池記 (Closed)

今日专门去试吓池記雲吞面. 一试之下, 难吃都想呕. D面又碱水味又重, 又硬又无弹性. . D虾又唔新鲜. 都唔知道凭咩话系Michelin推薦的云吞面. 真系失敗。。。。。

叫左個$47套餐，雲吞水鮫麵+油菜，再加$2至有野飲。等成15分鐘至黎碗麵，聽到隔離order時話冇哂油菜，都知冇得食。但見到有成6、7碟油菜出，以為有我份，點知冇俾我！同個部長講，佢話賣哂啦！眼見遲過我黎個D都有，個部長至肯去查單，話冇落order ，叫我揀食甜品喎。我覺得唔係呀花 最後我加多$7叫個米通炸鯪魚球，因為碗麵細到跟本食唔飽。個部長跟著幫我改單加番$7蚊。個麵身比較"林"，唔爽；湯雖然有蝦子+大地魚味，但味同湯色都好混濁，唔鮮，雲吞就都ok，皮薄，係隻蝦稍大，食落口個balance唔好。 份量少，我起碼要食2碗至夠，散布叫$25碗，唔係咁值。米通炸鯪魚球5粒。冇乜挑剔，因為水準之作，熱辣辣，只要炸得透，唔腥，實好食架。但我個人似終喜歡澳門六記，佢D外脆內軟，唔似得一般這只會加米通炸，個脆的感覺只是米通，唔係鯪魚肉；個蜆介都幾咸！我早2日食過同一商場的正斗，我就會捨棄呢間，去正斗食啦！

同D同事去過食, 間野很貴, 真係唔值, 幸好有COUPON用下, 成四十幾蚊個LUNCH囉~平D既有三十幾蚊, 我叫左個豬軟骨飯, 唔記得幾錢啦, 不過好大碗豬軟骨, 豬軟骨同D白飯分開上, 豬軟骨D汁好入味, 又有白蘿蔔, 白蘿蔔&豬軟骨夠淋身,很好味~倒D汁撈飯很正~~~冰顉奶茶很有太興既影子, 嘻, 連味道都一樣的~~~都係好好味~ 茶奶味足夠, 香港人既港式奶茶味~

今日下午在德福睇完戲，有小小肚餓，又唔想食快餐店，見到池記有下午茶餐$25價錢都ok，於是入去試吓，坐低環境都幾舒服，又有待應招呼，點了一個雲吞丐和一杯薏米水，雲吞size唔係太大，一口一粒，蝦肉幾鮮味幾爽，丐都幾彈牙，我特別喜歡薏米水，同出面飲開唔同，有小小羗和密棗味又唔太甜，幾好飲唔錯唔錯，$25超值

當晚正趕去看林宥嘉的迷宮演唱會，但也預留了時間吃快餐以外的東西，就是位於德福廣場裡的池記了。試過旺角和青衣城的分店，發覺其水準是不穩定的。那這兒又如何呢？此晚點了雲吞撈麵配蠔油冬菇、豆漿。雲吞撈麵麵餅份量頗多，麵質頗爽口，證明這個撈麵也差不了。配上不太濃的撈麵醬汁，對味。雲吞的size頗細，一啖一口也剛好，裡頭的蝦是小型size，沒甚鮮味，整體吃來也沒啥特別。蠔油冬菇頗油膩，但冬菇也有四、五隻，雖不至是很有菇味那種，但起碼煮得入味淋口，合格有餘了。豆漿沒有很甜，有些許豆味，暖暖的喝來也沒甚麼要求了。在池記吃雲吞麵，多半是吃其較為舒適的環境吧！起碼比一般麵檔清潔就是了。如若又趕時間或逼不得已的情況下，我也不介意Encore這裡的。

行過德福,明明想去洗手間,點知見到有麵食,又忍唔住行入去,都差不多到落閘放狗等收工時間,幾位阿姐唔得閒理你,都等左一陣,終於有人落單.一向都最推麥文記,池記講起都瘀,竟然第一次食,真係有無攪錯.當然地要雲吞麵,雲吞放底麵係面,正常,呷啖湯,雖未夠濃,但依然幾香,不過不失,麵淥得洽到好處,亦沒有奪命鹼水味,又合格,雲吞包得正常,但食落有點淡.大概是好旺角的級數,比上不足,比下有餘.廿幾蚊一碗,又要燈油火臘又要人工又要租,都唔知有幾多食落肚.

好耐之前試過呢度既蟹皇粥, 之後一直念念不忘. 今次再經過, 梗要入去回味一番Order咗個晚餐, 有蟹皇粥 + 小食, 另加兩蚊有杯豆漿. 蟹皇粥鮮甜多蟹皇, 蟹肉亦鮮嫩, 好味! 小食選擇咗紅油拼盤(雲吞+水餃+韮菜雲吞共7粒), 尺寸比較細粒, 但味道ok. 豆漿就一般啦.店員服務都唔錯, 不過啲位坐得唔係太舒服. 當晚因為唔係太肚餓, 所以一個餐兩個人食, $68埋單免加一, 扺!

又到開飯時間，　今日同黃兔去試下”池記”可能今次我地早去，所以唔洗排隊！〔平時有好多人排隊的〕　我地點了ＳＥＴ　ＤＩＮＮＥＲ:冬菇鴨腿湯飯　－　藥材湯料，味道似〔肉骨茶〕，鴨腿肉質比較”鞋”，略咸雲吞面　－　皮薄又滑，蝦爽甜，麵沒有皂水味兼彈牙，正！炸南瓜蝦卷　－　香脆可口，南瓜味濃，但沒有食到有蝦肉薏米水〔加兩蚊〕－有薏米及紅棗，有薑味，味道似番薯糖水，都ＯＫ原來都有好多人ORDER粥, 下次試試是否好正!!　

又路過德福，這晚很想吃中式粉麵，所以明知唔抵食都入去。這晚人不算多，還有空檯，未決定吃什麼前，侍應殷勤的過了來幾次；但到了想落單時，所有侍應都東張西望，好不容易，才有個侍應看到我的手舉起。$43要了個套餐B：水餃撈、菜心，但不包飲品，所以另加$2要了杯薏米水。侍應落單時沒有講明薏米水是熱飲，但她們也沒有錯，因為不是熱飲，而是滾的！整個餐吃完，杯薏米水都熱到未飲得，叫我點飲？早知點凍豆漿。然後來的是菜心，油落得稍多，只得幾條菜莖、少許菜葉，很快吃完了。連菜心碟收起了，水餃撈才到。水餃味道不差，吃得出菜和肉都不是下價貨，可惜吃不到鮮甜。麵比一般粉麵軟滑，但不是最好。我叫的是撈麵，份量已比湯麵好，但仍略嫌細份。若不是之前吃了下午茶餐，回家後必要煮公仔麵。無疑他們的用料是較講究，但付出比街邊粉麵舖貴一半的價錢，去換取好一成的食物水準，是否值得實屬見仁見智。何況雲吞麵這一類平民化食品，要有點地踎feel才有意思，店舖太豪裝，店員太殷勤，食物太精緻，就已經不是那回事。一試無妨，但物非所值，未必有下次。

到這裡的HMV買唱片, 順便在對面的池記吃碗雲吞麵.下午四點的人客不太多, 只有半滿, 一入門口, 侍應阿姐忙叫歡迎, 及問幾多位, 答了一位, 便直入, 以為有人帶位, 但是企了一會像呆鳥, 郤無人理會, 歡迎, 歡迎之聲是出奇的不絶於耳.卒之女部長發現本人還未坐下, 指示一個剛埋單客人的空位就坐.發現下午茶時間的粉麵加飲品只售廿四大元, 於是要了最基本的雲吞麵加熱奶茶.但是所有阿姐都在忙這忙那, 懶理在下揮手, 數分鐘後, 像執到寶一樣發現一位阿姐望向在下一方, 連忙示意要落單, 於是坐定定等食.十分鐘有得食, 奶茶也跟著到, 以前也幫襯過別處的池記, 所以沒有意外. 先試湯, 稍淡, 沒有過往應有的味道和香味, 麵是銀絲糼麵, 爽口, 稍欠麥味, 可接受.雲吞在底, 擱在匙更上, 有四粒, 姆指般大, 咬開只覺汁液頗豐富, 蝦大隻和爽口, 但鮮味欠奉.下少許辣椒油點吃, 發覺這辣油沒有辣味, 沒有香味, 加和不加的分別不大.吃完後, 把湯也幹掉, 看見頗多蝦子在碗底, 但味道郤不濟. 吃完麵, 把碗推向一旁, 阿姐立即把碗收掉, 效率甚高.奶茶甚熱, 要慢慢品嘗, 奶是已早經下

第一次黎雖然我知黎呢度應該食麪但我又好想食飯選擇真的非常少了.....叫了一個南乳豬手飯豬手得骨同皮只好用汁黎送飯好唔高興地食晒個飯以後都唔想再黎人手亦嚴重不足我地6點半左右入坐人唔算十分多真係唔知正式晚餐時間會點算><

經過九龍灣轉車返屋企，我覺得有D肚餓，不如食嗰下午茶餐先返屋企啦。呢間好耐冇嚟，就呢間啦。座位都幾迫，不太舒服。我要了雲吞麵和熱豆漿($24)，熱豆漿先到，都算足料，味道唔錯，隔一陣豆漿面還結了一片腐皮。雲吞麵細細碗，麵質尚算爽口，又冇乜鹼水味，但不算出色，同果D似橡筋嘅麵有距離。雲吞有四粒，雲吞皮都幾滑，蝦很爽口，再加上蝦子，味道唔錯。下午茶餐都算抵食。

早已聽過池記的大名,也在不久之前在銅鑼灣見過其金光閃閃的裝潢這次到九龍灣見有池記, 特意試試我叫了一個套餐($53), 有牛筋雲吞麵, 吉列豬扒和豆漿一杯另外我拿了好友的一隻炸雲吞試試牛筋雲吞麵牛筋雲吞麵的牛筋非常腍就連最內心部份也不會硬配以腩汁湯底, 不失牛香而雲吞也很足料但蝦的味道不算非常突出反而有少許甜但非常爽口而麵較為特別不像過往我吃過的有很重鹼水味而且吃到生麵的味道平時在街邊檔是吃不到這種味道的果然一分錢一分貨吉列豬扒(拼黑椒汁)吉列豬扒較為韌而肉味並不重水準一般黑椒汁很咸, 並不辣炸雲吞炸雲吞與一般在酒樓吃的不一樣, 皮較薄且細, 也炸得較通透吃時感到外脆內爽非常特別豆漿豆漿非常的香濃不比專賣豆品的店鋪差很多跟餐要加$2但單買要$12, 不值服務方面沒有太大問題而環境似乎比一般雲吞麵鋪高檔及舒適而且也較為衛生最後送了4張$8現金券有機會要去其他分店試試

去過九龍灣o既人都知，食肆多，但人仲多。想搵食，其實好難。上星期六晚七點幾，諗住搵唔到位就返屋企附近先食。經過池記，竟然有位。諗住未食過，不妨試吓。有幾款晚餐可以揀，於是同太太倆個揀咗：牛筋撈麵配芥蘭(油菜)、蘿蔔牛筋腩菜飯拼米通炸鯪魚球(小食)，加$2 有杯豆漿添。牛筋撈竟然最先到，牛筋夠腍夠入味，味道算唔錯。撈麵亦爽口，整體算係高價高品質吧！豆漿就唔係咁得，淡而冇味，真係$2水準。菜飯啲牛筋腩比較實淨，味道濃啲。蘿蔔唔嚡冇渣，仲有少少甜。菜飯份量夠，一般比較油，佢都唔例外。芥蘭冇特別。米通炸鯪魚球好味，炸得透，唔腥！仲要熱辣辣登場，加分唔少。服務唔算好有禮貌，但勝在有效率。

池記開鋪至今，也沒有來試過，今次終於也試來了一下，我點的是牛腩粗麵，散叫要$24的，不過味道不錯啊，粗麵好好味，而牛腩炆得好林，而且好濃郁既湯底，正啊！