Video
Opening Hours
Mon - Sun
12:00 - 22:00
Above information is for reference only. Please check details with the restaurant.
以前係葵芳返工都有食開芝脆雞,但係都已經好耐無食過。灣仔分店地點比較僻人流並不多,我們去到不用等已經可以叫食物,之後再上一層到樓上坐好等食。我們叫了一個三人餐(9"啖啖肉Pizza﹑香辣海鮮意粉﹑百里香燒豬排骨配脆薯皇﹑忌廉火腿粟米湯),另外加一個辣鮮露雞翼。Pizza餡料及芝士都萛多熱辣辣時最好食,百里香燒豬排骨亦很好食唔會太多醬太咸配脆薯皇亦係熱辣辣新鮮炸起好味,而辣鮮露雞翼就有驚喜,可能因為我自己都鍾意食鮮露所以辣鮮露汁真係好惹味~ 正香辣海鮮意粉同忌廉火腿粟米湯感覺只係普普通通,不過水準都唔太差。總數$210四個人的確幾抵食,而且今次食唔到炸雞所以下次一定再去。
continue reading
其實要食好食嘅PIZZA我在南丫島買就可以了，因為南丫島嘅PIZZA皮都是手工做的，但係好食嘅炸雞卻欠俸。說回芝脆雞的PIZZA雖然配料很充足，而PIZZA都是即做，燙口的PIZZA令到芝士呈誘人的半融化狀態，不過底餅還是太厚身了，就好像食太厚的麵包，飽肚有餘但美味不足!而它的炸雞卻異常出色，新鮮香脆，金黃香脆炸漿下雞肉很嫩滑多汁，香口惹味十足，難怪店名叫脆雞但缺點是沒有甚麼調味料味，如果雞肉可以先用一點點胡椒粉和鹽先腌，讓雞肉有一點點味道，那就更very good了。但是以一個PIZZA+三塊炸雞+兩罐汽水才＄９５，還可以要求甚麼呢？
continue reading
是晚到演藝學院睇歌舞劇, 於是睇show前到附近一帶搵食.次次去演藝睇show都去老麥食, 好厭~! 所以我地今次行遠少少, 去左海港中心搵食~!大半年冇嚟, 質素仲keep到喎!! 2人行, 叫左個$108二人餐, 有9" PIZZA 併一款小吃(但份量都唔細), 仲有飲品, 除番都係每人$54, 抵啦!PIZZA太多款式揀喇, 最後揀了墨西哥辣肉腸(加倍芝士), 小吃點了炸雞3件, 飲品ORDER了汽水.等了大約10-15mins就有嘢食, OK 吖, 服務生幾細心同有禮貌, 加分!!PIZZA係新鮮出爐的, 熱烘烘, 正!! 味道比想像中還要辣, 但好好味, 好彩叫左汽水飲!! PIZZA餅底好似食曲奇咁, 好鬆化, 唔會硬掘掘or淋bat bat, 食唔停口~! 炸雞都係剛剛炸, 炸粉唔算厚, 但脆卜卜...一咬仲有肉汁流出! 最後係捧住個肚去睇歌舞劇, 爽~!!
continue reading
芝脆雞o係香港成立唔夠4年,最初只係有幾家分店,而家已經有24間分店,成為香港第二大薄餅連鎖集團灣仔分店位於灣仔碼頭對面o既海港中心,開左大約半年樓高兩層,大約有五十個坐位,一樓有三十幾個坐位,另外地下餐廳門口出面仲有十幾個坐位呢間分店專門做寫字樓區生意,走西餐廳路線,食物價錢貴過一般屋村舖大約20%;另外,每日都有特色餐及扒餐提供我地當日大年初五黃昏去到冇其他人堂食,只有幾個客人購買外賣,我地可以包晒成個場由於新年關係,餐廳貼左好多特式揮春芝脆雞大約一年前曾經做過團購優惠,當時只適用於四間分店,由於反應熱烈,今次推出o既團購優惠可以適用於十間分店咁多早前o係網站用每張$82 o既價錢買左一張 coupon,可以憑 coupon 換領一份套餐 (原價$164),呢份套餐包括 12吋大批一個,一客焗飯或意粉以及飲品2罐/忌廉湯2客/蒜蓉包灣仔分店除左一般分店o既忌廉湯外,仲有羅宋湯提供我地要左櫻之花大批,菠菜龍脷魚柳焗飯以及2客忌廉湯我地先到收銀櫃位點餐,店員核對 coupon 資料後就幫我地落單及俾左個號碼牌俾我地返埋位等餐廳採用半自助形式叫餐,客人需要先到櫃位落單俾錢,之後有侍應送餐,至於餐具,紙巾,調味料及水要自己拎食物即叫即做,隔左一陣店員送餐忌廉湯 (原價$8)個湯有香草o係面,湯入面有細小o既磨菇粒,味道唔錯菠菜龍脷魚柳焗飯 (原價$45)第一次食呢個飯,有足夠o既白汁,一o的都唔膩又有波菜味,魚柳幾好味,唔會腥櫻之花薄餅 12" (原價$95)我地第一次食呢款薄餅,選左厚批底比較飽肚呢個薄餅材料幾豐富,有千島汁,煙三文魚,洋蔥,粟米,獅子狗魚蛋,蟹柳,紫菜及芝麻薄餅採用意大利橄欖油炮製薄餅配上開胃o既千島醬汁,入口微酸微甜芝士鋪滿整個薄餅,批底香脆,熱辣辣,整得非常可口我地每人食左兩塊薄餅後,仲有半個未食,每人可以各自拎兩塊返屋企,隔左一個鐘後先拎到返屋企,屋企人都話好食芝脆雞o既薄餅真係拍得住必勝客,價錢仲要平一大截今次呢個$82 優惠套餐其實以前o係另一間團購公司做過,不過當時只係$74,同埋o個份套餐係用小食拼盤或4件炸雞代替較平價o既忌廉湯 2 客或蒜蓉包 1 份;至於團購公司應該有誇大套餐o既原價,因為灣仔分店價錢係貴過其他分店,各款12吋大批係$95,價值最高o既焗飯/意粉係$45,至於2客忌廉湯或1客蒜蓉包係$16,加埋都係$156,冇$164 咁多喔!芝脆雞o既經營理念係為市民提供較為經濟而有質素o既食物,讓唔同階層o既人都有能力嚐到美味,希望芝脆雞能夠繼續保持及提高水準佢地價錢平,味道唔錯,食物即叫即做,若果日後再有團購優惠一定會買本人鍾意食炸雞,若果優惠套餐可以選擇炸雞更好
continue reading
晚飯時間同蝦子餅去試新野. 叫左一個套餐, 有湯有ribs有pizza有焗飯先到門口order, 然後回位置等等嘅時候, 自己去"搵"餐具同埋清潔. 嘩! 餐具好油, 隻碟仲好dirty食物方便:- 湯, 是淡的- ribs, 是乾的- pizza, 是普通的- 焗飯, 唉! 先是外熱內冰凍, 要求翻熱食到一半發現佢出水, 成個底都係水
continue reading