CHI Tachinomi (屯門市廣場) (Closed)

今日相約好友去屯門市廣場行街 行完街梗係要去醫肚啦 近近哋揀咗一間地舖日本餐廳 主打食串燒嘅 餐廳有大大個落地玻璃 望到出面嘅街景 更有趣的是餐廳雖小 但有設計感 在小小的區域裏分咗做兩層 上層係吧檯 可以同廚師來個互動 下層係平時嘅二人枱或四人枱入邊嘅裝修都有幾分相似日本嘅居酒屋 牆上面掛滿日式壁畫燒味淋魚乾$68 每次食親呢啲居酒屋 我都會食燒魚乾 不過今次呢種烹調方法真係第一次食加咗味淋 成個味道層次更突出 可以提升魚嘅鮮味 食到最後仲有啲甜甜地嘅味道 要嚟送酒一流燒油甘魚鮫$118 這個位置嘅魚肉特別鮮嫩 油甘魚脂特別香 魚皮燒到脆卜卜 帶點焦香 很香口日本雞皮$38 燒雞皮非常出色 燒得脆真係好考功夫 這家餐廳確實做得出這個效果 口感好似食緊薯片一樣 很脆口牛肉粒$38 牛肉粒有趙口 咀嚼嘅時候依然有肉汁滲出 牛味好重 好濃豬腩葡萄卷$42 豬肉片包住青葡萄 葡萄可以去除豬肉的肥膩感 而且帶來一種清新感覺 重點係葡萄很甜很多汁 而且冇核 一咬落去 有爆汁效果

是日同朋友嚟到屯門呢間小店朋友話呢間日本嘢都幾好味不過店舖位置比較隱蔽我都係第一次黎門面👆🏻有埋main menu😊晚市menu如下，有分set dinner. & non set dinner.仲有個串燒menu我地散嗌左1個飯同一個set串燒分別嗌左：燒香菇豬腩葡萄卷仲嗌左個燒雞翼串燒係逐串逐串咁樣上好有日本居酒屋嘅感覺極力推薦豬腩葡萄卷咬落鹹鹹地帶種甜嘅葡萄味 mix得好好豬腩又吾會好肥，岩我😎燒香菇正常,幾好味不過燒雞翼就lone左小小飯嗌左細鰻魚飯同大阪牛肉飯雖然係細飯不過大家睇相都可以見到好足料多到裝唔晒咁制個牛肉飯多牛肉汁俾咗好多牛肉我留意番唔係一片片嘅牛肉係一嚿嚿味道都OK個人鍾意鰻魚飯多啲個饅魚好新鮮兩個飯嘅日本珍珠米都好大粒同入味😍😍其實前菜仲有個冰菜沙律一開始太肚餓唔記得咗相機食先啲菜幾特別（唔係好知係咩菜）不過凍冰冰Mix啲胡麻醬開胃又好味😋部分環境如下：兩個人食咗咁多嘢只係194hkd環境好舒適燈光比較偏暗真係幾適合夜晚過嚟談心食飯😇😇下次再encore

同啊媽係屯門市廣場行完Donki,就黎左地下呢間日本居酒屋食晚飯餐廳裝修得好有日本小店feel,用餐環境幾舒服一座低店員先比杯水,再好nice甘講解下Menu,同新菜式, 要讚一讚服務態度非常好👍🏻見到個Menu,咩都想試下,但怕眼闊肚窄, 所以就叫左個set再加飯同串燒, 其實同兩個set都差唔多😂一個Set:前菜 - 冰菜沙律飯類 - 細牛肉飯串燒A - 秋葵串燒B - 鹽燒牛舌飲品 - 麥茶另加細鰻魚飯同雞腎串燒🍽 冰菜沙律之前食過熱煮既冰菜覺得唔係太好食但原來用黎整沙律有幾好窩’索索’聲, 加埋胡麻醬好清爽我想多落胡麻醬, 店員好樂意甘比多一碗仔我地☺️🍽秋葵串燒好味,好味過炒好多😁🍽雞腎串燒燒得剛好夠香,好有咬口🍽鹽燒牛舌牛舌係好厚切下,但又唔會韌窩最裡面有少少粉紅,燒得剛剛好簡單鹽燒已經好味🍽細鰻魚飯跟住到主食啦唔好睇佢好似唔係好大碗其實分量都幾多鰻魚個賣相幾吸引鰻魚邊燒到有d焦香, d肉有彈性,好味🍽細牛肉飯同鰻魚飯一樣,細牛肉飯一d都唔使其實食一碗已經夠飽牛肉鋪滿個碗面牛肉唔係肥牛,類似牛腩甘 牛味幾濃,汁煮得幾好味,肉唔癡牙D牛肉汁滲落d飯到,好好送飯💁🏻‍♀️overa

今日同朋友去屯門買野，又諗唔到食咩，行行下見到有間居酒屋之前無留意到，今次就入左去試下呢間CHI TACHINOMI，門口已經放左好多食物相，好吸引，好有心機入到去原來仲有兩層，裝修得好靚今次中午去，定食有飯有小食有野飲，都叫抵食我叫左個特盛日本咖哩牛肉，牛肉份量都好多，食落好軟身，唔會食到有一絲絲牛肉攝晒係牙到，日式咖哩味道亦唔錯，高質！朋友叫左特盛大阪牛肉，上面加左啲蔥花同牛肉汁，同樣軟淋淋，好入味。小食玉子燒，蛋味濃郁，咬落唔會好實好硬牛舌、牛肉串，調味得岩岩好，唔會太咸，牛肉味好出，特別係牛舌，好軟好多汁，勁好味野飲我地叫左凍麥茶，估唔到又幾好飲，麥味好重，飲完一杯店員仲幫我地斟多杯，好開心

用環保膠袋唔緊要，你同客人講講都好，有杯茶一濕左個袋就溶到穿，個杯茶同飯倒到一地都係！大佬呀，你做食肆點用環保膠袋呀？個飯既紙盒又吸唔實，點搞呀？真係會倒晒出黎外賣食唔到，味道都其次啦！

我對於一個人的浪漫這種狀態要求有點高。今天感覺大概是，風起了我在鬧市中專注地吃串燒和鰻魚飯。天氣有點冷，要趁熱食呀。那串雞皮是整晚的亮點，真係好好食，我愛雞皮。🤤🤤🤤我覺得差咗電，唞到氣。豬腩肉葡萄卷也有驚喜，是香印提子。豬腩肉鹹鹹地配埋提子甜甜地，味道又會出奇地好食。👍🏻這裡讓我想起了福岡街頭的やたい，空氣很冷，食物很溫暖。有幾個好像剛下班的人都是自己來靜靜的吃東西。坐在我旁邊的都是獨個兒吃飯的男人其中一個說 來一杯白啤兩串雞肉兩串牛舌。下次再試試其它串燒。

有時夜晚唔想食得咁飽 而居酒屋就係一個好選擇 唔單止可以嗌多幾樣想食嘅串燒 更加可以同frd吹水飲野 呢間屯門嘅居酒屋入店之後仲要落樓梯 好似入緊地下室咁！雖然地方細細 但係坐落氛圍都算幾好 而且呢度嘅野食全部都好大份 配上價錢真係性價比超高！🍲土手燒💰38土手燒係大阪牛根煮 其實就係味增牛筋 牛筋連住軟嫩嘅牛肉特別鬆軟 入口即融！味增味好突出 整體會係甜甜地的！雖然佢碗細細但係份量超多！每一舊都好大塊而且塊塊都可以直接食 超級推薦！🐟燒鯖魚💰48原本以為燒鯖魚會係同出面一樣咁一整塊乾身 淨係得鹽味 但係原來呢度嘅鯖魚已經幫我地切開曬 又攞味增醃過 所以會係甜甜地嘅醬油味！整體鯖魚唔會乾 所以食落口感都keep住嫩嫩的～🍳玉子燒💰28呢度嘅玉子燒我真係超級推薦！表面燒得焦黑 味道有D似焦糖布甸嘅焦糖化效果😍而且層次分明 唔會過分甜膩 反而有雞蛋原始嘅清香 啱啱燒出來所以食落都係好熱 完全唔會覺得係被糖浸過嘅感覺！似蛋糕！🥩鹽燒牛舌💰48牛舌都好大舊 每塊調味都剛好 而且韌勁十足 果然牛舌係最唔會出錯嘅串燒單品！🍗燒雞腎💰38雞腎係嗰日嘅特別推介 係店員講我地先知 menu冇㗎！而雞腎咬

睇完屯門巿廣場的各大電話店舖，又到晚飯時間，行到出口，就見到一間裝修低調而又有特色的日本居酒屋食店！ 入到店中就見有壽司吧！再落樓梯就係餐桌位置，座位唔多但好有地道日本居酒屋感覺！我們被安排座於落地大窗前。望住車來車往和行人穿梭，就如置身日本居酒屋內！餐牌簡潔清晰，我們點了一個套餐中的大阪牛肉飯，秋葵串燒，葡萄豬肉串燒，冰菜沙律和麥茶再散點了鰻魚飯和炸竹筴魚。上菜速度很快，轉眼間已將餐桌放滿滿了！冰菜沙律，食落爽脆鮮甜，名副其實的開胃菜，而以葡萄豬肉串燒就出奇地夾味，食落葡萄的酸中和了燒豬肉的油膩，真係必食之選！秋葵串燒剛好作為助菜，炸竹筴魚炸得鬆脆嫌唔油膩，食落還有魚的肉汁，加上檸檬汁同埋沙律醬一齊食，味道鮮美。至於大阪牛肉飯，牛肉淋滑食落有點似牛腩，醬汁亦都很好味。鰻魚飯的鰻魚淋爽入味，醬汁亦都剛剛好，質素相當高！值得一試。服務員的服務相當貼心，加上落地窗外的人來人往，真令人有去了日本一趟的感覺！

放假入屯門探姨婆,夜晚同佢係對面屯門市廣場一期地下嘅日式餐廳食晚飯。餐廳分"兩層",上層一個bar檯,邊食邊睇著師傅製作食物,視覺加味覺享受!落幾級樓梯就係下層,用汽水箱加木板做檯幾特別🤭俩個人點咗個晚飯套餐(包前菜+飯類+串燒A+串B+飲品)細牛肉飯套餐飲品🍵要咗杯熱玄米茶,茶色淡綠,香味清新。前菜🥙有四款任擇其一,揀呢個鰹蒜味噌漬時,都擔心食完會好大口氣。結果出乎意料之外,蒜頭鮮甜帶微酸又爽口,食完冇口氣!串燒A🍄揀咗腍滑香菇串燒B🥚🍳就揀咗"厚切"得嚟又充滿蛋香味嘅玉子燒。飯類🍚加$20點咗個鰻魚飯。鰻魚肉軟腍肥美,冇碎骨,飯面鋪上勁多蛋絲,姨婆幾欣賞呢個飯。細牛肉飯🍚,牛肉吾會碎濕濕,量多鋪滿碗,肉質腍嫩。細牛肉飯完全吾細囉。兩個飯都煙韌,加上醬汁,豐富味蕾!

今日OT完已經好夜，又攰又肚餓，諗住喺屯門市廣場求其搵間嘢食之後嗱嗱臨返屋企休息，行行吓同事見到呢間好似居酒屋咁嘅鋪頭，佢就二話不說衝左入嚟話試下😂😂店舖座位不太多，分開上下兩層，上層係吧枱，店舖設計有去咗日本居酒屋嘅感覺🙃入座後職員介紹晚飯套餐$168好抵食，有前菜x1、飯x1、串燒x2、嘢飲x1。前菜order左胡麻蕃茄同冰菜沙律；蕃茄可以清下個味蕾、冰菜沙律🥗，我未食過所以覺得好特別好新鮮😆😆飯方面我哋兩個都order咗牛肉飯，因為見到隔離枱嗰碗啲牛肉滿到就嚟寫’瀉’出嚟咁🤤🤤而串燒我哋就揀咗秋葵、香菇、玉子燒同埋豬腩葡萄卷。玉子燒一食入口就好有去左日本既感覺❤️；豬腩葡萄卷我會極力推介，好特別，豬腩片包住葡萄，一粒咁放入口竟然好match，而且豬味好重，啱晒鍾意食豬肉嘅人😌😌飲品就揀咗玄米茶同煎茶，係用茶包的，可以Refuel水🍵Staff人數唔多👨👩，有禮貌👍👍，因為座位唔多，建議需要先打電話book位😝😝順帶一提，需要加一服務費😎😎

聽朋友講屯門有間好好食嘅日式居酒屋 所以今晚就去試吓 佢個位置都比較難搵嘢 為咗方便大家搵呢 其實佢就喺Donki下面🤩 餐廳分為上下兩層 設計十分特別 坐上面嗰層嘅話可以對住師傅 望住佢哋製作料理呢度主打串燒 餐牌上面有超過40款唔同種類嘅串燒 另外都有晚市套餐 又或者可以單叫鰻魚飯/牛肉飯 可能由於我哋去到嘅時間比較夜 所以比較受歡迎嘅咖喱炸雞飯已經賣晒🥲🥲🥲 下次再嚟試過！我哋叫咗一個大滿足鰻魚飯 $78 牛肉飯 $58 鰻魚幾大塊 肉質結實 食得出係大條嘅鰻魚 牛肉份量幾多 好入味🥰另外店員仲俾咗咖喱汁我哋點👍🏻我哋叫咗鹽燒牛舌 $48 雞蠔肉 $48 豬腩葡萄卷 $42 各一串 牛舌肉質鮮嫩 豬腩葡萄卷好特別 葡萄嘅果汁令到串燒唔會太油膩 兩者好夾😆😆

今日中午同朋友去屯門行街，佢話想食鰻魚飯所以帶咗我去呢一間日本式小店，餐廳雖然細細，但佈置好有日本風，長相壁畫好可愛、中午有套餐我們點了鰻魚飯加倍燒玉子138（鰻魚飯份量好多、唔記得叫小飯所以食唔晒😂鰻魚飯幾好味、燒玉子鬆軟表皮香脆、甜甜地幾好味😋朋友點了特盛大阪牛肉飯加配燒雞肉丸98（牛肉飯份量同樣好多，朋友同我分享、牛肉嫩林、有別於一般牛肉飯，牛肉是一嚿嚿的好似牛腩，愛好食肉者必試👍燒雞肉丸不錯.另外點左燒鱈魚乾28，燒得香脆可口，朋友想試豬腩葡萄卷42，薄薄嘅豬腩肉包住綠色青提燒，燒得外香內甜好好味😋👍套餐加配飲品我和朋友都點了玄米茶，因為天氣凍飲杯熱茶係不錯嘅選擇！兩個人唔能夠試到太多嘢下次會再去試其他串燒😋😊

最喜歡到居酒屋吃吃喝喝今天到了一間屯門市廣場地下的居酒屋吃晚餐這間店雖然少但勝在的骰精緻小小的一間分上下層裝修10分雅致和似日本居酒屋一樣餐牌的食物種類不多但每一款食物都是經典我和朋友點了一些串燒和晚餐套餐傳銷方面都是選擇他推介的款式為主我們未吃過竹莢魚所以點了一份來吃來到的時候沒想過份量不少居然有三大條魚魚身經過炸粉炸過配上檸檬汁和蛋黃醬味道10分清新另外選了芝士年糕好吃的芝士年糕不多這裏的外脆內軟芝士年糕咬落煙靭10分有咬口套餐選了日式牛肉飯和日式鰻魚飯一般的套餐為$168鰻魚飯需要另加$20每個套餐都會配上一個飯、兩串串燒、一分前菜、一個麵豉湯和一杯飲品我話朋友share吃所以同事可以吃到牛肉和鰻魚牛肉是肥瘦夾雜的腩位咬下去10分嫩滑肉質容易咬開而鰻魚燒得焦香非常好味😋串燒方面最令我們驚喜的是豬腩葡萄卷肥美的腩肉包著葡萄咸甜中和得完美燒過的葡萄份外清甜有一種煥然一新的感覺📍 CHI Tachinomi (屯門市廣場) (屯門)屯門屯順街1號屯門市廣場一期地下G073號舖

去巿中心食飯，猶豫緊食邊間好之際，竟然比我發現到呢間食店，見到個名都估計到係食日式料理。店內雖然裝修簡單，但又真係滲出淡淡仿如身處日本的感覺。員工服務態度非常好，絕對值得一讚。定食set餐，包小食同飲品，如果想選擇某些特定的串燒就只需要加錢，價錢一啲都唔貴，幾經濟實惠。大阪牛肉定食- 牛肉炆到好淋，配上濃濃的牛肉汁，非常唔錯。油甘魚餃定食 - 油甘魚好香，完全食到條魚的鮮甜，仲要啖啖肉，令人回味。飯糰 - 最喜出望外是這個，外層燒到好香口好脆，咬落去仲有我最愛的紫菜同芝麻，真係太好食。燒玉子（set餐包埋）- 燒到剛好，沒有太乾太老。燒牛舌 （set餐加錢）- 牛舌厚身，有口感，充滿肉汁。整體來講，是很值得支持的一間食店，小本經營，但感受到各方面都很有誠意。

係商場嘅角落位置，一間超晒班嘅日式居酒屋-Chi Tachinnomi.位置的確係有少少難搵，需要出左商場先入到鋪頭，入到餐廳說好似去左第二個時空，超級似去左日劇入面嘅串燒店！食物種類唔算多，但樣樣都好味，即使食左幾次仍然次次有驚喜，餐牌一眼睇晒，套餐亦好抵食晚飯套餐麻醬蕃茄作為前菜，飯類揀左大阪牛肉飯牛肉飯個碗細細，牛肉向上發展，堆多左一倍高度出黎，牛肉行燉煮牛肉路線，入味得黎，口感唔會過硬，好好味，可惜無單點牛肉！燒物揀左燒冬菇同豬腩葡萄卷，今餐嘅MVP一定係豬腩葡萄卷！無諗過竟然咁夾，提子脆口多汁，平衡左豬腩片嘅油膩，2者互相配合，成就呢串神作！散叫左燒玉子、燒飯團及炸竹筴魚，同樣好高質素！炸魚比想像中大份，足足有三條魚，入面嘅魚肉係實的的，真正嘅魚肉，唔係行貨魚柳！魚香味十足，配啤酒一流，呢個一定要叫黎食！燒玉子外面有炭香味，入面仍保持濕潤呢個係睇日劇睇得多，好想試一試，外面有燒到脆一脆嘅飯焦保住，第一次咁樣食飯團