粉紅水門雞 (衍慶街) (Closed)

今晚上完堂同朋友過左黎內街呢邊醫肚朋友想食雞，我就反而想試下泰式既滷豬手但因為唔想食太飽，所以我地要左一份雞飯，另加一份例牌豬手shareeeee呢度食物款式唔算多，但價錢好貼地，三款飯都同樣係36蚊就有交易滷水豬手例牌份量有一整盒，份量都幾多豬手滷得超入味，送飯一流除左豬手外，仲配上滷水蛋同咸酸菜係當中架朋友既雞飯都唔錯啵雞件早已去骨，食落啖啖肉油雞加入香料，淨係食飯都好夠味見到18蚊就有份芒果糯米飯，點忍口唔食先得架芒果香甜，仲要係用上雙色糯米，正酸甜冰凍既柑桔蜜都係12蚊就有一枝以價錢黎講，呢度既cp值的確係幾高！！！

原來新蒲崗都有超高CP值嘅泰國菜食架，就係粉紅水門雞，人頭大約$35-60 蚊咋，仲要有齊小食、主菜、甜品，一次過滿足你三個願望主食粉紅水門雞飯呢個係我嘅最愛，應該係雞髀嘅肉，所以特別滑，亦好有口感，配上餐廳準備嘅獨家醬汁，別有一番風味。正宗滷水豬手飯份量勁多，同埋豬手好入味，滷水同豬手真係絕配，如果係鍾意食豬手嘅朋友仔，你一定會愛上小食自家酸酸辣辣鳳爪冇錯，就係酸酸地、辣辣地，夠晒開胃。裏面有泰式辣椒、芫荽作調味，鳳爪係無骨鳳爪，食嘅時候好方便甜品芒果糯米飯份量比較細，不過作為飯後甜品就好合適啦，有黑白糯米，芒果亦都幾甜，唔會酸，$18真係超抵食飲品冷泡白桃烏龍柑桔蜜

最近黎到新蒲崗搵食，見到有間好似新開定改名，價錢抵食，就一於試試～一開始先點左3個小食, 之後同朋友一人一個飯+一人一杯飲品。小食點左: 酸辣鳳爪辣得黎好惹味，青瓜沙律就唔算好食，芒果糯米飯係好正，芒果大大片，而且超甜，糯米同紫米帶有黏膩感, $18咋, 勁抵！粉紅水門海南雞飯 $36呢個係勁抵勁高質，雞既份量都算多，有成6件，每件肉質都超嫩滑而海南雞既sauce 少辣又惹味, 唔錯! 呢個價錢呢個質素真係冇得輸！咖哩牛腩飯$36 - 咖哩很香濃，牛腩亦很腍，唔錯~~真心, 呢間係抵食又夠飽, 好值得推介！

餐廳位於新蒲崗，在美食林立的新蒲崗之內，這間海南雞絕對是超水準的發現，很久之前已經知道這家店舖的存在，沒想到居然在新蒲崗也能找到。我點選的當然就是海南雞飯，相信這個也沒有不挑選的理由。冬陰功雞湯米線，絕對是新的製作。海南雞飯最重要的，除了雞之外，就是他的雞飯，入口粒粒分明，最重要充滿香料的味道，還帶有點點雞的油香，入口又不油膩，吃起來真的不錯，雞方面，香滑又味美。冬陰功雞湯米線，正宗泰國人製造的，味道就是這樣美味，酸辣度剛剛好，開胃之選，炎熱天氣下，食這個也是一個不錯的選擇。我更挑選了泰式沙律，和芒果糯米飯，一個作為前菜，一個作為甜品，也是十分美味。

新蒲崗一程車搞掂～早幾日去到朋友介紹既呢間食野無諗過抵到爛 唔需要擔心食唔夠但我地會叫超多一齊分享咁解最鐘意佢地整得夠酸同夠辣！唔會偏埋一邊，岩岩好☺️☺️價錢我就覺得係平既🤣木瓜沙律同酸辣鳳爪必食！同朋友講好左下次黎一定要再食！海南雞飯油香好正，啲雞超滑啖啖肉又唔會只係得啲皮啊膏啊咁！！！啲質素對得住價錢有剩！好想佢係我樓下都有間分店可以等我隨時有得買返屋企食剩係外賣小食都唔知食幾多次真係超級正架🤤🤤🤤芒果糯米飯啲芒果舊舊咁甜而且唔會死甜成個飯😈😈

今日過嚟新蒲崗呢邊上堂，順便喺附近搵吓有咩食，上網search到評分唔錯，價錢又平所以就試吓～座位唔算多，不過坐得都算舒適～午餐時間都差不多全場滿座。粉紅水門雞飯$36用嘅係一次性嘅紙質外賣兜，應該係環保嘅材料，餐具都係獨立包裝一次性嘅。價錢冇得改，30幾蚊仲想點，雞肉份量都唔少，比我嘅仲要係雞髀位置，肉質都OK，幾滑唔會鞋口，油飯見到佢有落啲香料咁樣。整體來講性價比都高嘅冷泡白桃烏龍$8我淨係飲無糖嘅飲品，呢個真係啱晒我，大大支都只係$8，真係佛心價。味道好香，真係甜甜嘅蜜桃味但係係無糖嘅，飲落一啲罪惡感都冇。豬手飯好肥，相對地比較一般。

💛餐牌上有4款主食, 分別係$36嘅 A-C: 粉紅水門雞飯、正宗滷水豬手飯、Grandma咖哩牛腩飯, 同埋$38嘅 冬蔭雞米線😋款款都經濟實惠, 唔好以為咁平食唔飽! 我一個飯都食唔晒添咖! 不過佢哋又有多款小食, 例如沙律同芒果糯米飯, 飲品都好多添🥰 而且店員仲好有禮貌好好人🥰🐥 A 粉紅水門雞飯 ($36)個飯唔係普通嘅白飯, 佢加咗唔同嘅材料、香料、粉葛等等去煲, 好香好好味, 平時唔食白飯嘅我都食咗大半個!😍 (因為夠飽先冇食埋佢咋!) 啲雞肉皮薄肉多, 好香好滑, 我嗰份仲有隻雞翼添🥳🥗 木瓜沙律 ($12)、鳳爪沙律 ($18)好抵食! 沙律十零蚊就有, 但材料一啲都唔馬虎! 木沙律將青木瓜等等嘅材料切成絲, 加上泰式酸辣汁, 甜甜酸酸唔太辣嘅🥰; 反而鳳爪沙律就比較辣, 但佢入面有成5-6舊啖啖肉嘅鳳爪, 食得好爽!🤪🥭 芒果糯米飯 ($18) 芒果甜度適中, 椰汁又香, 糯米飯夠煙un, 仲有黑白兩種糯米添! 坐低食個芒果糯米飯都係十幾蚊, 夫復何求! 😚🍊凍陳年柑桔蜜($12)、🍵 凍冷泡烏龍茶($8)我超鍾意飲冷泡茶! 咁大支竟然都只係$8, 茶味好濃, 飲完

新蒲崗呢度都幾多餐廳選擇，今次朋友帶左我去食水門雞，呢間粉紅水門雞雖然細細間但都幾多人食嫁，而且平均每個飯盒既價錢真係好抵，我地揀左兩個飯盒，一個係水門雞飯雞肉嫩滑，飯係油雞飯，另一盒係grandma咖哩牛腩飯，咖哩汁香濃，牛腩肉煙韌，配飯不錯，職員友善，小食叫左青木瓜沙律，入面仲有櫻花蝦，辣辣地，另一個無骨鳳爪都好入味，酸酸辣辣，飲品只有汽水同凍飲，叫左陳年柑桔酸溜溜甘，另一支揀左白桃烏龍茶，茶入面有白桃既香味，幾好飲。推介食物：芒果糯米飯熱辣辣，好軟熟。

好耐無同姑姐食飯，就喺佢屋企附近搵間食肆食飯傾吓計，姑姐鍾意食海南雞飯，於是就黎呢間粉紅水門雞試吓。店子面積不大，只有幾張枱，食物選擇也很簡單，就只是三款飯和小食，我哋一行人差不多就叫曬餐牌上嘅食物來吃，冇問題呀，專注做好一件事就好了！先來一個青木瓜沙律，青木瓜切條十分爽口，帶點兒微辣，都係開胃嘅泰式小食。第一個主菜是粉紅水門雞飯（ $36 ），啲雞都算滑，而且一啲都唔肥，啖啖肉幾好味，雞皮鮮黃色，感覺好新鮮。特別好鍾意佢嗰兩個醬汁，好好味呢！食呢個飯會配雞油飯，會見到連埋啲泰國香料一齊裝上嚟，香料當然唔食得啦，店員話呢啲香料同個飯一齊煲出嚟，所以真係香味十足，我鍾意啊！第二個係正宗滷水豬手飯（ $36 ），豬手好腍，個汁入晒味，用啲滷水汁撈飯食，好正㗎 ！仲有成隻雞蛋，仲要係流心架！正！第三款係Grandma咖喱牛腩飯（ $36 ），呢個咖喱汁相對杰身，撈飯都係一流！有好多薯仔，牛腩都炆得好腍，所以都幾好食！同樣有隻流心雞蛋附送，抵食！食得泰國嘢，當然都想試吓芒果糯米飯啦！佢個糯米飯係黑白糯米各半，煲得好腍，椰奶好足，唔知係咪我錯覺，我覺得有啲鹹味嘅？😅不過佢嘅芒果就好甜，$18碗都

始料不及我曾經在「新蒲崗」「衍慶街」光顧過的泰式「水門雞飯」食店，現在忽然又轉換變成了另一個名稱，叫做「粉紅水門雞」，但是食店內部實際樓面擺設規模，其實一點也沒有改變過。尤其是看見「粉紅水門雞」店舖實際廚房樓面上方位置，還有那一幅背景漆黑一片的維多利亞港海景，以及一艘顏色呈現有如火焰的紅彤彤大型帆船，感覺食店的裝修幾乎沒有任何改變。我發現「水門海南雞」餐牌除了主打泰式水門雞飯之外，還有一款實際名稱叫做「Grandma咖喱牛腩飯」的熟食牛腩飯食品，還有「滷水豬手飯」，最重要是三款食品的實際售價，竟然都是港幣三十六元。我自己就對「滷水豬手飯」完全沒有興趣，所以只是選擇享用兩款主菜食品「粉紅水門雞飯」以及「Grandma咖喱牛腩飯」，還有甜品「芒果糯米飯」而已。「粉紅水門雞」製造的「粉紅水門雞飯」，跟我之前食過的「水門雞飯」相比之下，「粉紅水門雞飯」裡面的「雞肉」尺寸切得有點粗，不過除了「雞翼」之外，其餘的「雞肉」都已經被去除骨頭，享用過程變得很方便。至於口感方面，「粉紅水門雞飯」雞肉實際口感感覺尚算偏軟，當然「粉紅水門雞飯」裡面的雞肉實際口感，感覺其實可以造得再腍一點。至於「粉紅水門雞飯」

由於完全冇受惠於屯馬綫，喺鑽石山落車都仲要行過嚟一段路，所以有排冇嚟新蒲崗。嚟親就係當weekend城市遊，發掘吓隱世美食有間似係後生仔開嘅海南雞專門店，位置噏耷，size細粒，性價比偏偏超高一份雞飯$40有找，飯量超多，仲要係油飯雞肉唔少，而且夠嫩，點埋醬食已經好南洋feel仲有個飯寫住grandma嘅味道，令大胃好奇到忍唔住嗌返份，食落先知原來係巴東牛肉飯，超好味呀，係大胃兒時食過嘅味道，同埋$36呢個價係impossible，點做到㗎？小食都超抵，廿蚊雞都唔使就有份超多鳳爪嘅沙律，加咗大量蔥、洋蔥同西芹，辣得嚟又好清新木瓜沙律亦係大大份，切絲幼細，咬落仍然爽口甜品食芒果糯米飯都係必食，飯底鴛鴦黑白，煮得啱啱好，冇一粒米係生，芒果又好甜，唔食對唔住個胃大胃都明嘢食太平，冇餐飲係可以理解，但$8一大樽冷泡茶又係咩玩法？抵到爛喎，而且唔覺佢冇溝好多水，茶味足以解辣，睇嚟只有遠離地鐵先可以做到呢個價

💕$36可以食到海南雞飯？仲要好食同份量多？真係有咁正？原來真係有😆今次喺新蒲崗食到一間泰式飯小店，質素好高又要勁平，可能係我今年食過性價比最高嘅一餐，一定要推介👏🏻💕餐牌就好簡單，飯就一係水門雞，一係滷豬手，一係咖哩牛腩，三樣都係$36，見到個價我預咗係食頹飯🤣點知雞肉入口好滑嫩，油飯加埋香茅好有特色😍；而豬手滷得好入味，同埋唔係死咸果種，而係有啲甜味，仲有隻溏心蛋，十分出色❤️同埋都想提下佢個海南雞唔係配平時果啲醬，而係秘製泰式酸辣醬汁，十分開胃！💕小食都係兩款揀嘅啫，但又係平到驚人！！$12嘅青木瓜沙律大大份，加咗櫻花蝦，好有特色；而$18嘅芒果糯米飯真係全香港可以去邊度搵？🤤🤤仲要真心好食過好多賣到貴一貴嘅餐廳，用咗鴛鴦糯米，芒果夠香甜，完美👏🏻飲品都多特別選擇，陳年柑桔蜜($12)同冷泡碳培烏龍($8)都係有心思嘅飲品！💕整體而言我真係覺得香港搵唔到一間性價比高過佢嘅泰式碟頭飯選擇😎旺角，觀塘同新蒲崗有店，會係一間我絕對會再食嘅平民泰菜💕

💛#黃店早排其實佢都幾出名因為被稱為窮人恩物，一個飯只需要36蚊而且味道相當有質素，前身其實叫曼谷水門海南雞飯，但最近改咗名叫做粉紅水門雞，旺角觀塘和新蒲崗總共三間分店。老實講如果要比較的話我覺得佢嘅水門雞質素比泰國過江龍間水門雞飯好食好多😂見筷子套都係粉紅色包裝咗😛👓粉紅水門雞飯 $36雞肉份量其實正常，不過勝在雞肉好嫩滑而且幾香雞味唔會好淡，見到佢嘅雞皮都比較橙黃色，有青瓜片墊底。雖然就咁食雞肉已經好夠味，但有泰式醬汁附上。幾欣賞個油飯，見佢好淺色有別於平時出面黃色嘅雞油飯，食落係美美的雞油味唔會好肥膩，反而明顯好多香茅等香料，食完唔會有罪惡感😛評分：8/10👓正宗滷水豬手飯 $36幾大兜白飯，因為佢有滷水醬汁所以配上白飯已經足夠，如果油飯可能會漏。滷水汁幾入味唔會太甜，豬手份量算多啊而且炆得好淋入味，唔會話太多皮好肥。有一隻雞蛋仲要係溏心蛋中間軟熟😚旁邊有榨菜。呢個價錢來講cp值高，而家茶餐廳都唔只呢個價錢啦😅海南雞啲肉嫩滑油飯好食，滷水豬手啲肉又好食，所以兩者都各有特色好食。評分：8/10👓青木瓜沙律 少辣 $12似泰式酸辣汁的確少少辣，食得辣會覺得惹味，當中亦有花生粒。木瓜絲

早排經新蒲崗得知新開咗間粉紅水門雞飯, 雖然選擇唔多, 勝在價錢親民, 主食價錢都係$36!!! 堂食仲免加一。午市時段仲吸引唔少附近打工仔外賣。三款主食中, 幾乎每位黎都定必叫雞飯, 我地亦不例外, 【粉紅水門雞飯】HK$36價錢平, 份量都係大大碟! 雞皮鮮黃有彈性, 肉質鮮嫩有雞味, 仲keep到juicy肉汁。配上辣辣地嘅薑蓉, 超正! 油飯粒粒分明, 不過油香味就唔太出。【青木瓜沙律】HK$12冷盤絲絲青木瓜, 酸尾尾兼微微地辣, 青木瓜爽脆, 加咗花生、櫻花蝦、蕃茄仔, 令層次更加豐富, 清新惹味。【芒果糯米飯】HK$18白色同紫糯米飯各佔半, 完全索咗椰奶, 糯米飯質地很黏, 兼有椰香甜, 配上酸甜芒果, 整體不錯。飲品方面, 就有罐裝汽水、陳年柑桔蜜、冷泡茶,【陳年柑桔蜜】HK$12酸酸的, 有很重嘅柑桔味, 岩哂悶熱天氣飲, 開開胃。至於冷泡茶都係清新無糖, 味道甘香。【冷泡白桃烏龍】HK$8【冷泡炭培烏龍】HK$8

粉紅水門雞飯係旺角、觀塘及新蒲崗都有分店今次嚟到新蒲崗分店...同其他分店一樣，所有主食都只係$36咋！真係窮人恩物呀😆-🐔粉紅水門雞飯 （$36）雞肉份量都幾多😍除咗面頭果層，底下仲雞肉呢！肉質嫩滑，雞皮有彈性！港女我最愛佢哋嘅秘製醬汁用嚟點雞同撈飯，酸辣惹味呢💕雞飯香茅濃郁，份量比觀塘分店多喔！🐽正宗滷水豬手飯 （$36）滷水甜甜哋，好惹味！豬手肉質軟稔入味，有小小黏口啖啖都係補充骨膠原嘅感覺呢😎再點埋泰式醬汁，辣辣哋更加好食👍🏻仲附有一隻半熟蛋，夠哂豐富飽肚呀！🐮Grandma 咖哩牛腩飯（$36）牛腩肉質軟稔醬汁香辣惹味，帶香料香味😋用嚟撈飯真係無得輸呀！即使港女我本身唔愛食飯，都好快清晒喔🍚🥗青木瓜沙律 （少辣，$12）配料豐富，有櫻花蝦、車厘茄、青木瓜、花生...雖然餐牌上寫係少辣但對於食得辣嘅我嚟講，辣勁都幾強🌶個人覺得酸味可以重喔！🥭芒果糯米飯 （$18）一次過嘆到兩種糯米飯飯粒軟糯煙韌，面頭淋滿椰漿🥥入口椰汁味濃郁再加埋鮮甜嘅芒果肉呢個配搭絕對係完美呀💕🍊陳年金橘蜜（$12）金橘蜜酸咪咪，清新開胃🥤冷泡炭焙烏龍（$8）茶味香醇，炭焙味非常濃郁！🥤冷泡白桃烏龍（$8）呢