Video
12-min walk from Exit D, Sung Wong Toi Station
continue reading
Opening Hours
Mon - Sun
18:00 - 02:00
Above information is for reference only. Please check details with the restaurant.
今日嗰陣大肚餓，就諗住行入去土瓜灣嗰間我長期光顧嘅店，每次去我都會叫成串嘅蒜心。咩叫「脆身」？啱啦，就係游水之後爽口到爆，而且個香蒜味，真係令人一再回味。緊係要拎碟沙律丸嚟湊對啦，唔知點解啲沙律爆漿嘅感覺就係咁令我痛快！想像下啖啖嘅酸甜爆發，啱哂解膩。千祈唔好錯過佢地嘅五花肉，咬落去個「滑溜溜」嘅口感，仲有醬汁嘅「醇厚」好味道，噢嘩，真係得意過癮！虎蝦又點少得，蝦膏呀，嗰個鮮呀，簡直就係海鮮嘅王者風範！另外，燒茄子同燒娃娃菜，一樣都令我拍手叫好，蒜香、青脆，無人能擋！岩燒雞全翼就真係畀個「香脆」兩字形容啦，雞翼外脆內嫩，想叫第二份都未算過分。最後甜品炸饅頭配煉奶，啲饅頭香得嚟，煉奶甜得嚟，真係食到「甜蜜蜜」。總之呢間店，食物水準一流，口感層次豐富，而且溫馨得嚟，就算身處市中心都有種鄉下嘅溫暖。絕對係我「打卡」嘅秘密基地！👅💥🎉
continue reading
【九龍城區】【Chiller】大家有睇過我之前嘅酒店 post 都知我有一晚意外地住咗土瓜灣嘅酒店，預備咗做好多嘢但係最後乜都做唔到，反而孑然一身咁去搵宵夜食。喺酒店對面有間串燒檔，一場嚟到就去會一會佢，估唔到話畀間冷氣房我坐咁好喎。食嘢喇，首先叫咗隻 $48 嘅「蒜蓉聖子王」，店家推介嘅咁我就留一隻啦。都幾新鮮嘅，一條過味道可以。之後 $32 嘅三片「脆皮三文魚腩」唔知點解冇咗張相，但我記得係三條好細嘅燒三文魚肉，唔係幾認同咁整會好食。跟住講 $15 嘅「雞腎」、$12 一串嘅「雞皮」、$24 嘅「牛脷」同 $58 嘅「法式羊架」，點解將呢四樣嘢集中嚟講因為佢哋加埋都舊零水，但係我覺得冇乜亮點，尤其係牛脷令我幾失望，個羊架都係非常普通，唔知食咗乜咁。咁成餐嚟講都有驚喜嘅，$30 嘅「雞皮雞肉卷」就係台灣嘅雞腿卷，永恒嘅愛，好食。另外 $12 嘅「流心芝士雞肉腸」都估唔到幾好食，全部嘢落 BB 辣係可接受範圍。嘢飲我飲 $12 嘅「無糖可樂」，加埋就 $243 埋單咁囉。。。（地址：土瓜灣馬頭角道50號迎豐地下18號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am九龍城區 #土瓜灣 #Chiller #串燒店 #蒜蓉聖子王 #脆皮三文魚腩 #雞腎 #雞皮 #雞皮雞肉卷 #牛脷 #流心芝士雞肉腸 #無糖可樂 #法式羊架 #1am1075 #1ambackup
continue reading
今日黎到呢間燒烤店試下，之前行過幾次以為係酒吧無食過，今次見到有其他客食先知係燒烤店。。。點知俾我撞岩有特式海鮮食已經夠驚喜，點知味道更喜出望外，北寄貝二食真係出色，高湯煮肉夠鮮味，裙邊另外串起燒又夠惹味。。。肉類又係另一驚喜，幾款每一款嘅醃製或調味方式都唔一樣，無千編一律嘅感覺，連雞中翼同雞全翼都唔同醃法，完全食得出誠意同心思羊架嘅火喉同生熟度岩岩好，正佢食物種類都幾多，除左一般常見嘅款式外，仲有川式冷牛脷(冷盤)，脆炸白蝦仔呢啲佐酒小食又講下環境先，有露天坐位，衛生環境唔算最好，但感覺反而好貼地，有些少大排檔feel，但見唔會坐得好迫或好嘈吵，氣氛其實唔錯，佢地另外都有房間，唔鐘意坐露天位，佢地都歡迎walk in客入坐，只要無人book都ok咁話老闆同員工都好吹得，食得好開心，又有生啤飲，以呢個服務同食物質素黎講價錢算唔貴，會多啲幫襯或介紹朋友
continue reading
同男朋友係屋企附近搵野食，巧遇士瓜灣串燒舖，見價錢又唔係貴，仲有海鮮食，就走入去試下。意想不到,無論味道、質素，都竟然比周邊的串燒舖好，無諗過係土瓜灣區呢啲小區都搵到呢種高質素的舖頭。廚師話今日有新鮮海鮮，估唔到呢啲小店都會肯預備成本甘高既身材！既然係甘，都本住比下面試下既心態叫啦！望住個menu,心諗咩料呀，串燒舖竟然有北寄貝，仲要係兩食？不過因為太心急食，唔記得咗影埋另一個食法😖😖（佢食法食1. 浸北寄貝，同時會附上2.燒裙邊），簡直係1次過滿足2個願望！平時去到潮州舖食烏頭，我都覺得有陣泥味，但男朋友話試下，咪叫囉，點知廚師整既烏頭，我又食唔到泥味喎！另外，廚師極力推介off menu 既吊貝，佢話同平時食既扇貝唔同，佢厚肉好多，而且仲要係再鮮甜啲，以我甘中意食甲殼類海鮮，一定要食啦！(廚師話隻吊貝係仲活生生，佢仲拎出黎比我睇，個殼仲識自己開合）食物好食,老闆好客,會抽時間同客人傾談，了解食客既意見,聽聞佢地間唔中仲會做off menu 既野食，而且廚師都好好，話如果提前訂座，想食咩特別野食都可以問下佢，隨時有機會食物仲可以係為你而設添嫁，令我都忍唔住book 左枱order 海鮮（長腳蟹，鮑魚，瀨尿蝦）好期待呀…另外提一提,呢到會直播英超球賽,可以一大班人一齊睇波飲酒食串燒,簡直係一流服務。聽老闆講,平時舖頭收2點,如果有球賽/特別日子有可能會收晏d。
continue reading
一日係土瓜灣街頭嘅轉角位，見到呢間本地燒烤店，好好奇，所以就諗住搵日去試。今次星期日晚市時間去到，發現餐廳竟然只有一枱可以坐，又好好采咁岩俾我坐到。 老闆話生意差係咁，唯有做下外賣生意，外賣串燒又點夠新鮮好食呢，所以梗係要坐底慢慢試。海鮮、燒肉、蔬菜都試左，係度就淨係Highlight幾樣。「珍寶紐西蘭肉眼扒」好大塊，店員都會問你要幾成熟，我地嗌左5成熟。嚟到會切好俾你，食落好夠肉汁。「蒜蓉燒蠔」嘅蒜蓉似係自家製，好香濃，但稍嫌蓋過蠔本身嘅味。蔬菜類嘅串燒都好足料，串到滿一滿，孜然茄子更係大份夾抵食，必食之選。
continue reading