長洲張記

Open Now

Now Closed

經過兩日一夜在長洲的假期，臨離開前諗住食個lunch先去搭船。呢間張記的魚蛋粉在長洲已有50年歷史，可以話係老字號，店舖的裝修好有以前香港的感覺。食左一個魚蛋米($17)，米粉略嫌硬左少少，可以烚多1分鐘，份量比出面少，但對keep fit緊的女仔黎講夠食；魚蛋細細粒，魚味鮮甜而且夠彈牙，但魚片就切得好薄，唔知係咪游說人去食片頭粉($20)；湯好鮮味冇味精，單飲就好好味，但浸米粉黎食就令o的米粉唔夠咸。同朋友share左一碟油菜($14)，只得生菜，阿姐幾細心問我地要蠔油定係腩汁。不過淋腩汁的油菜o的腩汁味怪怪地，唔似牛腩味，又唔似豉油味。整體黎講不過不失。