蕃茄汁都似有層玻璃獻, 味道猶如中式的鴛鴦炒飯, 蕃茄汁沒有鮮蕃茄的味道, 飯底也偏腍,豬扒都是茶餐廳式的鬆肉粉豬扒, 肉味歸零。至於額外點的招牌漢堡包, 餡料豐富, 有牛扒雞扒各一塊, 可惜同樣也是鬆肉扒。有茶餐廳的食物質素卻有寧靜cafe的環境, 此處可滿足不少客人。

同好耐無見既朋友仔行完街買完野，又係時間食飯。係旺角人多又迫既地方搵野食真係有難度，如果要埋人小小靜靜地既地方就真係仲難。係openrice搵到呢間樣上café，一於膽粗粗試下。一出Lift，右邊就見到。呢間樓上店都幾多裝飾幾特別。經店長推介下，叫左個燒烤拼盤＄１０８。拼盤內有雞翼，厚身薯條，薯角，司華力腸片同粟米。一陣一陣野味真係幾吸引，全部炸得脆卜卜但係又無咩油wo。薯條同薯角都好新鮮，唔係出面咁番炸。除左頭盤仲叫多一個晚餐SET。聽個名真係好利害，厚切美國安格斯肉眼＄１６８。我地要配白飯。叫SET就會有方包，同餐湯。再加左一杯特飲。方包個主角係熊仔，熊仔幾得意。哈哈。其實方包本身都唔差咖，唔洗加牛油都有香香既牛油味。豬頭餐碗。呢間餐廳既餐具都幾討人歡心咖WO。餐湯夠料，有蔬菜豆，肉粒，湯味濃，無加水。主角，厚切美國安格斯肉眼。肉眼七至八成熟，岩岩好。肉很香，新鮮。調味唔錯，肉汁仲係切開時流出來，ＧＲＥＡＴ。食到咁上發現到佢地餐廳內有天地。係餐廳後面有個私人地方，比客人開派對時用，藍光設計，幾有架調咖ＷＯ。