囍雲天酒家 (Closed)

去年底和愛攝同學們在囍雲天吃過團年晚飯，由於大夥兒關係，我們點選抵食夾大件的炒粉麵。今晚來到與家人吃家常晚飯，揀幾個小菜共聚。片皮鴨抵食，要半隻！有抵食4選1優惠，我們楝上湯加拿大龍蝦（伊麵底）。首先上枱是琥珀安格斯一口牛肉，牛肉有鮮肉味，炒芹菜是合心意，不過合桃就脆口和淋身都有，美中不足了！味道是偏鹹了少許，要了白飯，就平衡了！登！凳！鄧！片皮鴨來了！睇表演啦！片皮鴨份量比心目中少，皮脆就一般。上湯加拿大龍蝦（伊麵底），龍蝦尚可的，味道都是偏鹹了少許，上湯不多見呵！人均消費$160，食物、味道和價錢都算中規中矩。

又是繁忙工作的一天，收工後約同事吃餐飯，算慰勞下佢又可以繼續傾，佢提議食中菜，因為酒樓好坐D,佢提議去觀塘宏利中心囍雲天，佢話之前試過去飲茶點心幾好食，咁就去喇餐牌幾多選擇，燒味同小菜款式極多煲仔菜生猛海鮮我地點左幾抵食嘅孖寶，$148,脆皮燒皇子鴿+蒜蓉粉絲蒸貴妃蚌乳鴿兩隻，好快熱辣辣送上，表皮炸得香脆，肉質夠厚而保持到鮮嫰，正貴妃蚌好大隻，肉夠晒厚，肉質鮮甜而唔靭，廚師控制得恰到好處，上邊鋪左大量蒜蓉加粉絲，簡直係我至愛，好惹味哦上湯龍蝦配伊麵底，龍假原隻斬件，淨肉都有五六舊，肉質甜美夠鮮味，而且夠晒彈牙，上湯煮到入晒味，食完真係超滿足原隻鮑魚配鵝掌，鮑魚味夠晒濃又有一定咬口，鵝掌忟得好淋，鮑汁甜味入晒去，真係有衝動想叫個白飯撈鮑汁食海味雜菜煲爆香左大量蝦米淆湯，湯底鮮味夠濃，配有少量元貝絲同大量蔬菜，食完多款美食就啱晒埋單共約六百元，就食到鮑魚龍蝦海鮮宴，真係又好食又抵，而且呢度停車場有免費泊車，食滿$400就可免費泊三個鐘

今日跟姨媽姑姐食飯，地點當然是長輩門決定，最後選了位於宏利的囍雲天。原本估計位於商廈內的茶樓周日晚上必然食客不多，加上食店跟地鐵站亦有點距離，但想不到卻是座無虛席。＊＊＊＊＊＊＊＊＊先來一渣橙汁，$48大大渣，足夠四人飲用。紅燒皇子乳鴿($58)乳鴿不算特別便宜，但都算大隻，價錢都合理。乳鴿夠味，個人覺得不蘸淮鹽都可以，肉質不會太鞋，但乳鴿皮則有點不夠脆，整體不過不失。杏汁燉白肺($188)杏汁燉白肺是兩款不用預訂的燉湯之一，一盅份量都幾多，足夠6至8人飲用。白肺洗得夠乾淨，這從奶白色的燉湯中可以清楚知道。燉湯杏仁味超重，可算是我飲過的白肺湯中杏仁味最重的，白肺軟腍中帶點彈口，所以我們都把白肺吃光光。翡翠蔥爆海斑球($188)海斑球很夠薑蔥味，肉質軟滑，例牌份量都不會太少，下面還有很多西蘭花。上湯加拿大龍蝦伊麵($118)加拿大龍蝦伊麵是晚市四款優惠之一，二至五位可點一隻，六位或以上可點兩隻，雖然是優惠價，但份量正常，足夠四人食用。龍蝦肉質都彈牙，肉量也可接受。伊麵不會過腍。總結，晚市四選一優惠非常抵食，份量亦絕不欺場，杏汁燉白肺也是必點之一。

約咗朋友行觀塘海濱公園， 他提議行之前飲過早茶先， 所以揀咗就近 觀塘碼頭宏利大廈內的"囍雲天"， 由觀塘地鐵站步行到酒樓大約十分鐘內， 雖然不是太近地鐵，但這邊比較寧靜舒適相比在apm內的酒樓。 飲完茶又可以悠閒地漫遊觀塘碼頭和海濱公園。酒樓內觀都好舒適寬敞， 剛剛坐著 近窗边的位置格外開揚點心選擇都很多， 最欣賞係他們會做2件的點心這樣可以方便二人， 不用食同款太多數量又可以多選擇其他点心, 整體點心都算唔錯， 服務和環境都滿意

Lunch time都有試過去宏利中心嗰邊飲茶， 但就未有機會食晚飯，所以就同屋企人一齊去。位置比較接近觀塘碼頭 ，和地鐵站有些距離，如果搭地鐵在觀塘站落車的話，就要留一些時間行過去。正因為如此，坐位比較充足下不需要等位。囍雲天酒家在高級商廈之中， 裝修光猛企理， 不只和家人食飯，即使商務宴會，亦唔失禮。頭盤是五福臨門拼盤，餐牌所寫的食物有叉燒、海蜇、燻鴨胸、雞和豆腐， 然而侍應送來的拼盤 ，沒有了海蜇和豆腐，改為燒乳豬和青瓜，若果一心想享用海蜇以及豆腐的話，也許就得失望了。幸好家人也很喜歡這個配搭，個人特別喜歡當中的燒乳豬算是香脆細滑，叉燒亦覺得不錯，肥瘦適中。晚市六時抵食之選，優惠每枱只限一款，我們叫了上湯加拿大龍蝦伊麵底。大概足夠四人享用， 龍蝦肉份量十足，龍蝦鉗龍蝦鉗已被扑開，方便食用，肉質爽口，不過調味略鹹，喜歡重口味的朋友，應該會覺得是心水之選。小朋友喜歡香口食物 ，所以叫了一碟鳳梨咕嚕肉。 咕嚕肉新鮮炸起， 零舍香脆 ，加上甜酸醬汁，非常醒神。沾上甜酸醬汁的紅椒、青椒和菠蘿，配上蔬菜本身的色調，這個紅綠燈組合，連本身不太喜歡吃菜的小朋友，也樂於品嚐。三度菜合共354元，

和長輩吃飯，還是中菜酒樓最穩陣。去到離地鐵站稍遠的>>>囍雲天<<<，雖然要多走幾步，但勝在食得清靜舒服。 酒樓主打婚宴，無論門外宣傳單張，或是室內裝飾，均以此作主題，帶點華麗感覺。 在點餐紙中，找到本期精彩推介北京片皮烤鴨，食量多的話可以點一隻，不過同行人士小食多滋味，所以只點了半隻(HKD108)。片皮鴨半隻完整出現在餐桌旁邊，侍應即席片皮。老實說刀工當然不及專門出售片皮鴨的老店店員，不過特價推介也就算了吧。 配以京蔥及青瓜，再沾一些調味醬油，口腔內的香脆，滋味還是滿滿的。 想補充一些鐵質，所以點了琥珀安格斯一口牛(HKD128)。一口牛名副其實，切出的形狀與伴碟芹菜相近，賣相加分。安格斯牛肉細軟嫩滑，肉味香濃。以甜脆核桃伴碟，口感更佳。 吃過鴨和牛，也要一些蔬菜平衡一下。鮮枝竹一品齋(HKD88) 包括豆腐、枝竹、黑木耳，搭上幾條時蔬及銀杏。這些雜錦可以各適其適，選自己喜歡吃的菜就可以了。 除了上述餸菜收費，還有酸菜、茶錢及加一服務費，人均消費約HKD150，可謂豐儉由人。

假日黎左觀塘海濱長廊呢度chill 下, 行到盡頭見到觀塘碼頭, 睇埋個日落就喺附近搵野食, search 到宏利金融中心呢間囍雲天酒家就過黎睇下有乜好食喺門口見到d 野食都幾吸引, 又有套餐可以叫, 性價比好高架4選1呢張係主打, 有$1一隻雞, 龍蝦伊麵平日$108, 假日加$10, 唔鍾意食龍蝦都仲有沙巴龍躉斑仔同燒鴨睇埋呢張有好多set, 咁上面揀左龍蝦, 呢度就叫左一個海鮮孖寶, 一樣有沙巴龍躉仔, 仲有6隻貴妃蚌添半隻片皮鴨價錢公道 $108 即時現場有人片比你食絕對唔少得既3寶, 海鮮醬, 青瓜絲, 洋蔥絲塊皮夠薄夠大塊, 可以對摺再放入配料, 冇咁狼狽鴨皮夠脆, 有少少肉同油連住, 沾上海鮮醬更加惹味, 配埋青瓜洋蔥絲, 解膩之餘又可以增加口感蒜蓉粉絲蒸貴妃蚌, 好鍾意佢蚌, 蔥花, 蒜蓉碎放喺粉絲面既做法, 可以令人先食到蚌既鮮嫩, 所有汁既精華就比底層既粉絲吸收晒, 食落去既粉絲爽而鮮甜清蒸沙巴龍躉仔, 蒸魚既時間拿捏得好準確, 魚入面既肉剛剛好同魚骨分離, 剛剛熟係最嫩滑最後食埋個龍蝦伊麵, 雖然佢特價左賣得好平, 但佢比你既野絕對唔係敷衍, 原隻加拿大龍蝦開邊,

My parents phoned me to say that we should meet up for dinner this coming weekend, so i think of few chinese restaurants to dine at. Finally we decided for Cheerful Sky Cuisine restaurant, since we have not dined there before and it was very spacious. It was located at Manulife Financial Centre, around 11 minutes walk from Kwun Tong MTR.  Being a Guangdong cuisine restaurant, they served a wide variety of dishes, from seafood, meat, vegetables, noodles, fried items and drinks etc. Crispy chicken

食嘢最緊要係食物質素好，服務佳。就最開心。觀塘囍雲天就做得到。話說今日放工去咗公司樓下嘅囍雲天食晚飯。可能太早。所以未有好多枱客。但食到差不多7點。已經有好幾枱客了。職員 殷勤嘅招待，每次換碟或收碟，都會講“多謝”睇睇餐牌點菜皇子孖寶$148~乳鴿2隻+6隻蒜蓉粉絲蒸貴妃蚌. 超級抵食. 乳鴿肉質好嫩，椒鹽味道又剛好。貴妃蚌好大隻，廚師控制火爐控制得好好。蒸到肉爽，又唔靭。粉絲嚟3晒蒜蓉，味道可口。富貴芥末蝦球$98~蝦球彈牙，好香芥末味道，但又唔會有供鼻嘅感覺。瑤柱海鮮粉絲什菜煲$88~主要係西蘭花及粉絲多，魷魚切得比較細。9頭南非鮑魚玉掌$88~鮑魚及玉掌炆到好唸，而且汁液香濃但唔會咸最後仲有甜品送~椰汁桂花糕，清甜好味道。而且仲食到有椰子肉

好耐無去飲茶啦，今日有朋友主動約飲茶，真係好開心呀為左就佢返工既地方，就揀左囍雲天呢條走廊直入到尾，原來裡面好寬敞的每次去親飲茶我都必叫蝦餃的呢度既蝦餃很不錯，啲蝦脹卜卜，好爽口另外，野菌素粉果裡面全部都係素菜，好有口感，有時食下素都幾好流沙奶皇包呢個流沙奶皇包係我食過咁多最岩我口味的，因為唔會太甜，加上又真係流沙的沙律蝦春卷外層是脆的，不過我略嫌唔係熱辣辣，所以中間有少少淋，有點美中不足干扁四季豆呢個炒得好入味，豆豉既香一啲都不令人抗拒特別好欣賞侍應既勤力，不用叫已經定時過黎為我地加水

攪錯呀九個人要坐六人枱,又唔係冇位全場坐得果幾張枱佢話全部訂哂,重要坐後門位，見我地係裝修就俾D咁既位,大佬呀你估唔駛俾錢呀～野食又一般價錢又唔係平服務又一般，呢間野唔駛再黎

星期日與友人一行15人一起去囍雲天飲茶，其實食物中規中矩，不是特別好食，但勝在容易找位，又不用趕住交場，所以很多時候星期日都會去光顧！今個星期日如常去飲茶，當坐低不夠半小時，聞到濃烈氣味，是隔離枱有一大班人係到食榴槤。極臭，我們整圍枱的人都想嘔吐，而且還有大肚婆係到，覺得不適。我們向伙計投訴，可否幫忙叫客人唔好食，但他們懶得理我們，還告訴說，他們是老闆，不能投訴！真係火都黎，如果真係老闆就更加唔應該趕客啦！最後投訴經理也沒用，只好埋單走人！以後也不會再去這裡飲茶，有不顧其他人的爛茶客，有不盡本份的爛員工！😡😡😡

囍雲天（二）上回講到試咗B餐$248，埋單連加一，每位$290。食物有：乳鴿，每人有半隻，新鮮炸，好熱，好好味。龍蝦海鮮拼盤，每人有半隻龍蝦，龍蝦新鮮的。放落鍋內，約六七分鐘就好正。升級煮法，先放龍蝦蚶落鍋，下半身在鍋邊不落住，等煮兩三分鐘後才全隻落鍋煮三四分鐘。龍蝦就非常正，蝦身就非常彈牙。拼盤仲有鮮蝦，好生猛，係咁跳。每人有2-3隻到，唔夠喉啊😭😭😭拼盤仲有蠔，每人得一隻，好細隻，怎麼夠食啊😭😭😭冰鎮鮑魚，我仲以為要放落鍋食？哈哈，見到有wasabi跟，就知可即食了。鮑魚肉已經煮熟，凍凍地都幾好食啊。

囍雲天（一）此店位於觀塘碼頭，地點隔洩。酒樓一般都有任飮任食打邊爐，又或者晚飯小菜等等。今次約咗舊朋友，聚下舊暢談一下。此店不就腳，唔係人人會來，暢談就最適合，酒樓冇乜客人就唔會趕你走，可以坐好耐傾下計。正！火鍋最近轉咗玩法，有ABC餐。簡單說，AB餐才有一盤海鮮，靚牛一碟，冰鎮鮑魚及乳鴿，C餐就乜都冇跟，跟以前一樣，但冇咗鮮蝦。BC餐價錢相差約$100蚊。A餐$148，B餐$248，C餐$278。最後選擇了B餐，試下海鮮。最後埋單連加一，每人約$290蚊，又飲又食，仲任坐，算好抵啊。

大部分都貨不對辦，尤其是所謂嘅孖寶優惠，蒜蓉蒸海蝦，只有5小隻，有部分細隻到手指尾咁細，例湯就係芫荽皮蛋魚片湯！！！完全唔值成兩舊水囉！個湯仲要食晒所有菜都未嚟，話煮緊，追咗四次先嚟！冇下次，請我都唔會再嚟