潮人館

Open Now

Now Closed

第一次同朋友幫襯區內一間潮州打冷，之前一直覺得冇咩特別，但係食過之後真係好有驚喜，不過大前提係一定要約返六七個人以上食，先可以試得多啲嘢。超級鍾意食。佢嘅招牌滷水鵝片真係無得輸，鵝肉卤得好入味，食完一片接一片，再點左個酸酸地嘅蘸水，就無咁油膩。蠔仔煎餅煎得好酥脆，好香口，蠔仔亦好新鮮。另外叫左個海鮮雜菜煲，有菜又有肉，葷素搭配。朋友都話下次一定會再幫襯，多人一齊食就可以試多幾款特色潮州菜😍

今日外出見到呢間外賣餐單，心血來潮想食久違咗嘅梅菜扣肉飯，另外賣多一個鹹魚肉餅飯畀家人，送道地紙包一品，如果加例湯就每碗$5，我依家無加，就承惠$70。兩個飯盒好快包好，返到屋企仲熱辣辣，試食咗家人嘅鹹魚肉餅，鹹魚係實肉鹹魚，如果係梅香就更正，但依家想食呢個飯有梅香鹹魚真係好難，我相信係同貯存問題以及價錢有關係。鹹魚都算大嚿，而味道亦屬中上水平，肉餅就慣例係絞肉，無滲好多粉或水落去，所以肉質結實，都算食得過，當然刴肉就一定好食好多，但人工貴，無辦法，我明。有人話男人的浪漫係豆腐火腩飯，但我就認為為梅菜扣肉飯至真，我認識嘅男士們大都喜歡食梅菜扣肉飯，反而喜歡食豆腐火腩嘅就真係好少。相信好多人都知道一個好食嘅梅菜扣肉飯，絕對唔易做，首先梅菜一定要無沙，豬肉要連皮先炸，落冰水冷卻後切件，然後放碗或缽，鋪上梅菜再蒸，令豬肉索曬梅菜香味，蒸完將碗倒轉，令豬肉由底變面，呢個反碗動作叫做扣。要做到肥瘦適中，而且肥而不膩，瘦肉火會過硬，肥肉亦不會過腍，每年豬肉亦要厚度適中，唔可以過厚，更唔可以過薄，咁先至好食，而呢個梅菜扣肉就基本上做到我所講嘅要求。但更精彩仲起後頭，就係個飯，呢個飯軟綿綿，質感細糯，

今次這篇食評有歷史意義，因為今次是我寫的第100篇食評。你說寫食評容不容易?其實寫食評只是寫寫每次食完飯的感想，這個平台不是全無規範，例如你不能夠無的放矢，但我寫了很多篇之後覺得很自由，可以有自己個人風格，因此你會見到百花齊放。這篇食評回到我兒時成長的地方，就是翠屏村。小時候溫書備戰考試，就是在翠桃樓的女青年會自修室，以前是一個溫習的好地方，近10年不知何時，這自修室翻新了，我也去參觀過一次，而翠桃樓的餐廳也同時翻新了。以前翠桃樓街市有大排檔，我10多年前也會到大排檔食早餐。以前是較不衞生，但這次我回到過去，發現格局不同了，以前大排檔的地方變了店鋪，其中一間就是今回我幫襯的<潮人館>。我叫了梅菜扣肉，價錢很經濟，包奶茶也只是40元。食物質素不差，合格，座位也寬闊，客人方面始終是屋村地方，我側邊那張枱坐了一個想食煙的男人，可能因為我瞥了他一眼，他也不敢真的在室內抽煙。翠屏村裡，較為斯文的客人都會光顧另外的新式茶餐廳。喜見翠屏村多了餐廳的選擇，在疫情下，也不用聚合在某一兩間餐廳裡，可以有多個選擇。

有晚同朋友一齊談心，就約咗去呢間打冷食晚飯，可以揀坐室外或室內，我同朋友揀咗室內，而整體味道唔錯又抵食！最重要嘅係佢冇限時，亦唔會趕客。我同朋友由7點傾到11點，老闆都冇畀面色我哋睇，應該話直頭冇理到我哋，到離開時，見出面原來有幾枱仲食緊🍻❣️✍🏻 / 潮州蠔仔粥💵價錢：HK$58/窩🔘整體美味指數：❤️❤️❤️❤️❤上網睇原來潮州粥主要係以砂窩煲粥，以生米加水煲煮而成，難怪上菜時啲煙四處飄，熱辣辣！另外，潮州粥同廣東粥唔同嘅地方就係，後者一般會煮到米芯開心，而前者嘅米粒就帶有米芯。超抵食～咁大窩都只係HK$58，3個人都絕對夠食㗎！蠔仔份量都唔少，食極都仲有，食到最尾都仲可以撈到幾粒（睇相我隨意潷都好多隻蠔仔吖）👍🏻✨。✍🏻 / 招牌滷水拼盤💵價錢：HK$95/例🔘整體美味指數：❤️❤️❤❤🤍打冷必食嘅滷水菜式，由於菜單太多選擇，最後同朋友都寧願揀拼盤唔洗諗。作為「招牌」菜式，其實味道唔錯，但款式就可以再拼多啲肉類，整個拼盤只有2款肉（五花腩同鵝肉），再拼豆腐、紅腸、魷魚同滷水蛋。我寧願佢減少2款肉嘅份量，再拼多1款肉，咁就可以試多啲🐖🥢✍🏻 / 普寧炸豆腐💵價錢：HK$38/碟🔘整體美味指數：❤️

今日返去官塘做野,諗住打下冷, 飲下啤酒!!所以就去左翠屏邨間潮人館度喇!!雖然間鋪頭細細, 但係估唔到味道竟然唔錯喎!!我地叫左幾個餸,鹵水拼盤都中規中矩,味道唔錯, 但款式唔太多, 而且好多肥肉!!呢個好抵食, 九菜豬紅!!味道仲好好添!!拎黎送酒一流!!蠔仔粥, 一鍋價錢都唔貴!!完完全全街坊生意, 味道仲要有質素!!呢個蠔餅完全喜出望外!!有好多蠔仔入面, 個邊炸得好脆,咬到入口入面又唔會乾忟忟!!呢個每次黎我都會叫, 正!!最後最後呢個好有驚喜!!楠角骨~~ 好有鑊氣!!味道好好!! 全部都係一字骨!!就算棚牙唔好都算易咬~~總知今次黎真係好有驚喜!!性價比好高, 小菜唔貴, 仲可以帶酒!!唔收開瓶費!!不過真係屋邨街坊生意,唔好預佢好好坐, 有時多人,D位都唔會太好坐!!整體黎講值得推介一試!!

食了很多年的街坊餐廳，一向抵食，質素不錯，最近試叫了新出的全日供應碟頭飯，冇味，難食，是人生中覺得最難食的飯店，完全放不進口，其他小菜等了超過半小時也出不到，伙記話冇人手，於是放低錢走人，大家小心中伏，以後都不會再光顧.

比店舖呃咁，和家人睇菜單時，個阿姐成日都過來推介海鮮，超煩人，最後點了三道菜蘿蔔腩肉春菜冇蘿蔔鹵水拼盤比埋D翼尖，背脊肉咁，椒鹽九肚魚 最正常甜品先最過份，清心豆爽，完全搵笨食左三百幾蚊當跌錢

今日去左哩間個名一d都唔屋邨既潮人館屋邨小店晚餐, 原本第一下係諗有咩咁潮呀? 野食好潮定好多潮人黎食呀? 睇到佢門外menu先知原來係食潮州野, 個潮人係代表潮州人咁解😂😂😂門面同內裡環境都好光鮮, 店內大小座位都有, 目測可以同時容納40~50人左右。望望menu, 潮州菜黎講價錢都算合理, 重點係免加一服務費一坐低就有位女士(唔知老闆定伙記)不斷推介馬友同大眼雞, 不過我地無要到, 女士就好似有少少不悅咁之後每一枱新客坐低都會聽到佢極力推介馬友同大眼雞~有興趣朋友可以試下😂😂金牌鹵水鵝片$108食潮州野又點少得鹵水鵝片呢, 我地3個人叫左個例牌, 鵝片入哂味, 厚薄適中,加埋少少肥既皮, 配搭得岩岩好! 推介潮式韮菜豬紅 $48佢個汁加埋d香料落去煮, 味道好好, 但略嫌油膩左d, 面頭成浸油不過可以點佢配埋既白酸醋食就無咁油~ 依個只係48蚊但份量好足夠好多豬紅潮州蠔餅皇 $75食蠔餅最驚佢炸到油淋淋同埋一大pat炸粉, 依個蠔餅完全唔會! 外皮煎炸到脆脆地, 炸粉唔會好厚, 食落口唔會成口油又有蛋香味, 蠔仔大大粒! 讚呀椒絲腐乳通菜 $48炒得好香, 48蚊係茶餐廳都未必食

同家人周未去翠屏邨食飯, 食得百份百餐廳太多. 想試下其他, 於是就試下附近的"潮人館", 下午時間好到大把位, 完全不用等; 叫了 "懷舊咕噜肉 ($48) "和 "四寶飯 ($30) ",  咕噜肉份量萛少,  一個人食有點勉強,  同時咕噜肉太細粒, 沒咬口和乾身, 不合格, 比起百份百餐廳和普通大排檔的咕噜肉差很多; 同時"四寶飯"的鴨肉好一般, 冇咩鴨味, 不過$30元的飯不能有什麼要求, 好難再有興趣再幫襯.

之前都黎過食晚飯，湯和小菜都不錯的，是晚同屋企人來食生日飯🍰🎉就叫了幾款推介食品~滷水鵝片: 肥瘦均勻，滷水汁味道適中，有豆腐托底，配啤酒汽水一流川椒雙小炒(蝦肉&雞肉) : 醬汁香口而唔會過份惹味，蝦同雞的肉感也新鮮蠔餅 : 係我最喜歡的潮式蠔餅十分足料，超多蠔仔粒粒欖角骨 : 呢個好驚喜，開初唔係太知道欖角醬汁係點樣嘅味道，係店員誠意推薦我們試試~ 比起一般排骨醬汁少了點椒味辣味，卻有著欖角香味最後當然唔少得蠔仔粥 : 兩個字->足料街坊小店雖然舖面唔大，但食物質素好，店員有heart，下次會再幫趁~

呢2年翠屏村要有啖粥食最近都只有巴士總站附近西式快餐店先有一兩款選擇。 而家終於有間中式餐館提供多啲選擇比我呢類腸胃較差嘅人。 我果次去係平日人不多，可以在較靜環境下食野都幾好。 啲粥夠哂熱又夠綿，可能係潮州師傅嘅關係? 味道我感覺比快餐店好得多。不過暫時只得早市供應，希望可以擴展到全日供應啦!

最近翠屏邨街市改建，新開左好多餐廳，朋友介紹話有間潮州菜想試，我第一時間就贊成，加上自己又係潮州人，好耐無食過家鄉菜，晚飯時間七點左右，已經好多人，門口等左大約十五分鐘就有位。今次我地四個大人，兩個小朋友，所以最後都點左四個小菜，然後一窩蠔仔粥，同埋一個沙爹炒牛河，首先潮州菜當然要來一個鹵水拼盤，鵝片好入味，腎片又爽脆，用來配埋個蠔仔粥一齊食好夾另外就係潮州菜必食的蠔餅，蛋同木薯粉的比例好好，食落口每啖都有蠔仔，又唔會食落成口都係粉漿，最重要係真係煎，外面好多餐廳唔正宗，都係用油炸蠔餅，就會變成食唔到蠔仔的鮮味。小炒王較為失色，材料全部切絲，有魷魚，潮式魚蛋，芹菜和蘿蔔，味道有少少咸，加上炒得淋，唔夠爽，變得無乜特別。還有沙爹牛河都炒得有鑊氣，牛肉入味，但沙爹汁就偏咸，配上無乜味的河粉，估唔到又夾得幾好。食左咁多個餸，一般潮州餐館都要六七百蚊，但現在埋單先四百有找，絕對抵食，味道好食又正宗，要食潮州菜又多個選擇。

我係附近反工， 我諗住去買外賣試下啦，話曬係鹵水專門店 想嗌個 鹵水四寶飯，本來有個職員準備落單，點知另一職員講只做學生餐，我再問清楚，我可唔可以用原價叫，職員再重複多一次，只做學生，之後就冇理會我。利申： 鹵水四寶飯只做學生我都冇所謂，但我想落其他餐完全冇理會我既意思，如果係爆場既，你咁既態度我可以諒解，但入面都係得幾枱學生，完全係好似唔想做咁，本來想試下，咁既態度冇下一次，兼且我真係想知係咪午市淨係做學生？？

咁啱過開嚟又要醫肚，對附近嘅連鎖食肆冇乜興趣，就走嚟做吓潮人、試吓潮嘢~潮州菜喺觀塘呢頭算係有特色，話哂我鄉下都係潮州，就同女友一齊嚟試吓嚕。兩個人叫咗四樣嘢：鹵水蛋拼鵝肉~呢味真係超好味，鵝肉好入味，同d汁都好夾，食完想兩叫其他鹵嘢食，但明知眼闊肚窄，下次先嚕韭菜豬紅~豬紅好有咬口~可能平時食開d粥入面嘅豬紅，食呢味豬紅嘅感覺好實在，正正蠔仔粥~比較油，可能用嘅豬肉脂肪比較多。但個人覺得ok，粥水都有蠔味，足料，大大煲，有誠意！蠔餅，有少少失分。都幾油，炸得麻麻，粉比較多，有待改善~雖然蠔仔粥同蠔餅唔算出色，但鵝真係好味，新舖來講算係有水準！價錢都ok，值得再嚟。

30/1/2018我們試了這店😃試了4款菜式有，沙茶醬牛肉炒芥蘭,我覺得醬汁有D咸,蠔仔粥，煎炸蠔餅，胡椒咸菜朱肚湯咸菜比較咸了D，不收服務費下次會再去試其它款式!