長洲張記

Open Now

Now Closed

睇完太平清醮飄色巡遊，又熱、又餓、對腳又倦即時走去張記食野，被安排到２樓坐唔使等，冷氣又夠。雖然份量唔足夠，但都好好味吖，以這個價錢，有咁嘅質數，差不多啦～食飽出到門口見已經排晒長龍等位，好彩我早嚟唔使等

太平清醮和妹妹2人到長洲湊熱鬧,聽朋友說張記好好味, 決定來試試~叫了一個魚蛋牛筋撈麵,魚蛋不過不失, 牛筋炆得好正, 淋得黎又不失咬口,不過個湯就真係好咸好咸, 我和妹妹每人試了一口就不再踫了!$23唔算貴, 不過份量就真係少得可憐, 夾埋得果2注仔,一個中型食量的女仔午餐食一碗都唔知飽唔飽到一半, 唔係咁抵law~

獨自往長洲一行, 早上只飲過茶, 冇食過午餐, 下午茶時段就吃個簡餐啦!頭一趟經過好多人, 之後再回頭又卻是小貓三隻, 很飄忽.冇人就岩勒, 當日有成廿七八度, 出面好熱, 不過裡面開著冷氣, 卻是十分舒服.要片頭撈沒有的時候, 就要了魚蛋撈.魚蛋有好幾件, 魚片就少一點, 兩者之中, 魚蛋魚味多一點.碗清湯很不錯, 雖然沒有胡椒粉, 但是沒有腥味, 飲得過.麵就較一段, 不是太爽身, 但不會碌到仍是一舊舊的.吃完撈麵不太夠, 要了個牛腩牛筋, 牛腩一些幾軟, 一些又較硬些, 反而牛筋水準幾平均, 至少件件都有彈性.埋單$48, 一試無妨.

睇食評才找到這間店的, 一大班人柴娃娃來到。不過覺得和平時食的魚旦沒有分別! 沒有驚喜。同埋魚旦河黎講, 是比較貴的。雖然係咁, 但一年入長洲次數, 5隻手指數得晒這店又算出名, 可以試下o既!

我叫左碗魚旦河，非常普通，no good，味道一般，仲要非常細碗，我女仔都唔夠食啦！so bad！更何況d 男仕？男仕起碼食三碗至飽啦！又唔係平過人。

食過魚旦河,魚旦好普通,但特別在於上面多塊雲吞皮,但麻麻地,總括唻講,碗面太細喇,好唔抵食...但如果要試既話,就試下個墨魚丸啦,唔錯,丸入面會有一粒粒墨魚,雖然細細粒,但好妹,可以一試~~

坐普通船入長洲~大比已經不停嚷著好肚餓好肚餓我話長洲大把野食~佢都堅持要食碗粉打底先食其他都無問題咁話~~唉~~結果就來了這間看來有點舊ge粉麵鋪吃之前也來過一次~都是沒有甚麼特別的那種吧跟大比說~這裡的片頭也不錯的~就要了碗片頭牛腩河~小比??叫了杯豆漿就可以了~我沒有吃得太多~不過大比卻說片頭真的很好味~我也咬了一口~真的蠻彈牙的不過d野我又覺得偏貴~~算啦黎到呢度~我都算係遊客~遊客就要遊客價大比吃飽了~就正式開始我地ge長洲半日遊

星期日同班朋友係長洲搵食，度度都咁多人好就腳地入到黎，但唔知食乜好﹗﹖見到牆身貼有<飲食男女>推介一看之下，原來最出名係〝魚蛋河〞就個個都叫左碗黎試下(其實其他麵食已經售罄)數分鐘後〝魚蛋河〞送到，感到意外的就係覺得好細碗第二個感到意外的係有粒〝炸雲吞〞伴碗(好硬，食得好辛苦，入到口先知係〝炸雲吞〞，似〝賓沙〞多些)唔係咁低食囉﹗女仔都係岩岩好夠食﹗

09 Mar 08, 下午12:30船到長洲一落船就行向右行，好快就行到張記，我地一行四人當然係無位啦，呀姐好有禮貌咁問幾多位，等左一陣，叫我地上樓上，嘩，條樓梯好恐怖高，７５度角樓梯，弊，上左去都唔知點翻落黎，上左一個角仔咁既地方，當然好迫啦，牆埋面有好多油灰響張度添，但係又未到話好唔掂，坐低叫野，呀姐介紹話，呢度魚蛋同墨丸最好味，我地叫左兩碗魚蛋河，一碗墨丸河，一碗雙併，一杯凍奶茶，兩杯豆漿一大一細，一碟炸魚皮，一碟生菜．先講埋單，係ＨＫ＄１５５．００魚蛋同墨丸，係平凡，絕對唔係話唔好食，但係又談不上咩咁巴閉，魚皮ｏｋ，牛腩ｏｋ，其實真係ｏｋ，但係，我唔會再食食，係因為我咁長途入到去，我覺得可以食多ｄ其它特別ｄ同好味ｄ既野

都係因為好似出名先去試吓，唉...瀨野，成碗粉唔平，廿幾蚊，好食就話啫，咸到嘔呀，真係呃錢！

落船後, 我地第一時間衝去"張記粉麵"正如部分食評所講,真係唔好食囉, 麵就淋bet bet, 魚蛋同墨丸都冇味>.< (所以相都懶得影!!)

經過兩日一夜在長洲的假期，臨離開前諗住食個lunch先去搭船。呢間張記的魚蛋粉在長洲已有50年歷史，可以話係老字號，店舖的裝修好有以前香港的感覺。食左一個魚蛋米($17)，米粉略嫌硬左少少，可以烚多1分鐘，份量比出面少，但對keep fit緊的女仔黎講夠食；魚蛋細細粒，魚味鮮甜而且夠彈牙，但魚片就切得好薄，唔知係咪游說人去食片頭粉($20)；湯好鮮味冇味精，單飲就好好味，但浸米粉黎食就令o的米粉唔夠咸。同朋友share左一碟油菜($14)，只得生菜，阿姐幾細心問我地要蠔油定係腩汁。不過淋腩汁的油菜o的腩汁味怪怪地，唔似牛腩味，又唔似豉油味。整體黎講不過不失。

點解我會黎呢度食野架~?明明說好了去食咖哩耶...........唉。真的撞板了。可能我真係太有期望了{北角個間10蚊面比呢間野既雲吞好食好多...........我說真的!!}

到埗時，片頭已經售罄。叫了魚蛋墨丸米粉（$20）和細豆漿（$5）作爲在長洲的午餐。主角不是粉漿製成品，吃來爽滑彈牙，特別喜歡他們的墨魚丸，内裏有點點芹菜，令味道更清香。米粉份量不算多，只合light meal 或下午茶。這裡的魚蛋和墨丸確實不錯，本想買點回家打邊爐，但店家說只有堂食，唯有作罷。

我們一到長洲便找它，原因是NICOLE曾在香港的旅遊書裡看見它介紹這裡的麵。魚旦-彈牙，彼好吃的。牛腩-屬於中上的質素。雲吞-沒有什麼特別。墨魚丸-是我們最讚的，這不是我們平常打邊爐由機製造的丸，這種很彈牙!而且比較特別!平時在旺角那些麵檔，是不會嘗到這種手打墨魚丸呢!縱使這裡的墨魚丸是多特別，我想我們不會再到這裡吧?因為有一樣東西，我們不明白的!米粉啊，麵啊是很貴的嗎?!不明白麵的數量怎麼會那麼少..(是我們胃口大嗎?!!)我們吃過麵後，還有餓的感覺.. -.-"如果一碗麵只是十元，那就非常抵吃!!!但現在..好像是二十多元(也忘記了!)..