池記 (Closed)

趁九龍灣德福店嘅池記光榮結業前用張6蚊現金券來吃番餐，以前鍾意叫蝦球粥，但見唔太餓所以第一次來這兒叫碗湯河吃，㨂了A餐叫了牛筋河配油菜加飲品A餐 $68 （牛筋河+油菜+熱桑寄生茶）上檯後我真係打個凸⋯個牛筋河內裡加咗兩大件白蘿蔔⋯但主菜尐牛筋⋯數量極少之餘仲要係碎濕濕，我以為有尐被河粉遮掩咗，用筷子找幾找⋯無喎，真係眼見果尐⋯忍不住問服務員⋯點解尐牛筋咁少，佢居然好冷淡咁答：「係咁㗎喎」嘩⋯真係好過份⋯少成咁？感覺好似比人食過咁⋯永遠唔會再食！

#豬軟骨湯米 （$40 ）份量很多，湯底唔會好清，好夠味。豬軟骨啲肉好「鞋」，但好入味。*走青既朋友仔記得落單前講明要走青*✅記得一定要叫薏米水，但佢每杯都唔平均，有啲1:1,有啲得三分之一份量。薑味好重，杯入面真係有薑，飲完個人即刻暖曬，好舒服。🥰唔洗加$先係重點

九龍灣真係美食沙漠，每次嚟Lunch都好頭痛，每次無得揀都會食池記，佢既套餐有幾個配搭，今次揀咗菜糖水麵，麵完全無鹼水味，鯪魚球大大粒彈牙，一啲都唔"梅"豬手南乳味好濃呀，不過炆得唔大淋最正係番薯糖水，姜味夠，少少辣口少少甜，好正

平時星期曰行德福都會去池記吃番個下午茶懷舊下。每次都是例牌點牛腩麵和豬手河，重點是配意米水。因為池記意米水特別好飲材料有意米、薑、紅棗、材料都半杯、好足料濃濃散發薑的香味，飲落服舒服又醒神，我鐘意！牛腩麵一直都保持水準，牛腩煮得剛好又有咬口，好入味，肥瘦適中、湯底好鲜甜還有麺依然是爽滑彈牙豬手河一樣有水準，雖然只系兩件但，但勝在㧥材料精挑細選，選有肉地的和有皮层次的，加上南乳和醬油炮製入味非常，咬口適中配上爽滑河粉另一種風味，飲番杯意米水，爽曬！

池記雲吞麵,真係好唔明白點解咁多人食, 好耐以前食過後,跟本唔會再食,今次再入去食,係因為個friend話好想好想食,唯有陪啦。。。唉。。果然無令我失望, 仍然係一般到比普通雲吞麵檔更差既雲吞麵。。先講下點嗌先,嗌左一個有小食既餐, 連一杯野飲,然後就單嗌一個麵牛腩麵, 唉。。44蚊, 份量細唔講, 碗都太細, 湯食食下都無晒雲吞的的式式,細細粒。。問題同牛腩麵一樣香既辣椒,但麻麻地辣跟餐既意米水, 足料既最好食就係呢個炸菱魚球了。。。但都唔夠另一間老店好食咁樣食,就118蚊啦。。真係貴到呢。。。

第一次下午茶時段(14:30—18:30)來池記，40元一個餐，包一碗麵及飲品，而飲品可選薏米水、豆漿或奶茶，性價比算是高😋。Order了兩個餐，包括雲吞麵🍜、牛筋烏冬、薏米水及豆漿🥛。雲吞麵不過不失，雲吞彈牙，麵爽但感覺稍為硬了點，可能每個人要求不同，而湯淡了些，整體來說，如果和一般餐廳比較，算是中等，但是以池記的招牌菜來說，就是有點失望。牛筋烏冬，味道不錯，牛筋可再炆淋d，蘿蔔清甜。意想不到😍的是最出色的竟是薏米水，甜度剛剛好👍，有陣陣薑味，感覺養生，加了薑相對沒那麼 "涼"😄，更適合女生體質。

雲吞麵就食得多喇， 冇味嘅麵餅都係第一次 今日路經呢個商場， 見到有間池記咪走埋嚟睇下囉， 星期六下晝 都有下午茶餐， 40蚊連飲品 經濟實惠 坐低叫嘢食見到有水餃我叫咗碗水餃麵及飲品， 落單冇幾耐好快就送上， 先試下湯底, 味道清甜 再試下粒水餃, 蝦都幾多同埋彈牙但木耳比較少稍嫌爽口嘅感覺 一般，但也算格分數或以上， 最後試麵…… 浸咗咁耐都未淋， 粗幼適中麵唔錯，但食落感覺淡口完全冇麵嘅應有嘅味道， 真奇怪不過結合埋價錢 也算合格， 咁嘅價錢要求唔會太高， 可以考慮再嚟( 當然我選擇河粉或米粉啦)

傳统麵家轉身成集團式經營大行其道，如何保持以往食物水準和親民服务，殊不容易。今天就試了這家老子号，点了份午餐：蘿蔔牛筋腩白飯加薏米水。飯和餸分開上，牛腩煮得入味，跟其它食店分别的是用了南乳做底，香味十足；只是略廉牛腩太细塊。牛筋夠腍，反而蘿蔔大大件，煮到半透明，又腍又入味。驚喜是杯薏米水，大大杯，薏米份量十足，喝下嘗到了點姜味，夏日消暑良伴，相信這個是新派經營出的新變奏，非常不错。太久沒来，下次要再試她的手本名曲雲吞麵！

 第一次到池記食野 待應的服務態度好 待應細心熱情地介紹菜色 ',食物新鮮 ,上菜時 食物還熱呼呼的'很有特色',顧客至上食物不到5分鐘己已經來到眼前、效率高-,看到每個頋客食的津津有味,值得一赞九龍弯德福廣场(池記)

今日同班friend 係德福行街 到食午飯時間諗住去文華點知門口見到好多人排隊 就去左隔離間池記雲吞面 其實都好多人排 但無文華咁長龍池記聽就聽過好多次 我都係第一次食叫左碗豬軟骨湯面 配埋一個小食南乳香炸雞翼 飲品就叫左杯凍豆漿 成個餐加埋70幾蚊 先講個豬軟骨 好夠味之餘 好入味 食完個咀有lup lup 地嘅感覺 好有骨膠原🤣🤣香炸雞翼炸得好香口 我最鐘意佢無層厚厚嘅炸粉 原汁原味 好夠熱！ 呢個小食真係有驚喜！ 到埋單嘅時候 個收銀姐姐好好笑容 仲送左張現金券俾我下次用！ 真係識做customer retention 呀！ 我下次一定會再幫襯 ， 試下佢嘅馳名雲吞面

前排搬左屋，好耐無同屋企人黎食池記，諗住黎回味返雲呑面的味道，所以由屯門專登揸車岀黎食池記，我照舊點左我最愛既冬菇面，我屋企人就點左雲呑面，炸雞翼，凍豆漿。半年無黎，味道同以前一樣，都係咁好味，麵質口感彈牙，侍應一樣笑容滿面，非常親切，仲記得我地老顧客，照顧周到，好掛住呢道既風味，咁遠揸車岀黎，值得🙌🏻🤩👍🏻

以前係九龍灣返工 成日都會黎德福廣場間池記食雲吞面自從搬左office 後已經年幾無黎過今日放假決定返黎食返碗雲吞面雲吞依然係咁好食，面身亦都夠彈牙大熱天時加左杯冷嘅意米水真係一流 杯意米水唔好太甜 但好足料 減緊肥嘅我心理作用覺得幫到我去水腫呀🤣🤣🤣🤣年幾無黎 再冷食返久違左嘅味道 無令我失望服務更加唔駛講侍應們好快手 因為今日下午茶時間好多人見到佢地踢哂腳 做到無停手期間見到有d食客語氣唔係幾好咁問侍應攞茶 （香港人壓力真係好大😅😅）佢地雖然好忙但都好有耐性咁應付各種要求讚！

一家人開開心心游完水去池記醫肚，我地叫左兩個雲吞麵，一杯熱的薏米水，一杯凍檸茶。雲吞麵好快上，味道幾好。好快來左杯凍檸水，老婆習慣飲凍檸茶，於是乎禮貌回絕要求更換。倏地，對方話張單係寫凍檸水喎？！似乎要我地硬食！老婆話可能寫錯單，可否更換？對方吾情願地走去更換。隔左一陣，之前開單的阿姐怒氣沖沖行埋黎，對我老婆大聲叫嚷道：你叫既係薏米水同凍檸水，凍檸水，凍檸水啊！哇！使吾使覆述三次，食飯受氣的感覺油然而生，難道你一定吾會開錯單？！點解要喝斥顧客，只因你叫梁月萍？喜歡同萍水相逢者在月事到時結梁子？或者你仲意自以為是？最後，凍檸茶來了，心淡淡，覺得口中的雲吞似一粒粒石頭難以下嚥。呢個大姐三翻四次行埋黎來晒馬？我地忍你吾代表係認同你！池記服務，真乃奇葩也！

呢幾日天氣炎熱,假日就算行商場有冷氣都覺得胃口麻麻，咁啱見到有間粥店就今晚食粥當dinner 。佈置簡潔,但座位比較狹窄。我叫左B套餐，有幾款唔同味道嘅粥揀，及第粥係我至愛，粥底雖然很綿，但比較浠。小食㨂咗吉列豬扒，重配埋黑椒汁。好彩豬扒夠大塊又醃得好入味😋。加埋有杯薏米水總算係一餐豐富嘅dinner.

今日約同事出德福食飯又唔想飲茶, 中式選擇唔多既情況我地入池記食飯。睇到菜單跟手叫左推介午餐 - 瑤柱鮑絲蝦球湯飯, 睇名好似幾豐富, 而且價錢同其他牛筋飯差唔多價錢。我今次都係第一次食池記, 諗住會唔會好細兜, 之後黎到眼前一亮, 原來都幾大碗而且蝦球都唔係皇恩浩蕩式o既一粒俾你。而且個湯都十分有味, 足料得黎非常豐富。另外叫埋野飲果陣竟然有我最喜愛既意米水. 我諗有呢叫意米水既餐廳真係唔多。而且呢杯意米水有加薑, 去濕補氣同我飲開出面齋意米水都有d唔同。就黎食完飯之際, 侍應都好貼心俾杯水大家飯後飲。唯一係個坐位係中式凳, 坐得冇咁舒服所以食左冇幾耐就走。