桃苑粥麵茶餐廳 (Closed)

1.6.2012等待友人的約會之前, 來了這裡吃一個人的晚餐.叫了一個晚餐----焗鮑魚石斑烏冬($38), 包餐湯和餐飲的. 餐湯是豬骨湯, 很肥膩哩. 但我都飲了兩口, 感覺到是沒有味精的, 不過我對這些肥淋淋的湯實在無興趣, 所以不喝也吧.焗鮑魚石斑烏冬足足等待了15分鐘, 終於送來了. 焗飯, 焗意粉就吃得多了, 焗烏冬還是第一次吃. 究竟味道如何呢? 答案是, 幾好味喎.這個焗烏冬送來時, 還是熱到出煙的. 面層鋪了一層芝士的, 不過焗燶了少少. 翻開上面的芝士層, 可以看到有鮑片, 炸石斑塊及紅蘿蔔條. 鮑片, 吃一口就知道是質地軟淋淋的素鮑片喇. 素鮑片一向給我很中式的感覺, 但當它吸收了芝士汁之後, 頓時西化了不少. 至於石斑, 單看餐牌上的名字, 我還以為是一些烚熟的魚柳塊, 怎料竟然是炸的, 實在令我失望. 因此, 令到本來戒口的我, 被迫破戒一次, 唉. 炸石斑的炸粉頗厚, 尤幸石斑肉已沒有雪藏味, 還可以吧. 另外, 配料竟然用了紅蘿蔔條, 這是令我感到意外的. 可是, 紅蘿蔔條沒什麼味道, 質地也很硬, 成為這碟烏冬的敗北之處. 那麼, 主角烏冬呢? 烏冬很滑

與J君有事相談方便他停車就選了在這裡下午茶，原來這裡還有友善的代客泊車。五點鐘來到只有兩三檯客人，幾位單身女子在這裡下午茶。茶餐的選擇很多出品效率高，「特色熱狗」很快就來了，當我講完電話正想拍照時他已經吃完了。味道如何呢？他說OK。我點的是星洲炒米配加榖粉的阿華田，阿華田先來甜得太厲害只能喝兩口，有時候我真得很奇怪這些水吧師傅會不會喝自已沖的飲品呢？星洲炒米味道普通等的時間長一點，不夠熱味道一般全無特色，配料倒算是足夠。

是日晚上要自己一個吃飯，本來想去聚友會的，但只有自己一人，就算了。雖然還是去了德興街，ｂｕｔ是去了這間。進了去，還早，人不是很多，空位多的是，我就隨便找了位置。一坐下就有位姐姐來了，我說我想吃白飯，有什麼推介？她就很親切的道出有什麼選擇，還指出什麼要加錢，什麼不用。我選了當日的晚餐粟米雞排飯，熱菜蜜，送例湯。例湯是豬骨煲眉豆，也不知算他足料好還是不足料，湯渣很多，但全是骨飯跟的是白汁，有點太濃，跟了飯才比較易入口，雞排是炸的，但有點老。可是服務很好，人情味濃，姐姐態度親切，茶餐廳來說環境很好，因為乾淨整體來說，是好的

今晚自己一個人食飯,漫無目的咁周圍睇下有咩好食,行到去佐敦,見有d攰,就入咗去其中一間茶餐廳到食,餐廳都算幾大間,而且都幾乾淨,自己叫咗個黑椒牛肉炒意炒晚餐先來例湯>>味道ok,唔油凍濘茶>>普通黑椒牛肉炒意炒>>賣相麻麻,但係味道又唔錯喎,牛肉腍,香口而不膩,意粉仍然煙韌,食完隻碟都無乜油!

是日收工後很累，懶得回家做飯吃，於是在回家路上去了桃苑吃個餐才回家。進入餐廳，七點多，可是偌大個餐廳並不多人，生意難做啊！看過餐牌，叫了個時菜排骨炒米粉，份量很足，特別多排骨，最喜歡的是米粉炒至有米粉焦，有少少的焦香味，好正。飽食一餐也吃不完一碟米粉，$34蚊，好滿足的一餐！

Both Hot and cold Coffee & Tea taste very good and fired needle very high standard amount Coffee Shops.

上午辨好香港公司既事, 下午便要北上, 繼續我既任務. 不用趕死趕命時, 總愛係佐敦上車, 為公司慳到錢事小, 佐敦野食多才是重要的原因.是日行左入恆豐中心, 發現了德興街呢一條小小既食街. 由於時間不多, 都係揀一間茶餐廳, 食個快餐, 早點上深圳辦事.看見有個扒餐. 本來一心想鋸扒的我, 正好, 快餐扒, 有快餐扒既食法. 蒜蓉汁牛扒, 加一個紅湯, 飲品要檸茶. 簡單的茶記配搭. 來得也真是快手, 湯都未飲完就有野食. 先說湯, 味道夠濃, 是一般有料有味的茶記紅湯. 辣辣地, 帶點蕃茄酸, 而且夠多料. 飲完好開胃.牛扒到, 茶記牛扒不能要求什麼安格斯等等. 夠熟夠淋就最好了. 出來的牛扒, 的確夠哂淋, 說明是蒜蓉汁, 味道簡直是勁蒜. 可惜地, 蒜味太重, 蓋過哂其他味道. 牛扒的肉味尚且是有的, 不過個汁實在太過濃了. 幸好有杯檸茶清一清, 好讓檸茶, 袪一袪蒜味. 蒜頭令口氣加重, 在這裡感受到, 為何佛學之人不吃蒜了. 的確是影響清修.

風聞呢間荼餐廳的蛋tart十分受歡迎，蛋tart迷的我傍晚一收工就黎想試下,點知一早賣哂。原來呢度的蛋tart每盤一出爐就會瞬間沽清, 熟客每朝都打黎爭住留tart。空腹而回未免有點失望，反正一場黎到,試下呢度其他野都好。呢間茶餐廳有旅遊協會優質商戶Q嘜標誌，地方乾淨，座位亦坐得舒服。叫左個例湯，木瓜雪耳湯足料, 每碗大大碗，湯水煲到有微微膠質，唔似得其他茶餐廳稀到似用滾水溝粉。最重要係完全無味精，有誠意，讚!魚蛋米爽口，湯底清甜，不錯。油占多大大件好厚身鬆化, 烘到剛剛好, 正!下次一定要一早黎霸番件tart食!

第一次幫襯對這間荼餐, 沒有任何背景資料, 想寫少少食後感, 剛才看到之前評價, 同我的感覺完全相反!叫了一個西蘭花炒斑片同一個芋頭排骨煲.西蘭花好硬, 而且好明顯是用水 "桌" 熟的, 因為完全是無味的.芋頭排骨煲應改名為碎芋骨頭煲...煲內有少量零碎芋頭, 而最誇張的是排骨, 從未見過這樣巨型的排骨, 而骨邊幾乎沒有肉, 即使有微量肉亦是靱到不得了.

工作關係，一到此店，鋪面裝修雖普通，可是食店水準很高，誠意用心制作。淨雲吞：每個細節都做到足。湯底有好香大地魚味，無味精，飲多幾啖都唔怕呀。雲吞皮薄而且滑，入口唔會好粉。雲吞大少比例適中，蝦肉比較7:3至8:2左右，海蝦一隻過，好新鮮。重有幾條菜心食下。原來係$18碗... 各位食友下次唔一定要去名牌雲吞麵...如果有一打打買返屋企可能重好.羅宋湯：足料，食D湯料就知係花時間去煲，因為紅蘿蔔都淋哂。唔用辣去掩飾，牛味都好足，如果有返一兩粒牛肉食下就更好！少見例湯都用心去整。蛋撻：$4隻 牛油曲奇皮，造型與美心一樣，甜度剛剛好，蛋味足，好蛋！可惜當時手機無電，如果唔係影埋Photo...

店子較偏僻, 在恆豐後面, 叫了一份熱狗+凍檸茶的茶餐, $19.Ok喎, 個熱狗包夠熱夠軟, 配上雞肉腸及沙律醬, 最簡單的食材已好好味了, 那杯檸茶都有茶味, 出乎意外的好. 只可惜間舖比較舊些.

晨早德興街水靜鵝飛，連食肆都無乜人，見呢間燈光火著就入，果然只得幾客。叫個餐肉煎旦米線同奶茶($16)，先奶茶，奶多茶味唔得仲有少少酸味，不過餐肉同煎旦就整得好有心機煎得好透，微脆又唔會睇得出係用心做。其實呢兩樣都唔難做，但好多餐廳都做得好求其，有做等如無做，不論佢可能人少所以用心做抑或係佢地宗旨，都應該值得讚。

抵港後第一家吃到的茶餐廳,來幫我們服務得很一個染桃紅色頭髮的阿姐,人很豪氣的樣子,因為不知道份量多少所以我們打算一人點一道餐,弟弟跟妹妹都點了20元的多士+蛋+意粉,我點了乾炒牛河,爸爸點了咖哩牛楠,媽媽要再點餐時,阿姐告訴我們這樣五個人吃就夠了,不夠再叫,這句話讓我們覺得阿姐是個很好的人呢!!餐點來了之後果真如此,牛河好大份,咖哩牛楠更是三個人吃還綽綽有餘,不僅份量足,味道也很讚!!所以我們要回台灣的前一天又再去吃了一次,還打包乾炒牛河帶回台灣,下次再去香港一定要再去這家餐廳及看看可愛的阿姐!!

05-12-07 Wed Lunch快餐揀左個羅白魚菘飯$25, +$2 凍檸茶羅白魚菘飯份量非常之多味道就普通好快上菜例湯係鱆魚節瓜煲唐排, 冇乜味精, 夠老火野飲亦幾大杯, 驚你唔夠飲環境尚算寬敞, 冷氣都夠

呢日我地來左德興街呢間野，食左碗豬潤粥同包心貢丸河，個粥唔夠綿，似潮州粥，豬潤又少，包心丸ｄ料太少喇，得４粒，成廿蚊，菜蜜又甜得滯，認真麻麻。