湘川滬 (Closed)

要了兩個紅燒魚趐套餐，每個$98套餐包括有一個冷盤小食，一個魚翅，一個小菜和甜品．個魚翅的味道唔差只不過唔覺有翅，個冷盤和小菜都好好味，不過d份量唔多，男士食完可能都會唔飽．環境就幾好喇!唔係太多人，待應的服務態度又夠好．如果散叫可能會優惠d．

小籠包- 皮薄必穿! 唔知點解包底總係有窿, 任你點小心, 包裡面d湯都會流出. 味道可以.北京水餃- 蒸無湯, 幾好味, 肉份量比菜多, 所以感覺無咁清.怪味雞- 係唔同食肆食怪味雞都有唔同味, 今次呢度就係麻辣味重啦. 將雞肉切粒, 肉質好淋, d辣味都好入味, 加埋青瓜花生, 算係幾好.上海炒年糕- 年糕幾煙有口感, 但豉油過多.服務可以, 但就太快手啦, 一夾起最後一個小籠包就已經收籠同碟醋, 想講要番碟醋, 侍應已經走好遠啦!

仲記得呢間野幾年前0岩0岩開0個陣日日都好多人~ weekend 更加企滿個門口父親節前既星期五~ 度度都full 哂~ 呢度竟然有位wow~book 0左7:30, 7點去到~ 冇乜人,應該唔使book 位都得點了幾個小菜,醉雞, 一個大魚頭, 小籠包等小菜細碟就預左, 小籠包只係算合格個大魚頭漏單不特止~仲要唔好食成百幾蚊tim~見檯面寫住8:30後唔知7定8折不過去到8:30都有吉檯好唔好食可想而知。

五日假期之第二天，不能像day 1一般只顧著玩了。　上午與同學仔在葵芳starbucks傾完project，見順路就回公司清了一清emailssssss，然後等夠鐘去試湘川滬的超值下午茶。　所謂超值茶餐，即是免茶免收一，由$18起的湯麵、小炒、點心類茶餐。在於環境靚又平日消費貴的湘川滬，實在是非常之平；是日就點了一個鱔糊湯麵餐，只索$18，另點上海春卷，也才$10份。　首先是來一盒茶，獨斟，有點無味。再來隨餐送的豆漿，凍的，亦是無味，明顯滲過水，差。食物就等了好一段時間，鱔糊與湯麵分開上，更看/吃得清楚明白鱔糊是碎貨，口感差毫不彈牙；湯麵無問題，不過欠了主菜，再好也不成氣候吧!好在有春卷取回不少分數，新鮮熱辣剛炸起的春卷香脆無比，而且吃得出皮極薄做得細緻，唯一要彈是油了少許吧!　埋單$28，不貴，不過食物無特別，並沒有非試不可的理由。而這次要刻意光顧，只因來此店不下數十次，每次消費近百；今日終於用平價食它一餐，心理平衡一點而已!

女朋友放假，跟她母親去食下午茶，叫了個麪餐，雞絲粉皮和芝麻湯丸。下午茶餐的份量是少的，麪亦過於淋身，那個價值$18的雞絲粉皮是用家用的豉油碟上的，少的可憐，待應是站到老遠的，加點茶也困難。最好食的還是那個芝麻湯丸，和跟餐有豆香的豆漿，但都不能吸引幫襯多次，因我還清楚記得有晚十多人來食晚餐，每人付百來元卻要靠那個蛋白炒飯填肚才飽，問你怕未!

此店服務態度本來不算太差，但一個甜品可看出一個人的態度...星期天，一行九人，有老有幼出來晚飯，記得多次同朋友來都有甜品送，便問了個穿淺綠色?衫的女侍應（其他侍應都是黑衫的），誰知女侍應突然黑面話要問問先知有無得送，很快就笑到合不了口的走過來說所有甜品送晒?!本來不知佢講大話，便結賬離座，在門口忍不著問問經理，點知經理就話只是其中一樣甜品送晒，仲有其他的甜品送給客人吃的... ...

優點：一、醉雞實在好吃。二、剛『幫襯』的時候，是過去的星期五晚。人流不算旺，所以，服務不錯。我們的一位朋友因事而遲到，我們請侍應把食物弄熱。侍應給我們一個新碟，把想弄熱的放在一起。十分週到。缺點：我們點的，是一個八人餐。落單後，食物竟然很快便送到桌上。問題是，我們不單不能優閒地享受食物，食物不久便冷了。

一直覺得湘川滬的菜式好吃，早前因意外而生意大減實在有替它不值之感；終於事件丟淡，同事的last day，來了這裡午餐。　實在喜歡這裡的茶款多，平均來說都不錯。冷盤有雞絲粉皮、醉雞、水晶肴肉，都是水準之作，就是比同區的新天地高一班。主菜就有點參差，最先上的酸辣湯酸了一點，至於松子黃魚、梅菜炆豬肋骨及榣柱時蔬都很美味，尤其是酸酸甜甜又脆口的黃魚，讓人停不了口；上海炒年糕、醬炒蝦球帶子片就一般，後者不是不好吃而是太漏。最後的豆沙窩餅不太油，甜味又適中，吃完就飽到十足了。　最後：離開當然有不捨，但我會為寶寶感到開心的。媽媽及寶寶都要珍重!

上面題目，到葵青劇院就知道，筆者就是因為這個而來。適逢下午茶時間，當然會順道光顧這裡，找了一個靠邊開陽位置，而幫襯的其他顧客不多，都算幾寧靜尤閑。下午茶選擇頗多，點了三鮮湯年糕加一杯涷豆漿，而不計加一茶芥而送上的香片茶需不是自已的愛好但都不俗，香味尤然。三鮮湯年糕做法正宗，紹菜、雞柳、上肉、雞肝、河蝦、鮮味上湯等，唯獨欠了火方，不過年糕夠軟糯而有清甜味道，不錯；豆漿是小甜的但豆味不夠濃，在此掛上海菜頭牌的食肆，這豆漿就好像不合格了。服務不錯，地方乾淨，下午茶價錢可算超值，是不錯之選！不過淮楊菜始終不是筆者所愛，一來經常出差江浙地區，很多地道及正宗的淮楊菜已嘗過；二來淮楊菜的濃油赤醬亦不是自已的哪杯茶！

見到之前個食評，有D pt同意：1.我地就叫左一個四人餐，再加兩，都抵食！2.醉雞—好滑、好有味(酒味好重)3.人蔘烏龍茶，好好味，好甘，好潤喉﹗4.衰既野係，唔知點解冇問我地，就send左我地去坐吸煙區﹗(簡直係一樣呀！攪到我成頭煙味！)不過，有服務就真係有要改善了！1.落單時，我地睇錯套餐，其實分別只在於個湯要普通野，還是翅。只係改這些，個落單姐姐就好唔耐煩了！2.之前個食評話好處係無乜人，可以坐耐些，但我地坐到十點左右，幫我地加熱水的，已面有難色了！3.最衰就係我地埋單時，問佢地有邊張card有折，個姐姐話HSBC有九折，我地特找這張card找數，還問這個數九折了嗎？但回來卻跟原來的一樣！好彩我地後來發現，唔知佢真係唔記得，還是......

2/9日星期六同朋友一行六人到呢間餐廳食野﹗叫左一個六人餐，好似叫咩良朋歡聚餐咁既~~都幾抵食﹗可以在提供的餐單上選冷盤2款、熱葷1款、海鮮1款、魚1款、麵點1款、甜點1款。冷盤2款：1) 醉雞—好滑、好有味2) 雞絲粉皮—都ok魚1款1) 松鼠桂魚—好味熱葷1款1) 蔥油淋雞—有d鞋，不過都ok海鮮1款1) 銀杏蝦仁—好多、好味麵點1款1) 小籠包10夥—普通、趁熱食都幾好食甜品1款1) 豆沙鍋餅頭頭覺得d冷盤好細碟，但食到後尾已經好飽，個蔥油淋雞已經唔係好食得落lu。另外，去食既時候仲做緊promote，$1一隻蟹粉小籠包(1人限1隻)不過除左個饀粉d之外，同普通嗰隻都冇乜分別﹗值得一提既係：人蔘烏龍茶，好好味，好甘，好潤喉﹗同埋冇乜人，可以坐好耐﹗衰既野係，唔知點解冇問我地，就send左我地去坐吸煙區﹗

昨晚約了姑姑簡小姐在新都會廣塲,唔知食乜好,最後選了大家都未食過既湘川滬.大約六時半,可能早,只有三幾枱客,我們選了卡位.環境都唔錯.order (1).涼菜四季豆,OK唔太油,(2). 鮮茄窩巴,飯焦很簿很脆,但茄汁太稀.(3)菜肉湯餃,唔錯!皮簿菜多.(4)紅燒黄花魚,好難食,黄花魚肉應是比較滑,但它是"梅"的,又有点醒. (5)一碗菜飯share,未食過咁爛和咁差嘅菜飯,又油又爛,Ｄ菜巳轉淺啡色.(6)蟹粉小籠飽２隻,waiter話一元一隻,我們即管試一隻啦,又係又油又醒.味道怪怪的.雖然價錢唔貴,但不需再來了.它做的湖南四川菜,一Ｄ都唔專業,如在大陸隨便找間小店也會比他好吃得多.用獅子卡有九拆

每次黎我都會叫醉雞同小籠包, 事關係我附近食過最好味, 但真想同佢再講糖醋魚塊唔使放咁多醋囉....未放落口己經拱鼻那.... 之前同佢講過但都無乜改善....所以都唔敢再叫我最鐘意呢度既人蔘烏龍荼, 好好味! 呢個真係唔係間間有, 反而其他碧螺春呀個d就common d.服務態度都幾好架, 有次去食同我地換左三四次碟, 好!野食又唔係真係好貴.... 有咁既園林景, 仲有食物質素同服務, 都算ok架

7月15號晚，一行7人去食飯。叫左一個6人套餐加些小食，有冬瓜湯、元貝浸時蔬、松鼠魚、炸鴨、上海炒年糕和小籠包，味道不俗，招呼也不錯，整體感覺很好。

今日午飯時間充裕,同同事可以慢慢歎個靚飯,佢話不如食川菜咯??即時拍板去湘川滬。踏入門口由一位應該係經理既男士拉門,經過每個侍應都同客人打招呼,呢樣幾好,但係呢度只適合商務午餐/家庭聚會,唔多適合二人世界撐檯腳,因為d侍應姐姐經常係你旁邊準備,換個角度就係好容易搵到人幫你。食川菜梗係由四川姑娘渣fit lu,今日豪食左:夫妻肺片: 紅卜卜油淋淋一碟野@_@ 裡面有牛頭皮、牛肚,前者un un地似牛筋,後者好淋,無乜口感,味道少少辣,不過真係好多油。紅油抄手: 豬肉饀味道幾好,雲吞皮薄,個汁甜甜地又幾好味,呢個唔錯。小籠包: 入面好多湯!!肉饀同抄手d應該係一樣,所以味道都幾好,皮唔算好薄但都可以接受,點d薑茸醋就好醒胃。素菜包: 外型白雪雪好飽滿,入面好多菜、冬菇粒,味道比較清,食左咁多濃味菜之後,用黎清下味覺都幾好。擔擔麵: 好大一隻碗!! 麵條頗彈牙,麻醬味道唔重,不過湯又幾好飲。碧螺春: 味道ok,但覺得未夠香滑,或者係自己買既茶葉比佢更好,所以被比落去。我未食過正宗川菜,所以唔知應該係點既味,以四川同事所講味道唔算太正宗,都係已經改良過,不過已經算幾ok。