池記 (Closed)

下午黎左呢到食飯, 見到有菜飯食, 所以叫左鹵水雞翼菜飯午餐. 鹵水雞翼菜飯: 鹵水雞翼鹵得好入味又好淋連軟骨都可以食埋, 顏色吸引, 再加有鹵水白蘿蔔, 都好入味, 好! 不過, 個菜飯就怪怪地, 因為菜飯 憑該得菜加飯, 但呢到加左d肉絲, 影響左本身菜飯的味道, 可惜可惜.

7月31日晚與同事一起晚飯, 一進門已感覺到好像很chaos, 我們坐下後, 沒有人set位, 到set完位order完我們的食物都好像花了差不多10分鐘. 以為可以享用晚飯, 點知...跟住...(1) 茶........凍的 (仲要是好凍下); (2) 熱豆漿變凍豆漿; (3) 對掉了order; (4) 菜心有"發泡膠"; (5) 漏了個order未到, 又唔知追那個人, 結果追了幾次都追不到, 找對人追order, 點知未講完就走開左(因為想追翻碟菜), 結果是等.........., 直到鄰桌遲過我們來,與我們的order差不多, 但食完仲走得, 正當想追多一次, 仲追不到就發火之際, 先有得食... 真是不知所謂, 價錢又不是平, 食物份量又不是多, 服務當然不可以說好, 是晚的conclusion : 差劣

返工前食早餐叫豬腸粉+魚湯魚蓉蘿白米線($21)豬腸粉ok, 份量雖然唔多煙un, 上次食太多麻醬, 本人唔鍾意食麻醬,所以走麻醬魚湯魚蓉蘿白米線魚湯無乜魚味, 好在蘿白無渣, 魚肉幾好, 果皮略為重手環境新裝修, 坐位都幾闊落服務殷勤, 待應爽手, 都有笑容

吾好以為只有雲吞麵出名, 佢既午餐都吾差, 有牛筋飯配冰鎮奶茶$29.00. 記得試下佢既辣椒醬, 裡面有瑤柱絲架.

去左德福食飯...去左一間叫"池記", 食粥粉麵飯的...(高級裝修, 中級價錢) 中午餐, 一飯一飲品34大羊至39大羊, 視乎份量D野其實係幾好食架, 食品味道似上環羅富記/佐敦麥奀記, 細細碗...但我吾想再去第二次... 原因係, 我20分鐘的"食事"過程中, 被迫聽了超過100次"歡迎光臨" 高級嘛, 呢100句夾雜住"歡迎光臨/剛臨/降臨" ... ....門口"帶位"的小姐: 一句....經過收銀: 一句....你坐低後, 身邊所有行過的待應, 每人: 一句....過來倒茶的待應: 一句....落單的: 一句....送餐來的待應: 一句我張枱共4人SHARE搭枱, 以上對白, 6X4=24次而每分鐘, 其他角落, 都會最少傳來四次"歡..." 20X4=80 而且好齊心, 句句都大聲及刺耳...可能係經理指示要大聲我地D店舖真係需要講咁多次"歡..."??

今天下午跟同事早食晏...十一點半已黎到! 入去時無咩人...如果人多卡位都幾迫!各自叫套餐, 佢叫雲吞牛腩麵+ 薏米水+ 灼菜心, $41, 我放棄水餃雲吞而叫了牛筋米+ 柱侯蘿蔔, $36, 黎到時比同事既麵了很多...唔通米粉平? 牛筋好腍, 唔錯, 蘿蔔無渣...夠甜! 早食會舒服!

又係遊擊之夜, 又當然繼續係要去到遠遠的九展. 是晚就先係德福晚飯. 要快的選擇, 這裡係其中之一.,地方擠迫, 加上好多人, 不算係坐得舒服, 但環境係比一般麵店好, 收費也比較貴.餐牌係以套餐製為主, 要了兩個套餐.C餐: 水餃麵配瑞士雞翼$39: 6分, 瑞士雞翼賣相麻麻, 太黑了, 味道也好像不太對辦, 個瑞士汁不太入味. 水餃麵就幾好, 麵條彈牙, 不太大鹼水味, 水餃也幾足料, 喝了一口湯, 好像也有點師傅, 少喝好了.B餐: 雲吞撈麵配蠔油菜心$39: 7分, 或許湯底麻麻的緣故, 覺得沒有浸過湯的麵條係更加吸引, 用小小蠔油去撈已是簡單而出色. 菜心比較老.單計麵, 這裡的水準也不錯的, 但也沒有太深刻印象. 吃飽就出發了.

因為男友已吃了午餐，就隨便在池記食個麵。從來未來過池記，當然試試其招牌雲吞麵，加小食炸雲吞，男友見別人喝冰鎮奶茶，又好奇點了一杯，我就喝熱豆漿。雲吞麵︰雲吞的蝦十分爽口，很不錯。麵的梘水味不多，感覺不錯。不過缺點就是份量太少囉。炸雲吞︰炸得不好，皮不脆，蝦也不算爽口。冰鎮奶茶︰男友說茶濃得有些澀，而且有點過甜。熱豆漿︰豆味不多，甜味充足。沒試過的可以一試，試過了，我就覺得我不會常來。雖然味道不差，但是份量少，又不便宜，不算十分吸引。

1.麵湯底好正,比其他鋪頭的味道濃.絕對要推介.2.鯪魚球即炸的,加了米通,口感唔錯.只不過...服務真係差.我叫Order都等左成3分鐘.

夜晚放學, 個個都飢腸轆轆...但冇奈德福d食肆好早關門...平價之選就當然係池記。最鍾意就係食佢個甜品"紅白", D陳皮紅豆西米露加埋個冇咩石膏粉味既豆腐花, 好正! 美中不足係加左西米露, 唔落會好d....食過晒佢地d牛筋雲吞麵, 粥...都係普通野冇咩特別, 唔係太差咁la...反而個菜飯唔係咁掂, 有待改善!仲有薏米水, 好好飲, 略為甜左少少, 不過有加薑, 值得一讚。

今日繼續開OT, 跟同事二人黎到呢個人山人海既商場, 剛有位, 同事叫了牛腩雲吞麵, 薏米水, 豆腐花, $39, 我叫了個淨雲吞, 柱侯蘿蔔, $34! 同事俾杯薏米水我...唔錯, 好清甜! 蘿蔔做得比旺角分店既好食, 夠腍無渣! 雲吞都有幾多, 粒粒鮮蝦都好爽, 同事既豆腐花應該幾好食, 因為佢既食量少, 食碗麵都食得哂碗豆腐花...呢個好食, 不過位幾窄!

尋日四人同行...叫了兩個雲吞面, 1 個豬手面, 1 個牛筋面及1 碟油菜! 聞d面有d "簡"水味, 但食落就冇, 而且好彈又幼! 好味! d雲吞都好足料, 而牛筋好淋, d豬手都好淋好味! 但豬手面個湯底好咸! 整體幾好味但1份量太少年如果我地唔係食tea 就一定唔夠食! d待應好忙咁叫幾次先幫好加茶!

一嘗這裡的雲吞麵，份量太少，雲吞沒想像中鮮味，環境頗迫。總結：貴得來又沒什麼特別

又食多次,今次食雲吞麵,不果都係袖珍版,雲吞雖然唔大粒,但唔太肥,又係一試無妨!

講真,樣樣都好,不停有專人斟茶,湯靚,雲吞好.雖有套餐,比食開間熟食檔仍要貴十巴仙,同女友講,以後要發憤揾錢,要生活得好,都要自己負担得到.