Chill Vietnam Cuisine and Bar

Open Now

Now Closed

同F聚會，我哋揀咗2人套餐，小食拼盤+燴虎蝦+豬頸肉炒河粉+甜品 + 飲品，我哋自行再加多一份串燒 & 扇貝，每道菜都好好味兼大份，好滿足既晚餐，會再返兜既越南菜😋😋😋😋

第二次來這家越南食店， 二人吃了大約300元， 有兩個主食，一個小食拼盤，兩杯飲品， 食物美味， 份量大，十分超值。 可惜二人圓枱太細， 食物的容器太大 ，桌面很迫，吃得有點狼狽! 當時是星期日下午 十二點多， 餐廳很少客，有很多四人枱沒有人坐(其實是2張枱拼埋)空置著。 有三人都要坐呢啲二人圓枱，十分迫， 之後有三人又被安排坐二人枱，其中二人是孕婦，她們要求換枱， 才作出安排。 我們坐了個多小時，大部分四人枱仍是吉的， 卻寧願留著空置等客， 也不安排讓特登來支持捧場的2位客人坐得舒服些，對餐廳印象大打折扣。也明白為何香港人喜歡北上消費也不留港，實在是令人失望一肚氣。

荔枝角竟然有間咁正嘅越南菜😬 玩埋火咁誇張🤣🔥.餐廳主打新派越南菜，價錢唔貴但份量幾多幾足料，適合同家人朋友聚會，而且菜式好睇又好食，宜家仲做緊每日晚市唔同優惠！.火焰鐵板美國肉眼 ( $268 )簡直係吸引全場目光🫣 牛肉燒過之後有微微嘅焦香同酒香，食落軟嫩好juicy，份量都幾多～ 椰汁喇沙燴青口伴油條 ( $148 )幾有趣，青口大大隻，椰汁好濃好稠，一條油條唔夠點🙈.牛板腱火車頭雜錦湯河 ( $98 ) 湯底用牛筒骨、牛骨髓等餚成，味道好濃郁！建議要食咗幾塊肉先，過熟就唔好食㗎喇🤣 仲有牛丸牛柏葉等配搭，勁大碗幾抵食～.甜品嗌咗越式Tiramisu ( $78 ) 入口即溶，帶啲啲苦，酒味幾香😋 芋圓椰汁凍 ( $68 )係勁大碗奶凍版椰汁糕，椰香味濃，食落又唔會過甜，最底仲有紅豆蓉，勁滿足～

在香港，大部分餐廳質素確是不錯，環境，食物，服務勝價比也高，消費者比多小小錢也不介意， 明白在香港寸金尺土，租貴，人工貴，營運不易，但餐廳就衰在只限用時60-95mins,咁不如去快餐店/茶餐廳食lunch？起碼冇加一牛板腱火車頭雜錦湯河 --- $88 (生孰牛肉，牛丸，牛柏業)不是一碗，是一小盤，份量很多，湯底味道不濃烈，沒有大驚喜，但份量目測也很多，牛柏業切成河粉的幼條size，混在一起，份量也不小。小食--- $38自家製手打香茅蝦棒兩件不過不失，蝦味不濃，整體味道不錯，但彈牙感不強大大杯椰子珍多冰---

下午茶時間去到，諗住慢慢食吓嘢坐吓chill吓，明明都唔滿座，目測仲有一半位置剩啦，客人係冇得自己揀位嘅，安排兩次都係坐豬頭骨位，一係同人搭枱，一係坐喺廚房出餐嘅必經通道，無言🙂牛扒撈檬，老實講牛扒唔錯嘅，有厚度成熟度啱啱好，冇筋嘅，但撈檬有條毛毛囉🙃青檸梳打偏酸。Chill唔到，食完快啲走。👋

平時好早放工 所以我放工後會做埋瑜珈先約朋友🧘‍♀️想大家易搵啲 就揀左地點方便嘅D2place4個人唔想喺menu掙扎咁耐 就決定要個四人套餐$728🍽️小食越式燒豬頸肉 - 好食！燒得好香嘅豬頸肉越式炸春卷 🍽️小食鐵板酸辣汁牛肉串 - 一人一串唔洗爭 香茅魚露浸蜆 - 呢個好好食😋個湯都好飲🍽️燒豬腩青木瓜米紙卷 - 皮薄餡靚😍🍽️香辣椒青豬頸肉炒河 - 好大份🤣🍽️燒豬脯肉撈檬 - 最後上嘅一碗 食到呢度已經好飽🤣🤣🤣🍮越式芋圓椰汁凍🥥 正丫 芋圓超級煙靭 必食！🍮越式提拉米蘇 其實真係好飽 但係上網見嗰個人都推介呢個甜品 甜品胃忍唔住想嗌嚟試吓😝咖啡味都幾重 朋友好鍾意 ☕️想坐低傾耐少少叫埋嘢飲 +$34 each🥤Make Your Own Smoothie❤️紅肉火龍果 香蕉 椰子💚抹茶 開心果 花生醬🩶朱古力曲奇 花生醬 開心果💚牛油果蜂蜜綠茶沙冰✨每一柸都整得好靚 上位topping砌到咁靚好啱打卡😍💕💕💕

Chill Vietnam Cuisine and Bar 📍香港🇭🇰荔枝角 越南菜.朋友突然約Lunch 佢揀左我studio附近既店系D2 3樓行到最入 如果吾系openrice睇到都吾知系入面有間甘靚既食店.環境好靚 好岩我地心水 坐得舒服 我地14:20到 岩岩好等多陣有茶餐叫個午餐 14:30叫個茶餐 2樣都試哂.✨生熟牛肉湯河（牛板腱） $116 （$78) 好大碗 牛肉好食 配料分量岩岩好🥤飲品 配 即磨咖啡（熱） 越南咖啡酸酸的 糖系有密實包裝一粒甘樣.✨配加小食 自家製手打香茅蝦棒（2件） @$38.0 又幾好食 無果種油溢味 個裝飾盤好靚 如果下面鋪層牛油紙更加好.✨迷你燒牛柳法包 $68 牛肉勁滑 面頭有花生碎好有咬口 好大份🥤飲品 配 西柚汁 朋友喝的.共$184 無加一

荔枝角D2 Place高質越南菜一至星期日都有唔同優惠星期一 蒜蓉扇貝$10星期二 越式串燒拼盤$38星期三 加越式生蝦4隻$28星期四 所有飲品半價星期五 加越式雜錦涼粉凍$28如果週末訂座會有九折.⭐️必點越式芝士咖喱農夫包$158可以選擇牛柳或者豬頸肉👍🏻今次揀左牛柳 肉質好軟霖‼️但最重要高分嘅係超脆農夫包😍撕開會聽到聲 好鬆化嗰種 又唔會覺得硬😍中間又會仲要軟綿綿 點埋咖哩汁 超正.佢哋做得好嘅菜式仲有⭐️新鮮椰青蒸龍蝦$468需要提前一日預訂龍蝦好大隻而且新鮮 鮮甜啖啖肉加埋椰青水湯底 清清地 每龍蝦肉更甜老實講龍蝦好高分 出品唔新鮮一定唔敢咁樣整.嚟到越南餐廳 一定要點米紙卷 同埋撈檬粉⭐️軟殼蟹牛油果米紙卷$108⭐️扎肉腍肉凍檬$78.除此之外 佢地仲有自選奶昔 最多3款口味今次揀左 ⭐️士多啤梨/香蕉/花生醬比較特別仲有⭐️開心果奶昔..#Chill Vietnam Cuisine and Bar (荔枝角)地址：荔枝角長義街9號D2 Place ONE 3樓301號舖.⭐評分：味道：4.5/5 龍蝦高分環境：4/5 環境舒適 成個氣氛都好好服務：4/5抵食：3.5/5.

訂座時間7點 等到7:25 先有枱ready 理由係張枱上一輪客人未食完 （receptionist 話佢哋甜品上遲左）出餐亂左 咁其實係咪應該要安排另一張枱？7:15 催門口兩位職員 個兩位話到係我唔合理要趕另一枱客人走？之前食過幾次係好食的 而且上次weekend 的確等左好一陣枱 所以今次有book 位⋯ 咁但係其實book 枱嘅意義係？

同屋企人食餐飯慶祝母親節，揀咗呢間餐廳喺OpenRice book定位我哋叫咗個六人餐，然之後再加一啲小食呢個叫腍肉 酸辣嘅味道，食完又想食幾開胃呢個酸辣鳳爪真係有啲辣，如果要叫黎食嘅話最好嗌杯嘢飲如果唔食得啦呢個沙嗲豬雞串燒都辣 但係點多啲沙嗲醬就冇咁辣 個沙嗲醬有花生嘅呢個生蝦逢星期三有優惠 不妨可以試吓白夏酸子鮮魚鍋 呢一個清清地 豆卜同埋瓜都好索汁 食完一啲辣嘢食呢個都唔錯 店員冇介紹錯呢個又係OpenRice好多人推介 叫做椰汁喇沙葉燴青口半油炸鬼 真係好想加多幾條油炸鬼食埋啲椰汁 呢個虎蝦香芒米紙卷係我最鍾意食 因為真係好清新，芒果又好甜 。蝦同米紙卷好夾必食推介海防蟹肉湯檬 呢個又係店員推介又係好好食蟹肉味好濃 個湯真係可以飲晒佢 家人都讚不過一個人真係食唔晒好多 最好同朋友一齊分 呢個椒鹽蝦都唔錯 蝦都幾Juicy 啲蒜蓉好好味 家鄉燒豬腩拌檬 呢個呢店員話係好似沾麵咁樣嘅食法。所以點解佢哋要分開 就係因為唔可以長浸喺個湯度 都幾特別是日嘅甜品係斑蘭糕 呢個食落口呢又唔係好甜鍾意食斑斕味道嘅朋友會鍾意 值得一試

荔枝角出名多野食 今日放工就黎到D2 Place 唔知食咩好 結果入左間食越南野既餐廳 食物很不錯而且係中價，所以推一下! 餐廳的裝修簡約又舒適。菜單上好多選擇 仲有抵食既二人餐同四人餐 !! 特別喜歡香煎鵝肝青蘋果米紙卷好fresh好好食鵝肝的口感豐富搭配上青蘋果的脆爽，再包在係米紙，口感好新穎，出奇地夾!!椰汁叻沙葉燴青口伴炸油條,店員話呢個係非常受歡迎既菜, 以椰汁為基礎，燉煮出濃郁既叻沙湯底，青口的鮮美同炸油炸鬼既脆卜卜相互融合，係咁將油炸鬼店落去d椰汁, 原來又幾好食喎!如果鐘意海鮮, 海防鮮蟹肉湯檬都可以一戰. 睇相都見到好多蟹肉同埋湯底咁深色, 足料呀!最後就係dessert, 個樣好精緻做得好吸引呢!! 芋圓椰汁凍, 見到好大舊奶凍, 同埋好多西米水果, 芋圓仲要係心形架, 入口幾煙un, 不錯. 不過我更喜歡薑汁燉蛋, 蛋香十足! 睇得出店家好有心機整甜品, 值得支持!

荔枝角D2最新進駐了幾間新餐廳，這間越南餐廳裝修雅致，平日不到7點便已近乎爆滿，想必有他的獨特之處。整餐最令人驚喜的是飲品，奶昔出乎意料地好喝，連平常不喝甜野的我都破戎點了一杯。店員也充滿笑容，招呼到位。［2人套餐］𝗛𝗞𝗗𝟯𝟴𝟴🔻小食拼盤（春卷，雞翼，蒸粉卷，扎肉沙律）每款都合水準，尤其蒸粉卷，難得做到熱辣辣出爐，非常新鮮。🔻燒春雞半隻春雞表面燒得香脆，配上芒果粒醬畫龍點睛，雞肉也啱火候。🔻香辣椒膏豬頸肉炒河調味剛剛好，有鑊氣，份量也頗為大碟。🔻是日甜品套餐所包的斑蘭橙慕絲蛋糕甜酸味適中，正！🔻香蕉椰子開心果smoothie 𝗛𝗞𝗗𝟯𝟰椰子和開心果意外地夾，唔算太甜，並不是Five Guys的Smoothie口感，相信是作出了調整，感覺健康。🔻椰子熱情果桃smoothie 𝗛𝗞𝗗𝟯𝟰整杯比起開心果較甜，但甜度是正常果汁的程度，仍算清新，朋友比較喜歡這款。總結/這是一頓非常愉快的晚餐，用餐體驗良好，由於店員出錯了一款甜品，結果多送我們兩份三色冰涼粉，整體每碟份量偏大，物有所值。

平時成日去荔枝角上堂D2 place間間餐廳都食過哂咁濟想健康就食樓下Pickabowl/對面果間求其就譚仔/台灣野 (有個好高好高既男waiter果間)😆▫️今次行下發現有新餐廳！😜重點係 果日天氣好熱 個人行到又燥又熱見到呢間餐廳個deco真係忍唔住要入去抖下成個tone好舒服 好relax架坐得鬆動 waiter有禮貌落單後都快上菜！份量都大 男人都食唔哂碟炒河所以打包拎走🙂‍↔️不過可以改進既地方係：炒河唔夠鑊氣 唔夠熱上枱😳▫️

蒜蓉牛油雞翼 ＄58E份蒜蓉牛油雞翼又大隻炸得又香脆，仲要極多炸蒜一試枱就聞到好香。個人黎講幾中意點醬，食落仲正同埋好香口。越式芋圓椰汁凍 ＄68好多料既椰汁凍，有士多啤梨、芒果、芋圓、紅豆、西米同埋炒炒粟米脆脆。椰汁凍估椰子既70%，一啖食落去都有滿滿嘅椰香味。當甜品食係一流。黑糖椰青燒豚肉串＄98價錢偏高但都好特別，有黑糖椰青做汁，好清甜，而豬肉好多汁又有炭香，唔錯 Make your own smoothie 咁岩做緊promotion 有第二杯半價！曲奇個杯最正，份量太太太多，飲唔曬海防蟹肉湯檬好大舊蟹肉蛋，麵既質地非常正，都好大碗🥰

位於荔枝角D2 Place 1 期，有間好有情調嘅越南餐廳~Chill Vietnam Cuisine & Bar，呢度環境舒適，連餐具都好別緻，食物質素亦不俗😋👍🔮爆炒🔥香茅雞腎（$78）串燒雞腎食得多，用大量香茅爆炒雞腎粒就第一次食，夠晒鑊氣，雞腎亦非常惹味，好食，可以Encore👍👍🔮越式炸春卷四件（$58）越式炸春卷，正宗鬆脆，包住附送的生菜食，仲無咁熱氣😋👍🔮蝦膏海鮮炒河粉（$98）店員端上枱已經聞到陣陣蝦膏味，足料海鮮有八爪魚粒、魚塊、蝦等，整碟炒河粉份量不少，好抵食😋😋👍🔮牛板鍵火車頭雜錦牛河（$88）大大碗雜錦牛河，湯底正宗，牛柏葉爽口、牛丸彈牙、牛板鍵夠淋，牛味香濃，好味🤤👍🔮炸油條（$28）將炸油條掛起，賣相好特別，非常搶眼🥰，餐廳提供埋即棄手套及小剪刀，非常貼心，將炸油條沾上濃郁帶點甜嘅椰汁🥥，口感好新鮮，係唔錯嘅配搭😋🔮越式提拉米蘇（$58）第一次食越式Tiramisu，賣相好靚，口感比傳統嘅Tiramisu較脆口，無咁濕潤😊