芝士冰室 (Closed)

今日同老婆同埋個女出深水埗食tea，睇咗幾間，最後決定食芝士啦。 坐低睇完menu,我點咗個下午茶芝士雞扒撈麵，跟凍奶茶，老婆就叫咗芝士煙肉蛋焗通粉，餐飲upgrade 咗杯粒“粒粒爆檸水”，再加咗個芝士蒜蓉包。凍奶茶第一個到，口質薄身，無乜茶味，奶味亦都無乜。老婆杯粒粒爆檸原來係加大咁解，味道正常。芝士雞扒撈麵到，汁係橙色嘅，上面再有少少芝士粉，唔係拉絲嗰種芝士汁。麵正常，唔太淋或太硬，撈埋晒食都ok,整體唔油膩，不過個人覺得芝士味唔夠。雞扒係薄切，味道亦正常。老婆個通粉到埋，夠晒熱，焗溶咗嘅芝士有少少拉絲，份量足，而煙肉同蛋味道正常。整體味道同我個麵無乜分別。最後個芝士蒜蓉包到埋，都係同一款汁，夠熱，有蒜蓉味。總結係可以一試，味道尚可。

芝士作為一種相當受人愛戴同喜愛嘅食物，以佢為主題嘅冰室又點有理由吾黎會一會佢！🧀️🐭❥ 流心芝士雞扒芝士撈($54)黃澄澄嘅芝士醬佈滿整個碗麵，份量絕對夠你撈曬成碗麵之餘仲可以留滿係嘴邊🤣醬汁味道微微鹹香但吾會油膩🧀️不過我覺得芝士味可以再出眾D，始終係主打芝士做主題嘅餐廳嘛😳❥ 流心芝士包($12)眼見平平無奇，原來內有乾坤😳招牌芝士醬係我撕開嘅瞬間爆發💥面頭嘅Mozzarella仲超拉絲🧀️先吾講個味道，呢下已經開心左先🤣麵包烘得好脆，仲有粒粒清晰可見嘅蒜蓉係底部，蒜香+芝士絕對無錯🧄呢個價錢真係物超所值✨❥ 芝士巴斯克($12)巴斯克微甜有乳香，平衡上係幾好的🤣雖然外圍質感過於結實，偶爾仲會有D顆粒感，但中間食到軟心效果，仲要只賣$12就真係只能比個手指公店家啦👍🏻😍

一路都經過呢間冰室，但冇入過去食今日終於的起心肝試食食左個雞翼芝士撈丁一來到，見到濃厚橙色既芝士，鋪住公仔面炸雞翼不用多講，仲好熱辣辣，岩岩即炸，差啲辣親咀芝士十分濃厚和杰身，重口味既我覺得都幾岩口味午餐仲送杯熱飲，我選了凍檸茶諗番以前會係電腦商場食芝士撈烏冬，今次食番，回憶番曬黎

早兩日行過 #深水埗, 見到呢間淨係睇名都已經流曬口水既芝士嘅芝士冰室, 緊係唔錯過啦🧀🧀🧀睇到佢poster 有 #流心芝士蒜蓉包, 一定係唔可以錯過, 真係超好食, 拉絲芝士仲要超濃軟熟芝心蒜蓉包, 真係超好味, 後尾睇到原來Like 可以送一個細既, 記得黎到要LIKE 埋佢地FB IG呀 🌻🌻🌻🌻🌻主菜叫左 #流心芝士雞扒鐵板芝士火雞麵 , 同期間限定 #鐵板瑞士雞脾芝士撈 , 先講流心芝士雞扒, 雞扒好大塊, 入面仲有卷住芝士, 真係超級邪惡呀, 食落好香又夠juicy 超好味 , 🌻🌻🌻🌻🌻另外期間限定既雞脾煎蛋之士撈麵, 雞脾都超大隻, 仲有好入味, 食落都幾juicy , 都唔錯, 🌻🌻🌻撈面都係用左幾款芝士黎撈, 食之前一定要撈暈, 每一條麵都有超濃芝士, 真係超級正, 不過鐵板芝士食果時就要鬥快, 因為一慢啲, 芝士就會痴住曬個鐵板, 食落就會有少少乾, 所以襯佢熱辣辣要快食就最正 🌻🌻🌻🌻🌻最後飲品叫左都係咁邪惡既 #芝士奶蓋紅豆冰 , 芝士奶蓋好厚身, 飲起黎少少鹹勁香勁好味, 要超多紅豆, 真係不得之了，#芝士控 一定唔可以錯過 🌻🌻🌻🌻

呀仔話想食芝士撈，咁岩記得附近有間專係食芝士既我就帶呀仔去啦，叫左個雞亦芝士撈烏冬同埋芝士三蛋雞扒飯，整體黎講都ok的，但感覺芝士配烏冬有點糊，冇咩咬口，如果配公仔麵應該會好好多，個飯都算OK，敗筆係太少豉油，唔係好送到飯

我哋當初去呢間間鋪，真係好鍾意佢哋嘅檸茶。佢哋用咗雀檸去整，味道濃郁，令人回味無窮。可惜，好景不常，後來佢哋嘅檸茶質素變差咗，成為普通嘅檸茶，甚至連普通檸檬茶質素都不達標，好失望。不單止係檸茶，啲食物嘅質素都越黎越差，啲肉醬變得好甜，落重糖，真係食唔落口，飯都有啲似雞嘅味道，好劣好難食，唔知係咪用d劣質米。我哋係信任佢哋，曾經支持佢哋接近一年，但而家已經將佢哋列入永久黑名單。呢個經歷令我哋明白到，揀餐廳唔係只睇佢哋嘅外表同名氣，質素同服務都好重要。要仔細留意啲細節，咁先可以揀到一間好嘅餐廳。PS: 我食左1/5 已經丟左盒飯，同事食左大半都頂唔住丟埋…

餐廳環境 污糟邋遢， 服務員態度差， 芝士定係得個鹹味， 完全冇芝士味， 餐具洗咗好似冇冼一樣， 一班後生仔服務員不知所謂， 出餐時間非常之慢， 奶茶冇奶茶味 ，咖啡和咖啡味 ，檸檬茶冇茶味， 檸檬又苦又澀， 總之整體一塌糊塗

見到呢間芝士為名的餐廳，本人喜歡吃芝士，所以就來試一試，但入到去看到餐牌選擇不是太多，來來去去都是撈麵或者一些焗飯，感覺比較普通，但是我一個人所以叫了一個芝士漢堡撈麵和忌廉蟹肉薯餅，老實說，他的芝士汁卻是很濃味，但是他的汁，很像是一個泰國撈面的感覺，但是他的芝士，也沾滿了，感覺也比較濃，但係份量當然不多，如果很肚餓當然是不夠飽的，還點了一個蟹肉薯餅，外面很鬆脆，很像日本的牛肉薯餅嘅質感，裏面是軟綿綿的忌廉和蟹肉感覺也不錯，但是因為選擇不太多，所以只是點了兩種嘢食，本人覺得如果是當晚餐不太好

去了一家茶餐廳🍞☕️，點了一份傳統火腿餐包和一杯熱奶茶。整體來說，這個早餐很不錯！👍港式火腿餐包是香港茶餐廳的一種經典早餐食品。它通常由烤香脆的麵包火腿、奶油和雞蛋組成。有些茶餐廳還會在麵包上塗上一層甜醬油或燒汁，增添口感。這種食品口感豐富，營養均衡，非常適合早上吃。這次的，火腿餐包外皮烤得金黃酥脆，裡面的火腿和奶油非常搭配，讓人吃了回味無窮。而熱奶茶口感濃郁，奶香十足，溫暖了整個早上。😋餐廳的環境也很不錯，溫馨舒適，服務態度也很好。價格合理，價效比高。

好耐冇食過咁辛苦既一餐間鋪好熱，好似冇開冷氣咁叫芝士咖喱雞扒飯，又比左豬扒，有少少芝士粉係咖喱上面咁，0芝味，豬扒好健康，完全肯定冇用梳打粉「拿」過，冇比味道，純天然，鞋到呢，刀切都好難。4重芝士焗豬，唔知有邊4重，0芝味，豬扒保持到水準，一樣鞋服務態度一般，餐具十分污糟，不會再有下次。

收工後去深水埗買嘢，聽朋友推薦呢間芝士冰室，有彈有讚中評下首先嗰個餐廳環境一如既往都係比較迫厚切豬扒芝士面50元，芝士汁同芝士麵都係覺得合格，特登叫佢加汁的汁水都比較多最重要嘅豬扒我覺得非常失望，豬扒肉質比較乾身和柴，唔會有少少汁水，重點係佢嘅豬扒係唔熟睇睇以下的圖，最後是換個新一塊俾我，新一塊嘅豬扒依舊，乾身和比較柴…難以入口芝士奶佢蜜桃茶+23元，呢個飲品都覺得比較正常，都係抱住試一試嘅心態追蹤ig送嘅流心芝士蒜蓉包，呢個係真留心，味道唔差都推薦最後食左呢個芝士蛋糕12元，呢個非常有驚喜，價錢平之餘芝士味濃厚非常鍾意食

一直都聽過有一間民間小店係專食芝士，咁啱我個老友又係好鍾意食芝士，不過佢就有啲要求，原因係因為好多店舖話係專食芝士都做唔到應該有嘅水準。所以希望今次唔會令佢失望。芝士咖哩海鮮燴飯咖哩味濃厚，焗飯上枱嘅時候重中之重就係熱辣辣😋，飯熱味濃再加埋芝士配搭絕對係絕配👍。海洋分量亦唔少，對得住民間小店同街坊。焗四重芝味鮮茄豬扒飯上枱熱到出晒煙😳，鮮茄大大舊，茄汁🥫味道濃得嚟又唔會太酸👍。四重芝士唔講得笑，重芝士味再加大大件厚豬扒，食落啖啖肉😋。招牌流心芝士包依個包真係無得唔試吓，原因係本身點完餐之後就開始聽到隔離枱對情侶喺度講話好好食，嚟得就一定要試。起初都係聽完就算，之後再有多對情侶坐低，又係話好好食。都講到咁，唔試唔得真係😂。唔試唔知，一食就知真係嚟得就要食，因為真係好好食😋👍😋👍，超級熱辣辣，包整到外脆內軟，重點係啲芝士多到一個點，仲要爆流出嚟😍，認真不得了👍。

Intro: 上次就試過芝士冰室嘅芝士撈麵，就覺得味道唔錯，值得再去encore；而呢一次再次幫襯，就決定試下第二樣嘅芝士系列，就係最基本嘅芝士雞扒焗飯，而呢一樣係加埋鹹蛋，所以有啲期待佢地嘅味道架～___________________🍽 焗鹹蛋芝士雞扒飯（送熱飲）💰 58 ⭐️ 7.75/10✍🏻 雞扒好厚好大塊，口感仲好滑；✍🏻 但個人覺得呢個芝士汁唔夠鹹而比較甜，撈公仔麵會較為適合，而攞黎做焗飯嘅配搭唔係最好，而芝士味主導呢個炒飯；✍🏻 個人喜愛更乾嘅炒飯底，呢個都算炒得唔錯；✍🏻 會食到雞扒有淡淡嘅鹹蛋味，唔算話好突出，配搭麵算正常。___________________🏠 芝士冰室📍 深水埗福榮街101號地舖⭐️ 7.75/10___________________

一大班人去食宵夜，諗住芝士同埋麵點都唔會中伏啦，但係無唸過叫芝士火雞麵呢 d 咁普通既野都可以中伏，大辣都無本身火雞麵既辣度，同埋完全唔覺得有芝士味，仲話5種芝士配方，食幾啖忍唔住上 openrice 睇食評，竟然有人話咩芝士味好濃好好味...重點係原來麵係可以淋到咁，好恐怖，全台叫麵既都係超淋，唔知唔識得過冷河，定係無預到上鐵板既熱度，煮麵煮到咁真係好失敗...真係自己買火雞杯麵都無咁嬲，唔會有下次...

午飯時間，經過深水步，見到呢間冰室有多款芝士食物，芝士餐。幾吸引，便同另一個friend一齊入去食飯。我叫咗個雞排芝士撈丁，涷奶茶。我個friend就叫咗個厚切豬排焗飯，涷華田。店舖內當時都唔係好多人客，但都要等咗約十分鐘左右，芝士撈丁先到，焗飯就遲多少少先到。見過芝士撈丁賣相唔錯，幾吸引，應該會好好食。點知?一咬塊雞排，勁硬，炸得太乾身，難食🥵。d麵又勁咸🤮，飲完成杯奶茶都仲覺得好咸，要再飲多杯水先覺得好返少少。而我個friend叫果個厚切豬排焗飯亦係難食。d豬排係厚，但佢話勁“鞋”，好難“照”，吞唔到，吐晒出嚟，🥵結果佢淨食個底d炒飯就算。佢又話杯涷華田又好淡，難飲😔。我同個friend埋單走人。價錢雖唔太貴，但食物嘅質素真係唔掂，認真冇下次再幫襯。