張泮記

Open Now

Now Closed

I couldn't ask for a better place to eat in peace and be open in the air in Hong Kong Island. This casual restaurant is extremely airy, surrounded by a beach, nice mountains, a great neighborhood, and dog-friendly. The milk tea is outstanding with the right amounts of evaporated milk and a good blend of tea. The prices on the menu are very reasonable and the tea sets are so valuable. It is common to eat deep-fried chicken leg with french fries/ salad as an afternoon tea set in Hong Kong. The c

喜歡到石澳游水不只是因為水清沙幼和交通方便，沙灘旁的餐廳亦很不錯，第一次來張泮記，雖然在迴旋處旁，車來車往，但餐廳內整齊乾淨，吸引唔少一家大細。今次先試吓炒粉麵：干炒牛河及豬扒炒公仔麵，炒得乾身唔油膩，大大碟，加埋餐廳枝辣椒醬，都幾好味喎。

今日復活節假期，我們一班行山友行完山之後找到一間石澳老店，看像是一間露天開放式的茶餐廳，因為假期沙灘的人特別多，餐廳全埸都爆滿，老闆人特別好，安排我們不用等太久便可以入坐。一坐下我們便立刻叫了六個冰凍椰青，真的清甜又解渴真的爽呀。太肚餓啦！立刻叫了一份肥牛雙蛋飯，然後再加兩份炸雞比薯條🍟，兩份西多士，乾炒牛河必定首選！再追加一份雞翼牛腩撈麵，正正正超級好味😋這間店看到很多來拍婚紗照片的情侶客人超多，生意很好👍食品也不錯，極力推介下次再來石澳必定再光顧的😋😉

係石澳沙灘玩完一輪好肚餓，又去左張泮記食下午茶，佢性價比算高，所以每次黎石澳都係食佢。佢選擇好多，公仔面，米線，炸物，炒粉面飯都一應俱全。本身想食三文治，可惜佢冇。我地就叫左炸雞脾配薯仔沙律同埋炸薯條，好邪惡。加左$5配左熱飲。炸野都係即叫即炸，樣樣野都係熱辣辣，當然除左沙律。炸薯條都幾大碟，條條都好肥美，香脆。炸雞脾切開出哂煙，調味剛好，夠脆又不油膩，薯仔沙律有青瓜、紅羅白、蘋果等等配料。個肚滿載而歸啊🤤

今日同老公去石澳沙灘前去左尼間餐廳填飽肚子。分別叫左紅腸雞蛋公仔麵同薑蔥枝竹魚腩煲客飯。食物黎講，一點都唔hea, 紅腸有炸過再煮，有口感香口，另外薑蔥魚腩用鐵煲上，魚腩入味，一點都唔腥，外脆內軟。魚腩份量亦很多。係附近食店比較，價錢較合理。味道真的不錯。公仔麵35元（雙拼）。客飯58元。加凍飲8元。服務方面都唔錯，奉上魚腩煲時，會細心提醒鐵煲很熱。小心觸碰。埋單101元。食飽後就向沙灘進發。啦啦啦。

石澳風景怡人 ，星期日 ，約埋幾姊妹一齊入去行下。 落咗巴士十一點零鐘， 大家姐話今朝未嘆個早餐( 其實佢食咗麵包 ) 要揾個地方嘆下。佢叫咗餐蛋治同熱鴦走，三文治ok， 而鴦走佢話甜咗少少， 我試過兩啖都係喎 。我地另外三個人食個早lunch，share乾炒香茅豬扒公仔麵， 估唔到幾好味。公仔麵炒得乾身， 又唔重味精， 豬扒煎得香口。 另外香茅雞中翼 + 雞蛋公仔麵 ，睇見個樣幾得 ，三隻雞中翼煎得金黃，加埋太陽蛋， 唔錯。 順帶一提，我地留低咗水樽，店員好快衝出嚟俾番我地，讚

一早食完早餐返公司開完會後，下午就一家人去石澳游水，本身已經買咗香檳、芝士、風乾火腿、生果，揾咗位，租完沙灘遮後，我步行去更衣室換短褲期間突然肚餓，所以行咗去揾嘢食，經過張泮記見到唔少人但又仲有位，又衝入去試下，提提大家呢度係無冷氣的，如果唔係一陣會游水，我係唔會揀呢度，見到午餐都有五、六款選擇，價錢由$40至$45不等，仲要加凍/熱飲品只加$5，響石澳呢啲旅遊區算好抵，又見都幾多人食緊午餐E: 王牌即焗先茄朱扒飯($45)，照樣點午餐E，凍檸茶，侍應會同你講話要等十幾分鐘，等，當然等。十幾分鐘後，王牌即焗先茄朱扒飯上枱了，侍應提醒小心好熱，而眼見啲茄汁仍沸騰中，為食的我已急不及待用匙羮開始進食，店飯真係好熱，我先從旁邊開始食，熱辣辣又有焦香嘅茄汁配上炒飯底真係幾好食，炒飯底夠乾身，再從頂層食落去，菠蘿烤焗過仍然多汁及好食，再加上洋蔥、鮮茄、溶咗又少少焦嘅芝士一齊食，大滿足，豬扒事前功夫做得不錯，肉質夠腍身但又不會過腍，有咬口又不會太乾，滿足的午餐。而飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，今次呢杯飲料不夠凍，可能呢度太熱

行山是會上癮的，繼昨天行過「川龍」後，今天想行「鶴咀」，到了車站，看了告示才知該路段有交通意外，這路線暫停，唯有退而求其次，乘車往歌連臣角，改行「龍脊」。行了兩小時，終於行完，返回石澳道，交通亦已恢復，遂乘車往石澳午膳。離巴士站不遠，有數間食肆，看門外餐牌，這間的價目尚可接受，點了一碟粟米肉粒飯及時菜斑腩炒麵，約等十五分鐘才煮好。因廚房沒有肉粒，改用肉絲，這也問題不大，一大堆茨汁，跟一大團白飯，肉絲調味不濃，肉質尚可，粟米茨汁有很多蛋花，茨汁不稠，算沒有欺場，在郊區來說，賣五十元也無可厚非。時菜斑腩炒麵，賣相吸引很多，有幾條菜心，頗多斑腩，還有些草菇片，斑腩質素極好，又厚肉，不是一般的龍利柳，炒麵是炸的一種，雖不是我杯茶，但也不太抗拒，部份有些少焦黑，麵條香脆得很，幸好薄薄的茨汁濕潤了麵條，不致太乾，整體不錯。