Chef's Stage Kitchen (愉景新城) (Closed)

新嘅一年又要繼續搵好嘢食行到邊就望吓附近有咩好嘢食中午時間排咗一陣隊就有位入去食今次試咗個蟹肉蟹膏意粉口感好濃郁 真喺啖啖蟹味 好味但食得多有少少膩仲加$18 叫咗兩塊薯餅 好脆仲叫咗一份burger, 好大個 可以兩個人分嚟食

疫情下星期日下午兩點去到都要等20分鐘先有兩位，帶位帶咗我去原本一張四人枱拆開兩張兩人枱。快快脆脆落單嗌咗兩個lunch set，一個Angus beef burger，另一個係rib eye steak。大約二十分鐘左右上菜，係個rib eye 單調咗啲。有個問題開始浮現，問題係我坐低後我的右側同斜後面的枱得一尺多啲。基本上侍應同客人每幾分鐘會打側身行過我旁邊，我問過侍應可以調去另一張枱。佢答話唔得因為仲有客人要坐，但當時其實幾分鐘內都有其他兩人枱無人坐。其實我兩個set加埋要$300以上但係好似食緊茶餐廳咁。Burger食物味道係OK只係個rib eye就一般般。個人感覺間餐廳有點名過於實。

今日下午諗住去愉景新城睇傢私，行過見到呢間餐廳環境唔錯同埋lunch set幾吸引，就入去試一試一入到黎睇得出侍應都有訓練過，全部都好有禮貌而且好細心。佢地首先會遞上呢樽有薄荷葉嘅水同杯，飲落幾清新！我地一行二人就分別嗌左兩個set，一個係燒春雞，另一個係牛扒。呢個lunch set都會跟湯同沙律，十分抵食！最令人驚喜係個牛角包，入口好酥脆同甜甜哋，好味咁第一個主菜係燒春雞，首先，份量真係幾大，仲配埋個焗薯，男士們都一定食得飽。雞方面食得出隻雞來貨唔錯，肉質近雞肶位好嫩滑好好食，最正嘅係個雞皮焗得好酥脆同香口而酸忌廉配上薯蓉都好夾！而牛扒個人覺得比燒春雞更加出色首先食得出師傅手勢好好，煎得岩岩好medium同調味都恰到好處。塊牛扒嘅牛味都好足夠，以呢個價位嘅lunch set黎講，塊牛扒真係超值我地見食物質素唔錯，所以叫左杯特飲試試。而一如既往，飲品質素都幾好，呢杯香蕉草莓朱古力幾好飲，唔係嗰種死甜而帶香蕉同士多啤梨味我幾滿意佢成個用餐體驗，環境，食物質素，同佢d員工都好好！

又來到D · Park ，查實D·Park 係約元朗朋友見面嘅好地方，好耐冇見，咁一場來到就搵個好地方慢慢傾偈。嗌咗两個Set Lunch，每個set lunch配有餐湯，沙律，牛角包及餐飲。好豐富，直情可以慳番夜晚嗰餐。是日餐湯係『南瓜忌廉湯』，好cream得來又好甘甜，而沙律菜亦非常新鮮，牛角包好香口，表皮香脆可口。『煙三文魚，乾蔥及車厘茄刁草忌廉汁扁意粉』幾樣嘢的配合恰到好處，煙三文魚帶出口感，乾蔥幽香，如果車厘茄多些少就更加好。『炭燒紐西蘭肉眼扒伴焗薯仔，煙肉，椰菜花及四季豆配燒汁』中肉眼扒要咗五成熟，好滑嫩，好juice，再加埋椰菜花及四季豆，葷，菜完美配搭，實在美味無比。朋友減肥嗌咗少甜『鴛鴦』，我的『蕃石榴汁』亦係好味之選，好perfect嘅一餐。

今晚約咗朋友食飯，朋友介紹食呢間西餐，佢之前食過話質素好好，除咗嘢食好之外，服務態度都好好，我覺得除咗食食物嘅質素之外，態度都好緊要，另外商場仲有泊車優惠，所以特登過嚟試吓。可能我哋太早過嚟，所以暫時冇咩人，再加上係平日，但係真係坐得舒服啲，同埋上菜都好快。食物嘅價錢算平，喺商場入邊同埋氣氛唔錯，俾呢個價錢真係值得。頭盤叫咗個加拿大海膽帶子多士，帶子好鮮甜，海膽一樣好甜，完全冇苦味，入口即溶，一個好開胃嘅前菜。之後叫咗個墨魚汁鮮帶子海蝦扁意粉，墨魚汁配合芝士好濃味，最啱我呢啲芝士控，意粉很彈牙，海蝦同帶子兩邊煎到有少少脆口。之後叫咗個炭燒美國天然極黑厚切黑豬鞍扒，肉的質地好淋，冇諗過豬扒嘅肉質會咁易入口，表面有陣燒烤的香味，真係好好食。

話說小弟今日同女友人去左愉景新城逛下, 行到有d肚餓就開始揾野食啦， 我地平時食開都係呢度既連鎖店例如pizza hut嗰d , 食到冇乜新意. 咁岩行過轉角位就發現呢間鋪子. 我醒起同女友人係元朗食過唔錯架,咁我地就入去試下啦。 野食我地叫左黑松露薯條，鮮藍蟹肉意大利飯配鮮蝦頭膏， 一個碳燒美國天然極黑厚切豬鞍扒野飲就叫左一杯凍朱古力同冰磚鴛鴦.. 味道方面我想講同分店一樣咁keep到水準,個黑松露薯條真係好粗好大條溝埋d 黑松露沙律醬食一流，佢個意大利飯, 好creamy同埋佢張d蟹膏混入晒d汁度味道好鮮蟹味. 佢個碳燒豬鞍扒我開頭驚佢會好諧口丫~ 點知食落又好鬆化喎仲要不比燒牛扒類遜色, 仲好香碳味.. 最後我想講女友人已經好滿意個凍朱古力, 我想講我個冰磚鴛鴦仲不得了, 佢張d咖啡做成冰磚， 等佢慢慢咁溶入杯奶茶度.. 咁樣我就會慢慢咁品嘗到唔同層次感既鴛鴦正！

廳裝修型格，座位舒適， 燈光柔和， 用餐時， 播放著悠揚的英文金曲 ， 氣氛不錯， 十分欣賞。意大利豬肉腸、臘肉腸及車厘茄百里香忌廉汁螺絲粉( 午餐)$98熱騰騰、濃郁西蘭花忌廉湯， 濃稠味鲜， 配上爽甜沙律菜及外脆內軟的牛角包， 為今日 美味午餐揭開序幕 ! 煙煙韌韌的螺絲粉，完全被滿滿百里香忌廉汁包裹著，口感惹味、滑溜，十分吸引， 意大利豬肉腸， 薄薄的香腸外皮， 散發著豬肉香氣，口感鬆化，臘肉腸的甘香， 令人回味。炭燒美國牛腹柳扒伴蜜糖烤甜 薯及露筍配雜胡椒汁(午餐) $148厚切的美國牛腹柳扒，表面深褐色， 上枱時，肉香四溢， 用刀輕輕容易切開， 內裡肉質保持嫰紅， 牛柳没有多餘的調味，是純樸的牛香， 充滿誘人炭烤香氣， 肉質軟腍， 沾上 雜胡椒醬汁，令牛柳味道增添美味，跟配蜜糖烤甜薯， 口感綿糯， 香甜滑溜 ， 蘆筍爽脆鮮甜， 與牛柳非常搭配。菠蘿班蘭特飲、薄荷芒果菠蘿沙冰( 特飲) 跟餐加+$38菠蘿班蘭特飲 ，造型以教人心心眼， 菠蘿及班蘭，香濃馥郁 ，入口蜜甜 ，清爽怡人。薄荷芒果菠蘿沙冰 ， 用上薄荷、芒果及菠蘿 ， 譜出 一杯迷人的樂章， 清新中散發啖啖果香，冰爽解

今日同媽咪去左荃灣IKEA同愉景新城行街，順便食埋個lunch，見到有間西餐廳望落幾高級，媽咪就話入去試下。我地揀左2個Lunch Set，呢到lunch set 都幾豐富，包餐湯🥣、沙律🥗、牛角包🥐同餐飲🧉。我叫左炭燒美國牛腹柳扒伴蜜糖烤甜薯及蘆筍配雜胡椒汁🔥五成熟，燒得岩岩好，嚼落有牛味，好Juicy！媽咪就叫左意大利豬肉腸，辣肉腸及車厘茄百里香忌廉汁螺絲粉。估唔到個螺絲粉有驚喜，個忌廉sauce好濃郁，好creamy！意大利豬肉腸有口感👍🏻😋。餐飲加左$38叫左鴛鴦幾特別，一開始飲落覺得有D淡，無咩味，但慢慢飲落就越嚟越濃味，皆因用左咖啡黎做冰磚🧊，甘就奶茶變成鴛鴦。😆好有層次呀！呢間食物質素好高，價錢幾合理，仲要無加一！我地食完都覺得呢間可以翻兜😂係遠左D。下次會黎試下其他食物特別係佢個Tiramisu！

之前係元朗經過依間餐廳個陣已經好想試，可惜個日已經食左其他野食唔落。今次就專登約左朋友黎愉景新城食番依間餐廳，我地早上11點40分到，餐廳有大部分既位置已經有客人坐低，估計係區內都幾受歡迎。我地叫左兩個午餐，最後仲食埋甜品，個肚好滿足。1. 鮮蟹肉扁意粉配蟹膏，蝦膏及忌廉汁飲品加左錢叫左熱既蜜桃紅茶，餐廳仲提供左個壺，個杯可以倒滿3次。至於意粉真係好味，每條意粉都有蟹膏蝦膏既味道。2. 煙肉，白菌及車打芝士通粉加配餐湯及牛角包餐湯係蘑菇湯。至於通粉有濃厚既芝士味，質感比較淋。3. 自家製意大利芝士蛋糕Tiramisu份量好大，味道唔會太甜。

慶祝新居入伙，今晚同女朋友食餐好既，住喺愉景新城附近，特登過嚟呢度試吓呢間西餐。可能太早嘅情況，我哋未夠六點已經嚟到，喺門口睇冇乜人排隊，就見到啲侍應喺度做briefing。前菜會有麵包，嗰醬真係好好食，食完一個忍唔住再叫多一客食。叫左個加拿大海膽帶子多士，海膽好新鮮濃郁，入口即溶，錢財真係一流。麵身好彈牙，好濃郁嘅芝士味，虎蝦同帶子好新鮮，兩個人食真係啱啱好。炭燒美國天然黑厚切豬鞍扒，豬扒厚度適中，好入味，入口好有口感，配上陣陣嘅炭燒味，正！

早一日係FB問定開幾點,話11點,點知去到又話1130.......因為禁晚市,所以預左好多人日頭出動. 所以都早左去.如我所料..排到成行成市..好彩早左去...而且早早睇定食咩. 我家老爺上次食完佢個蟹肉意粉,一直念念不忘.聖誕節既價錢比平時貴左幾十蚊. 可接受..辛苦晒職員門 唔夠人手 又要應付咁多客人 上次叫左份egg benedict 好鬼溜 因為又有蛋黃醬又蛋同埋火腿鬆餅今次醒左, 叫左份egg benedict all day 因為本身流心蛋已經好夠,所以我大左醬係煙肉濃左小小餐湯係磨茹湯 同埋牛角包仔好好食既蟹肉意粉 每條麵都掛上汁美式咖啡同MOCHA

best service during hectic times , good food at reasonable price. the shop manager & the whole team was very professional & caring to every guest dining, queuing for seats & waiting to take delivery. shop manager also cared about his team & very polite during hectic hours

Every menu has a spot of attention!!Grilled Chicken with Hawaii Pineapple and Green apple salad-Chicken breasts are preserved with herbs and the fruits and potatoes are mixed with cumin salad dressing. Overall tasted more likely the Middle Eastern dish. Interesting.A slice of grilled pineapple is perfect for removing the strong flavour after all🍍Yuan Yang- Classic HK Milk tea topped with coffee ice cubes. What a strong and rich tea base!! And it is funny to have a gradual increasing taste of co

2020年的確是不一樣的一年，好多事情都在不可抗力的情況下發生，令人無奈、令人憂慮、令人疲倦...... 來到 12月，雖然臨近一年的終結，但一切卻還沒有完結！  蝦子餅忽然說，怕遲些更難出街吃飯，不如襯人少少的時段預早慶祝！慶祝聖誕節同樣是慶祝我倆的結婚周年紀念，吃一頓豐富的午餐，也是令人值得回味的。  每次途經《Chef's Stage Kitchen》，都覺得這裡的氣氛很吸引，所以，在這特別的日子選擇這兒進餐，是最合適不過。Lunch 時段，食物選擇也不少，而且賣相豐富又吸睛。是日餐湯是南瓜湯，不稠身，亦沒有濃濃的忌廉味，反而有淡淡的蕃茄氣息，很清新，口感順滑，最重要是南瓜具有抗氧化作用喔！搭配黑醋沙律及迷你牛角包同上，沙律菜好新鮮，而用來拌沙律的黑醋口感不會太酸，還帶有點點甜味，很味美。主菜我選擇了「星級早餐」，十分豐富的早餐，最適合遲起床的我，當中包括煙肉、火腿、腸仔，還有粟米、薯餅及久違了的茄汁焗豆。而我最愛是那份煙三文魚班尼迪蛋，班尼迪蛋熟成度剛剛好，搭配點點咸香的煙三文魚及帶有微酸的醬汁，相當滋味，就連伴碟的小茄子也份外新鮮。蝦子餅的「炭燒美國豬肉眼扒」脂肪含量較低，肉

行完瑞典名牌傢俬行去愉景新城搵食，唔係講少呢個城好多選擇⋯⋯比起其他嘅 pizza 同三文治店呢間Chef’s Stage Kitchen 吸引我多啲😊尤其係座位空間感好夠濶落我嘅午餐係炭燒紐西蘭肉眼扒$148 （五成孰剛剛好）炭燒肉眼燒得夠香肉味濃又有肉汁，加埋露絲瑪麗焗薯仔同青豆椰菜花再點少少糊椒汁好好味！手打美國特級安格斯牛肉芝士漢堡配薯條 $108午餐黎講好大份量扒厚肉汁豐富，生菜夠新鮮又多又爽脆！薯條粗條外脆內棉果款最後食埋啲帶少少酸嘅紫椰菜絲解熱氣一流Tiramisu $48雖然已經好飽但幾飽都食得落，芝士又濃又香甜度適中冇得輸，最鍾意食曬D cream 再歎埋中間條吸滿咖啡既手指餅，送埋杯咖啡一百分呀