Video
7-min walk from Exit E2, Mong Kok MTR Station
continue reading
Telephone
26189888
91376186
Opening Hours
Today
17:00 - 02:00
Mon - Sun
17:00 - 02:00
Above information is for reference only. Please check details with the restaurant.
🍲 2人套餐（$388）套餐可以揀半隻嘅椰子雞煲/滋補雞煲，仲包4隻蝦、2隻鮑魚，蔬菜拼盤同雜丸拼盤；今次我同朋友揀咗滋補雞煲，啱晒而家嘅天氣，湯底好足料，有紅棗、桂圓肉，黨參等等，聞落藥材味好香但飲落口好清甜🐓 雞肉有兩碟，一碟係拆晒骨嘅，另外一碟係有骨；食之前店員建議我哋可以先落左有骨個碟落去湯底度熬令湯底更入味，至於雞肉方面係用咗老闆自家雞場飼養無激素嘅清遠走地雞，只係需要淥 15 秒就食得，雞肉肉質結實，雞皮有彈性同比較脆口🦪 鮑魚好大隻厚肉，而且好貼心咁切好晒，一淥落去大約10秒左右就熟，肉質爽口彈牙🦐 蝦係用左新鮮大頭蝦，大隻之餘蝦肉比較彈牙，蝦頭仲有滿滿嘅蝦膏🥬 蔬菜拼盤份量好多，有白菜仔、生菜等等，蔬菜鮮甜之餘吸🧆 雜丸拼盤有墨魚丸，豬肉丸、芝心丸，脆皮腸，芝心牛丸同包餡牛丸，非常豐富🐮 細手切牛肩頸（$188）雖則佢寫住係細份，但份量一啲都唔少而且仲要係厚切，牛肉味濃郁，肉質比較結實有咬口💛 特制柚子蜜（$48）佢係用大大隻啤酒杯裝住，除左柚子蜜之外仲加入檸檬，飲落口非常清新🥤 大咸檸七（$48）佢都係用大大隻啤酒杯裝住，醃過嘅鹹檸檬加上冰涼夠氣嘅七喜汽水，咸甜交雜，爽啊✨環境方面，座位非常闊落，坐得舒服，同朋友飯聚宵夜又可以多個選擇
continue reading
全港唯一清遠走地椰子雞專門店 - 雞老闆 港人北上必食之一就一定係椰子雞，其實香港都有椰子雞食仲要係好好食既 ! 呢晚姐妹就帶左我黎旺角食椰子雞同我慶祝生日 ! 餐廳要先行一層樓梯上去，有大量卡位，亦有一間房提供私隱度，大約容納20-30人都唔係問題，光亮環境，乾淨企理姐妹之前食過就係俾佢地既口號吸引到：「你哋即管叫雞，我哋我哋認真做雞。」姐妹話佢地真係無吹水，湯底用足5個椰子水黎整，而揀選既雞係精心養育160日嘅清遠走地雞 ! 煲左一陣之後，個湯已經超級清甜 ! 姐妹同我都飲咗2碗湯先開始食雞整間店都充斥住椰香味，雞肉當然估到都煲到入哂味啦雞皮薄而且彈牙而因為走地雞既關係，雞既肉質結實有咬口即使我地係叫688蚊既4人份量，餓左成日既我地都係不知不覺就食晒成隻雞了所以我地都後加左特級牛肩肉黎食，肉質彈牙又有咬口，又係同椰子水湯底好夾既，之後就到食配菜，除左送既鮑魚同海蝦必食外，特別推介食竹笙同埋新鮮蔬菜，因為椰子水再加上雞油後食更加香甜飲品方面呢如果大家唔想只係飲熱湯既話，我地叫左呢杯特特特大檸檬水都係唔錯既選擇，酸酸地開胃又健康 ! 雞老闆 地址 : 旺角染布房街5號地舖電話 : 26189888營業時間 : 17:00 - 06:00
continue reading
廣東人做雞方法有好多種，淥15秒就食得嘅「走地脆皮雞」你又食過未？👀天氣又回落，好似話過幾日再一降降9度🥶🥶咁凍真係好crave打邊爐🍲諗住行過見到咩就食咩，唔特登book位，撞正間即場整椰子雞湯底嘅樓上舖🫢疑似雞老闆本人即場倒椰青落個煲底，再落埋啲雞骨落去熬煮🐓成個湯輕甜鮮美，無我平時食沙茶湯底咁膩～㊙️招牌走地脆皮雞老闆原來養雞經驗十足，而家係清遠經營緊雞場，咁先食到咁特別嘅雞😏店內嘅雞品種至少都飼養左150日，走地式飼養，無激素。食嘅時候可以連埋椰子肉🥥🥥一齊放入去淥1️⃣5️⃣秒左右，你會見到啲肉開始縮，咁就食得啦~食之前記得調翻個醬汁，呢度其中一個特別之處係有埋秘制沙薑🫚比你想落幾多就幾多。配脆皮雞真係好夾，口感彈牙，邊邊係脆皮狀態🍗套餐仲有勁量蔬菜拼盤，（內有驚喜嘅）肉丸s，鮮蝦同鮑魚🦐啲蝦用呢個咁清甜嘅湯底淥 食落零舍鮮甜🫢I mean邊爐唔可能無牛肉🐮叫左美國prime安格斯牛小排🥩貪佢「有質感有希望」，唔會薄如紙咁，配我個私家沙薑蔥豉油又唔知點解幾好食😂
continue reading
鍾意食椰子雞鍋🍲嘅大家，推薦大家嚟旺角『雞老闆』 食招牌清甜椰子雞鍋😍 佢哋用上新鮮彈牙走地脆皮雞，配上招牌100%全泰國椰皇及椰青湯底🥥，超清甜😆.今次就揀選咗個滋補湯底——五指毛頭湯，有健脾去濕功效，湯底無添加味精👍🏻，帶淡淡椰子香，味道甘甜又清潤，適合作打邊爐湯底～叫咗佢哋嘅招牌桂花雞🐔，係走地無激素雞，只需淥 15 秒，雞肉結實彈牙，雞皮亦好爽彈，仲有已起骨，食到啖啖肉～另叫兩款牛肉🥩：手切牛肩頸，肉質結實有嚼勁；而美國Prime 安格斯牛小排牛味濃郁，油花分佈均勻，肉質幼嫩又juicy～海鮮方面點了蝦同鮑魚，蝦肉鮮甜，鮑魚爽彈；記得叫埋佢哋嘅鮮丸拼盤同時蔬拼盤，咁先夠完滿～
continue reading
之前來過呢間食脆皮雞，估唔到原來呢度整酸菜魚都唔錯！而家多左唔同套餐，我地叫左酸菜魚二人餐，套餐有酸菜魚鍋、一碟魚、一碟雞、一碟蝴蝶腩、4件大蝦、時蔬拼盤同雜丸拼盤.酸菜魚鍋可以揀上湯或金湯，分別係辣同唔辣，我唔食得辣所以揀左唔辣。當酸菜魚鍋上枱，見到個鍋完全係足料，有大量酸菜、芽菜同百頁！碟魚都多，每片都切得厚薄適中👍🏻 擺湯度淥一陣就食得，魚肉又軟又滑，吸收哂湯汁夠入味！.大蝦一碟有4件，大蝦多膏；雜丸拼盤就有牛丸、墨魚丸、芝士丸同芝士腸等等，大粒且彈牙! 而蝴蝶腩幾得意，每片真係蝴蝶形狀咁🥩蝴蝶腩原來係牛肚皮的腩位，位於牛的橫膈膜附近，質感幾爽！我地仲叫左一渣鹹檸七，夠哂解渴😋 最後打完邊爐，我都飲左幾碗湯
continue reading