麻辣王

Open Now

Now Closed

好多年前一試難忘每次經過都忍唔住要買返屋企食而家搬遠左都特登要返去再買來食佢個泡椒真係好味到暈低又夠入味又夠辣好有層次感其他麻辣以前試過一般般但泡椒不能不吃❤️

鐘意食口水雞，但又好鬼懶。手撕雞真係啱曬，唔使吐骨。佢地嘅口水汁真係好惹味。麻同辣都好平均。mix了新鮮的蒜蓉，蔥段，仲有花生，佢嘅麻唔知邊度黎，因為唔見有花椒，亦無花椒香。但都真係好香口。雞絲亦都好滑。

已經一段時間無食，以前通常都係旺角店買，但已經無咗。今日心血來潮，走去佐敦買，係白加士街，近以前嘉禾戲院，小巴站附近，最後要咗豬耳同雞翼尖各兩份，但個阿姐可能心情唔好，又顧住講電話，十問九唔應，態度非常差，仲有，餐牌明明29蚊一份，但佢收我$120，算數。因為好想馬上返屋企食。點知期望越大，失望越大！味道只有辣，完全無其他味，雞翼尖更差，無味不特只，仲有好大陣雪味！食咗幾舊就全部扔咗！以後都唔會再想食，永別吧！

前日去左呢間麻辣王，專賣啲麻辣小食，夏天黎食食到滿頭大汗架好耐之前睇已故張一豪先生主持嘅食蒲團介紹，我先知道呢間野，三四年前食過一次，三四年後先黎返位於白加士街，尚算易搵先叫左三隻豬手$29 好抵食架，浸到好入味，麻麻香香，愈食啲辣味先湧出黎，但又唔會過辣豬手皮係爽脆架，唔會有異味，亦冇毛，好乾淨架食完個豬手呢，我叫左豬腳筋，大家係咪好陌生呢，其實我都第一次試口感煙韌又係麻麻香香，呢個辣味會比豬手重啲，呢個熱食嘅，但一樣好醒胃，愈食愈起勁其實佢仲有其他麻辣小食，主要分凍食都熱食，凍食仲有雞腳、翼尖，仲有雞腳頭總之鍾意食辣野嘅朋友，可以一試

麻辣王魚蛋《$14/5粒》食太飽行行下街個陣見到呢間不起眼既鋪頭，由於佢實在太香啦！飽到上頸既我地都想一試！！😍😍即叫個老細即時整俾我地，串好魚蛋，擺入去成盆辣油入面！上面仲鋪滿晒乾辣椒！！🌶🌶睇樣就知會辣過譚仔大辣！🌶浸煮10分鐘拎出黎，趁佢仲有烟時塞落口，勁好味！魚蛋雖唔夠韌，但夠入味，佢隻辣真係川味湯底個種！🤯 食完成半個鐘，我個口都仲有辣味！佢仲有好多其他選擇：肉、蔬菜，見街坊都會買麻辣餸返去送飯！🤩

因為好少經過呢度係親一定食番串魚蛋喺我心目中佢嘅魚蛋係全香港最好食嘅今次咬咗一啖發覺佢完全腍哂連魚蛋嘅貨同以前都唔同我肯畀14蚊去買佢呢串魚蛋係因為我覺得佢與別不同但係佢呢樣嘢係令我再一次失望佢除咗腍之外仲要唔夠麻辣即係冇樣掂以前食咗佢一粒魚蛋就已經要攞嘢飲而家食曬成串都冇feel今日諗住 要喺呢度附近hea一排決定畀多一次機會佢食個麻辣大腸老老實實你嚟得呢度梗係想食麻辣啦我等左輪佢終於畀我係幾好食因為啲大腸洗得幾乾淨又腍身唔會咬唔爛我話畀佢聽唔夠辣啦佢竟然喺嗰兜已經唔係辣嘅魚蛋汁入面畢啲畀我我已經唔想同佢講嘢食完就走亦都對呢間舖頭放棄咗期望farewell goodbye

每當放飯既時候都係要諗食乜既時候今日突然想食麻辣又突然諗起附近有間麻辣王（記幾年前食過 個時又係喺佐敦返工仲記得個段時間會成日去買佢D泡椒雞翼尖食）今次就叫左個大腸紅薯粉+泡椒雞翼尖薯粉略嫌太淋...係太過淋聞落去係幾辣既但食落口就....無左以前個種麻辣味泡椒雞翼尖就一般 都係無以前咁辣以前食會不斷食不斷飲水宜家食曬成包先需要飲水可能係我宜家食得辣咗吧🤷🏼‍♀️店舖同以前無乜分別只供外賣百物騰貴 物價上漲所有價錢都貴左無記錯以前雞翼尖係賣$17一袋 有14隻左右宜家賣到$28一袋14隻不過姐姐都好好人話D翼尖細隻左比多幾隻我差少少價錢就$70另一個姐姐話不如買夠$70 比多d你啦我都話好既👍🏻結果一袋廿幾隻😂😂食左我差不多成個鐘頭當小食食係吾錯既選擇如果可以辣返d就good la👍🏻

以前麻辣王係旺角有間分店(老川皇對面),不過執左之後得返佐敦呢間咋ㄧ第日冇左唔知點搞。泡椒系列真係好好味,食過ㄧ次真係會心掛掛,全世界都知我中意雞尖,係超級中意,不過又唔可以日日食既雞尖:又辣肉又爽,我最愛鴨舌:好貴得幾條不過超入味豬手:爽得好交關。不過味就唔太辣雞腳頭:入味ㄧ路煲劇ㄧ路食最岩雞爪:得3隻。要ㄧ路食ㄧ路點返d泡椒汁先夠辣，同埋硬身左少少😅魚蛋好似林得制,又唔係特別好味==下次試下d木耳,蔬菜類,豬耳先。不過真係要隔ㄧ排先試。好辣😂😂😂

今日接老婆收工，點知佢地成班同事話一齊叫外賣，食完先准走，我唯有join埋佢地一齊食。我哋揀咗〈麻辣王〉，其實冇得堂食，唯有我充當外賣仔買完拎返上去畀佢哋食。非常細的一間外賣小店，而且都幾家庭式嘅廚房。有乜食同價錢全部系外面燈箱度有得睇，揀好就話比姐姐聽佢會幫你執好一袋。〈手撕口水雞〉，雞肉質地都幾嫩滑，叫得口水雞就當然系重口味，不過以路邊小店嚟講，45蚊唔算平。〈麻辣黃金皮蛋〉，超級好食。皮蛋黃係流心嘅〈涼拌木耳〉就比較辣，平時米線舖食〈小辣〉既老婆唔係好食到，不過我就覺得ok。〈酸辣泡椒豬耳及酸辣泡椒雞軟骨〉，由於環保關係所以放埋一袋。呢個超級好食，酸味同埋辣味都好平衡，唔會側重一邊。而且豬耳同雞軟骨都好爽脆，食到索索聲。總括嚟講，雖然價錢唔算平，而且門面比較其貌不揚，但系食物質素嚟講喺好食！

買左幾個涼拌，問佢涼伴辣唔辣，佢問返你涼伴乜？攪笑既係佢問涼伴乜？你唔通涼拌唔同野。。。就有唔同咪道？厘奇小食店。。。因為都第1次。。買左的涼伴食，但結果都唔好食。。。。。。因為佢只加麻辣粉，入口除左粉，都係粉。唔香。青瓜唔爽。海哲無味。仲要細細包咁既價錢

當無辣不歡遇上唔嗜辣的另一半, 最佳方法是培養對方吃辣的興趣。嗜辣的我周不時會搜羅一下辣味美食, 而麻辣王是我其中一間口痕必選。這間座落於佐敦白加士街的小店, 唔起眼唔難揾, 行出地鐵站步行數分鐘便到達, 由於店面很小, 每天只有 1 至 2 位呀姐看店。企街即食嘅, 我會揀佢個麻辣魚蛋 ($12@5 粒), 店舖的右邊放著紅噹噹的一鍋魚蛋, 於是點了一串試試它的龍與鳳, 魚粒大大粒, 夠爽牙! 每一粒都充滿花椒的麻香味, 又唔會一味死辣, 加上辣度不算高, 好吃! 然後再行去左邊看看有咩食, 抬頭一看餐牌, 麻辣/泡椒小食劃一$26 一份, 我本身很喜歡泡椒的味道和那種漸辣感, 易入口, 令人不自覺愈吃愈多, 嘴唇愈吃愈紅。豬手, 雞翼, 雞翼尖, 雞腳, 雞腳頭等等都試過, 每次必安哥的一定係雞翼尖同埋雞腳頭, 因為面積比起豬腳同雞翼等細件, 泡椒味覆蓋更全面! 店員姐姐會用密實袋連同泡椒裝起, 回到家也不會漏半點汁出來!雞翼尖 / 雞腳頭 ($26@每份): 沒有仔細數過, 每款約十多件左右。兩款都醃得很入味, 一開始吃頭幾只的時候不算很辣, 但吃到後段會變左孖潤腸嘴。原本唔吃辣

尖沙咀食完飯行左去佐敦又經過麻辣王呢度，朋友又想食辣野話呢檔麻辣小食好美味。豬耳和雞賢都好爽口，表面睇豬耳顏色好淺色，但食落去口麻麻地好正。娃娃菜好吸收辣辣味，木耳，秀珍茹和炸豆腐越食越麻辣，就越上引。

今晚約了家人在佐敦吃飯，比约定時間早了一個小時，就去了書局逛逛，買了一份禮物給朋友，就覺得有點肚餓，老婆話要吃麻辣魚蛋，之後去了麻辣王買。十二蚊五粒，麻辣好香，而我覺得辣度冇以前咁辣，魚蛋比以前細粒咗少少，有點死實實，覺得冇咁好味，希望有所改善。

我有次和太太路過這裡，看到這裡有麻辣魚蛋，而魚蛋比較大粒，而價錢比較貴，香味四溢，看似好辣，所以買了一串，好麻辣又好味。聽講是用多年前在銅鑼灣滿江紅地鋪所賣的麻辣湯底配方精製而成。另外這裡辣雞翼及雞腳都好正，不能錯過。

$12/5 粒魚粒蛋, 好似有d 貴, 但其實魚蛋好大粒, 都算值夠麻夠辣, 辣味入哂魚蛋到魚蛋又夠彈佢個煲真係幾重料食完之後, 個種辣係仲會keep 住覺得辣