御苑 (Closed)

難得可以係平日放假，約左姐妹行葵芳掃平貨，行到攰攰地想飲返個下午茶，見呢間酒樓既點心幾精緻，而且下午茶有特價，就決定試下啦比起普通茶樓呢度既點心比較精緻，不過精緻既都會比較貴，我地就叫左d下午茶優惠同幾樣特別既野食煎薄撐，雖然普通，但真係唔係度度都有得食，所以每次見到有都會點，呢度煎得啱啱好，外脆內軟，而且好好味鹹水角，都係點心必叫之一，好味鮮竹卷點心拼盤，每樣都好好味，而且啱晒我地口味，每人食幾件啱晒好得意既豬仔流沙包，只能說流沙包既餡真係好流心，不過就略顯個包有d厚總括呢餐都係好好味好滿足，又發掘到好味點心

中午飲茶，原本諗住去美心集團嘅酒樓，但見御苑少人排隊，所以決定一試。入到去見到啲枱排得好密，走廊好窄，坐得好迫。我們六個人一坐低，侍應放低兩碟花生，原來每碟廿幾蚊⋯ 六個人使唔使擺低兩碟咁多啊！茶錢每人＄13，三個奶皇包$39，一啲都唔平，貴唔緊要，但係唔好食，一啲都唔值！最差係啲服務，走廊好窄，導致傳菜困難，啲員工要求我們坐埋啲，冇問題，但係又冇禮貌，唔該都冇聲，好似命令一樣，食到一肚氣！總之就係，不可一，不可再！！

家人o係上星期日,約定12-9-2016 (Mon)晚o黎呢o度食中秋節晚飯,我就book o左7:00pm.呢晚我最先去到,我去到門口,爸爸話唔識去,叫我接佢,咁我就落返去,但諗諗吓有啲唔對路,平時訂o左枱前一日,必定收到佢o地o既電話,再確定有訂枱,但今次冇.於是我都係即返上去攞枱先.我向知客攞枱,佢話已經有人攞o左枱,14人嘛.我答唔係,係9人.佢睇睇,冇.佢問我電話號碼,又冇.果然冇幫我留.好彩仍有枱,於是我攞o左先,我行入去,疑似女經理o既睇睇,9個人,知客俾o既枱唔夠大,應該係六人枱,佢就話俾張大啲o既我.帶我行入去,又係上次o個張(上次食評: http://www.openrice.com/zh/hongkong/review/%E4%BF%BE%E9%8C%A2%E5%8F%97%E6%B0%A3-e2594934),呢張係大得多.我開o左茶後,同另一男經理講,呢張枱我要o既,但我要行開去接人.接完爸爸同佢朋友後返上o黎,繼續等齊家人,除o左二哥一家重未到之外,其他人都到齊,就唔理點菜先,呢o度o既套餐只有四,六,十二人餐,我張咭剩返o既分可換到$1,585.00,大嫂

但係勁後悔貪佢快冇人排貪走入食,服務除咗門口個姐姐仔之外,連黑衫既態度都衰到冇人有1)張櫈污糟咗有鼓油係到希望佢換咗張,第一個亞姐答我人哋個張都係咁嫁啦.咁你唔換我自已換囉,當時大把櫈冇人坐,又唔比, 咁我咪企係到囉,亞姐勒令我坐底,亞姐,一PAT鼓油雖說已經索咗入去但我摸到粘粘地,我都係驚整到個PAT PAT污糟啫,你哋可能慣咗黑色衫公司洗冇所謂,但我係喎.我條裙淺色同埋我要自已洗,可能你哋係後欄慣咗污糟,當廳面都係後欄掛,2)PAT低二碟前菜後,我點叫人都冇人應我落單,好忙咩,忙吹水死未,幾個女既圍住個男黑衫係到係咁傾傾傾,傾得興起仲摸下個男黑衫手肶,你情我願既又唔係話唔得,一來應咗我幫我落咗單先再傾好唔好,唔該,二來廳面囉,好好睇咩3)叫乜冇乜,我想叫澳龍食,佢話太夜冇啦.睇一睇錶,嘩,乜成夜上8點鐘嫁啦.唔好意思囉,我係6點放工,執埋手尾6點半落車場攞車,再返娘家兜埋二老,再嚟到新都會廣場塞入去停車場,入到去泊到架車再一路行一路睇下有邊間唔駛等位,結果路經既間間都要等,行下行下先上到嚟,再浪費咗15分睇你哋吹水冇人應我既情況下,我8點先叫到你埋枱落單,咁就太夜咁咪當係我錯囉,8

星期六约左舊同學來葵芳飲茶，見唔洗等位，就選擇了御苑，這裡裝修光猛明亮，服務員有禮。揀了五款點心，味道—般。金牌鲜蝦餃: 外型美觀，蝦肉算多，但不夠爽。安蝦咸水角: 餡料略少，味道較淡。鮮蝦炸春卷: 外脆内軟，但蝦肉較稔。蜜餞叉燒腸: 义燒肥痩適中，加了芫茜—讚，腸粉外皮薄，但不夠滑。香滑奶黄包: 包身軟熟，咬—口後會回彈，奶黄也香滑。點心價錢略貴，難怪星期六中午也不用等位。

21-5-2016 (Sat) ,約定二哥一家返o黎攞o野,我就乘機約晒所有人食個晚飯,用埋啲分.於是又book 6:30pm 8位.我o地又準時到達,原本又睇套餐,但同上月16日晚食o既一樣(o個個食評: http://www.openrice.com/zh/hongkong/review/%E4%BB%BD%E9%87%8F%E5%B0%91-e2572711),大變到,於是散叫,由大哥決定,我就只要求粟米魚塊,依家睇返張單,點解變o左$148.00o既粟米龍躉塊咁貴? 大嫂就為我叫個雲耳勝瓜炒藕片,我就話叫多個爸爸可以食o既菜啦,佢o地就揀o左啫啫通菜煲.決定晒喇,最後係食o左:1. $98.00o既海皇冬瓜盅由侍應幫我o地分,我個碗只有冬瓜肉,金華火腿同瘦肉粒,睇睇老公o個碗,點解有帶子,蝦同勝瓜o架?侄女o個碗都係好豐富.有冇攪錯呀???點做o野o架? 個湯唔會太鹹,清清地咁啦.6. $88.00o既雲耳勝瓜炒藕片味道淡,普通吧.4. $358.00孖寶(E)裡面o既御皇脆皮燒雞半隻顏色好靚,我只偷食斬出o黎,甩o左少少o既碎,係皮脆肉嫩.5. $78.00o既啫啫通菜煲

之前約定家人o係16-4-2016 (Sat)拜祭先母,然後夜晚一齊食飯,啲分唔用就益晒御苑o架喇.我早前都已經打電話o黎訂台,佢o地星期五,六,日都指定客人只可訂6:00pm或8:00pm o既枱,而且限2個鐘內交枱.咁我book 6:30pm啦,早食早著.佢俾o左一號枱我o地,即係一入門口第一張,我最唔鍾意咁o架喇,我o地8個人都唔算好肚餓,由於我要戒口,就由大哥佢o地諗o岩佢o地食o既o野,如蒸鮮鍋,俾佢o地食海鮮,但二哥話佢o地伶樣o野都要叫兩份起,所以唯有放棄.決定叫個$1,380.00o既全包6人套餐,免茶芥同加一服務費,再另叫o岩我同爸爸食o既餸.套餐有:1. 兩前菜:a. 脆皮燒腩仔係五花腩,佢o既芥末係開稀o左,有啲似麥當勞o個啲醬,易入口啲唔太嗆,皮係脆,油脂就一定多.b. 刀拍爽青瓜呢個我唔敢食,因為驚佢係有釘o個種青瓜,二來應該係辣,我又唔食得.不過問吓家人,大嫂同老公都話係辣辣地但偏甜多,老公話爽口好食,但我仍唔敢食.3. 薑蔥焗本灣肉蟹2隻擺上o黎嗅到好香薑蔥味,蟹係蟹公,冇乜糕,我又只可食少少(俾我食隻蟹拑都得o卦 :upset ,少少蟹肉都食到幾鮮.二

每次來到葵芳工作， 午餐時試過數次想去潮庭或北京樓， 但都無一次去到， 每次等位枱數都不下20 枱， 唯有放棄。 跟住便會到樓上御苑， 通常都有位的， 今天亦不例外。 非常肚餓， 立刻點點心， 選了有: 蝦餃- size 適中， 肥豬肉亦不多， 皮都算薄燒賣- 這肥豬肉就略多些潮州粉粿- 皮好chewy,  內有好多馬蒂， 好爽 鳳爪 - 不大牒, 都有5-6 隻, 味道亦ok炸雲吞 - 呢個我無食到, 但聽都隔離食時卜卜聲, 好脆煎腸粉 - 煎得太耐, 皮幾硬呢蒸叉燒腸粉- 不錯, 係皮厚了少少 煎薄撐 - 賣相ＯＫ, 我又係無食到山竹牛肉 說實話， 我覺得他的點心不差， 環境亦可以， 下次樓下的2 間美心系無位， 我亦會再來。

今日(2-4-2016 Sat)等老釣放工後,返荃灣前,為o左用積分o黎食個晏,我o地接近2:30pm o黎到,原以為要等位,點知唔使.我o地被帶到擺酒區廚房下尾二o個張四人枱,我o地研究o左要咩食,就落單,等成15分鐘至開始有o野食.1. 中點o既XO醬南瓜甫面上有好多蝦米,感覺好抵,但原來就只係蝦米多,XO醬得一個五毫子大小,少到離晒譜.南瓜甫少少甜,冇乜特別.2. 中點o既時菜鯪魚球Size適中,味道口感都係正常啦.3. 中點o既香煎蘿蔔糕未至於一夾就散,但都唔係話好硬淨o個隻.口感接近腍pat pat,蘿蔔味淡淡,不過夠鹹,我冇蘸豉油食.而個辣醬,感覺唔係食開o個啲是拉叉,老公話似係泰式酸辣醬,好古怪.4. 大點o既金粟雞蛋腸粉呢個完全唔熱,好過份,呢啲腸粉有咩特別吖,咪淡茂茂.5. 中點o既新鮮腐竹千層滑好濃腐竹味,內裡係滑,OK o既.6. 大點o既百花釀魚肚蝦膠我只係一小啖就俾老公食,魚肚索晒啲汁,幾鹹,口感就o岩o岩好.7. 中點o既芝麻豆沙角正正常常,冇乜問題.8. 中點o既金沙煎堆仔又咩金沙煎堆仔呢?老公食先,係奶黃餡,睇見唔係流心,o岩o既,人o地冇話係流心,我食

10-1-2016 (Sun)晏晝同老公食完甜品,又去埋太子還o野後,就返o黎9-1-2016 (Sat)擺酒o既呢間酒樓攞乳豬回門.乳豬唔算好重,爸爸應我要求切成幾份,豬頭同尾就一定係俾我同老公,其他就分俾我爸爸,大哥二哥同老爺四家人食.我同老公當晚就送去老爺家,順便食埋晚飯.乳豬皮脆,但唔明點解皮下脂肪有成2cm厚,肉少.鹹度適中,只蘸少少乳豬醬就好夠味.然後將乳豬頭同尾拎返自己屋企,到第二朝起身拎啲肉叮o黎食,雖然皮唔脆,但暖暖地又唔錯o既.最後o係12-1-2016 (Tue)朝,將個豬頭煲粥食.由於我冇落鹽,所以個粥唔鹹,個人覺得,呢隻乳豬鹹淡適中.PS: 擺酒o個晚食o左佢三款餐前小食,有春卷,杞弛桂花糕同唔知咩酥.春卷好脆,鹹淡亦適中,內裡o既肉碎饀唔太多.杞子桂花糕唔太甜,一般.而o個晚我就一定冇乜點食o野,堂食就食o左啲乳豬,蝦球,蔬菜,沙拉蜜桃海鮮卷,竹笙雞燒翅,石斑同紅豆沙.呢啲普通,而酒樓都幫我同老公裝起原隻鮑魚,花菇同燒雞,等我o地拎走..到第二朝我o地就食,原隻鮑魚預o左唔大隻;燒雞就最好食,味道好夠,但留得好少.抵食係2.5分

為左食平啲啲， 所以周六特登等到兩點幾先去飲下午茶，點知入到去先知中伏，原來周末冇下午茶叉燒包：啲饀唔係加左色素既鮮橙紅色，食到入面汁太多，饀份量一般啦，要括走啲汁先食到。饟虎皮椒：啲油多到好似唔洗錢咁，要用紙巾吸咁啲先食。海皇翠玉餃：個蝦係爽口，但入面有啲饀林patpat,可能係瓜，令到個口感好古怪。擂沙煎軟糍：呢個甜品，食落有羅白糕味，應該係用同一個鑊來煎，所以變左咸味甜點。個皮太厚，入面既擂沙饀比例太少。

約o左女友人WK尋日(20-7-2015 Mon)同我出尖沙咀揀衫,出發前先整眼鏡同食個晏,約佢到葵芳,去邊間食好呢?由於時間尚早,就o黎呢間飲茶,順便試佢o既菜,WK 又可睇到個場.我o黎到,WK竟然俾o左擺酒個廳o既窗口位,佢話出面冇細枱,啊.我o地叫o左:1. 中點o既香煎蘿蔔糕睇到煎得唔過火,食落,味道淡但有蘿蔔o既甜,但蘿蔔絲同粉唔多,所以口感係好鬆,其他饀料都唔多,.比較遜色.而亞姐只俾碟辣椒醬,甜醬又唔俾.3.  大點o既蜜餞叉燒腸叉燒幾乎變絲,唔太甜,內裡好似冇芫茜,唔夠香.4 中點o既薑蔥牛肉餃呢個係WK好奇下叫,擺上o黎曷我嗅到薑味,呢個係將炸o左o既牛肉餃又放返湯,咁樣食蛋皮感覺怪怪,一啲都唔討好.內裡牛肉味就係山竹牛肉o既牛肉丸,不過味道都夠.2. 大點o既鮮蝦香芒筒呢個我當我試擺酒o個日o既試菜,叫做炸得o岩o岩好,內裡o既芒果甜甜地,但我好似食唔到蝦肉乜滯.味道係2.5分, 服務係2.7分我o地冇為意佢大,中,小點o既價錢,但o係o度參考返其他會員o既食評,就知道大點係$28.00,中點係$26.00,由於我用積分埋單,佢o地俾我o既收據係用o左3,000分

幾好食 可惜太高層 所以好似冇咩人整體幾好食 由其係叉燒 係暫時食過最好食既叉燒! 又"林" 又夠味雞還可以 唔會太勁雪味 都算"林"龍蝦就麻麻 冇咩肉地 伊面就好普通都係叉燒最好

第一次... 食物好一般... 服務又好一般... 都好一般..芒果布丁有中和大點.. 服務員不知道..messy.. but same product. The fish rice, colleague doubts if it's that fish specified

約左朋友一齊團拜, 去了葵芳飲茶, 呢度新開張, 佈置都好華麗的, 人都好多, 我們5個人叫左一些點心, 炒左一個米粉.點心選擇都幾多的, 新年一定係冇特價架啦, 加上我們食晏時間嚟, 全間酒樓都係人, 好彩佢D枱都唔算好迫.蝦米煎腸粉, 幾GOOD喎, 煎到金黃色咁. 雖然冇豉油但都好味, 叫仕應攞醬俾我地, 但食晒食碟都冇人攞嚟. 橫財就手, 南乳炆豬手, 朋友話幾淋入味, 我都食左一件小的, 都OK呀, 唔會好肥, 都幾香南乳的味道, 有少少髮菜. 薑汁糕, 呢個幾軟身, 有少少薑汁的味道, 幾香喎. 鳯爪, 菜苗餃都正常好味, 叉燒包都好軟身好味.  仲有壽包, 朋友話蓮蓉好香的, GOOD. 最後還加了一碟火鴨絲炆米粉, 這個都炆得幾香呀, 濕濕地咁, 幾OK, 又多料的, 唔會太濃味, 有火鴨絲, 雪菜.我們坐左好耐, 然後要交場先走.