熺會館

Open Now

Now Closed

今日喺呢間餐廳打邊爐食咗好多樣嘢㗎。不過我揀咗幾樣自己覺得最好味嘅嘢食出嚟介紹俾大家🙌🏻1️⃣熺會館足料雞吞翅2️⃣黑白栢葉雙拼3️⃣刺身拼盤4️⃣桂花蚌以上呢四款我都覺得勁好味，大家有興趣可以睇完我介紹之後跟住我叫👍🏻🤤1️⃣熺會館足料雞吞翅係用左原隻大雞🐣去煲。雞上面鋪左翅，一開頭建議大家飲啖湯先！雞湯好濃郁😋真係唔捨得拎嚟打邊爐🍲2️⃣黑白色兩款牛柏葉拼埋一齊都真係賣相幾吸引，兩款都係好重牛香味🐮。而且好新鮮添馺一霎食落口牛柏葉真係爽口得來唔會好韌。3️⃣刺身拼盤有好幾款唔同嘅刺身，我自己仲係好鍾意食三文魚👅新鮮‼️4️⃣桂花蚌好鮮甜，彈牙口感，真係一流

千呼萬喚消費券又嚟喇，同老公即刻去食返我哋至愛嘅尖沙咀既熺會館🤭🤭排隊滿滿好在訂咗位😌😌食好啲！食豪啲我地叫左呢個蕃茄菌皇清湯鍋 + 川式麻辣鍋，蕃茄湯式好濃蕃茄味，好鮮甜，菇都好多，份量十足，麻辣鍋湯式好過癮，麻麻地，好開胃，配肥牛一流😋😋😋配料有鮮鵝腸、桂花蚌、牛，桂花蚌好鮮甜，好新鮮，冇沙，啖啖肉，好彈牙，好食👍😋鵝腸都好滑，冇沙，又冇冷鮮味，值得一試，仲有呢個牛，好大一碟，我地兩個食肉獸都好滿足，好香牛味，油脂分明，唔會太肥，正👍👍配兩個湯底都好正😆😆下次再黎過！

尖沙咀呢間火鍋店相當有特色，環境舒適又啱打卡。今餐我哋真係嗌咗好多嘢，等我為大家重點講下。🌟鍋底：魚湯芫荽皮蛋豆腐鍋 + 港式沙嗲鍋黃色配橙色嘅鴛鴦鍋，顏色幾襯。魚湯方面有好香濃嘅魚味同豆腐味，芫茜味唔太重。沙嗲方面就辣度啱啱好，少少傑。🌟特級手切本地牛肉用圓碟上，肉都係圍住圓形咁鋪排相當美觀。薄薄一塊剛剛好30秒就熟。油脂分佈方面瘦肉較多。🌟醉鴨舌好少火鍋店會有鴨舌揀嘅，呢個係熟嘅，所以其他配料未熟都可以食住先。呢個係用酒醃製過嘅，所以有淡淡嘅酒清香。🌟特肥脆肉鯇魚腩好鍾意脆肉鯇特別嘅質感，就係肉質脆脆地。呢度好大舊，啖啖肉又有鮮味。🌟新鮮淮山淮山一向係飽肚之選，出面火鍋店都好少有，呢度仲要係新鮮嘅。

熺會館花膠雞湯鍋🍲貪靚既我地緊係叫啲滋陰養顏既湯底，成個湯底好膠，飲落成口膠質，骨膠原好重，滾湯既雞好肥美，好滋補！熺會館即炸響鈴🔔響鈴雖然係好肥，但炸得好食既話真係抗拒唔到，鮮炸既響鈴脆到卜卜聲，係湯底浸3秒拎上黎食仲係脆既，又吸到湯既鮮味，正！特肥脆肉鯇魚腩🐟魚腩好肥美，無骨肉嫩，好滑好香，魚皮都好爽滑，啖啖肉好味！萵筍🥗萵筍青脆爽口，好清甜好新鮮，打邊爐食佢絕對清熱又健康！桂花蚌⭐️新鮮既桂花蚌好大隻，爽口彈牙帶鮮味，完全無膽固醇同脂肪，女仔真係可以放心咁食！配埋呢個膠質十足既花膠雞湯，味道更突顯，滋陰呀！蜂巢豆腐😬口感煙韌既豆腐吸晒啲湯汁，好入味好好食！醉鴨舌👅呢個係小食黎，凍凍地好好食，鴨舌索晒香醇既酒香，煮過之後鴨舌有浸冷河，皮肉緊緻爽嫩，世一呀！熺會鳳尾蝦多士🍤🥪蝦多士炸到金黃香脆，蝦肉彈牙，配埋面頭既黑松露味道好突出，好好味呀！

出面都有林林總總嘅火鍋店，但呢間舒適得嚟餸菜都幾有特色。例如呢度有鴨舌同埋黑色嘅牛柏葉，仲有椰子雞鍋。🥥🍗鍋底方面我哋試左比較特別嘅椰子雞鍋。真係放咗好多椰子同雞絲入去，充滿香濃嘅椰子味同埋雞香，相當濃郁。火鍋一定唔少得海鮮。重點同大家講下🦪蟶子真係必食。因為佢真係好大隻分量又多，食落有鹹鹹甜甜嘅感覺，加埋雞鍋更加帶出鮮香。🦆醉鴨舌都係一般火鍋店比較少見。食落有一種獨特嘅酒香，一點點嘅清新滲入鴨舌之中，仲有少少紅椒調味。🐂黑白栢葉雙拼就更加獨特。因為出面多數係白色，呢度就黑白都有任君選擇。而我知道黑色係比較新鮮嘅，因為佢冇漂白過更加健康。

呢間餐廳暫時係我心目中嘅排名中輕鬆拿下冠軍，除咗嘢食之外，我覺得呢間餐廳嘅職員同埋環境都幾好。首先講吓佢哋嘅職員啦態度非常有善。環境就好乾淨，疫情之下，最緊要就係乾淨！🍅 蕃茄菌皇清湯鍋 + 川式麻辣鍋🌶️介紹返今日呢個火鍋湯底就叫做鴛鴦湯，一邊就係蕃茄湯另一邊即係麻辣燙。蕃茄湯好清甜麻辣湯好夠辣🥵，啱晒冇冇辣不歡嘅朋友們。🍡熺會手打四寶丸🍡手打院聽佢哋職員講係每日限量供應，如果想食嘅話就記得預先預約，手打真係彈牙過平時一般機打出嚟嘅。🐟特肥脆肉鯇魚腩🐟鯇魚腩真係好肥大肉厚，又唔會太腥，好ok👅醉鴨舌👅酒味濃，鴨舌好入味

今次我地去左吃到好飽既尖沙咀既熺會館，我哋今日七點嚟到，可能今日係星期五，所以好多人。湯底方面，我地叫左個椰子雞鍋，用料相當豐富。。除咗椰子，仲有紅棗、龍眼肉、杞子、雪耳，湯底好清甜！🤤 啲雞超級嫩滑，湯仍然係好清甜，好有椰香呀😚😚👍👍👍就咁拎黎飲都覺得好正☺️☺️☺️烚到咁上下，食材吸收了湯嘅精華鮮甜，另外加左好多配料打邊爐，有蟶子、熺會館即炸響鈴、特肥脆肉鯇魚腩.....一讚個響鈴真係好鬆脆，好鬆化，樣樣都好食，蟶子都好新鮮，好鮮甜，啖啖肉，冇沙，超正，食完呢餐好滿足！😚😚😚

熺會館花膠雞湯鍋🥰湯底金黃色，一睇就知好足料，而且湯底膠質十足，花膠有幾大隻，雞又黃油，滋補首選呀！醉鮮雞子☺️雞子係正宗新鮮既農場雞子，好鮮味完全無雪味，用酒浸過更加唔會腥，只係聞到濃濃既酒味，雞子大粒有口感，一咬必晒啲汁出黎，好香好補！熺會館即炸響鈴😗響鈴鮮炸好脆，新鮮響鈴好好食，碌幾秒就吸晒啲湯既香味，正！熺會炸黑松露餃😙炸餃好脆，皮好薄，脹卜卜既黑松露餡好香，香濃黑松露味好食入味！熺會手打四寶丸🍢 熺會館四寶餃🥟每款丸都真係手打，粒粒形狀唔同，牛丸好濃牛味，介有啲肉汁添，蝦丸果啲都好彈牙好鮮味，全部都超好食！估唔到餃都有四寶，一次過試晒唔同款式，好特別，啲餃都係皮又薄餡又足，食到好滿足！

呢間餐廳我睇佢openrice好評如潮，啲人誇張到話係酒店級水準😋睇佢再食平好多圖片，所以都好安心咁就去食🤭最緊要係真係勁多人話佢好好味呀嗎‼️🔸熺會館足料雞吞翅一嚟到就比佢呢個湯底吸引住，淨係睇Menu嘅晚上已經覺得好吸引😍點不知上菜嘅時候真係驚艷到我😝，淺嚐一口已經愛上❗️🔸熺會鳳尾蝦多士每件巴士都夾雜着一隻鳳尾蝦🦐炸到金黃不特止仲要炸到酥脆可口，確實係吸引🫣🔸鹿兒島日本黑豚肉黑豚肉真係好香豬味，唔會太鞋👍🏻🔸黃金沙炸魚皮:我中意就咁食多啲🙈即叫即炸，又有鹹蛋香，脆口到唔捨得放湯🥲

今餐真係超豐盛而且好有特色，又食得開心，每件食物外觀都好靚，打卡都唔錯㗎。📷🍲首先個鍋底係好重點嘅主角🐓熺會館足料雞吞翅黃色係佢嘅主調，中間有一大嚿魚翅包住啲雞肉，上面有小小蟹子，旁邊係紅棗杞子香蔥等等嘅配料。成個構圖其實好吸睛。🐟🪔黃金沙炸魚皮用咗一個比較優雅嘅碟去擺，而啲魚皮都偏大塊，每一塊都比較完整。🥠蜂巢豆腐同樣擺得好靚好似一朵花咁。佢係一嚿一嚿圓形圍住咁放，形成一座小型嘅塔。🔔熺會館即炸響鈴非常之鬆脆幾乎可以就咁食，放入煱度都唔會好易散曬。🦐熺會鳳尾蝦多士四四方方的的骰骰，一啖一口真係好過癮。仲有原隻蝦喺上面真係太正了。🏔️新鮮淮山出面都好少有淮山，所以都幾特別。🐷鹿兒島日本黑豚肉上菜嘅時候一卷一卷咁樣都幾靚，肉質鮮嫩可口。

今日好開心一家人嚟到呢度打邊爐，今餐真係好豐富好滿足！首先我想讚下佢嘅湯底💯魚湯芫荽皮蛋豆腐鍋 + 港式沙嗲鍋💯呢種配搭真係幾特別有辣有唔辣任君選擇。好欣賞佢個芫茜鍋唔會有過重嘅芫茜味，魚湯嘅鮮味亦都非常出。其實我哋都嗌咗好多嘢食，不過想重點介紹下以下呢啲。熺會手打四寶丸💯一次過可以試齊四款嘅丸，似係新鮮製嘅彈牙非常。特級手切本地牛肉💯上碟嘅時候都幾靚用上圓形大盤。呢款牛肉瘦肉比較多啲，但都唔會太煙韌鞋颯颯，入口都算鮮嫩嘅。熺會館即炸響鈴💯未熟嘅時候已經好鬆脆，放入湯後亦唔會好快散曬，灼幾秒鐘擺落口啱啱好。推介度：8.4/10

集合火鍋小菜一身嘅熺會館位於尖沙咀，所以都好就腳。兩個人去嗌咗一鍋食咗個桂花蚌，再食埋小食就差唔多。小食方面試咗呢個🍤熺會鳳尾蝦多士🍤。佢四四方方都幾得意，好難得係佢真係有成蝦喺上面。一啖咬落去真係非常鬆脆。👅醉鴨舌👅相信都係好多人鍾意食嘅。通常都係滷水醃製，但呢度係用酒浸製，所以有淡淡清香都幾新鮮。之後呢個🍗熺會館花膠雞湯鍋🍗都幾重點推介。因為出面都好少話有花膠湯底，就算有啲花膠都唔會多得去邊。但呢度真係好足料，可以見到滿滿都係花膠嘅痕跡。而個湯亦都夠傑身。因為個鍋又有雞又有花膠，其實都幾飽所以我哋淨係加左個桂花蚌。分量好足好大又夠新鮮爽脆，正。😚😚

早幾日男朋友話約左朋友打邊爐唔返黎食🍲正當我諗住自己食個刻，點知......🥲佢俾人放飛機🛫為左彌補佢既弱小心靈💔我咪同佢去打邊爐🤣果然冇令我地失望，先叫左個熺會館花膠雞湯鍋，睇相都覺得足料，雞件厚肉又唔多骨，最重要係皮薄，唔會太肥🥰味道方面，雞肉好入味，但味道一D都唔遜色😋😋配料超級多，花膠都比到足！湯仍然係好清甜🤣🤣我地仲加左d配料，有醉鮮雞子、鮮鵝腸、熺會館四寶餃、鹿兒島日本黑豚肉，特別一讚個黑豚肉，肉質好滑，好入味，呢個份量兩個人食都岩岩好😋😋四寶餃我都好鍾意，皮薄饀靚，好足料，粒粒都好食，味道同口感都好豐富，大大粒，冇得輸👍👍🥰

今晚同事聚會，一行十一人去佐尖沙咀山林道呢間熺會館打邊爐🍲，離遠已經見到大大個招牌寫住熺會館，門面好靚好高檔，入去之後安排佐我哋坐房，內邊環境裝修都好靚，間房好大，一張大枱可以坐15個人，有兩個電視機📺，仲有幾張沙發🛋️俾人坐係度唱k, 仲有一個好大嘅獨立廁所，張枱一開始巳經擺咗一套好靚好靚嘅壺同杯仔，好得意😎，我地叫佐普洱茶，够曬健康，見到有三個爐，我哋開始嗌嘢食，首先揀咗湯底先，一個麻辣湯底，一個冬瓜瑤柱湯底，再加一個椰子雞湯底，之後當然就係最靚嘅牛肉啦，手切封門柳，邊爪，牛頸脊，再叫佐三個刺身，一個係雕魚，另一個係大鮑魚刺身，仲有個象拔蚌刺身，一上佐刺身大家已經驚歎話好靚呀，不停影相📸️，味道超級鮮甜，好正，之後開始上湯底同牛肉，個椰子雞湯非常非常之甜，麻辣湯底真係好辣，冬瓜湯底好清好好飲，個湯底一滾第一時間放牛肉落去，果然好嫩好有牛味，忍唔住叫多一輪牛肉，除咗呢啲主菜，當然唔少得打邊爐🍲必嗌嘅蔬菜🥬，餃子🥟，蝦滑，響鈴，生根，麵同烏冬啦，再嗌佐啲飲品同啤酒🍻啤啤佢，最後仲有生果食，一路唱下歌一路睇電視📺一路食嘢，有機會會再嚟

朋友話尖沙咀呢間火鍋店幾有特色，所以就去試下。🤗首先想讚下蜂巢豆腐因為佢擺盤真係好靚。然後外面鞋鞋底又脆口，裏面好嫩滑。🤗跟住想一提嘅係黑白栢葉雙拼。因為出面多數得白色嘅牛柏葉，好少話有黑色甚至兩樣都有。🤗醉鮮雞子比出面唔同嘅係佢用酒醃製過，所以有一陣淡淡嘅酒香可以辟腥。🤗壓軸想講下就係湯底：魚湯芫荽皮蛋豆腐鍋 + 港式沙嗲鍋。呢個湯可以照顧到想食辣同唔食得辣嘅朋友。芫荽魚湯嘅魚味較重又唔會太重芫茜味；沙嗲湯充滿港式風味。