麻辣王

Open Now

Now Closed

麻辣魚蛋夠麻,見佢成煲浸住,以為會好淋,又唔係喎!爽爽地,但有哂魚味~鴨舌唔多夠味泡椒雞亦尖,辣度適中海帶絲有麻油香,但過咸!見有酸辣粉食,但舖位太細,又要坐街邊吸住塵咁食,所以放棄!

在永安買完平貨之後, 忽然記得這店就在附近, 要過過麻辣癮. 見到酦辣鳯爪和豬手, 又臨時變卦, 要了鳯爪和豬手各一份, 即每樣三件, 廿四元, 和辣魚旦兩份, 共十粒, 十四元.阿姐用兩個盒裝好, 於是揚長而去, 回家慢慢嘆.以前未試過這裡的酸辣, 今次一試之下, 覺得酸辣的酸, 力度不足, 只有辣. 成績不及麻辣, 味道是還好, 很入味, 又夠爽脆. 似乎以後還是吃回麻辣好了.辣魚旦是一貫的勁度十足和入味, 喜歡這類食品的應該不可錯過.

今日好想食辣o野...睇完哩度o既食評...就走o左去麻辣王度試啦~其實初初以為係有位坐果隻...一心去食口水雞...去到原來好似街邊小食檔咁...咁唯有另找地方食飯啦~所以係咁二試o左哩度o既涼菜...海"折", 黃瓜同埋海帶...其實三樣個味道一樣...海"折"同海帶都好食...但個黃瓜就唔夠味...我晌深圳食果d...會有少少酸酸地...但哩度無喎...只係咸同埋辣...真係幾夠辣...我食食吓都流鼻水添~價錢幾抵...海"折"$9, 黃瓜同海帶各$6...出面食唔到咁o既價錢啦~下次都係會走o黎買返哩d涼菜返去食...不過會自己落些少醋攪攪佢...哈哈~

以前都有係呢間野到買過野食...真係好好食!!!可惜既係佢品質好似冇咁好啦...之後都冇再買佢D野食...不過...我今日再去食既時候...竟然仲好食過以前...不得不為大家介紹一下...!!!麻辣魚蛋 : 爽左, 好味左好多 !!! 醬汁夠麻夠辣..食左之後 , 口腔會感到好麻, 初吃是不太辣, 反而是越吃越麻, 吃至第三粒已經好麻,是整個口腔也麻掉的,相當犀利。結果食完一串要再食第二串過癮 !另外...麻辣王做既酸辣都做得很好, 食落夠酸夠香 ,滿口辛辣刺激, 十分入味﹗泡椒雞腳+泡椒豬手 : 泡椒辣汁好甘香,好正 ! 個咀係食到麻晒....仲有呀!! 一定要用手拿著啃,邊啃邊滲出陣陣辣味和鹹香,非常入味,係人停不了口既小食!!!泡椒豬手: 好大隻下!又辣又入味,咬落好爽唔會太淋!最重要係去毛去得好乾淨!!!酸辣鴨舌:好入味好嫩滑,一路食一路慢慢滲出麻辣,麻辣的層次亦複雜左, 唔係只係酸同辣,係可以回味的!!!泡椒雞亦尖:泡椒雞亦尖皮好爽, 亦好入味, 而辣味只係維持係口腔, 唔會落到胃, 所以食多多都唔怕!!!牛腩粒:一串串住既麻辣牛肉粒,鹵水牛粒配辣汁, 好食!!! 仲有d 醃

除咗買串燒之外，仲有去買咗金菇菜、娃娃菜、凍豆腐，青瓜同埋海哲！基本上呢間D麻辣一D都唔正宗，不過我覺得佢個青瓜同海哲果D涼拌類都OK，起碼唔油，啱我囉！

02月06日，20:25在佐敦下車後，需然在深圳辣不離口，仍要到這店來點辣食。先來串魚蛋。魚蛋：個人覺得醬汁，仍然夠麻夠辣，魚蛋不會太腍。嘴在吃，眼在看；吃過魚蛋，便來個泡椒腎。小的HK$12.-，大的HK$15.-，最後來隻大的；切開來，原來有十多件。透明泡椒辣汁，辣味有細水長流感覺；腎夠咬口，好甘香。最後坐在店旁膠，用了近10分鐘才吃完，牙已軟，但好滿足。

麻辣魚蛋 , 食左之後 , 口腔會感到好辣大約1-2分鐘 , 但好快冇晒感覺了泡椒雞腳+泡椒豬手 , 好正 ! 個咀係食到麻晒....d青黃色既辣椒好勁呀 !價錢稍貴 , 最近又加價了 , 魚蛋$7一串都係聯記川王好味d

試過酸辣薯粉..麻辣雞翼.雞腳,,腎.鴨舌.酸辣雞翼酸辣薯粉;薯粉好滑湯底落咗太多蒜容唔係好啱唸住去試四川風味的朋友但味道都唔太差麻辣雞翼.雞腳,,腎.鴨舌;呢個佢不如叫做豉油雞翼雞腳好過當你要既時候浸落Ｄ所謂麻辣汁度滾一滾..個嗰麻辣汁不如叫辣椒油好過個種普通辣油味咁就叫麻辣王完全感覺唔到有麻味,,失敗之作如果叫做豉油王雞翼.雞腳,.鴨舌我唸大家會欣賞多一Ｄ酸辣雞翼Ｄ血水未隔清所以有腥味佢Ｄ食物唔係差只係用錯麻辣王令一心以為去食麻辣食品既朋友有些失望

break既時候因為要去銀行, 所以由ICC搭車出佐敦...攪好野之後見仲有時間喎~所以就去左麻辣王度買0的小食啦~雖然上一次0的酸辣粉有少少失望, 不過我仍然願意俾多一次機會佢~ 今次就試下我最鍾意既麻辣青瓜~另外再加埋麻辣海哲~一共15蚊~ 回程既路上我已經急不及待試左幾件青瓜~青瓜唔係好爽, 有少少淋...個汁唔係太辣~不過有麻既感覺~唔算係好出色既麻辣前菜~但係可以止下0的麻辣癮既... 不過海哲就真係麻麻啦~唔辣~而且都幾鹹....差唔多每一啖都要飲水咁濟...失望.....~_~"

因為驚夜晚會肚餓~所以特登由icc搭巴士出佐敦買宵夜~幾個星期前食過聯記川王既酸辣粉印象深刻, 所以見到呢間麻辣王就即刻想試下有咩唔同…叫左一碗四川酸辣粉拎走~拎到返公司都隔左一陣先食~所以已經見到碗粉無咩湯~不過顏色睇落去都幾辣~但係就少左聯記川王果一種一揭開個蓋就會有一陣麻麻地既味道飄出黎…….我本身唔算係可以食得好辣~但係呢一碗酸辣粉確實係唔辣…0的粉同聯記差唔多咁好味~幾彈牙~但係就係一心想食辣先買~但結果有少少失望…唔係話味道唔好~其實都幾好味架我覺得~只不過係同預期想要果個辣既感覺不符咯…其實都有被佢既海哲同埋青瓜吸引~或者下次再買黎試試先~

可想而知有幾唔麻唔辣!食完魚粥折返彌敦道, 路過呢檔麻辣小食店, 口痕買了 6 隻麻辣鹵水鴨舌 ($12) 止口痕.見阿姐0係 display 櫃度求其摷 6 隻鴨舌俾我, 再求其將佢0地放入一煲麻辣湯內, 係咁易浸一浸, 再求其放入紙袋內, 心已涼了一大截... 食落果然唔麻唔香又唔辣, 同一般唔入味鹵水無分別, 仲話自己係麻辣「王」, hak -_-" 唯一好處, 應該係 d 鴨舌叫做幾嫩吧. 睇其他食評都係講麻辣魚蛋, 酸辣粉, 泡椒食物之類, 唔通係我叫錯0野? 但佢又明明話自己賣麻辣食物0架喎, 呢包所謂「麻辣鹵水鴨舌」, 都係俾喊面最貼切.6 隻唔麻又唔辣0既0野賣 $12, 都幾搶錢. 唉, 早知留返去紅磡食川北涼粉啦!

極之期待的HD任食前，與龍去食麻辣打底。早一晚去紅磡吃飯未有重溫聯記，是晚可以補中，本來樂死龍了，可惜味道一般： 麻辣海蜇($9)-海蜇爽脆彈牙，但不夠辣，食畢一點刺激感都沒有酸辣鴨舌($12/6件)-龍說這味椒泡的鴨舌十分美味，可惜我不會欣賞這款食材。但必須承認此店酸辣的菜式比麻辣的，辣很多!四川酸辣粉($16)-面層的紅油還可以騙到人，但底下透白的湯底完全不對，食起來既不酸也不辣，而且缺了酸辣粉的精粹榨菜，雖然粉的質地可以，但也面目全非，令人哭笑不得。食到底，還很搞笑的發現很多薑絲，幹嗎啦... 與龍都覺得聯記川王正好多，想找川味還是過紅磡啦!

昨晚又去咗食菜肉雲吞…食完行過對面馬路攞車,見到呢間舖個名好似喺旺角見過(已經執咗笠)唔知係咪响呢度開番呢？見到辣嘢又忍唔住買咗幾款返屋企試:泡椒豬手(凍)---一份有三件,都幾大隻吓!唔太辣但好入味,咬落好爽唔會太淋!最重要係去毛去得好乾淨(食豬手大忌係見到毛!睇見唔開胃)麻辣雞翼尖(熱)---一份有十幾隻,佢喺好似賣鹵水嘢咁,你叫幾多佢夾幾多放落兜汁度淥翻熱,呢個偏咸沒麻辣味!似普通鹵水多Ｄ!麻辣鴨舌(熱)---味道同上,但size細咗少少.食完兩款之後個嘴幾攰吓...見除咗豬手外泡椒糸列仲有好多嘢揀,下次試埋其它!用外賣碗加個蓋感覺乾淨企理,最憎用紙袋加膠袋又插幾枝竹籤跟住漏到一褲都係…

每次放學經過都見到很多人買佢d小食,但我見佢d泡椒雞翼白雪雪唔係好吸引,所以觀望咗好耐先買黎試,首先我買了串痳辣魚旦,準備挑戰一下味蕾,我見佢個煲辣汁有好多辣椒,望落去都幾辣,而食落去都算痳中帶辣,但d魚旦發脹哂口感麻麻接着我買了2隻泡椒雞翼(凍食),2隻痳辣雞翼(熱食),d泡椒雞翼味道幾特別辣辣地,另有一番風味,痳辣雞翼有少少痳辣味都ok,不過我覺得泡椒雞翼好味d,但都係唔鍾意佢白雪雪題外話,個度有個長髮姐姐幾靚女,皮膚好鬼白皙,我都好想好似佢咁白

食完宵夜再路經呢間食店, 話晒呢間都係曾幾何時嘅人氣食店, 所以亦提議好友食家"乜都放入窿"一試, 於是就買左一包麻辣海浙!一轉身又即刻開餐, 麻辣海浙嘅麻辣真係幾夠香夠辣, 做到野喎, 但係海浙質感就麻麻, 唔夠爽口, 完全冇左海浙應有嘅口感, 一般啦!師傅覺得呢間食店其他食物都應該比海浙好, 所以整定嗰晚行黑啦, 不過點都好, 至少都試過啦, 笑臉真係比唔到, 合格啦!