CHI Tachinomi (7號碼頭)

Open Now

Now Closed

同朋友由中環搭車過尖沙嘴，等船期間肚子餓，比我們發現了驚世日本料理，估唔到7號碼頭地下有一間正宗日本料理，由一對孖仔打點包辦一切，而且他們十分有禮貌，很平易近人，我們在點菜服務中感覺好開心。這裡的料理款式不多，我們點了鰻魚飯和燒飯團，還有玉子燒及明太子雞翅，呢幾樣都好正宗好好味呀，雖然份量不多，但真的做得十分地道同有風味，個燒飯糰雖然沒有任何配料，但已經好好味好有口感，鰻魚飯的鰻魚也做得好香，明太子雞翅也是十分香的，玉子也夠滑，整個配搭簡直棒棒的。每個餐都配飲品，可以選擇有酒精或無酒精，我們在這裡等船時還能吃到這麼好吃的美食實在一大享受。

大家可曾到日本福岡博多及天神區非常有名的屋台嗎? 晚上吃特別有氣氛。不需再遠赴日本了，只要到七號中環碼頭就可以。屋台受歡迎除了因為食品性價比高之外，最重要就是店員跟客人面對面那種互動體驗。在這裡亦可感受到店員那份對工作的熱誠。這裡有很多款酒而且價格亦很相宜，同時亦能細緻歡看店員即席制作美食。一杯 即斟新鮮 Suntory 生啤，入口甘甜順滑。跟女友選了一客細碗鰻魚飯、一客細碗土手燒牛根煮配飯。串燒則選了日本雞皮、玉子燒及明太子雞翼。玉子燒外層香脆，內裡香甜軟熟。明天子雞翼預先去骨，內裏釀了明太子。每口啖啖肉之餘亦可吃到惹味微辣的明太子。串燒雞皮薄得像薯片很香，一口雞皮一口生啤很爽。鰻魚飯、土手燒牛根煮配飯則各有千秋，採用日本珍珠米，口感有點彈牙。配上各自的汁不消一會就全部吃光了。上一次吃土手燒經已是多年前於大阪吃了，牛根煮很腍而且很入味。牛味重再配上那個以麵豉及清酒醬汁煮成，香濃配白飯就是完美。蒲燒鰻魚夠厚肉、香口感結實亦冇骨。醬汁味道甜甜的。望著碼頭海景邊嘆美食，真是酒不醉人自醉。

平常去離島坐船前肚餓都會於碼頭的小食店來幾串燒賣魚蛋，好讓肚子碼會瘋空虛感撐到到達離島後才覓美食。這天到中環7號碼頭想要坐船到尖沙咀，無意間發現新開了家日本小食店，整個很有福崗屋台的感覺（只差幾塊掛布XD），小小的一區域，就能讓我們喝瓶酒、抽雪茄、來串串燒，完全癲覆了坐船前/後可以吃的選擇～最喜歡這裡的牛肉飯，肉質非常嫩，而且很入味，我可以因為這個牛肉吃三碗飯XD（因為這裡的米都是採用了日本米，粒粒分明又QQ，很好吃） 而牛肉粒串燒一同出色，燒的火喉跟時間剛剛好，肉汁juicyjuicy！這裡因為位置布限，所以椅子並不多，但其實個人覺得還好，因為這就更可以體驗到日本立食的文化嚕～

中環碼頭搭天星小輪過尖沙咀，喺碼頭前面見到依間新開嘅日式居酒屋。Chi Tachinomi 重點食物有鰻魚飯、土手燒（牛根煮）、串燒同少量酒精飲品。Tachinomi日語：立ち飲み，顧名思義係一個提供立飲嘅居酒屋。不過立飲立食嘅文化，喺香港始終未係咁普及，所以Chi Tachinomi 都有提供座位俾一眾食客，等大家可以坐住咁飲飲食食，同朋友風花雪月。Chi Tachinomi 最人氣食品可以話係鰻魚飯同土手燒飯。店舖所用嘅係日本米，日本米飯最迷人的地方就是黏性重、味道甜。鰻魚用秘製鰻魚汁燒好，外面脆、裡面嫩滑軟熟，唔會比一啲過江龍鰻魚飯專門店差。唔食鰻魚嘅可以揀土手燒飯。筋連腩、腩又連返筋，非常之正，再加埋個牛肉汁撈飯，可謂一絕。Chi Tachinomi提供串燒都有唔少選擇，我就食咗美國牛肉粒串燒同埋新推出嘅明太子雞翼。串燒燒得好好，火喉控制有功，唔會燒到柴哂哂，牛肉粒同明太子雞翼入口juice嫩滑。值得一提嘅係Chi Tachinomi好細心，雖然佢哋提供嘅全部都係凍飲，但見到女性客人叫烏龍茶都會問下使唔使整熱杯茶。非常之貼心嘅服務態度。

今晚同朋友行街，經過中環碼頭，見到呢間好似日本屋台嘅餐廳，諗都唔諗就即刻試吓。我哋分別叫咗鰻魚飯同牛肉飯。鰻魚10分鮮味，咬起嚟有彈性，味道鮮甜又唔聲，真係蔗渣價錢燒鵝味道。我試咗朋友兩塊牛肉食，食起嚟有咬口，肉嘅香味都好重。另外我哋帶咗兩個小食，分別係雞髀肉同明太子釀雞翼。個明太子釀雞翼係去骨嘅，咬起來啖啖肉， 10分有滿足感。而個雞髀肉油廚師慢慢燒出嚟，慢工出細貨，燒出嚟充滿油香。最值得一題就係個飲品，我哋都嗌咗威士忌梳打。師傅好細心咁用檸檬皮抹個杯邊，當我試一啖嘅時候，個杯嘅檸檬香味直撲我個鼻，感覺非常清新。除咗食物之外，個環境亦氣氛好好，係碼頭到有海浪聲，微微嘅海風吹過來，真係將疲勞一掃而空。

晚餐.中環碼頭原來有間小小的屋台在香港好像沒有到過這類型的餐廳呢這天難得出城 便來試一下.餐廳主要有 飯 串燒 飯團 飲品選擇還算多的.1) 鰻魚飯鰻魚是即叫即燒的份量也算不少 可以鋪滿整個飯面肉質軟滑 燒得帶點微燶 吃起來口感不錯醬汁的味道亦很適中 不會太鹹飯則是剛煮好 軟棉棉的珍珠米是我這個飯桶的至愛🥰.2) 牛根煮本以為只有牛根但原來亦有飯的除了牛筋 也有很多的牛肉可以跟朋友分享來吃湯汁很不錯 很適合用來拌飯唯一是忘了走蔥幸好有友人幫我都吃掉了🥰.3) 串燒 (玉子 雞髀肉)玉子的外層燒得微微焦脆內裏的蛋十分厚實好吃雞髀肉也很滑.4) 飲品 (生啤 麥茶)再這微涼的晚上吃點熱的食物 再配一杯冰涼的啤酒真的很爽!麥茶的味道較濃 有點像咖啡個人也很喜歡

今晚和朋友去完AIA友邦歐陸嘉年華開心完晚，正準備搭渡輪過尖咀之際，發現左碼頭上有此間立食居酒屋。店仔細細座位唔多，在場都有不少食客幫襯，見人地叫左碗鰻魚飯勁靚仔，一於停下腳步CHILL下食下。小店唔見有提供獨立餐牌但就抬頭一望可知，食物選擇唔算多，飯類兩款串燒五款，仲有其他小食和日本酒類茶類飲品。鰻魚飯 $55蒲燒鰻魚鋪得滿滿的，放左金黃蛋絲十分搶眼，細細碗都有四五塊鰻魚。鰻魚厚肉無骨幾好味，見佢都係即叫即燒。飯量唔多平時家中食開的一碗飯咁上下份量，用越光米口感柔軟飯較黏，鰻魚醬汁唔多，食起來有點唔夠喉，好難滿足醬怪的我。牛根煮飯 $55賣相同樣精緻，牛筋腩好有嚼口份量亦唔少，湯汁用日本麵豉調味混入牛肉淆左幾個鐘，所以牛味甚濃相當好味。日本雞肉串燒  $28 新鮮雞肉表層充滿醬油味，咬落多肉汁，大件厚肉都食到三口。日本雞肉丸串燒  $28 比雞肉串口感味道更豐富，非常美味。麥茶 $22朋友唔飲酒麥茶亦都係一種選擇 ，麥茶味甘鹹可解油膩，不含咖啡因夜晚飲下亦無妨。三德利黑啤 $48味道甘醇泡沫細緻有點麥芽香， 一路飲下CHILL下食下串燒確係唔錯。

中環天星碼頭臨上船去尖沙咀嘅位置，有一間立食居酒屋，鋪頭細細，但人情味滿滿。居酒屋必點啤酒🍻Suntory Malt Beer ($38)Cheers!呢度仲有好多其他酒精類飲品呢！燒鰻魚飯（$55）： 鰻魚燒過後好香，夠厚肉；鰻魚汁撈飯好好味呢。😋燒飯糰（$38）、串燒日本雞肉丸子（$28）、串燒明太子雞翼（$28）：燒飯糰的外皮脆脆，雞翼釀左明太子更添鹹香，雞肉丸子好可愛，賣相圓碌碌咁，好似粒魚蛋。氣氛好好的一間小店，位置都算就腳（食完可以搭船）。

中環碼頭新開左間環境好chill嘅食店，仲要嘆着海景飲下酒，食下飯同串燒。吹住海風，享受片刻嘅零靜。1️⃣鰻魚飯 (細) $55鰻魚爽彈厚滑，油脂分布均勻，唯一係有骨。撈埋有鰻魚汁嘅日本珍珠米🍚食，甜甜地好入味！日本米煙靭，有口感！🙆🏻‍♀️美味指數:8.98/102️⃣牛筋煮飯 (細) $55牛筋煮香滑軟淋，骨膠原仲好重添！撈飯食真係好正！🙆🏻‍♀️美味指數:8.55/103️⃣雞髀肉串燒 $28外層燒到有微微嘅脆口，雞髀肉肉質鮮嫩多汁。🙆🏻‍♀️美味指數:8.45/104️⃣牛肉串燒 $28牛肉用咗海鹽🧂來提升牛肉嘅鮮味! 喝著啤酒🍻食住串燒，真係人生一大樂事!🙆🏻‍♀️美味指數:8.45/105️⃣Whiskey Highball唔好介意我冇寫價錢，因為飲到醉醉地🌚佢呢個都幾順口，佢用咗日本嘅響，加上蘇打水。🙆🏻‍♀️美味指數:8/106️⃣啤酒🍺麥味好濃郁，呢個我都唔記得咗自己叫咗邊隻牌子嘅啤酒，當時我係叫店員推介嘅。配串燒食真係絕配！🙆🏻‍♀️美味指數:8.22/10💡整體來講，店員服務一流，性價比一流，食物質素一流，海景一流！CHI Tachinomi 地址🐾:中環7號碼頭地下A號舖

I got to get off work a bit earlier than usual so I decided to take the ferry instead. Met my colleague on my way to the pier and we decided to stop by this cosy little stall for a quick bite🇯🇵We ordered 2 skewers, 2 small bowls of rice and a drink each.Both the rice bowls were super delicious!! The beef was super tender and juicy, and they were really generous in terms of the portions.The unagi was perfectly grilled so it was a bit crispy on the edges.With a pair of chopsticks in one hand, and

平時喺尖沙咀過海我都偏好坐船，呢日喺尖沙咀整完頭髮，約咗男朋友喺中環碼頭接我，一齊去買聖誕禮物抽獎😂唔知係咪因為大半日都未食過野，太肚餓，落船嗰陣頭暈眼花兼想嘔🙈即刻要搵野食醫肚之際，一出中環碼頭就見到間好有日式風味既小店，有飯有串燒食，仲有酒飲，二話不說拉男朋友坐底陪我醫肚。小店以吧檯座位為主，放滿多款不同既酒，生啤/燒酌/清酒/吟釀都有，對住開放式廚房同海景，聽住JPOP，飲番兩杯，感覺好寫意。土手燒飯 土手燒原來則係牛根煮，牛筋連住不少牛肉，口感軟腍得黎又帶點咬口，食落膠質幾重，牛味濃郁。鰻魚飯 鰻魚份量多，肉質厚身，外皮帶點焦香，好惹味，入口啖啖肉，鰻魚燒汁香香甜甜，好開胃。美國一口牛肉粒牛肉粒嫩滑，肉汁豐富。玉子燒新鮮滾熱辣上枱，味道香甜，由於玉子唔係片狀，四四方方更有口感。飲品除左酒類，仲有茶可以揀。

比美日本居酒屋既風味有次經過中環七號碼頭見到一班外國人係度飲酒好奇之下一問原來有間新開既居酒屋，雖然串燒既選擇唔係太多但每款味道都相當不錯。而且係度飲下酒食下串燒同黎自唔同國家既人係度吹下水望下海都幾舒服

今天同朋友去左中環碼頭速食，就係七號碼頭，食完就可坐船去尖沙咀好方便。星期五晚上人好多，bar 台位置滿滿人，好多人在飲啤酒，好寫意，放假的心情。同朋友叫左一人一碗飯，佢要鰻魚飯(細)$55，唔好見到細細碗，都好精緻，唔馬虎，好多鰻魚，燒過好香，配上鰻魚汁無得輸。大阪牛肉飯 $55 ，用左大阪鄉土料理土手燒牛根煮，牛肉好嫰，牛肉味好重，牛根煮加上汁，最適合拌飯一齊食，飯圓碌碌係珍珠米，真係好好味，好快就食晒成碗！我地仲叫左兩支串燒 $28 一串，燒得好惹味而且唔貴，美國牛肉粒有牛肉香味，質地就無牛根煮咁嫰；另外日本雞肶肉，啖啖肉，醬汁好配。

天星小輪碼頭側邊成日都有D有趣既小店，今次就留意到有間日式串燒店，裝修好有日本風味，有bar檯，有啤酒，最啱搭船前過嚟chill一chill。佢既鰻魚飯真係好有驚喜。喺香港食日式鰻魚，最怕鰻魚會腥同韌，而呢間既鰻魚飯完全無呢d問題，汁夠香濃，鰻魚口感軟得嚟有質感，而且細碗份量啱啱好，食完仲有空間可以試其他串燒。另一樣嘢要讚就係呢度既啤酒。啤酒除咗睇牌子，就係睇夠唔夠凍，同埋個氣泡如何。Draft beer成日都會有溫度/氣泡處理得唔好既問題，但喺一間碼頭旁既小店，d啤酒竟然係well chilled同埋氣泡細密，真係喜出望外。由細節就可以睇到一間店舖有無用心。最後就係串燒，因為今次試得少，所以無特別大既驚喜。唯一挑剔係個玉子嚟到有少少凍咗。下次再認真試過。真係推介！

順應潮流坐船過海，在天星碼頭發現一家立食居酒屋，好奇一試因為未食晚餐，下酒前要了一客有3L級厚肉鰻魚配富山縣越光米做的細鰻魚飯打個底朋友要了細牛根煮飯，件件牛筋連着一點腩位，質地黏滑又帶點咬口，牛脂香十足生啤當然要配串燒！雞皮薄而爽彈！牛肉絕對是美國USDA Prime級主角Suntory生啤綿密好喝不喝酒的也有白桃果汁等作選擇這𥚃可以看到渡輪泊岸的情景，晚上吹來陣陣海風，大家輕鬆喝喝酒，聊聊天，氣氛很好