Video
3-min walk from Exit B2, Wan Chai MTR Station
continue reading
Telephone
28042522
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
今日和皇后在灣仔一帶揾食，在囍帖街一帶找到這間小店，感覺幾有泰國風味，於是決定入內試試⋯⋯黃咖哩雞~微辣的黃咖哩，啱晒我們不勝辣的口味，雞用上雞髀肉，無骨落地，懶人之選。薄餅$28~即叫即做，還切開一件件方便進食，可是咖哩到來已一段時間，待咖哩涼了，薄餅還未到來，幸好熱騰騰的薄餅和那和暖的咖哩中和番。🤭🤭生菜包~由於筆者和皇后都不嗜辣，所以點了小辣，辣度適中，奈何生菜和肉碎都是水份太多⋯⋯軟殼蟹卷~當晚筆者最喜歡這個卷，生菜、甘荀絲、芒果、軟殼蟹，酸酸甜甜，醒胃清新。整體來說:泰國小店，雖然人手少，但仍樂意跟單，會令客戶再次到訪。
continue reading
今日行過想食啲刺激少少嘅嘢，所以就揀咗泰國菜。下午1:00左右去食好，好彩唔使排隊即刻佢咁啱又一張枱。地方唔算好大，都有啲似喺泰國嗰啲普通餐廳，侍應姨姨應該係泰國，因為口音好似同佢講一兩句泰文佢都回應到你餐牌上面一開始係用泰文之後就係英文，真係要翻譯幾句先睇得明。聽日佢又午餐餐牌叫咗一個豬頸肉炒飯，泰式芥蘭菜。份量適中一個女仔都食得晒，豬頸肉唔會太肥，而且份量都正常。之後我哋仲嗌咗一個雞肉乾炒河，係我好鍾意食嘅泰式河粉，比起平時嘅河粉會長啲扁啲，而且黏啲，份量都好適中，撈埋炒蛋食好好味建議大家都選呢個做星期五愉快午餐，當然如果覺得油膩嘅話就可能揀飯會比較適合。午餐都有好多選擇，大概都係$80左右嘅價位。我哋最後仲叫咗個蟹肉奄列分享，相對嚟講，油會有少少，如果得兩個女仔應該食唔晒，炒蛋比例會多啲，都炸得幾香。
continue reading
平日午餐套餐。$75豬肉豬肉丸船麵可轉寬河粉，包凍飲。喜歡蔬菜多，有椰菜、通菜及各種泰式香料菜。湯頭甜，喝清光下午沒有口渴。肉片的肉質也不錯，沒有雪味像新鮮肉，帶一點點肥肉。肉丸小小的，彈牙好吃。下午一點多到達，稍微過了午飯高峰不用排隊。後面陸續有食客，生意不錯。店舖小小的，大概一共能坐下二十幾三十人。位置稍微狹窄。裝修極簡風，就像泰國小店。冷氣是足的，在爆熱的夏天很appreciate。滿意會再來。
continue reading
呢間泰國舖頭平民化又抵食，就係囍帖街隔離嘅豉油街。點咗個炒椰菜苗，即係Brussels sprouts, 炒得好香，唔會太軟，亦都唔會太硬，有蒜香味。跟咗點個炸魚，炸魚非常好食，炸得金黃色嘅，啲肉呢亦都好鬆化，你就算唔掂個甜酸醬都非常之好食。最後點咗pad Thai, 炒得好香口，非常之有泰國嘅味道。禮拜五我哋坐到9:00都仲有番枱，證明呢間鋪頭都唔錯！呢度服務好好，至於環境呢，坐嘅位置就有啲似大排檔咁啦，整體嚟講都幾舒服。
continue reading
膝頭哥就梗係唔食辣椒醬啦，但我嘅味蕾就好鍾意喇！位於灣仔嘅辣椒醬，餐廳由泰國人主理，而辣椒醬嘅店面雖然無乜泰式擺設，但其實係走泰國嘅地道大排檔風格（好彩辣椒醬係有冷氣）！加上主打嘅泰國菜食物，流露住泰式暹羅風。冬蔭公湯泰國菜嘅調味係隨著地區而略有不同，呢份冬陰功湯嘅調味偏甜，屬於泰國中部地區嘅recipe。呢個做法除咗令本身酸辣嘅冬陰功湯，加添一份層次之外，亦更容易入口，連小朋友都飲得。而且冬蔭公湯嘅大蝦份量相當多，口感彈牙，非常抵飲。生菜包生菜包嘅靈魂，當然就係肉碎啦！香辣惹味嘅炒肉碎遇上清新爽脆嘅生菜，係一道口感豐富嘅開胃菜。蒜蓉炒通菜泰國嘅蔬菜，第一時間一定係諗起通菜。呢碟蒜蓉炒通菜雖然唔係一碟複雜嘅菜式，但越簡單其實越考功架。鮮嫩嘅通菜炒得乾爽有鑊氣，配上濃郁嘅蒜蓉香味。泰式牛肉船河喺泰國食船河，分分鐘要食10碗，但喺辣椒醬，份量十足，一碗就夠。船河湯底味道濃郁，除咗用上豬血同黑醬油嚟調味之外，仲落咗花生醬令到湯嘅味道更香濃，配合埋肉質嫩滑嘅牛肉，真係隔籬枱見到都忍唔住叫返碗。
continue reading