Chef's Stage Kitchen (愉景新城) (Closed)

今日想食西餐，喺OpenRice見到呢間評價都幾高，所以同朋友專程過咗嚟呢邊食。一入到餐廳，成間嘅裝修都行歐陸風加上少少型格，餐廳職員非常殷勤招待我們，途中不斷幫我哋添水，服務值得讚許。今日有少少肚餓，所以嗌咗個appetizer，仲有朋友一人一個main dish。頭盤係新鮮活藍青口配番紅花白酒汁，配上蒜蓉意大利軟包，白酒汁10分濃郁，非常creamy，配上經過炆煮嘅洋蔥蔬菜等，就咁點包食都好味呀，而青口煮得剛剛好，口感軟熟，大小適中。主菜有意大利燒烤菇扁意粉配松露忌廉汁，同大大隻lamb chop，意粉方面，松露忌廉味好重，意粉又唔會煮得太淋，啡菇又有口感，所以成道菜都令人食指大動。羊架方面，由於唔想食香口膠嘅關係，所以叫咗七成熟，果然上到嚟肉質少少粉紅色，十分滿意。至於味道，羊唔會太騷，醃料亦都係普通嘅鹽同黑椒都已經足夠，加上有四隻羊架，2人分享都好夠，仲附上焗薯和蔬菜，真係非常之飽啊！值得一提嘅係，餐廳最後貼心地送上牙籤，為整個晚餐畫上圓滿嘅句號。

荃灣性價比好高嘅西餐廳🌟最近發現荃灣有好多好西終於都試到呢間成日都見到好多人排隊羊鞍扒推薦𝟳成熟 啖啖肉好𝗝𝘂𝗶𝗰𝘆好特別嘅紫蘇🍯 配上有微騷味嘅羊肉同肥膏仲有好香嘅炭燒味鐘意食羊的話超推介🤍另外蟹肉扁意粉必叫 蝦膏蟹膏忌廉醬非常濃郁嘅海鮮味海鮮份量亦都非常慷慨🤤一定會再去試其他菜式

頭盤叫了一個芒果蝦沙律羽衣甘藍、蕃茄、芒果、燒大蝦、西班牙菠菜……配上芒果味嘅沙律汁 食慾大增！牛肋肉闊條麵， 醬汁味道真係調教得唔錯，闊條麵十分堅韌而牛肋肉 炆得好林好軟熟！燒日本豬腩肉， 入口有幾個層次 肥嘅部分燒到鬆脆， 偏瘦嘅位置 仍可以保持豬腩肉嘅肉汁，一啲都唔肥膩！我覺得呢杯冰磚鴛鴦真係夠曬特別， 我選擇咗新口味，玫瑰花絮 放在冰上，賣相精緻！奶茶入口 好滑，而咖啡冰磚慢慢融化，唔會沖淡鴛鴦嘅味道， 真係越飲味道越濃，奶茶慢慢變成鴛鴦！

同朋友行完荃灣IKEA之後 過咗隔離愉景新城搵有咩食 荃灣就成日去 但係好少行過嚟呢面 今次揀咗一間西餐廳 呢間係一個住荃灣朋友介紹 我地行完時間尚早 去到大約5點45分 見到裡面職員準備當中 到6點就安排入座 環境都唔錯 幾適合打卡 麵包籃 Free點完餐店員奉上餐麵包籃 有個忌廉嘅Sauce 個Sauce好正成籃麵包馬上就食哂鮮芒果配虎蝦肉沙律 $128 大大隻虎蝦煎過 非常香口 個芒果有d酸 不過配埋個沙律成個菜酸酸甜甜幾開胃燴美國牛肋肉配寬蛋麵 $188充滿蛋香嘅寬蛋面 配香濃嘅蕃茄醬炆牛肋肉 肉質嫩滑 非常惹味德國咸豬手配薯仔沙律 $258 上枱有d嚇親 因為份量實在太多 兩個人驚食唔哂 豬皮脆卜卜得嚟又唔會太乾 豬手肉質鮮嫩 肉汁豐富 配埋個芥末醬汁 就算食哂食隻都唔會好漏 墊底個薯仔沙律雖然係配菜但都唔馬虎偽鴛鴦 $58 用鴛鴦嘅做法 濃濃嘅朱古力底 加入咖啡冰磚 咖啡磚溶咗之後變成Mocha 成杯越飲越濃Princess Heart $68草莓醬 橙汁加雪碧 朋友點嘅 試咗一啖 好酸 我鐘意我鐘意我杯鴛鴦多d😂

一坐低職員就會幫忙倒薄荷味嘅水再送上麵包加手指餅配上沙律醬來開開個胃然後你可以慢慢點餐 頭盤我地揀左《新鮮活藍青口伴意大利軟包》青口一來新鮮，二來爽口，係出面的青口難得會爽口不鬆散，伴碟有雜菜湯汁同意大利軟包。個包本身有蒜蓉汁，但點青口既湯汁就更加美味👍🏻之後再叫左個《墨魚汁鮮帶子海蝦扁意粉》未叫時見到門口既牌已經覺得好吸引，實物比menu睇到更吸引😆😆 大蝦爽口，帶子嫩口多汁，証明廚師的燒烤火力夠哂。配上墨魚汁緊直perfect match 👍🏻👍🏻 墨魚汁控人士必食推介，當然意粉都好彈牙，唔會黏住黏住咁。最後仲叫左個主菜《德國香脆咸豬手配薯仔沙律,酸椰菜及蜜糖芥茉醬》豬手多肉大大件不在話下。外皮超級鬆脆，而且冇燒焦。肉地不黏牙，淡淡都係肉👍🏻👍🏻 配上蜜糖芥茉醬汁一齊食就更完美。伴碟的薯仔都不錯🥴有口感，唔會過份煮熟似薯蓉。另外店員仲推介我地試特飲《偽鴛鴦》特濃朱古力底配上咖啡冰磚 飲落係會變左mocha 跟餐價只係$38 好抵飲 整體黎講 間野絕對抵食 野食好食 服務一流 每食完一碟 就會有職員埋黎幫你換碟同清垃圾👍🏻 值得推介

今日同屋企人喺愉景新城行完誠品已經下晝兩點幾，大家都有啲肚餓，於是我哋就決定試下誠品對出都幾多人食緊lunch嘅呢間chef’s stage kitchen餐廳舖面都幾大，我影到嘅呢度大概係佢嘅一半，所以佢座位都多，我哋唔洗等位就可以入座餐廳嘅lunch set雖然只有8個選擇，但係佢勝在種類夠多，burger、pasta、risotto、扒、all day breakfast，好似乜都有齊咁我同屋企人一人叫咗一份lunch set，每份lunch set都會包餐湯、牛角包、沙律同埋餐飲。首先上枱嘅係味道濃郁嘅甘筍湯，配埋鬆脆嘅牛角包，再加上好fresh好開胃嘅青蘋果黑醋沙律，喺未上主菜之前已經感受到餐廳滿滿嘅誠意我叫嘅係手打美國特級安格斯牛肉芝士漢堡配薯條($108+1)，雖然menu冇提到但係佢都會跟埋酸菜沙律喺中間睇更加感受到呢個burger係幾咁重量級，佢上枱嘅時候真係嚇咗我一跳，完全冇expect過佢會咁有厚度！唔止份量冇得輸，佢嘅味道都非常唔錯！麵包嘅牛油味好香，咬落去脆脆地。手打牛肉非常juicy，再有溶溶地嘅芝士鋪喺上面屋企人叫嘅係炭燒美國牛肩胛板腱扒($148+1)，

愉景新城呢幾年定位咗做親子商場，人流大增，餐廳生存競爭都好激烈，今日試呢間餐廳就由商場革新後經營到而家，成為商場評價最好既西餐廳，到底係咪實至名歸呢🥸 由遠處行過去餐廳已經比佢既招牌吸引，百老匯復古風格非常eye-catching，主要以木系傢俬為主，但佈置偏工業風，鐵絲網牆上掛住餐廳標誌，燈泡仿似老舊鎢絲燈膽，餐廳光線唔算太光猛，情調氣氛一流。餐廳播住歐美金曲，但短短一個鐘既進餐都播咗2次happy birthday歌曲，證明都好多客人黎慶祝生日🎊 🍞餐包一共有2款，香脆麵包條同香草多士，香草多士外脆內軟，香氣滿滿，配合埋酸酸甜甜既醬好開胃。 🍲椰菜花忌廉湯是日餐湯係比較少見既椰菜花湯，口感好濃厚既菜湯，係照顧健康既同時維持到味道，相信係親子餐廳生存之道。 🥗蕃茄芝士沙律沙律調味除去咗草腥味，色彩配搭得都幾繽紛，芝士碎既鹹香為略顯單調既沙律菜提味。 🥩炭燒美國天然極黑厚切豬鞍扒今餐最高分之選，豬鞍扒油光閃亮，Grill mark啱啱好帶小小焦香。上檯時仲有滋滋聲，煎完之後resting都做得相當好，肉汁大部份都鎖住係入面，肉質仲好嫩，邊緣部位仲帶點香脆。牛肝菌汁濃郁而唔漏，可以補足返

今日約咗人去荃灣睇戲 睇戲前搵啲嘢醫下肚 喺戲院附近搵到呢間Chef‘s Stage Kitchen 佢有三間分店 呢間分店仲要係最多😋嘅 所以就決定試吓佢啦。因為買咗舊芝士嘅關係 入去果時膽粗粗問吓個Staff可唔可以幫忙雪住先 佢二話不說就應承左 跟住攞餐牌嚟嗰個Staff仲特登提我地 千祈唔好唔記得攞呀 唔係就要聽日特登返嚟攞架啦 超nice！初初仲怕佢嫌我地麻煩😆見到餐牌 乜都想試 最後嗌左個法式生牛肉他他伴鵪鶉蛋及法式多士 炭燒日本豬腩伴牛肝菌汁 蒜香白酒煮紐西蘭海鑽蜆扁意粉同埋兩杯好得意嘅嘢飲冰轉鴛鴦同冰磚偽鴛鴦個法式生牛肉他他真係唔係度度敢食 不過見佢間餐廳企企理理 個經理(我話佢係佢就係啦😂) 又好似對每樣嘢都跟得好貼咁 所以決定trytry 一黎到果時見到個面有啲蔥花 個心窒一窒 但係算啦 都撈埋左咯 唯有照食啦見佢唔係平時見開果啲蔥嘅樣 係幼啲細粒啲嘅 食落有驚喜 牛肉非常新鮮 鵪鶉蛋生熟剛好撈埋落啲牛肉度味道一流多士十分鬆化 留意返💁🏻‍♀️ 佢唔係硬 唔係脆！係鬆。化！另外個炭燒日本豬腩 係真係有炭燒嘅香味 配合網紋賣相 食得睇得 燒完之後仲唔會乾到柴皮咁 仍然k

今日行開愉景新城，發現咗呢一間係OpenRice有好多好評嘅餐廳，一於入去試吓呢一間餐廳有幾好食啦。大概6:30去到，已經坐到好多人，餐廳嘅座位都好闊落，坐得好舒服，今次就叫咗幾樣嘢食，同埋兩樣嘢飲試吓，一於睇吓食咗啲乜嘢啦。呢一個係餐前送嘅麵包同埋脆餅，配埋嗰張嚟食好夾，麵包嘅鬆軟程度好好，作為第一樣食物來講都算好高質。第一個頭盤係叫咗呢一個生牛肉他他配蒜蓉包，生牛肉個質量好高，食落去一啲都唔煙韌，牛肉嘅味道好香，蒜蓉包落咗少少鹽，所以好帶得出個牛肉嘅鮮味。第二個就叫咗呢一個蟹膏蟹肉意大利飯，嘩，呢一個真係好好食，因為平時食嘅意大利飯好硬，但係呢一個意大利飯每一啖都有好多汁，軟硬程度適中，蟹膏同蟹肉嘅鮮味都好出，真係一定要試呢一個。第三個主菜就係呢一個鱸魚，講真個肉質都唔錯，但係個味道就麻麻地，可能會下次想試吓個牛扒多啲。最後呢兩個特飲都幾好飲，個抹茶係沙冰嚟嘅，如果奶茶有啲咖啡味都幾特別。

知道荃灣好多野食，但我唔熟路，行完IKEA就沿天橋行左去愉景新城。8點幾個商場d鋪頭已經好似收得7788🥲，好彩見到呢間有開。之前食過其他分店，覺得好好食，最深刻係前菜個忌廉煮藍青口。兩個人叫一個前菜、一個意粉、一個牛同兩杯野飲，當日有個幾靚仔嘅staff😳😳，我地叫完野食就放底左碟麵包，好鐘意麵包個汁，酸咪咪。🚩法式香煎鵝肝($148)最近好想食鵝肝，所以捨棄左好好食嘅忌廉煮藍青口，叫左法式香煎鵝肝。一上台見到鵝肝勁肥美，D油滲曬落個多士到，好肥但又好正！為左解鵝肝陣油膩感，前菜配左黑醋汁沙律、紅酒蘋果蓉同焦糖菠蘿。焦糖菠蘿好好食，係鮮菠蘿加好甜。🚩蒜香白酒煮海鑽蜆意粉($188)靚仔staff有提呢個意粉有少少辣，一上台見到海鑽蜆鋪滿成碟意粉，粒粒都好大粒。蜆嘅下面係偏幼身嘅意粉，意粉口感出色，蒜香同辣味都做到曬，辣度應該3小辣。煮到岩岩好既蜆，咬落會爆汁！！好食啊🤤🤤🤤🚩炭燒美國1855肉眼牛扒配薯蓉及牛肝菌汁($348）配菜可以揀薯條/薯蓉，而醬汁就有3款，胡椒/牛肝菌/燒汁。望到D炭燒紋都覺得正，切開仲好粉嫩，有肉味得黎又夠淋身，絕對唔難咬。煎前可能無比鹽，所以差DD咸味，不

今日去完南豐沙廠就係附近搵下野食聽講愉景新城有間唔錯嘅西餐就行過去試下 最先上嘅係廚師凱撒沙律啱啱煎好嘅雞排同Bacon放係面頭加埋少少芝士粉本身以為會好heavy點知冇想像中膩 好味 之後嚟嘅係青醬長通粉乾蕃茄嘅酸 加埋青醬嘅酸形成左有層次嘅味道加埋爽口嘅蘆筍睇落簡單嘅意粉冇諗過嘅美味 嘢飲到！過多陣 店員上埋美國頂級肉眼排一上枱已經已經聞到香味仲有grill mark未食已經加分一切落去 唔洗用力就切開左中間仲要係粉紅色牛排調味啱啱好配埋個sauce一齊食真係冇得彈呢間牛排已經刷新左我食過牛排嘅排名 最後上埋個甜品甜品都好好味唔會死甜一個蛋糕會用幾個layer味道同口感都有幾個層次幫呢餐飯劃上完美句號如果下次再嚟荃灣 會再過嚟食多次

今日約了好朋友👯‍♀️去荃灣吃飯補祝生日，見呢間餐廳好多好評，所以佢選了這間餐廳，我們提前book了晚上6:30來吃，雖然不是假日，但來到時見到座位已有八成滿，餐廳環境走暗黑路線，好有情調，配有一些音樂，成個環境令人覺得好放鬆，好適合一家大細聚餐丶情侶聊天或一大班朋友聚會😍前菜餐廳配有餐包，有一塊普通面包及一條脆脆的面包，我朋友選了南瓜湯，用南瓜蓉打成的湯，很有南瓜味，我選了沙律，沙律有紅菜頭、蘋果及火箭菜配醋汁，酸酸地唔錯蜆肉意粉，意粉有蒜香味及有少少辣，非常開胃，蜆肉亦十分入味🍝🥩肉眼扒選了七成熟，本身我想選五成熟，但我朋友吃不了太生，所以只能選七成熟！肉眼端上來時仍然是熱辣辣，開頭怕七成熟的肉眼會係好韌，但呢到的肉眼出奇地好淋，而且肥瘦適中，配上牛肝菌汁好夾，肥膏的地方都好淋好好食😋🥂飲品方面，我朋友選了特濃朱古力咖啡雪糕，咖啡雖然沒有奶，但配上朱古力雪糕卻配合得剛剛好，把凍的雪糕放入熱的濃黑咖啡裏面，然後一齊食，不甜不油膩，配搭得很好，我選了 white sangria,有白酒成份，白酒配上果汁，很易入口，把酒味蓋了一大半，好適合想飲酒但不想太濃酒精味的朋友🤣最後值得一讚的是服務

有次同朋友傾開計佢介紹話有間食西餐既餐廳唔錯, 呢間餐廳有幾間分店, 今次就去左荃灣愉景新城間分店試下。呢間餐廳環境都比較開揚, 因為間餐廳係冇牆身或者玻璃隔住而有圍欄, 會比人望到你食野, 如果想同朋友靜靜地傾下計既話就要考慮下啦。今次叫左一個沙津兩個主食同一個甜品:沙律有幾樣唔同既蔬菜食, 加入左黑醋, 酸酸地幾開胃, 食落有重清新既感覺。炭燒美國頂級肉眼1855牛扒拼薯菜牛扒5成熟, 口感岩岩好, 唔韌, 好味。初榨純橄欖油蒜香白酒煮紐西蘭海鑽蜆扁意粉自家製意大利芝士蛋糕最後, 食埋個甜品非常滿足, 個蛋糕質地好滑, 甜度適中, 仲食到酒既香味, 值得推介!

我成日都黎愉景新城行逛、留意左 ”chef’s stage kitchen “ 好耐，但唔知點解未有衝動去試🙈今日諗唔到想食乜，襯未到黃金晚飯時段就即刻入去試吓掂唔掂先柔和的燈光、簡潔嘅裝潢睇完個menu，order左食物會即時上餐前麵包每人一塊麵包+一條餅乾配上特製嘅醬汁，食完更加開胃左邊 ： 薄荷朱古力 ～ 清香薄荷味，朱古力夠濃味右邊 ： Moca ～ 咖啡 + 朱古力 的比例剛剛好，唔會偏重某一方，比大型連鎖店更好飲秘製美國炸雞翼配茴香蛋醬伴秋葵雞翼香脆嫩滑，唔點醬已經好食。再點醬試下就更惹味，各有各的好食平時唔會食秋葵，可以有D黑醋汁嘅關係，入口又唔覺難食，當食沙律菜咁，都唔錯鮮藍蟹肉及露筍薈意大利飯配鮮蝦頭膏蟹肉同埋露筍都見得到，蝦頭膏可能mix up所以睇佢唔到。味道方面～ 正常的意大利飯，無咩特別。炭燒美國天然極黑厚切豬鞍扒賣相已經好吸引，切開一片到睇得出燒得剛剛好，食入口好爽、嫩、juicy 集於一身，已豬鞍黎計暫時係我食過最好食的一次白色嘅薯蓉打的好滑滑，令人一食再食

平時唔多寫食評，但呢間啲食物真係好好味，要記低佢，推薦大家去。間餐廳本身喺商場入面嘅一條「食街」，周圍環境設計幾特別，亦都坐得舒服。食物方面首先有香脆嘅香草包，可以點落好香濃嘅黑松露忌廉湯一齊食味道好夾，仲有個好足料嘅華道夫沙律，有哂蘋果薯仔合桃提子乾西芹，下面再加左啲新鮮嘅沙律菜，大份得嚟又唔會食飽咗。頭盤我哋揀左香炸車打芝士青辣椒配香脆洋蔥圈，芝士夾埋青辣椒一齊炸，又薄又脆嘅炸皮一咬開啲芝士就爆出黎，好特別，不過就略為有啲膩口。主菜揀咗紐西蘭羊鞍扒配honey basil sauce，4塊厚厚嘅羊鞍扒一上菜我哋就即刻趁熱食，叫咗四成熟，肉質好嫩，而且好多肉汁，個羊鞍扒煎得夠香，亦冇好大陣羊羶味遮過晒啲羊肉味，再配埋個honey basil sauce真係無得輸。另外仲要咗個墨魚汁鮮帶子海蝦扁意粉，帶子同海蝦都大大隻，墨魚汁扁意粉好香好濃郁，配埋海鮮嘅鮮甜味道一流。嘢飲要咗一杯偽鴛鴦同埋拖肥薑鮮奶，杯拖肥姜鮮奶比例啱啱好飲得出拖肥同薑嘅味，而且好rich。偽鴛鴦係朱古力再加咖啡冰磚，好似飲緊mocha咁!今次淨係試咗呢幾款嘢食已經好滿足，全部都大大份，下次要再去試埋佢嘅漢堡同埋牛扒先