Chillax

Open Now

Now Closed

今日同朋友想食Sunday brunch,網上見到呢間幾高分，所以一試。一入到餐廳，一個客都無，已經有點驚。 佢裝修係ok， 出面都有打卡位影相位。所以我地都照入來試吓。我地叫左Parma ham egg Benedict , salmon egg Benedict 同埋一份all day breakfast. 一上菜， 賣相都正常。我地一切開個蛋，個個都全熟。egg Benedict 精粹就係流心蛋，要有蛋汁先正。見到全熟我地都呆左🥹 同waitress 講，佢再幫我地煮番4隻半熟蛋。 我食左一啖全熟蛋，奇怪！好難食，蛋白味怪怪地。 後來半熟蛋煮好。放上去後，有點太生太水。雞蛋可能品質唔係太好。個egg benefit 醬都唔太好食，底下既包都普通。All day breakfast 方面，個牛角包好燶好細，咬落入面好濕，似係急凍貨再拎去焗下，其他材料算正常。最好食係牛油果同司華力腸。中間有個蛋又係全熟，蛋白又係有怪味。佢既all day breakfast 188, egg benefit 178價錢比一般餐廳貴d ,出面食到108-138左右既質素反而仲好。所以整體來講，性價比低

個包外脆內軟 唔係俾啲Sauce 浸到濕個種個雞扒好Juicy好嫩口菠蘿唔係外面個種死甜菠蘿係本身新鮮菠蘿 輕輕煎一煎將佢入邊嘅甜味帶出嚟雖然佢真係好大份 大個我隻手勁多但呢個配搭絕對唔會漏！平時仲會有薯條做配菜～個埸仲要好舒服 好適合同另外一半過嚟chill～而且仲要pet friendly 😆😆😆😆😆

今次本身想食平時果個burger~但係知道今次有新野出即時試下先~果然好驚喜~大大塊雞扒好juicy~有菜有番茄做配料~個意大利包外面好脆但係咬落去唔「銀」牙~外脆內軟正👍~再配埋出名脆卜卜薯條真係一絕

今晚撞正有Music Live Show，於是同朋友仔嚟食個晚餐、聽吓歌輕鬆吓。餐湯係濃郁粟米湯，主菜係肉眼扒跟大大碟薯菜，肉眼跟我意思三成熟岩岩好，甜品主力推介店舖新出嘅椰皇燉蛋白，甜得嚟唔會好溜，食完會想再叫多個，有凍同熱提供，叫熱嘅味道更佳👍，最後食埋碗芋圓湯圓仙草，好滿足，食飽飽繼續聽歌！Anyway，店鋪除咗Music Live，仲不定時有睇波活動，鐘意足球嘅朋友，都唔好錯過Chillax呢間餐廳😉

家中小寶貝13歲生日，希望搵一間好食、可以喺室內涼冷氣、歡迎小毛孩、有寵物餐牌的餐廳、最好要有wine menu 搵左好耐，終於搵到超 Chillax，除咗滿足哂我所有願望，他們亦能提供令我喜出望外的服務，可以令一個唔寫食評既人，也要幫手推介一下。1. 人類食物 - 餐牌上的食物選擇雖然唔多，但有晚餐及小食選擇。蘑菇湯是用新鮮蘑菇打成，五成熟牛扒亦煎得剛剛好，炸物的時間控制亦很出色。2. 小狗食品 - 從來未試過有一間餐廳，有咁豐富的小狗餐牌，仲要有鮮食可以俾你選擇。Chillax 的小狗食物，不單賣相吸引，食材選擇嚴謹，很多也是對小狗有益的食材。 我的主子因為食物敏感的緣故，很多東西也不能吃，而且十分嘴刁。試過在很多其他餐廳所叫的小狗食物，只會作拍照用途，眼尾都唔搜一下。。。今次叫嘅彩虹蔬菜雞肉卷 & 鮮蝦雞肉卷蛋，我主子清哂，你就估到啲嘢食有幾好食！ 餐廳仲好好，知道小狗生日，幫我預備好蠟燭，令到我地有個好難忘嘅慶祝。3. 環境舒適，貼心服務 - 小狗有專用餐區，餐廳老闆很細心，在專區門口已安放欄柵，每張枱中間有諾大空間給小狗可以跑來跑去、清潔用品也見齊備。一坐下來除了安排人類

無意間發現呢間餐廳，食物水準極高當日就安排2樓用餐，裝潢雖然比較型格但都比人一種放鬆、悠閒既感覺地下嗰層仲有兩張沙發櫈，好chill(˶‾᷄ ⁻̫ ‾᷅˵)當日經OpenRice訂位仲有折扣優惠-蕃茄煙鴨胸意粉 $118💰煙鴨胸焦香軟腍，鹹香味重好好食意粉煮到啱啱好，唔會太硬或者過腍而且佢嘅蕃茄醬加入咗臘肉碎熬製入口唔會好酸反而好鹹香另外唔知係咪加左忌廉落去煮，好cream-黑松露忌廉野菌意粉 $118💰上枱淨係睇個樣已經覺得一定會好香濃黑松露味真係冇諗錯，入口係好cream好濃稠而且野菌粒一啲都唔孤寒比得勁多每一啖意粉都會有野菌入口真心覺得兩款意粉都好出色，呢個價錢真係勁抵食而且份量多，可以食得飽我🤫-酥炸墨魚咀 $98💰大大粒炸到好酥脆沾埋蜜糖芥茉醬加多幾條沙律菜口感好豐富，爽脆彈牙唔油膩-Pineapple Juice +$8💰一上枱已經聞到好香既菠蘿入口都不負眾望，好香甜，味道好天然-Matcha Latte +$20💰呢杯反而有少少遜色，入口回甘比起抹茶我覺得佢更接近綠茶味🍵而且個人覺得口感唔夠cream，但其實都不錯

去過 Chillax 好多次，每次嘅資素都保持得好好。地點其實喺利舞台行過去少少，好方便。食物方面午餐 menu 雖然選擇唔多，但係都保持水準，而且價格喺銅鑼灣嚟講好抵。今日食煙鴨胸意粉，份量剛剛好，味道夠濃郁，唔會太咸，鴨胸肥瘦比例剛剛好，唔會覺得油膩。咖啡方面上次試過 Flat White，今次點咗杯 Latte，夠香夠滑。服務員招呼都好好。中午人唔多，好適合同朋友傾吓計。呢間仲係寵物友善餐廳，希望多啲狗奴支持下 😁

啖啖黑松露野菇香味配埋杯cappuccino熱咖啡簡直一絕~色香味俱全~環境又好~侍應妹妹態度又殷勤有禮貌~重會問你重有咩需要~無論午市定晚市都有唔同氣氛~如果有狗仔既重可以一齊用餐~人狗都有啱口味嘅食物~而且又有100吋電視比球迷包場聚會~好運嘅重會見到靚靚老闆娘同佢嘅愛犬添~

四年一度嘅世界盃嘅⚽來臨，又係我周圍去搵地方同朋友一齊嗌一齊睇波🎊嘅好時機。加上疫情放寬後，都希望搵個地方可以同朋友吹下水，睇下波，傾下波經。最近就係我嘅ig度發現有一間位於喺銅鑼灣嘅餐廳可以睇波，因為今年世界盃嘅時段提早咗，正好我放工後可以趕及睇早場。我哋三五知己一群人就去到呢一間餐廳碰碰運氣，裏面地方寬敞，店舖裝修✨非常有世界盃氣氛，工作人員熱情招待。落單前店員好窩心問我食唔食得辣，叫我試下辣味嘅炸雞🍗，我叫咗幾款小食包括辣味炸雞🍗，炸蠔，薯條🍟同埋一杯叫做fruit garden🍸嘅飲無酒精飲品。其中炸雞口感非常嫩滑😋，值得推介👍👍👍👍👍；炸蠔都非常好食，食物質素比我預期高🥰。另外我朋友叫咗一份和牛漢堡🍔，炸墨魚咀🐙及珍寶熱狗🌭，看似好大路嘅食品，但無論食物嘅質素，食材及味道，都深深感受第一間有誠意嘅特色餐廳。

晚餐合共有四個人，剛好晚餐有四個主菜，大蝦帶子意粉、黑豚扒、肉眼扒、羊架。豚肉之前食過，一定冇問題，所以今晚我嗌咗肉眼扒，同羊架，跟其中一個friend share，我主要食肉眼扒，分咗少少比個friend，女仔，佢話好好食。我都覺得好好食，羊架同肉眼扒二揀一我一定揀肉眼扒，外面脆，裏面嫩滑。值得一題係餐湯已經係龍蝦湯，唔使好似其他餐廳咁價錢，龍蝦湯質素高，雖然冇肉食😂，但非常濃香。銅鑼灣禮頓道保良局對面，非常安靜環境舒適，適合斯文人。

上個禮拜六Team Building 老細請食飯去咗銅鑼灣食buffet🎉一開頭聽到唔係大餐廳 都冇乜期望但係啲嘢食出乎意料幾好食😋有齊前菜 冷盤 熱食同甜品 我自己不嬲都好鍾意食Ham & Cheese 呢間嘅Ham & Cheese有好多款唔同Ham 啱晒我～😚佢個炸墨魚嘴都好好食 啲墨魚好爽好有鑊氣😍食buffet最緊要係啲碗碟收得快 呢間啲staff做嘢好爽快👍🏼👍🏼👍🏼呢間餐廳裝修仲要好靚 好乾淨 坐落都好舒服聽講呢間餐廳仲要係Pet-friendly 下次有機會一定會帶狗仔去！

受疫情打擊影響 飲食業大部份只剩下連鎖式經營嘅集團餐廳先可以捱得住我偶爾都會刻意選擇一啲小店去幫襯💛今次見到呢間舖頭裝修環境唔錯而且仲係Pet Friendly 所以我揀咗平日去試一試原以為係寵物餐廳人類嘅食物質素會普普通通點知一試之下食物質素高環境寬敞 難得嘅係所有店員都親切有禮 一問之下先知原來店主都係愛🐶之人仲專門裝修可容納10至12人嘅房間大熱天時主人都可以帶埋毛孩一齊嘆冷氣食餐好嘅 （備有寵物餐單）

This restaurant promotes itself as pet friendly, however, they do not accept pets as guest. They claimed that FEHD is being particularly though. If your restaurant is not a licensed restaurant to host pets, you should not be promoting such stance. 呢間餐廳話自己係寵物友善餐廳，但係根本唔係。去到佢地就話，食環處捉得好緊，唔可以比寵物入去。呢個根本係虛假廣告，做唔到就唔應該話自己係寵物友善餐廳。

上個Weekend去銅鑼灣Christmas shopping行到攰想搵個地方坐吓飲杯嘢原本諗住去耀華街某間coffee shop 不過估到weekend一定要等好耐位突然間諗起呢間”Chillax” bookmark咗好耐未試咪去碰吓運氣囉去到竟然唔洗排隊之餘仲要係冇乜人初初入到去諗住買杯咖啡就算見到有芝士蛋糕又心思思想食店員提議我不如上去樓上餐廳用餐坐得會比較舒服啲▫️Cheesecake (HKD48) - 三款味道裡面我揀咗柚子味。柚子味又幾清新喎，蛋糕質地又幾幼滑。▫️Dirty (HKD45) 呢度完全符合我想搵個地方hea嘅條件！真係夠chill又relax。

今日難得放假梗係要佢比自己放鬆一下好好咁唞吓啦！講到要放鬆一下，就梗係諗到要去呢一間Chillax啦！“Chill + Relax “ ，就咁睇個名就知道係一個非常放鬆嘅好地方！去到嘅時候真係名不虛傳，真係超正！今次我叫咗一份Yuzu cheese cake，呢個蛋糕好好味，重點嘅係好香濃嘅芝士味道，再加埋呢個蛋糕一啲都唔會太甜！對於鍾意食芝士蛋糕嘅人來講會好鍾意，因為呢個芝士嘅味道係好香！另外就係一份apple crumble！！本身自己都好鍾意食呢一款甜品，而且呢一個apple crumble烹調方式啱啱好，食落去好香濃嘅蘋果味道，少少甜少少酸！非常開胃嘅一個甜品！