洪師父牛肉麵

Open Now

Now Closed

放假入左大澳一日遊👫 7點零鐘出返東涌又係時候搵食食👅🍽️🍽️👅男朋友話呢間牛肉麵必食 所以就揀左呢間剩係記得係7️⃣樓 但無為意東薈城有分一、二期🌚🌚🌚兜左一大個圈先搵到.....坐底即刻掃QR code落單點左個二人餐🍜🍜麵食：⏩️紅燒牛肉粗麵🔥🐂🍜⏩️紅燒半筋半肉粗麵🔥🐂🦵🏿🍜牛肉份量少...er....牛肉麵水準唔穩定...有啲牛....男朋友形容係香口膠🫤但有一兩舊又唔算好差至於牛筋 普普通通 無驚喜熱愛飲湯底既我.....呢碗湯底吸引唔到我飲🤷🏻‍♀️有味精 食完好口渴....🫥🫥🫥🥙🫔小食：⏩️古早味滷水豬耳朵🐷👂小食份量比想像中多切得夠薄 但係每舊都好大舊 豬耳入味 但有啲辣 唔食🌶️既朋友記得揀第二樣小食⏩️肉燥地瓜菜🥩🥬地瓜菜即係番薯葉🍠🥬落單時有得揀 肉燥要唔要分開上 我地心諗點解要分開上上檯個下...我地明白喇🙃唔分開上 一夾啲菜...啲肉燥就會跌哂落檯....肉燥都幾香 夾雜左好多豆腐 配埋啲番薯菜一齊食好夠味👍🏻飲品：⏩️冬瓜鮮奶茶🥛好甜....好甜同好甜....食完男朋友講左句：水準差左好多 無下次😶

再一次證明，去專門店，就食返專門的食物！去了這間牛肉麵店，叫了兩款牛肉麵，味道都唔錯。由湯底、到面質、再到牛肉本身，都具有台灣的風味。特別意外的是……這個湯底看上去很清淡，但是味道非常濃郁，而且有牛肉的香味，不過….如果你不喜歡的話，你會覺得係牛蘇味。所以，這碗麵是值得推介的！另外點了一個酥炸排骨滷肉飯、及滷汁排骨飯。兩個飯，個豬扒都係冇乜味道……令人有啲失望……不過，份量夠大……亦有不少配菜，以$60鬆啲來說，都算係幾抵食！再點了兩個小食，花枝丸味道鮮甜，用料充足。皮蛋肉鬆豆腐，條汁偏甜，味道都唔錯！總的來說，燒牛肉麵及叫幾款小食，呢間都算唔錯嘅選擇

最出名嘅牛肉麵都唔覺得好食，肉質唔諗，湯底有唔好味。服務質素又麻麻，座位又好似茶餐廳，春x堂好食過佢多多聲⋯⋯那裏來的米芝蓮😩😩，米芝蓮的味覺絕對不可信，下次唔會再去😔😔😔

東薈城實在係行山人士既必經既補給站，呢一日由大澳行番出黎東涌，已經飢腸轆轆，決定喺度隨便搵間餐廳歇歇腳，食個優閒下午茶。煙肉芝士肉鬆蛋餅配滷肉飯似乎係勁量之選，有兩樣飽肚既野，蛋餅既餡料豐富，多到漏出黎，附上既甜醬汁畫龍點睛，令蛋餅更滋味。其實蛋餅算係一樣考耐性既食物，煎耐左就會變得太硬，而家軟硬適中唔錯。另外滷肉飯有半肥瘦既肉粒，滷汁香甜適宜下飯。Q版紅燒牛肉麵有齊牛筋同牛腩，夠軟腍，少許帶辣，而粗麵條唔會煮到太糊口。檸檬綠茶及冬瓜茶都清甜解喝。

東涌各式各樣食肆林立，一個人又唔想茶記，最後行到頂層。原本是想試牛肉麵，但見到餐牌，覺得滷肉鹽酥雞飯又好吸引，所以就叫了這，這個$64。我都再加幾蚊試吓珍珠奶茶。不久，飯送來一看，嘩，都幾大碗。飯面還有椰菜絲、雪菜、蘿蔔片等，有淡淡的，有鹹鹹的，這樣配搭幾好。不過，有點食落唔覺飽，但細心看，有肥肥的滷肉。鹽酥雞不是細細粒的，一舊分兩三口，外脆肉嫩，不會炸得太乾。但食了兩件已飽飽滯滯。個飯食了一半已感飽滿，唔好浪費，繼續努力食。該時候，開始覺得鹽酥雞外皮硬了一點，不鬆化。杯珍珠奶茶的珍珠煙靭非常，很有咬感和彈牙，這質感第一次遇見。最衰就係座位有啲逼，鄰枱說話又勁大聲，所以環境影響了一點。下次要試吓牛肉麵先。

洪師父 牛肉麵評分：🌕🌕🌕🌘🌑放假食飯冇咩諗法，打算喺附近食一間病病地嘅午餐🥣見到洪師父牛肉麵人少少，主打台灣面料理，唔使等位咁就試吓啦！鹽酥雞扒麻辣撈麵🍝🍜我叫咗一碗鹽酥雞扒麻辣撈麵，估唔到鹽酥雞扒都好大塊，起碼大過我手掌🖐️😆，同埋都炸得幾鬆脆，雖然唔係話非常好食，但性價比OK， 起碼食得飽到上心口🎊拌麵都幾好食，份量合適，麵質吾會太冧，但係如果可以碗埋湯就無咁Dry啦！😆😆

又例牌係屋企附近諗唔到食咩，就睇吓商場有邊間舖頭未食過入去試吓，今日就揀左洪師傅，因為我同男朋友都未食過🤣佢叫左碗半牛筋半肉麵，我叫左個雙拼餃子（玉米餃子+椰菜餃。碗麵既湯比想像中濃，有驚喜🤩，連牛筋牛肉都夠淋，唔錯！餃子就普通啲，不過菜莆有加分😆

約左朋友去東涌outlet 行街就順便喺商場搵餐廳食埋飯同朋友都叫左麻醬拌麵配雞排 加左個小食拼盤同豬耳味道一般～重點係！返到屋企我同朋友都肚瀉左兩日！仲周物骨痛發埋燒好肯定啲食物有問題！真心無下次！

有多間分店椒麻拌麵比湯麵更出色！今次拼香酥雞扒香脆可口,雞扒又厚又夠juicy又有少少芝麻醬沙律伴碟 打開胃口😆至於拌麵係椒麻醬，唔會過辣但係食得出花椒個種麻辣感覺😋👍另一驚喜之作就係皮蛋肉鬆滑豆腐本人唔食皮蛋 唔好豆腐😶但係黎到呢間鋪頭都一定會食因為配埋個甜甜地既醬汁直頭完勝😋每次都要食因為我坊間未搵到邊度買支醬😄😄

今日入東涌，見到呢間幾吸引，入去試下。。。🌟珍珠奶綠珍珠非常好，好煙韌，但有少少黏。綠茶味幾濃，個人覺得少甜已夠甜。奶味唔特出。🌟紅燒半筋半肉麵／半肚半肉麵湯底唔算濃，一般紅燒味。揀左粗麵，好有咬口。牛筋炆得幾腍，還好。牛肉／牛筋腩夠腍，肉質小柴。但牛肚可以話係冇質感，唔推。🌟滷肉飯配香酥雞排滷肉飯飯質有咬口，撈埋配菜成個飯昇華！（菜脯最好食）雞排肉較薄，夠脆夠味，但好厚粉。總：食物／飲品味道唔錯，但服務較差，冷氣凍要求閂細D，但服務員聽咗就算。價錢小貴，但都係值得一試既台灣野。

原本諗住9:20仲有得入去食都好開心，快快手叫野食，唔好阻住人收工叫野食既時候，店員都唔確定有冇我地想食既野，但最後冇再跟進話冇，咁我地就當有得食啦係等緊既時候，聽到有店員話我地啲野食未到另一位店員就話「佢地28分先叫藥燉排骨阿，邊有咁快阿」我地應該23分就落單，3分鐘仲包括店員忙緊執枱冇人理我地如果要等好耐趕唔切整既話，其實可以係我地落單既時候同我地講冇曬，叫我地轉過第二樣野食既然俾我地叫，就唔好因為自己整唔切而俾說話個客聽終於我地有得食，有店員叫我地埋單先，講完就行開咗。全場就拎咗信用卡出黎等，以為佢會拎張單返黎。等咗一陣，有位高級店員大聲問:乜你唔係叫人埋單嫁咩？點解冇人過黎埋嫁大家先知原來要自己行出櫃枱俾錢，但我地手上一張單都冇，連自己坐咩枱都唔知隔離枱走咗之後，店員執枱時傾計，話有一枱客霸住張枱好耐都唔肯走。係我地食緊既時候，又同經理講「趕走嗰枱客啦，佢地諗住坐到59分先走阿」之後都不斷聽到佢地呻，話啲客唔肯走最後由高級店員係55分既時候叫曬所有人離開如果一開始就覺得我地太遲先到，係唔係就唔應該帶我地入座呢？另外，明白店員都想早啲收工，但唔該唔好係客人面前講其他客人其實你地講

唔講唔知原來東涌都有好多嘢食🍜 難得星期日唔使排隊就入咗呢間醫肚！店內冇咩人，環境乾淨，而且店員都幾有禮貌！雖然店名有「牛肉麵」，但我哋嗌咗豬軟骨飯🤣🍛 台式豬軟骨飯 $62（未計加一收費）台式豬軟骨飯有蛋、酸菜、酸蘿蔔同埋少少雜菜雖然以便當形式上盤但整體嘅擺盤方面做得麻麻地例如會見到佢有啲飯黐住喺側邊咁😐但味道方面做得唔錯！特別係豬軟骨夠淋身，而且好入味，唔太鹹撈埋其他配料同飯一啖食落口嘅感覺都幾爽㗎😛 唯一嘅不足就係雞蛋做得少hea，如果俾滷水蛋就好了😅⭐️ CP值：🐘🐘🐘⭐️ 打卡able：🐘🐘🐘⭐️ 舒適度：🐘🐘🐘🐘⭐️ 再食指數：🐘🐘🐘（5 星為滿分）人均消費：$50-100其他分店1️⃣ 旺角彌敦道565-567號銀座廣場地下1號舖2️⃣ 沙田沙田車站圍1號Citylink1樓106號舖3️⃣ 將軍澳重華路8號東港城2樓222號舖一田超市內4️⃣ 中環嘉咸街23號My Central高層地下8號舖

早前同朋友去左東涌行街行到攰攰地比門口既大碗麵擺設吸引左又冇食過哩間 決定一試Menu寫話洪師父係台灣5屆牛肉麵既冠軍根據menu推介我哋叫左：【紅麴蕃茄牛肉麵】呢個湯蕃茄味濃，用左以紅麴為佐料，加入蕃茄、木瓜、洋蔥增加牛肉麵的膳食纖維，洛神、仙楂、陳皮、烏梅、甘草等含有許多咁落去會飲到少少藥膳味道，有啲似台灣啲藥膳湯，個湯超有營養價值，超好飲👍🏻台灣麵好煙韌👍🏻👍🏻紅燒腱心牛肉麵呢個湯比較淡，不過就好重嘅牛肉味😻😻用左經典既紅燒湯頭，配上嚴選牛腱子心，不過個人覺得紅麴蕃茄牛肉麵個牛肉大嚿啲同好味啲！小菜：小食嗌咗個拼盤同豬耳，拼盤好豐富，有花枝丸、沙律、台灣腸、鹽酥雞😇 豬耳都幾好味，不過我都係鍾意食麻辣豬耳多啲茶可以任添，覺得哩間好味過其他台灣麵，比較地道！下次會試吓其他分店

呢間餐廳是選用自助落單，但介面都算容易操作。我們點了紅燒牛肉麵和滷肉香酥雞扒飯。牛肉麵可記粗麵和幼麵，粗麵彈牙有嚼勁，水準高。但比較可惜的是湯底，沒有清甜嘅牛香味，比較失色。我那碗的牛肉麵多筋少肉，雖未至於入口即溶，但都是煮得入味，亦都有牛肉的香味。雞扒即叫即炸，新鮮熱辣。表皮非常酥脆，而且加咗辣粉，很惹味亦都頗辣。滷肉飯有半肥瘦的豬肉，加了很多配料，食落去味道豐富微辣，值得推介。飲品點了珍珠鮮奶茶，因為叫左走冰，所以杯飲品是常溫，不是冰的。但珍珠煙韌有咬口，奶和茶味亦都算平衡。黑糖仙草奶茶可能叫左少糖，黑糖味不突出。餐廳水準合格，價錢算是合理，不過主打的牛肉麵則不太推介，建議試試滷肉香酥雞扒飯。

全日餐有10款，供應時間 11：00-22：00。包$18內嘅飲品，其他可補差價。紅燒牛肉麵（$74）+ 珍珠鮮奶茶（$8）湯底唔錯，味道夠，但未算清甜；牛肉煮得夠淋，但肉味及肉質比較一般；麵底可選粗或幼，粗麵有咬口。珍珠奶茶因為用鮮奶，所以幾滑，但茶味就唔出，珍珠正常。滷排骨飯（$64）+ 凍檸七有得加大飯，但飯粒比較”削”；豬扒醃味唔錯，夠入味，但好細塊；配料好多，有半隻滷蛋、雪菜、辣蘿蔔粒、酸蘿蔔片、椰菜。冰底+兩片檸檬+成罐雪碧。整體嚟講，我覺得尚算普通。