Chatuchak (Closed)

今晚同兩個朋友來食飯，叫咗馬拉盞炒通菜、海南雞飯，跟餐加咗炸蝦餅、炸春卷，濕炒牛河，熱情果薄荷梳打，椰青。馬拉盞冇馬拉盞味，直頭係淡而無味，根本冇辦法食落去，只能拎碟菜去投訴，櫃面位外籍女仕接過碟菜後態度超級惡劣，佢仲大聲夾惡話「呢啲咪係馬拉盞囉！」仲不停用佢嘅語言大聲叫罵，我問收錢個後生仔佢係唔係老闆，佢就話唔係，全個櫃面三個職員，冇一個係有今時今日應有的服務態度，爭持一陣後，最後話炒過碟比我。海南雞飯冇油飯味兼又硬又乾。濕炒牛河似湯河，牛肉冇牛肉味肉質又霉。炸蝦餅同炸春卷叫做可接受。熱情果薄荷梳打冇薄荷味。只有椰青係正常嘅！都唔知食緊乜飲緊咩。真係冇下次！

📍 Chatuchak（cwb ）本人勁少過海，今日行街嚟到銅鑼灣朋友介紹我食呢間餐廳係希慎廣場既美食廣場入面泰式餐廳餐牌好多款式選擇，以正宗泰國菜為主～🔸招牌海南雞飯招牌海南雞份量好多肉質非常肥美厚肉冇激素海南雞，滑滑的，啖啖肉有海南雞醬汁及醃蘿蔔選擇一雞多食，非常豐富～🔸 翟道咖哩牛筋腩飯是有彈性既牛筋，入口即融牛腩燜得入味，軟腍配美味又有層次既咖哩🍛🔸 炸長春卷香脆可口，濃濃的香茅味，炸到脆卜卜，熱辣辣，配埋泰式辣醬，回味無窮～🔸泰式奶茶黃金比例的奶茶，不會甜膩～

陪同事去銅鑼灣希慎廣場買嘢，之後行咗去11樓food court食嘢。Chatuchak 餐廳主打多款地道泰式美食，價錢親民。招牌海南雞飯，海南雞已經去骨，雞皮爽彈，雞肉嫩滑，跟餐有油飯和冬瓜雞湯，可惜油飯已經賣哂，改比白飯。泰式豬扒湯河，豬扒鮮嫩入味唔鞋口，湯底清甜，河粉用咗濶身嘅泰國河粉，所以口感比較Q彈，更加有嚼勁。主食加8元有飲品。芒果糯米飯是經典的泰式甜品，口感黏糯的糯米飯配上香甜的芒果，再加上椰奶，味道香甜美味。

⛳️ Chatuchak🇹🇭銅鑼灣軒尼詩道500號希慎廣場11樓1105號舖係foodcourt入面竟然會有正宗既泰菜口味係附近番工既朋友有口福了價錢合理 小食整得有驚喜😋😋炸得幾出色 蒜香單骨雞翼 炸蝦餅叫左海南雞飯 $68油飯賣晒 可能太夜既關係有湯送 鳳尾蝦炒金邊粉 $64期待試下其他野 水準唔錯👍🏻🌟Cp值:🌟🌟🌟🌟👩🏻 回頭指數:👩🏻👩🏻👩🏻📸打卡比分:📸📸 📸📸

今日收工之後，好肚餓落想食快餐，好彩揀咗間泰國餐廳喺希慎廣場嘅food court。真係好幸運，上菜速度超級迅速！我哋叫咗一個泰式豬頸肉飯（$68），每一片豬頸肉都烤得香口，仲有好多份量。豬肉醬汁入味，配上熱騰騰嘅白飯，真係令人垂涎欲滴。另外，鳳尾蝦炒金邊粉（$64）都好有鑊氣，金邊粉彈牙有咬勁，蝦都好新鮮，個個都大隻又鮮甜。我哋特別鍾意食蝦餅（+28），好彩有叫到，外脆內彈牙，真係即炸嘅好滋味！又想問下，有冇菜食選擇？我哋叫咗青木瓜沙律($58)，份量多得好夠食，辣度剛好，新鮮嘅木瓜爽口。沙律醬汁酸辣開胃，加上花生碎口感豐富。一啖下去，清新的味道真係令人提神。餐牌有中英文，非常適合帶埋外國朋友嚟試。餐廳環境乾淨整潔，座位舒適。

早前同朋友喺銅鑼灣行完街 順路喺希慎food court揾野食 估唔到都揾到幾多好野食！今次就試咗泰國菜餐廳Chatuchak~🌟 泰式豬頸肉飯豬頸肉醃製入味，經炭火燒烤，肉質鮮嫩多汁👍🏻🌟 炸香茅豬扒豬扒炸至金黃酥脆，外酥內嫩，搭配泰式辣醬，帶來獨特的口感和味道～🌟 鳳尾蝦炒金邊粉超足料 有好多隻蝦～ 味道同喺泰國食嘅差唔多👍🏻🌟 芒果糯米飯食泰國菜點少得芒果糯米飯！新鮮芒果切片，搭配香濃的糯米飯和椰奶，每一口都充滿濃郁的甜蜜和糯米的口感，咬感十足！🌟 泰式奶茶飲品方面小編揀咗泰式奶茶～泰國紅茶和濃郁的椰奶混合，呈現濃厚的茶香和香濃的奶味👍🏻👍🏻味道：🌕🌕🌕🌕🌗環境：🌕🌕🌕🌖🌑價錢：🌕🌕🌕🌕🌘

food court食lunch就係貪快貪選擇多，平就唔平得去邊㗎喇，好彩味道都叫做可以接受，所以平日放lunch都會去下希慎food court。通常食嚟食去都係果幾間，今日認認真真兜個圈，發現上完電梯2:00方向嘅角落頭入邊有間泰國嘢，見到嘅收銀員同工作人員都係疑似來自泰國嘅姐姐，斷估煮出嚟嘅嘢都幾有泰國地道味道啩，所以前後點咗個「泰式肉碎煎蛋飯」同埋「泰式濕炒牛河」，再加個小食「芭堤雅燒雞扒」。個「泰式肉碎煎蛋飯」堅係唔就住香港人一般食辣嘅程度，🥵辣到我係咁飆汗，但又辣得好過癮，加上肉碎炒得好香口惹味，愈食愈想爬多兩啖飯。「泰式濕炒牛河」都試咗幾啖，唔係一般香港食開嘅河粉，呢隻厚身闊身啲，而且唔係一條條，而係一塊塊，每塊都被芡汁厚厚包裹住，味道自然唔使多講，相當香濃。至於個「燒雞扒」就無上面兩款咁驚喜咁好食，凍嘅，本身又無乜味道，要靠泰式酸辣醬提味。整體嚟講，佢啲粉麵飯味道質素，絕對食得過，係可以encore嘅水準💪🏼。

銅鑼灣要食平靚正嘅餐廳一定係希慎廣場嘅food court最吸引我莫過於 呢間地道嘅泰國餐廳佢地連員工都係當地人出餐有效率．價格相當貼地幾十蚊已經食到地道泰菜吸引唔少學生．遊客嚟幫襯座位旁邊仲有大玻璃，可以眺望遠景✨招牌海南雞飯 無骨海南雞啖啖肉唔會太油膩沾上醬汁更惹味✨鳳尾蝦炒金邊粉 泰國菜必食炒金邊粉原隻鮮蝦新鮮爽彈將花生碎．砂糖同辣粉拌勻一齊食更惹味✨炸蝦餅 ✨串燒雞加配小食價錢更抵食賣相同味道都唔錯

上次去完想再食，今次再次去chatuchak 試下佢哋個Tom yum 河同波羅炒飯先。 Tom yum 夠sour, 唔會太重椰奶，好夠味，非常推薦！👍雞扒相當嫩滑， 煎到脆皮。波羅炒飯好多料，除左新鮮波羅之外，仲有唔少臘腸粒同洋蔥。飯底偏濕唔油，好夠味。叫多個春卷，炸得香脆。 跟餐飲品香茅青檸水同咸檸soda 都有驚喜。前者甜甜地，後者開胃，加$10就飲到😋今次泰國姐姐好鬼馬, 會同我哋講下笑, 冇上次咁惡🤣🤣

話說聽同事推介，話銅鑼灣有間泰國嘢幾平，質素好唔錯。平時嗌外賣多，今日決定堂食試吓佢。原來佢喺希慎food court，平時太多選擇都冇為意佢，喺商場嘅角落頭位，下次可以去望吓。平均一個炒粉麵唔過$70 ，如果想飲嘢可以加$10到，價錢都幾合理。帶咗三款嘢諗住一齊share ，海南雞飯，酒飯味不錯，唯獨係得一款醬，海南雞已經去咗骨，啖啖肉而且都幾滑，份量都唔錯。朋友仔嗌咗，冬陰功炒飯，呢個真係有啲驚喜，廚師功夫一流，炒飯勁乾身，亦都少少冬陰功味，另外仲有少少海鮮，好醒胃。另外仲嗌咗個泰式炒牛河，河粉係類似陳村粉嗰種泰式寬粉，不規則又粗身嗰種，唔厚身亦都幾滑。另外仲有啲蛋絲同炒菜，最緊要唔會太油膩，好滯。值得一讚嘅係，food court任揀位坐，坐緊窗邊嘅話，日光一流，影張相都真係靚啲。幾十蚊坐得舒服，又食得開心，呢間泰國嘢記得book mark啦，未必會專登嚟食，順路嘅話記得要試吓！

收工想簡簡單單食個飯, 想起希慎嘅food court中日韓泰菜，點心、小菜和飯麵都有，款式選擇多，搭𨋢到12樓 落電梯右手邊,原來近窗口轉角嘅位置開咗間泰國嘢, 真係好易走漏眼酸辣鳳爪沙律，鳳爪起咗骨，配上酸辣醬汁好入味，少少辣，好惹味！冬陰功唔一定係湯嘅， 冬陰功炒飯都唔錯清新爽辣， 炒飯粒粒分明，搭配Q彈蝦仁享用, 真是滿足另外加咗,小食泰式香茅炸豬扒同炸蝦餅豬香茅味出眾炸到金黃香脆，毫不吝嗇大大塊，蝦 肉扎實彈牙，蘸上泰式甜酸醬👍🏻加埋椰青，清甜可口的椰青水~

時間不多，一心想快靚正食飽便開工，在銅鑼灣行過馬路諗住就腳去某間頗具歷史的雲吞麵店食碗細蓉開心一下。行到門前望一望餐牌，見到有豬骨湯底雲吞麵77蚊一碗。今天沒心情新嘗試，再望望正常的：雲吞麵+飲品63蚊，估計凍飲加三蚊的話即是66蚊。座落在銅鑼灣地鋪我不能喊碗麵貴，但我選擇了雜開。行多幾步搭埋𨋢上了希慎廣場10樓food court，吃碗Pho吧，都是湯粉麵，異曲同工啫。雞絲湯河56蚊，啱數！誰不知收銀櫃枱寫明Cash Only，撞啱當天沒有現金，無緣了。兜了個圈，終於找到今天的緣分: Chatuchak泰式海南雞飯68蚊，我加10蚊轉雞脾即是78蚊。你可能會說:「無嘢飲喎，咪仲貴咗？」首先，其實我通常出街都有自備飲料，那杯凍檸茶小甜對我來說是可無多過可有可無的，為餐而飲，有得揀我真係會唔飲。其次，一碟海南雞脾飯我會飽；一碗雲吞麵加杯凍飲我一定唔飽。多12蚊的結果是飽與唔飽的差別，我當然選擇前者。結果這碟78蚊的海南雞飯不負所托，我滿意地飽了。其實今餐的緣分不是無端端發生的，早前有一次帶姪仔來吃過一次，見他食到一粒飯都無剩，我早就想來食番餐。今日，如願以償。

希慎樓上有個大型美食廣場有好多間餐廳 坐的位置都好多 這間食泰國菜的餐廳價錢親民而且都是泰國人店員😬味道果然夠正宗質素不錯✨肉碎生菜包 $88肉碎加入香茅檸檬葉及九層塔炒得很香🌱充滿泰式風情的味道香辣惹味 單吃可能會比較辣🌶️但包上清爽的生菜一起吃味道恰到好處十分開胃😋✨鳳尾蝦炒金邊粉 $64金邊粉炒得不會太油好乾身🦐配上鳳尾蝦跟豆腐乾一起好足料 旁邊有砂糖辣椒乾跟花生碎🍝混合一起味道酸酸甜甜帶點香辣 層次好豐富✨炸蝦餅 $28以優惠價加配的蝦餅有兩塊夠厚身🍤外皮炸得香脆不油膩 口感爽口彈牙 沾上泰式甜辣醬味道更好✨炸香茅豬扒 $24香茅豬扒是帶骨的🐷肉質夠鬆軟不會炸得油膩 醃得夠入味 跟餐小食加配性價比好高👍🏻📍Chatuchak (銅鑼灣)銅鑼灣軒尼詩道500號希慎廣場11樓1105號舖

前排聽幾個男同事發現新大陸，不停話希慎開咗間新泰菜，個肉碎煎蛋飯好食到震。好食到要連續三日晏晝都係食佢，搞到我都心郁郁想試下佢咩龍撩🤔 喺希慎food court行咗一個圈先發現間嘢幾隱蔽，喺soul truck 再轉右邊入。實不相瞞，小妹食盡咁多泰國菜，其實今次係第一次食肉碎飯。係香係好食既，但好食到震又誇張左dd🤣 反而個冬陰鳳尾蝦炒飯幾鍾意。炒得乾身，個底唔會成灘油，冬陰功味幾重，食到香茅香料味。不過除咗洋蔥之外，覺得可以多少少其他配料。蝦餅不過不失，算彈牙。炸雞卷幾特別，但係比想像中size有少少細🤏

10月12日晚,收工後,獨自去希慎廣場food court“chatuchak“食泰菜.招牌海南雞飯雞肉滑,雞皮爽,今次配白飯,單純以雞件配一口香米,好味.蒜香單骨雞翼單骨易吃,微微蒜香,味道適中,不錯既小吃.青木瓜沙律青木瓜絲,蕃茄仔,青豆角,花生粒,甜酸辣的汁,在口腔內打轉,細味咀嚼,好味醒胃.閉上眼晴吃,有九成以上,似在泰國曼谷小店內吃的相似.珍多冰以班蘭汁和椰漿為底汁,配以綠色班蘭汁和綠豆而成的啫喱條,加上冰粒.清涼香甜,帶有濃香既椰奶味,非常好飲.鮮椰青新鮮開蓋,椰青水,解渴.懷緬以往一段時間,一年多次往曼谷見客,四處試吃當地小店美食.