龍門樓 - 志蓮素齋

Open Now

Now Closed

今次來了這間餐廳吃得好開心😄 我和媽咪一起來吃 我們聊了很久天 吃了美味的午餐 這個菜色超正 吃下去甜甜酸酸的 超好味！環境非常舒適 見到美麗的外景😄👍 我下次一定會帶多啲朋友來吃。

當晚我們12人一起食飯，因為我們人比較多所以坐了門口，環境還挺不錯的，我們約了晚上7點半食，但原來8點截單，9點就差不多關門，原本我們還想叫但店員怕我們食不了，要打包因為它們餐廳有規定食不了要帶走不可以浪費食物。不話我們說下次可以再食早點，第一次進去食東西，份量雖然比較小，但菜式的樣子比較精美，而且都挺用心的，看得出來味道跟菜的款式精心擺放。裡面有套餐跟單叫，聽家人說要來食飯要早半年前預約，外面的風景就比較日本風，內面都像日本和室的風格。菜式有很多都忘了,因為叫了很多款，但我想說這邊的素菜的確做得很出色，有很轉多味道都還未試過🩷🩷

👨🏻‍🍳龍門樓 - 志蓮素齋 (鑽石山)📍鑽石山鳳德道60號南蓮園池龍門樓 撇除宗教🙈呢到確是環境恬靜、洗滌心靈，讓心靜靜的一個好地方🧠 入面有間食素食齋的餐廳，吾算人多，不過都要等一等🙈同男朋友2人叫左個「五福臨門」，散叫左幾碟小菜🤤 🍽️「五福臨門」前菜 : 香麻醬燒豆纖明火靚湯 : 是日南瓜湯五寶素齋 : 猴頭菇、赤膠耳、蓮藕、金孢籽、豆卜、西蘭花👍🏻黃金海苔卷翠玉如意野米白飯 整體不過不失🙈黄金海苔卷幾好食的，腐皮入包住其他素菜，夠味之餘，口感好豐富🤤呢set無逐碟影低🙈 👍🏻🍽️翡翠百福袋推！！😝醬汁味道岩岩好，一啖放入口，腐皮再加爽口素菜，口感豐富到會心微笑🙈造型又的骰可愛🤣👍🏻西蘭花配菜夠熟 可以吃🙈 🍽️菠蘿咕嚕麥纖第一次食麥纖，好得意，硬硬脆脆，又腍腍地，菠蘿咕嚕酸酸甜甜，開胃小菜。 👍🏻🍽️金菇菜苗餃煙靭皮🤤不易穿，口感都系爽口，味道剛好，不淡不咸🫶🏻 🍽️香煎蘿蔔糕不過不失🙈不會只吃到粉的感覺，有蘿蔔🫶🏻 #志蓮素齋

拜完黃大仙，最好食返啲齋。見有時間，天氣又好，就去左鑽石山嘅南蓮園池食志蓮素齋。無book枱，walk in只可以坐二樓，無得望住水車食。坐樓上，環境就好普通，就好似普通茶樓咁。食物質素都還可以，仲要無收加一收費。🍝松露忌廉手擀麵啲汁左少少，當然就及唔上黑松露咁香架啦，但都幾香。啲麵就普通，應該現成買，唔係真係手擀。🍍菠蘿咕嚕麥纖酸酸甜甜，真係好似食緊咕嚕肉，好好有「o趙」口，本人好鍾意。🥟珍菌菜苗餃都ok，清清地，啲菜都新鮮。整體都ok，價錢就有dd貴，如果坐下面水車側邊都可以一試，無訂位坐樓上就真係麻麻。

其實素食也可以好豐富😋來到志蓮龍門樓，除了素菜高質，環境亦十分舒適寧靜💯五福拼盤 ~ 有大、小份量選擇，紅菜頭沙律、紫甘藍醋粉皮、風味碧玉、香麻海苔麵根👍👍👍和風赤膠耳 ~ 以胡麻酱配赤膠耳，開胃有益👍👍👍👍碧玉如意角 ~ 以馬蹄、金菇、紅椒、薯粒👍👍👍👍珍菌湯麵 ~ 以蕃茄、珍菌、勝瓜、鮮竹纷、麵👍👍👍酥炸南瓜 ~ 味道香甜、外脆內軟👍👍👍金菇菜苗餃 ~ 餡料充足👍👍👍蒸菜包 ~ 清啖唔濟👍👍👍香煎蘿蔔糕 ~ 啖啖蘿蔔香味👍👍👍👍翡翠百福袋 ~ 油揚、馬蹄、金菇、紅椒、薯粒、西蘭花👍👍👍👍👍陳皮燉湯 ~ 味道香濃，清熱滋喉👍👍👍👍

咁大個人第一次去志蓮淨苑，哇！真係好靚好舒服。即興喺度食齋，環境不錯，可以看到外面南蓮園池的景色。我們點了五福拼盤、菠蘿咕嚕麥纖、翡翠百福袋、和松露忌廉燴手擀麵。可能當日客人較多，上菜次序有點亂。第一道菜是咕嚕麥纖，賣相和味道正常發揮。第二道來了手擀麵，麵條煙韌恰當，伴了松露和蘑菇，但忌廉醬汁有點稀，雖然挺有松露香，但麵條未能入味，以至整個麵比較清淡。福袋雖然賣相一般，但吸滿芡汁軟綿綿的腐皮包裹住內裏有竹笙、金菇等爽口的材料，口感和味道都不錯。最後終於送來前菜，五福拼盤有酸甜的紅菜頭沙律、微辣的蓮藕苗香耳、醬燒豆纖、扎蹄等。一份拼盤裏面有着不同味道、不同口感、不同顏色、不同形狀的食材，成為了我今餐的至愛。

去得志蓮靜苑行程一定係拜佛食齋啦🤣今日帶老爺奶奶一齊參觀下志蓮靜苑佢哋開心到不得了😎龍門樓窗邊位睇到瀑布㗎真係有環境有質素🤓牛肝菌炒飯：好香口 粒粒分明鹽焗竹根：味道偏咸 要送飯 第一次食竹根🤪香酥脆奶卷：呢味好食🤤甜甜哋鮮茨實煮南瓜淮山：奶奶好鍾意食鮮茨實 真係幾彈牙都係第一次食鳳眼果赤膠花菜菌煲：鳳眼果都係第一次食似食緊栗子 🌰 又唔錯喎松露忌廉燴手擀麵：多汁 好香黑松露味～麵條似刀削麵一定一定要訂枱呀！多人到爆6個人食$900幾蚊唔錯啦🤪注意：入座1小15分就要還枱執枱好積極 食得會比較急

位於志蓮淨苑內，樓高3層，是一間全素食的茶室。朋友說這裡有好些街外比較難找到的食材，當然要試下。這個香麻羊肚耳青瓜花苗就是其一，羊肚耳和青瓜花苗都未食過，羊肚耳有點似雲耳，很爽口，青瓜花苗也是鮮嫩，加上少少麻味，是很好的一道前菜。.香煎蘿蔔糕都一定要食，雖然沒有臘肉，但味道更清新，比一般酒樓出品的更精彩。.另外點了腰仁三菇粥和酥炸海苔卷，外表普通所以忘了影相，不過都是很出色的。.香港好味的素食中菜餐廳不多，這間是要 bookmark 再來訪的❤️

屋企人生日想搵一個地方靜靜哋食晚飯，而且唔太多人最後決定食齋咁選擇就收窄咗好多啦你因為基本上如果喺九龍區食齋嘅話，我哋都會選擇去鑽石山。因為呢度又方便泊車，又近荷里活商場。今日三個大人嗌咗一湯、四餸、一個甜品。埋單大概三百幾蚊一位雖然價錢有少少貴，但係坐得舒服又好食。特別推介就係今次第一次食嘅薑醋，雖然入邊只係番薯加薑加醋，但係真係好似食緊人地生仔派嘅薑醋咁而且仍然都係覺得佢嘅小黃瓜🥒前菜好好食，真係好想自己買返屋企食。黑松露炒飯就比較炒的乾身同硬，如果鍾意食淋啲嘅飯嘅人可能就未必咁好食。我食完都有少少胃痛。如果老人家嘅話可能都係叫粥食會好啲。

自從第一次去南蓮園池,就覺得佢嘅齋店好靚,因為外面會見到大瀑布~另一半想食齋,所以今年就同佢嚟呢度試下🎂不過嚟到好可惜,因為園入面好多地方都圍起晒維修緊🚧…連呢度外邊嘅水車同瀑布都係!😭😭😭因為有幾款小食都想試,所以點咗呢個五福拼盤~入面有紅菜頭沙律,醬燒菌,紫甘藍醋粉皮,風味碧玉,香麻海苔麵根,我最鍾意係個粉皮同埋青瓜花🏵粉皮一入口嘅感覺有啲奇特,酸酸地又有啲陳皮嘅甘味,但食多幾片就停唔到口😂而呢個小小嘅青瓜花真係好特別🥒,食落有少少麻麻地嘅感覺,好有趣嘅口感~酥炸海苔卷係喜歡炸物嘅朋友必試,炸粉比較薄,而入面有啲蔬菜餡🥕可以叫半例係隱藏menu的,本來諗住八件太多唔想叫,但有四件裝就試下啦!香煎蘿蔔糕係我覺得最一般嘅菜式,比較油得嚟又太nup,唔係煎得香脆嘅感覺~一向都喜歡食伊麵,呢個松菌炆燒伊麵唔油,而且超多菇菌🍄🍄!佢嘅菇類都好香,唔係平時食到有口感無味道嘅貨色~佢呢度仲有個松菌menu,佢啲菌類湯真係好吸引,下次有機會一定要試下~平時去飲茶都好喜歡點薑汁黑糖千層糕,呢度嘅千層糕又係比較nup身,平時啲千層糕可以好輕易搣開一層層,但呢個比較難分開...但係薑汁味超濃,如果怕辣嘅

舞茸蒸飯：面頭淡黃色一粒粒正方形嗰啲係腐乳， 幾特別，又唔會好咸，唔係平時係超市買到的腐乳嘅味道。味道適中剛好，淡淡地反而可以吃到食材本身的原汁原味。加上有啲薑絲，增添香氣又能驅寒。舞茸份量好多，飯都多 食哂成碗好飽。

大家去之前記得要打電話去餐廳預約，因為都幾多人去食㗎，白行一趟就唔好啦。菠羅咕嚕麥纖：決定叫呢個餸之前，心想菠蘿咕嚕應該都冇咩特別，都是咕嚕的味道。餸到了後，食咗第一啖麥纖，反應係眼前一亮、增大咗對眼。 估唔到可以咁突出，麥纖口感好豐富，外脆內軟，完全好似食緊咕嚕肉咁。醬汁無論杰度和味道都做得剛好，食到最後都不會覺得好滯 吃不下去，食完個人係好舒服嘅飽。紅豆沙：不得了！真係好沙，一流，好耐冇食過咁好質素嘅紅豆沙。甜度又適宜，唔會過甜 不漏，食晒成碗冇難度。

A great place for small group (2-4) of veggie lovers to gather and taste the cuisine.  I tried their lucky veggie snack Plata, Fried egg with truffles, Turnip cake, spicy mushroom, veggie dumplings and strawberry milkshake. The taste are very nice. The price is relatively high.

平時同朋友會上大佛到食素，但前排比較曬就避免去山上直晒又少冷氣嘅地方。剛好搵到市區都有好靚嘅地方同素食，大家住係九龍咁多年都未去過，梗係要去行下啦。.去嘅時候南蓮園池同水車都保固維修工程中，無辦法欣賞到，整體外部環境都好清幽。當日係平日約12:15左右去到，唔洗等就入座。其實我第一次黎，真係唔好當我知規矩，洗唔洗拎飛其實都可以講聲，同埋唔好當人知間舖點樣掃code，入座時明顯啲員工嘅禮貌同態度欠奉。.內部環境日系雅致，聲浪略大。我地坐近門口，但位置都依然感覺舒適。.先點多人推介嘅五福拼盤（細），BB青瓜特別好食開胃，微微花椒紅油，唔食辣嘅都一樣啱食；紅菜頭沙律營養豐富，味道剛好，汁醬唔會過多；醋粉皮唔會太酸，清爽開胃；最後菇菌同麵筋就相比之下略為失色，無咁開胃，但整體味道都唔錯。.朋友居然話好耐無食蘿蔔糕。素嘅蘿蔔糕我真係少食，平時多數有臘味調味就偏咸甜。佢呢個蘿蔔糕係食得出清甜，唔會太重口，唔算多油，又唔太膩，幾好。.另一推介菜式係菠蘿咕嚕麥纖，食落絕對有驚喜！酸甜適中，偏甜多一點，開胃好食，麥纖有咬口，又香，比起平時肉食係更加驚艷。.其實仲細嘅石菌炒飯，不過忘記影相。石菌炒飯啲飯都

那天星期日，跟兩位好姊妹，我們一行3人走到鑽石山南蓮園池 <龍門樓 - 志蓮素齋> 食午餐！這裡佔地兩層，由於電話訂枱 full booking， 中午 12:00 開，她們二人先到步等位！我們被安排到2樓！入座起計 1小時15分鐘每人最低消費 $120不設加一服務費及茶錢以綠油油的環境下享用中菜，的確令人心曠神怡！陳皮陳村粉 $75本身陳村粉加入惹味油潤的欖菜及豉油，令淡而無味的陳村粉大大提升口味；加入陳皮，多一種獨特的甘味，未必人人可以接受！ 我覺得兩者都夾得來！是日靚湯：冬瓜豆腐湯 $25有熟透至半透明狀態的冬瓜粒、嫩滑的豆腐粒...等，湯水整體口味清淡！