昌發泰國粉麵屋

Open Now

Now Closed

上次潑水節發現好味滷水豬手飯後，好掛住🤤 於是去左九龍城搵昌發食多次～豬手飯份量比潑水節嘅多，多好多豬手😍 豬手好入味，滷水汁味道唔會過鹹剛剛好，實在太惹味～ 豬手肉質嫩滑，帶少少肥好好食😆 加埋酸菜一齊食，增加口感之如又可以減退油膩感👍🏻 原來潑水節佢只係收貴左兩蚊，良心鋪呢👏🏻另外青咖哩都好濃味好正，配料夠豐富，雞肉唔會好老，餸飯一流～沙冰飲品20幾蚊超級大杯!! 叫左芒果味，酸酸甜甜好開胃～

今晚同班老友相聚，我建議食泰國菜，泰國菜通常人人都啱，之前都試過呢間，我覺得非常地道，價錢又合理，衛生環境及服務態度也好，成班老友都話好地道，贊不絕口，大家一定要試試！

這是一家平民食店 雖然説是麵店 也有很多別的泰食 泰式咖哩飯 小食 甜品等...應該是間泰菜餐館。去這家麵店 主要原因是看到一個應該是有點知名道的YouTuber的片 他有一個很可愛的笑容。這裏的招牌菜 - 遊船河 裏面有泰式細細粒肉丸 泰芽豆 泰香葉 .... 很有在曼谷街頭大排擋的味道 如果湯底可以熱點會更好。然後 跟隨那個YouTuber推介 叫了一碟沙爹串 正如YT說 是不乾 但是感覺下了許多泰式鬆肉調味粉 我不喜歡。最後 札肉炒飯 味道很濃 札肉又多 可以。總結 這家店 適合brunch 午餐和下午茶 晚餐就有點不夠class了 叫麵店 合適的

去完泰國之後, 男朋友成日都好掛住鴨肉湯河, 見到呢間有得食就即刻話要黎食~坐低已經見到有好多泰國人黎食, 我諗味道應該都唔差得去邊既鴨肉河粉男朋友話個湯底超正, 有d似係泰國食既味道, 而且都好足料豬頸肉河粉呢款湯河就相比鴨肉河就冇咁濃味, 但係都唔差架, 都有好多塊豬頸肉白灼螄蚶除左鴨肉河, 食螄蚶都係我地既重點之一雖然份量唔多, 但都可以過下口癮, 最緊要配埋個泰式醬汁, 好味到要爭住食馬拉盞炒通菜去到邊都要食通菜, 呢間都炒得好爽, 幾好味呢間泰國野價錢唔太貴, 下次可以再黎試呀

今日突然好想食泰國野。就去左九龍城搵野食。但九龍城實在太多泰國嘢食，都唔知食邊間好，所以黎之前開咗OpenRice睇吓有乜嘢推介。最後揀左e間試一試。下午3點黎到，人流唔多。店內2.3枱。環境如下。牆上d相好吸引。有埋Number方便叫嘢食。最後我點左3樣。豬頸肉金邊粉，椰青，生蝦食泰國嘢必叫生蝦是常識吧！哈哈喺粉麵方便佢仲有好多選擇俾大家叫。又可以改轉河粉，金邊粉，米粉，米線，米粉，蛋麵，粗蛋麵，意粉，卷粉都有。好多選擇總有一款係啱大家。我就覺得湯麵嘅味道比較淡，但係佢另外枱面有調味料俾大家自己條配口味。枱面有支辣醋。好好味。整體來講呢單野價錢都合理嘅。湯麵都係＄40左右。椰青就＄32生蝦就＄80價錢都好合理同正常價格

九龍城這一間昌發泰國粉麵屋，充滿着泰國街邊舖頭的風味。如果喜歡到泰國街邊食粉麵，這一間昌發可以帶來回憶。豬雜湯河這碗豬雜樣樣都有一點，湯河本身有點油膩，但湯整體不是太油。重點是泰式豬雜湯這種甘甜豬肉的濃味。豬手撈麵驟眼看是一碟手撕豬手肉，我比較喜歡豬手肉的味道，多過撈麵的味道。豬手肉醃得岩岩好，酸酸鹹鹹的感覺不錯。海南雞飯油飯一般，雞肉很香滑。不過辣醬真是非常的辣，不能點太多，果然是秦式辣醬。整體來說，不過不失，但沒有預期之中那種非常好吃的感覺。不過值得一試。

每次到九龍城也會幫襯 事隔大半年 水準下降了很多 我點的鴨肉湯河 鴨肉口感很鞋 而且河粉煮得太淋 粉重疊在一起 而且份量很少 平日星期一至五已經沒有午餐餐牌 所以我是正價幫襯 吃完還不飽 而且湯底很多味精

九龍城又叫小泰國，黎到哩到點可以唔食泰國菜呀！之前同朋友閒聊，佢有講過昌發食物唔差，咁啱果日又無plan話要食咩，就行左入昌發啦！等左十五分鐘左右啦，就有野食啦！馬拉盞炒通菜，味道惹味，但偏油。份量唔多，要成$58，性價比低。冬蔭功（小），同行朋友大多數唔太食得辣，有一位朋友好想食就嗌左個細既滿足下佢啦。份量唔多，入面有幾粒菇、番茄仔同兩隻蝦，就咁多我唔太好辣加上個湯上面實在飄住好多油，所以我無飲到湯。試左粒蝦，蝦肉霉嫁肉淋之之仲癡住蝦榖，完全唔新鮮，一道餸得果兩粒蝦都咁hea人既咩朋友飲完湯話入口唔辣，但係辣既後勁好強，搞到佢要用椰青解辣。同埋話湯既椰漿落得太重手，覺得個冬䕃功麻麻。到最後，成道餸好似無食過咁嫁咁就盛惠$69椰青（$32）同越南泰國飲果啲又平又清甜既椰青就實無得比嫁啦！椰青水都尚算清甜，淡淡既甜味，椰子肉係嫩身易刮既，比之前係九龍城另一間泰國菜既椰青高質，無上面咁伏先～椰汁咖喱真係好椰，一直飄黎椰汁味。咖喱係無咖哩味，唔香唔辣，雖然有椰汁味但一啲都唔甜，仲要好多油！！平時香港食開泰國菜既咖喱都好香同杰身，唔愛黎撈飯會覺得好浪費。哩個真係好稀，紅色既油包住啲咖喱，要夾曬

今日年初三，因為新年好多餐廳都唔開門，好不容易先搵到好野食，諗到泰國菜餐廳應該唔會跟農曆年放假呱，所以去左九龍城搵食。去到九龍城，諗都唔諗就去左昌發，好野！有開門！去到就更系點我最鐘意食既冬蔭功湯河，湯好濃，啲河粉系好闊既粉皮，咬落去好有質感，而且闊既粉皮沾湯能力高，所以令到啲河粉更好味。朋友叫左傳統炒金邊粉，好好味，同系泰國食個啲一樣味道！正呀！ 食左咁多年昌發，佢仍然保持到水準！而且佢真系保持到泰菜既味道，推介

Was craving for duck noodles but there isn’t much places that makes it in Hong Kong. Searched for a few different restaurants on openrice and we decided to go to kowloon city. Came here around 3pm so there wasn’t much people. Was surprise by the many choices of the duck noodles they have. We ordered the popular two. It wasn’t a big bowl but it tasted like Thailand. I think they use the same soup base with different combinations of toppings. It satisfied our cravings of Thailand. We had the mango

通常我嚟呢度都係食小食同麵今次朋友試咗個蛋包飯我覺得好淡口我個泰式湯麵 真係唔錯但係個個入嚟都係食遊船河下次真係要試下呢度主打係 地道泰國嘢由廚師到樓面全部都係泰國人正唔正宗 真係自己諗喺呢度食嘢你唔會再 食 紅咖哩青咖哩冬陰功嗰啲我叫咗最辣嗰個 樓面姐姐同我講話 好辣我話得啦我食得辣㗎佢仲好擔心咁嘅樣真係夠曬貼心另外意外嘅係我碗麵竟然係有油睇落去有少少似四川feel呢度嘅冬陰功真係唔使講嘢勁好味佢嘅炸蝦餅同炸魚餅夠曬足料你真係食到 正宗泰國口味佢個荔枝soda 勁正唔會太甜

九龍城的泰國美食繁多，整條街都佈滿泰國餐廳和各式各樣的集貨店，我每次有空的時候都會跟媽媽都集貨店看看由泰國新鮮空運到港的食材，香料、甜點、小食等應有盡有。而其中一間我最喜歡的餐廳就是昌發了！前幾天和媽媽shopping完之後就在昌發來個泰國午餐。手下我們點了一個豬手飯，大大碟的豬手飯鋪滿鮮嫩有嚼勁的濃味豬手，而旁邊配上酸酸的醃菜，半隻蛋和芥蘭，香軟的白飯充滿滷水汁，和豬手簡直就是絕配，而且配上自家製辣汁，非常惹味！燒豬頸肉也非常好味！豬頸肉不會太肥，而外層燒至香脆，裡面柔嫩多汁，配上秘制的醬汁，酸酸甜甜還有一點微辣，不會太膩，好正！最後還來了一個蝦醬炒通菜，一上菜已經聞到濃烈的蝦醬味道，而且他們還特意加了薑絲一齊炒，吃下去有一點微辛，配上濃濃的蝦醬令味道層次更豐富。值得一提的是餐廳外面擺放了很多各式各樣的泰國甜品，下次有機會在試一試～

又到九龍城搵食, 晏晝想食d有湯既野, 就決定搵間泰國粉麵.佢都有好多選擇, 除了粉麵仲有好多其他泰國食物. 不過今次試下d粉先. 朋友叫了遊船河, 入面咩都有少少. 豬肉丸, 豬肉, 牛肉咁啦. 因為唔係我食, 都不太肯定. 試咗佢個湯, 味道濃郁, 好似有好多精華係到, 好飲.而自己就食燒豬頸肉湯河, 個湯好似清湯咁, 味道較淡. 而豬頸肉燒得唔夠香, 粉的份量都比較少, 所以食完都唔係好夠飽. 同樣都係43蚊的話, 下次都係叫遊船河吧.

媽咪今晩去完旅行返嚟，原先以為佢食埋晚餐先返，我同哥哥豬B們原先想去食壽司，點知媽咪返嚟一齊食飯，所以要就媽咪口味改咗去食泰國菜。之前聽同事講，呢間食船麵好味，所以決定試下，兼且即時上openrice book枱有95折。佢有兩間舖，員工叫我哋去右邊果間，佢話果邊d位闊落d~遊船河(金邊粉)傳統船麵湯底較深色係佢嘅特色，同平時清湯底嘅魚蛋粉唔同，味道濃郁，呢款湯底叫 nam tok, 加入咗豬或牛血，所以更香濃，不過飲唔出血味，唔怕有血腥味。佢本身有6款粉麵可以揀，我揀咗金邊粉，好鍾意金邊粉果種爽滑，幼細嘅粉條可以索度濃濃嘅湯汁。配料方面有豬潤、豬肉丸、豬肉片，再加埋芽菜香葉一齊食，好味道!生蝦刺身海蝦非常新鮮爽口，㚒住蒜片辣椒片，再點埋個辣醬食，簡直一流!不過88蚊得5隻，貴左少少。蒜茸椰菜苗用魚露代替鹽，椰糖代替白糖，再加上蒜蓉嘅泰式煮法，非常惹味!冬蔭功(細)由南薑、酸子、香茅、青蔥、酸檸檬、辣椒同魚露調製而成。英語音譯為Tom yum，其中，Tom表示湯，yum表示酸辣之意。呢個湯用加咗蝦同草菇，夠酸又夠辣，飲到個人熱辣辣。菠蘿炒飯姪仔至愛，炒飯加入雜豆提子乾，再配埋腰果同肉鬆

又到九龍城揾飯食~其實呢間餐廳我已去過好幾次，2間鋪相連，以粉面飯快餐形式主打，印象中佢地既炭燒豬頸肉係幾好食，但今次就唔記得左叫。今餐主要叫粉面多，我叫左蝦醬炒飯，中規中矩。冬陰功海鮮湯面味道較辣，份量足，開胃好味。濕炒就非常一般。芒果糯米飯有點兒失望!如想嘆正宗泰菜可有其他更好選擇。如想隨便快食一餐，其實都唔差既。