熺會館

Open Now

Now Closed

尖沙咀呢間熺會館有火鍋有小菜，小菜今次得地就未試，試左火鍋先，已經好滿意。我地先叫佐一個小食醉鴨舌👅鴨舌好爽脆，口感好好，新鮮唔會霉，每一條都充滿酒香，入味非常！邊爐黎講湯底就簡佐傳統既邊爐湯底魚湯芫荽皮蛋豆腐鍋 + 港式沙嗲鍋🫕一個健康啲一個濃味啲，試晒classic既湯，魚湯真係用鮮魚滾出黎，加埋滑捋捋既豆腐同芫荽皮蛋，好香好清甜，沙嗲湯就濃味啲，沙嗲味好突出，加佐啲椰奶滾既湯好幼好香！火鍋配料我地兩個女仔叫得唔算太多，叫佐鮮鵝腸、熺會手打四寶丸、醉鮮雞子、新鮮淮山。鵝腸好鮮味好爽口，鵝味好濃，係新鮮既味道🤤四寶丸入面我最中意係蝦丸，手打丸特別彈牙，蝦丸好香蝦味，仲食到啲蝦肉，好正🥰雞子好少女仔中意食，但我就特別中意，呢度既雞子好高質，香濃綿清，酒味好香好入味😋淮山好新鮮，粉粉地爽爽地，好fresh好味🥗

👶🏻:嫲嫲話今晚我哋一齊出去食飯👩🏻:嫲嫲唔好話俾我知喎，我哋去食咩啊？👶🏻:媽媽話食媽咪最鍾意嘅打邊爐👩🏻📞🧑🏻‍🦳:阿B話今晚我哋出去打邊爐係咪真㗎😍👏🏻🧑🏻‍🦳📞👩🏻: of course‼️我生完之後已經好耐冇打過邊爐啦，因為我奶奶話對身體唔係咁好，我身體真係比平時2胎嘅孕婦復原得比較慢🥲今日佢竟然話同我去打邊爐我真係感動到想喊😭🍲火鍋湯底🍲：蕃茄菌皇清湯鍋🍅+川式麻辣鍋🌶️▶️蕃茄湯真係好重蕃茄味，煲到最後仍然都係好濃郁。我建議大家可以滾起先嚐一碗🙇🏻‍♀️超鮮甜嘅蕃茄味很不錯哦🙆🏻‍♀️。▶️另外四川麻辣湯底係比奶奶同埋老公食，佢哋超鍾意食辣🌶️佢哋話呢個湯底都好濃辣味，勁好味！🍲火鍋配料🍲：桂花蚌🐚、鮮鵝腸🦢、鹿兒島日本黑豚肉🐖、蟶子🪸、黃金沙炸魚皮🐟、黑白栢葉雙拼🌿▶️叫咗勁多人火鍋配料！我自己就最鍾意食桂花蚌同埋聖子😍因為真係好耐冇食過海鮮🤭嗰種鮮味，真係令我流連忘返😋▶️其他火鍋配料同樣抵食😚，呢間餐廳好啱一家大細‼️

晚餐想食餐好既話，當然都唔少得小菜啦呢日放假就同男友去咗一直都想試嘅尖沙咀既熺會館佢呢度除咗環境靚，裝修特別之外，食物都有好多選擇~糯米蟹俾人嘅感覺好豐富，糯米飯夾住蟹羔香味，D飯又唔硬，吸左蟹汁唔乾身，鮮味滲哂落飯，富米香之餘，更吃到陣陣蟹膏的香甜，令人回味😋😋👍👍熺會小炒王夠哂香口惹味，材料夠豐富，腰果、鮮魷條也不少，最重要係佢炒得乾身，食完個底無油已可吃出師傅功力👍👍🤣🤣馳名生炒菠蘿咕嚕肉好多時咕嚕肉會煮到太酸或太甜，食過好多次好中伏，好開心今次食到味道酸甜適中嘅咕嚕肉😉味道夠哂正中，外脆內香嫩，味道夠哂開胃呀😗

網上見到啲人都幾推介呢度嘅火鍋，但我又想試下呢度嘅小菜點點喎，所以今次就膽粗粗咁試下佢哋嘅小菜。🧐炒菠蘿咕嚕肉：呢度嘅咕嚕肉比較特別，係呈長條形嘅。味道方面酸酸甜甜正常質素，肉質都算啖啖肉，唔會太大嚿骨。🧐馳名生熺會小炒王：係乾身嘅炒麵配上韭菜同埋腰果。炒得係非常香口，麵食落卜卜脆再加埋腰果就更有豐富嘅口感。🧐糯米飯：分量都算幾多。口感軟綿綿煙煙銀銀。唔會太硬幾易入口。🤗總括嚟講呢度小菜都值得一試，如果又想食下小菜又想食火鍋，不妨就嚟呢間啦。

今日同男朋友黎到尖沙咀呢間熺會館打邊爐，呢度坐得好舒服，店員又好有禮貌，食物質素仲超高添！🍲蕃茄菌皇清湯鍋 + 川式麻辣鍋鴛鴦湯就岩晒唔同口味既人，好似我地咀，一個想健康啲，一個想重口味啲😆兩個湯底但係都好濃味好足料，愈濃愈出味，岩晒打邊爐，咩配料都襯到！💧蜂巢豆腐豆腐好吸汁，好似海綿咀好多層次，吸盡湯底精華，一咬落去啲湯‘必'出黎咁，好正！🐖鹿兒島日本黑豚肉黑豚似脂肪比例岩岩好，入口即化咁，好鬆化，打邊爐真係岩晒，吸埋啲湯汁仲香仲惹味！🥟熺會館四寶餃四寶餃有魚皮餃、雲吞、餃子呢啲，每款都好好食，皮薄餡靚，魚皮餃超有魚味，好足料，食到啖啖魚肉，全部都好正！！

成日以為小炒王只有大排檔有得食？我今日話俾你知其實位於尖沙咀的呢間餐廳都有得食㗎 ！佢哋嘅小炒整得充滿油香，炒到乾爽熱亦又唔膩👍🏻仲要好香口添❤️材料亦好豐富，有炸魚仔、蝦乾、腰果、韭菜等等👉🏻熺會小炒王👈🏻入秋肯定要食蟹，天氣凍啲就一定要食糯米飯，已經踏入左秋天一段時間秋，但係今日比較凍，所以嚟到呢間餐廳就啱啦因為佢哋有糯米蟹食㗎 ！佢呢度嘅蟹仲要有蟹膏🤭👉🏻糯米蟹👈🏻我同兩個朋友食到舔舔脷！我自己認為糯米蟹真係好抵食！又有勁多蟹肉蟹膏，下面又有飯唔使再另外叫。而且食完暖笠笠👍🏻

想食火鍋又想食刺身？熺會館幫到你。呢間位於尖沙咀嘅特色餐廳，有火鍋、海鮮、刺身、小菜一應俱全。咁我哋今次就火鍋同刺身都試下。首先主角之一係熺會館足料雞吞翅。呢個係一個湯底，但係湯底入面都有好足料嘅雞肉同埋魚翅。所以真係好抵“食”嘅一個湯底。😁靚靚嘅火鍋湯當然要配番靚靚嘅肉，鹿兒島日本黑豚肉就唔少得。優質嘅豚肉放入優質嘅湯底之中嫩嫩可口，仲帶有雞嘅鮮香。🤪黎點小食冰火魷魚。我諗應該係煮熟咗之後放返凍所以叫冰火？anyway佢充滿鹹鹹嘅秘製醬汁非常入味仲有點整芝麻質感好爽脆。😚續為大家介紹刺身拼盤。基本上有超大份量嘅三文魚吞拿魚蝦同埋帶子。想一個時候仲喺充滿乾冰嘅煙夠哂冰凍新鮮。🤯🤯

尖沙咀呢間熺會館主打火鍋同小菜，選擇豐富，最岩一大班人黎一齊叫唔同既配料黎食，坐得又舒服，傾計都傾得開心啲呀！今次湯底就簡佐魚湯芫荽皮蛋豆腐鍋 + 港式沙嗲鍋，一個辣一個唔辣，岩晒唔同人既需要😌芫荽皮蛋豆腐湯唔會太濃咪，但好清甜，而且愈濃會愈濃味，吸收埋湯底精華，正呀！沙嗲鍋呢就都唔會太辣，但好香濃，有啲花生粒，好惹味，愈煲愈正🤓火鍋配料我地叫佐好多，最深刻係特級手切本地牛肉，牛肉膏紋好靚，油花分布超平均，鮮紅色既牛肉好新鮮，牛味爆濃，肉質柔嫩，十級好食🐮另外醉鮮雞子都好出色，雞子好大粒，酒醉雞子令雞子好入味，完全食唔到腥味，碌完咬落都好綿滑🐣特肥脆肉鯇魚腩又係不得不提，魚肉鮮嫩無比，入口即溶，呢個碌落芫荽皮蛋豆腐湯更提鮮🐟其他火鍋配料都好出色，今次一大班人食到好滿足🤤

今日天氣凍番好多，黎到尖沙咀呢間熺會館，呢度既火鍋好多人食，我地就都試下。鴛鴦湯蕃茄菌皇清湯鍋 + 川式麻辣鍋蕃茄好多，雜菌又香，成個湯好清甜好有家的味道，麻辣鍋就重口味啲，辣辣地好岩凍既天氣食，食完果人都暖晒，兩個湯都愈濃愈出味，正！火鍋配料一堆😆淮山麵(用淮山整既麵非油炸，好健康，麵質都煙韌)；蟶子(蟶子夠晒大隻，好新鮮唔會太腥，鮮甜既海鮮味配上清湯就更突顯出蟶子既鮮)；黑白栢葉雙拼(柏葉新鮮無雪味，爽脆有口感，黑柏葉更係原汁原味無加工，保留晒牛既鮮味)；特肥脆肉鯇魚腩(魚腩多肉無骨，魚肉嫩滑鮮味)；桂花蚌(鮮嫩桂花蚌爽滑好食，鮮味十足)；鹿兒島日本黑豚肉(豚肉肥而不膩，肉質柔嫩，配麻辣鍋味道更突出)🥰醉鴨舌鴨舌入味爽嫩，新鮮既鴨舌食唔到丁點雪味，酒味香濃，出色好食👅

週四夜同朋友喺尖沙咀搵好嘢食，咁啱見到呢間打邊爐網絡唔錯，所以試吓。我哋叫咗一個鴛鴦鍋，有蕃茄排骨湯同四川麻辣湯，湯底都幾鮮甜。配料方面，我哋叫咗牛肉豬肉，水餃響鈴，牛柏葉非常好食！

呢排真係涼番好多，最適合打邊爐，今日就同屋企人黎到尖沙咀呢間熺會館試下！蕃茄菌皇清湯鍋 + 川式麻辣鍋我地叫佐一個鴛鴦湯，一邊係健康既蕃茄菇湯，一邊係麻辣重口味既麻辣湯，蕃茄菇湯好清甜，唔會太濃味，好健康，麻辣湯有好多辣椒花椒，麻辣過癮🍲黑白栢葉雙拼兩款柏葉都好香牛味好新鮮，香柏葉爽口得黎無咁韌，黑柏葉無經過任何加工，爽脆之餘牛味更為香濃，不汁不味，好食！👍🏻蟶子蟶子鮮甜大隻，完全無沙，洗得好乾淨，蟶子好香，口感爽脆，碌完黎食好鮮味，配邊個湯底都好爽，正😋鹿兒島日本黑豚肉黑豚肉好香豬味，肥瘦好均勻，厚薄又適中，咬落好有口感，日本黎果然唔同啲😆

💜糯米蟹:10/10📋ʔ•̫͡•ʔ糯米雞就聽得多糯米蟹我真係冇食過，阿媽後來話返俾我知原來傳統嘅糯米蟹都係用籠仔蒸出嚟😝好多蟹肉同蟹膏👍🏻💜黑松露蝦仁炒滑蛋:10/10📋ʔ•̫͡•ʔ蝦仁炒蛋係送飯好菜式，今日仲要加埋黑松露，味道真係豐富左🙈蝦仁口感彈牙，炒蛋夠滑溜🙌🏻初頭呢間餐廳係我同事介紹我嘅，佢話近排同屋企人食咗一間火鍋餐廳係超級正🙌🏻所以我嚟到嘅時候本來係諗住打邊爐㗎，點不知睇完佢哋嘅餐牌之後比佢哋嘅特色小菜吸引咗，所以就變咗嗌小菜😈下次先再嚟打邊爐啦🤭餐廳職員幾Nice👅為我同媽媽介紹餐牌👍🏻

今日係我婆婆生日💘好開心睇到呢個年齡仍然食得瞓得行得走得👵🏻。諗返起佢已經照顧左我哋兩姊妹差唔多20年🙏🏻希望佢一直身體安康，我記得婆婆成日都話生日想食中菜🤔我哋就成日都嫌老氣。哈哈今日終於比家姐搵到一間餐廳景點又有得食小菜滿足嫲嫲，又有得食刺身滿足我哋😚🐟深海活魚刺身(⭐️⭐️⭐️⭐️)👉🏻係深海池魚😍 池魚肉厚刺少，肉質鮮嫩肥美，脂厚油香，入口魚油甘香細膩，刺身能帶出池魚令人齒頰留香的油分。完全唔Hea👍🏻🍍馳名生炒菠蘿咕嚕肉(⭐️⭐️⭐️⭐️⭐️)👉🏻 酸酸甜甜，腩排連骨，肉質較嫩滑。有紅椒菠蘿同埋青椒配搭蕃茄汁🥫，真係開胃❤️🍳黑松露蝦仁炒滑蛋(⭐️⭐️⭐️⭐️⭐️)👉🏻 色香味俱全嘅炒蛋，上枱已經聞到松露香，蝦仁好彈牙炒蛋，真係滑脫脫。🍚糯米飯(⭐️⭐️⭐️⭐️)👉🏻天氣開始凍就一定要食糯米飯，熱辣辣，又夠飽

以前我好鍾意食放題㗎，不過越嚟越大個先發現放題嘅質素其實唔係咁好😓無論係火鍋放題定係日式放題🥶有陣時一個唔覺意就會食到肚痾😭要食打俾我或者魚生，一定要搵間有質素保證嘅餐廳🙏🏻咩為之好質素嘅餐廳？就好似我今日要介紹嘅呢一間位於尖沙咀嘅火鍋店🤭佢哋嘅裝修風格已經睇得出用咗心思去設計。而且環境乾淨企理💁🏻‍♀️而且佢哋職員態度友善有禮👍🏻湯底: 魚湯芫荽皮蛋豆腐鍋 + 港式沙嗲鍋。🐟通常厭世都好似係佩瑜🤣魚湯已經熬製至奶白色，皮蛋同豆腐可以放心食用。唔會有細骨🥰。沙嗲湯底食落就好似食緊沙嗲肥牛粉絲煲嗰種感覺。真係好濃郁啊😳-刺身拼盤:刺身拼盤亦唔野少😚估唔到有咁多款魚類，我自己最鍾意就係食油甘魚🥰非常鮮味，仲要係厚切‼️-蟶子:聖子掉落火鍋到就一流！洗得好乾，淨唔會有沙😎

🔅打邊爐又怕熱氣？ 除左打完之後要飲涼茶之外，其實可以揀返清熱滋潤湯底，中和一下！大家可以跟我一齊試下椰子雞湯底🐣，清新滋潤。🔅火鍋配料就犀利啦，我揀咗超級多嘢😍呢度嘅款式都比較多，例如我自己就叫咗:新鮮淮山、萵筍、鹿兒島日本黑豚肉、鮮鵝腸、熺會館四寶餃、醉鮮雞子等🔅我自己就最鍾意四寶餃同埋黑豚肉！水餃有4款唔同嘅口味，啱晒我呢啲呢樣又想食嗰樣又想食嘅人😅🔅另外鹿兒島日本黑豚肉，果然真係日本黎！一食落去就已經知道有分別🤤零舍重豬味，食落口唔會太鞋，總會有少少肉汁。🔅總括嚟講，我覺得呢間餐廳啲嘢食都幾高質。