湘川滬 (Closed)

一家人食晚飯, 本來已頭痛去邊度食好, 加上大佬九點半先收工, 更加頭痕.... 最後上OR睇下屋企附近有無地方有特價時段, 俾我搵到湘川滬, 見幾多好評, 所以諗住打電話BOOK枱, 點知伙計話10人以下無得BOOK, 於是九點多就去攞位. 一心諗住要等一陣先有位, 點知原來得小貓三兩隻, 所以一去到就直入大枱....坐低後, 先睇睇特價食品, 成張點菜紙都係半價, 好多餸都只係廿幾蚊, 都幾平, 但唔算多野揀我地六個大人, 一個小朋友, 點左好多野食. 大家都飽到行唔郁咁滯...蒜泥白肉 (無特價) - 呢個雖然無特價, 但我地一致同呢個小食係最好食, 蒜泥好香, 但份量較少, 每人只分到少少...花彫醉雞 (無特價) - 又係無特價, 但同樣地唔錯, 酒味好香, 雞好嫩滑菜肉雲吞 - 好抵食! 只係12蚊, 但有五隻小籠包*2 - 好多汁又夠熱, 皮唔算簿, 但合格麻婆豆腐 (開頭侍應話無豆腐, 但唔知點解結果有...但我地覺得唔好食, 所以退左) - 食一啖己感覺成日麻晒, 好勁既麻, 但一d都唔辣. 我地成家一致認為唔岩胃口糖醋魚塊 - 開胃既一味餸, 糖醋醬汁好鮮甜, 但只

黃色的生日宴意思是大家plan了很久的終極埋伏最終黃左，仲要衰係一個九唔搭八的看更手上，真係吹漲。既然生日沒有驚喜，就大伙兒走到附近的酒樓吃晚飯。人數眾多，店方安排了最大的檯給我們，仍然需要坐圓橷。擠迫一點其實沒有所謂，最重要大家開心。或許是被看更篤爆，大家心有不甘，飯前先把四筒雪糕幹掉，肚痛的食友也以毒攻毒，起勢咁吃。店員見到都嚇得目瞪口呆。由於是晚太開心，志不在食，點菜亦不是由我去打點，且菜色繁多，不一定能把全部菜色都記過，反正記得幾多就跟大家分享幾多吧！先來涼菜，我最喜歡的是油燜筍，味道微甜，竹筍爽口，感覺是很清爽，我吃了不少，但在座的各位好像對此沒有太大興趣，都不起筷的，是我口味獨特嗎?還有幾款四川涼菜，夫妻肺片幾新鮮，但麻辣味尚且不夠；蒜泥白肉，薄薄的幾片，蒜泥味再重一點就好；口水雞，肉質尚算嫩口，就雞味久奉，還好麻辣醬汁調校得宜。食友喜歡的酸辣粉，不過這裡做得一般，粉條不滑，辣是辣，但不麻；反而臭豆腐幾過癮，臭氣飄逸，炸得香口，點上甜醬食味道不錯，但始終沒有街頭檔口的風味。主菜方面也點了不少川菜，麻婆豆腐是只辣不麻，似是廣東式的做法。講起麻婆豆腐，很多人會以為是廣東菜，因為

9個舊同學聚會叫左個8人套餐因為聚舊成份多...冇咩留意餐牌食d咩只知叫左個8人set埋單1千多少少都算ok抵食啦服務都ok...同d侍應姐姐講下笑..知客幾有禮貌

星期六11:00AM - 4:00PM有半價, 一於同J飲下午茶啦.小籠包: 4隻@$15, 多汁, 熱騰騰, 好味道.三鮮窩貼: 4隻@$11, 外皮煎得好脆.豉汁蒸鳳爪: @$6, 八角味, 好香好好味, 比其他酒家做得出色, SUPRISE, 推介.排骨湯拉麵: @$16, 排骨用了鬆肉粉, 太人工啦, 不好味, 但是, 拉麵和湯底好味.甜品: @$4, 紅豆沙, 大粒紅豆, 唔錯.茶: 龍井, 好香, 上等茶@$6加一, 合共 $71半價可嘗湘川滬確實好抵, 品質有保證, 推介半價時段.

一向都唔太鍾意食上海菜..覺得好油膩...而家又味味都好多肉咁..不過今日老公話想食小籠包...好啦...就陪佢食一次...等埋老公收工之後就去左湘川滬食飯...7點左右去到...唔使等位..仲有卡位坐tim...紅燒豆腐: 清清地...冬菇炆得好入味..豆腐係白福豆腐...好滑醬爆雞丁: 無出面整得咁油...好多雞丁...抵食..上海小籠包: 正....好多肉汁...皮又夠薄...一定要試...上海炒年糕: 好味..枱枱都叫...砂鍋雲吞雞: 雲吞好味..細細粒..雞肉嫩滑.夠多菜....湯底又唔油膩..多人必叫...嫩雞煨麪: 普通一碗麵...無咩特別..雞肉有d鞋樟茶鴨: 燒得太乾身...食一兩件就唔想食了...值得一讚既係服務好好..侍應姐姐不停加水..上菜又有禮貌...唔錯...

有朋友說這裡不錯,各老公便來晚飯試試。皮蛋豆腐,睇個樣都知唔得,得pat汁,豆腐薄薄,皮蛋"lar"喉。皮蛋豆腐,舊時在威靈頓街有間台式茶軒最好食,豆腐大件,而且有肉鬆,而家除左自己整,暫時都未食到好食既皮蛋豆腐。炸醬麵....真係唔係講笑,極之港式!!唔可以話佢唔好食,但係黎到呢d食上海菜既地方,唔會expect食到咁既「風味」law…..!除左食例牌野外,試吓小菜。雞湯芺蓉燕窩,哼!完全無味,連醋都無俾,o個d所謂「燕窩」,樣似冬瓜蓉,少少爽口,都唔知咩黎。仲有拌碟的西蘭花,硬既!「生」既!白烚時間唔夠!小籠包,做得有板有眼,有湯汁。不過因為前那幾樣食物,已令人沮喪,覺得此肉汁/肉味不鮮甜,皮不夠薄,近頭位置更是要o趙。價錢唔平,咁既質,更覺「蝕桌」!

早前試過一次.還送左一張coupon.正價食滿$200可減$100蚊..九時後食最低有半價黃金流沙硬豆腐$58..個皮用咸蛋黃做.豆腐好滑.睇賣相以為個皮會好脆.食完會好餾. 豉汁蒸回頭魚$88..一般河鮮.個仕應介紹用椒蒸會好食D.怕叫了豉汁蒸.小籠飽(4隻)$22..個皮都算薄.夠熱多汁.砂鍋獅子頭$60..不會容易散開似碎肉.味道不錯.燉雪蛤紅蓮$32..雪蛤好多.味道剛好唔會太甜2個人食都食唔晒..4個人食就差唔多.

三個人....食左:酸辣湯 - 估唔到 OK 喎..$18 一碗...小籠包 - 都叫皮薄多汁.....絕對不比翡翠輸蝕素鵝 - 乾得滯..春卷 - 唔錯...不過冇乜特別糖醋骨 - 最好味係呢碟....酸酸的....好好味....而D肉又唔會乾.....三鮮炒拉麵 - 唔錯埋單 $310

零九年二月中旬晚餐約了朋友傾比國家大事更重要的課題，就是旅行大計，急就章的關係，結果來到這裡。早前裝修過，環境好上一點，三人來也可吃多一點未試過菜式，分別要了砂鍋雲吞雞、東坡肉、鹹蛋黃南瓜，朋友又要了燴麵打底。砂鍋雲吞雞，重點不是雞也不是雲吞，是啖湯，煲得奶濃的湯底有豬肉帶起的甜，夾有雞的成分，喝起來美味，雞不是燉得骨肉分離，吃起來肉還嫩的，當餸吃還可以，雲吞很削，肉是酸的，豈有此理，朋友笑說九十餘元，是咁上下啦，反正無幾多人分得出是酸味還是肉味，哈哈，朋友的說話有時也有道理。東坡肉的汁味道很薄，欠酒醇，脂肪的部分不會炆得差，問題在於瘦肉部分纖維粗糙，朋友說味道汁還汁肉還肉，是汁太薄的關係吧。鹹蛋黃南瓜，一甜一鹹，唔知吃緊乜，南瓜都係打爛輟成蓉，蒸到糜爛一啖過吞落肚來得乾脆利落。燴麵湯底與雲吞雞同出一轍，十餘元一碗，吃得過吃得過，麵是燴得粉腍，朋友吃不慣，自己卻覺得不錯，是真正燴過的爛麵。服務一般，勝在環境闊落唔嘈，食物維持原判，是區內最似樣的滬菜館。朋友作東，在此謝過！以下價錢是約數。

情侶約會, 食得西餐多, 偶爾轉轉口味, 食下上海湖南四川特色菜, 擦出新鮮感, 我和J試了以下菜色, 味道不錯, 所以介紹給大家, 有機會可試一下啦:干煸四季豆 $55: 好香甜的四季豆加上炒香的肉碎, 配白飯一流, 好味 紅油抄手 $28: 紅紅的辣油加上甜醬油, 少少辣, 雲吞好滑, 適合一些不大吃辣的一族糖醋排骨 $55: 肉質十分嫩, 糖醋醬汁好鮮甜, 很開胃的一道菜砂鍋獅子頭 $60：砂鍋上桌, 賣相不錯, 食肉一族一定喜歡 二人坐卡位: 坐位舒適, 夠privacy, 不會被隔離檯嘈到, 二人細語. 再沖壺靚茶, 慢慢談心, 又是另一種浪漫. 香片茶, 晚市茶每位 $9 : 靚茶葉, 很香服務: waitress 快手, 上菜快, 服務ok這裡是情侶約會食中菜的一處推介點, 今個情人節試下中式情人餐啦

下午茶時段，我地一行四人坐底之後問可唔可以叫唔特價既食物，個阿姑好悔氣咁話：『叫返下午茶啦，抵呀！叫得先搵我啦』咁即係有冇答我呀？又點左幾樣野試下先啦：小籠包 - 皮厚，不過夠熱有湯~雞絲粉皮 - 用個豉油碟裝住，味道還可，不過太多青瓜絲太少雞絲…~煎鍋貼 - 皮厚，唔夠肉汁，唔得~炒拉麵 - 太多油喇，麵炒得好『立』好漏~擔擔麵 - 黎到好大陣紅卜卜既辣油浮面，但係唔見左d肉碎既…試一啖湯先，唔覺好辣，反而好麻…跟住成碗麵都係得個麻字，冇其他味架喇~冇再點菜喇，食物又唔係好食…最主要係服務有問題，D阿姐要三吹四請先郁，冇禮貌>.<

呢度下午茶時段有Ｄ食品係有半價所以都幾抵食小籠包``幾好食要咗2籠,皮夠薄有湯包咗係裡面但一定要熱食唔係凍咗無咁美味雪菜肉絲麵,,Ｄ雪菜肉絲係炒落去碗麵到所以有好多汁味道唔錯但可惜麵較淋蒸排骨,,份量比潮館還多潮館個Ｄ全部都係骨同埋南瓜多過肉所以呢度抵過佢鮮竹卷.呢個我覺得都幾好但味精超濃食完好口渴瑤柱賽螃蟹.Ｄ蛋白炒得過火所以好老呢個麻麻哋2個人佰令蚊左右都ok抵食.呢度要收加一茶芥葵芳飲茶地方唔多多數去潮館但Ｄ嘢越嚟越差Ｄ侍應叫親都扮望唔到好乞人憎所以開心發現有間唔太差又平Ｄ侍應幾好招呼既地方飲茶,希望保持水準

今晚(2007年10月31日)跟男友一同共晉晚餐，因為他說今天特別開心，和他家人聚首後，稍事購物返回他家等裝修師傅工作，一切順心，所以他提議吃好一些，就到湘川滬吃吧。湘川滬大飯店集湖南、四川、上海菜於一身。可一次品嘗中國三大領導人家鄉菜。其中湖南菜：又稱湘菜，油重色濃，口味注重酸辣、鮮香、軟滑，以煨、燉、蒸、炒、醃為主，冷熱皆宜。四川菜：以味多、味廣、味厚著稱，及「七味」甜、酸、麻、辣、苦、香、鹹，「八滋」乾燒、酸、辣、魚香、乾煸、怪味、椒麻、紅油之特色。香港一般市民較熟悉上海菜，故不詳述。我們叫了辣爆羊肉片、紅油抄手、四川擔擔麵及蟹籽小籠包。辣爆羊肉片的確夠麻辣，很有正宗四川味道，只是份量較少;四川擔擔麵用一個大的像洗臉盆一般的碗子盛載，蠻有趣!加上它的顏色火紅 似的，令人如置身四川的感覺。下圖左)辣爆羊肉片($65),(右)蟹籽小籠包(每客限叫一隻,$10)我和男友晚上八時半入席，於十時離開，其間大江南北，無所不談。名稱地址電話/傳真營業時間 葵芳店葵芳興寧路12號葵青劇院地下1號舖 2615 1993/2615 1995 上午11: 00至晚上11:30 （星期一至六）； 上午1

記十一月中旬宵夜探班與零食作伴一天，至十時許接到來電，想呼吸下新鮮空氣，就來到這裡吃半價宵夜，傾傾戰況。環境很好，二人坐到卡位夠舒適亦夠privacy，又累又餓，隨手剔下幾味半價涼菜、小炒、麵點．．．涼菜方面，有滬式的雞絲粉皮、四喜烤麩，亦點了湘味的酸辣黃魚，亦有吃完亦唔知是源於那方的毛豆素雞。小炒是川味的麻婆豆腐，對方要了湯年糕而自己就要了菜飯，是次總算一次吃勻湘、川、滬了。雞絲粉皮做得好，粉皮爽嫩而麻醬夠濃香，四喜烤麩炸得鬆化美味，吸收了丁香、桂皮調的濃稠醬汁，味道十分對辦！比起大部份滬菜館認真亦很好吃！毛豆素雞看似滬菜，但是是四季豆煎後放涼，再配上炸過的豆渣而已，四季豆無挑去兩邊的「線」，吃上口極麻煩，素雞無特別，鬆鬆腍腍也不太差。酸辣黃魚，二人吃到頭痕，對方問是那門子的黃魚？面對著炸成的魚乾，對提問自然答不上嘴，酸辣汁帶著很重的香醋酸，一點也不辛，調味功夫很差，平白浪費了炸得香脆的魚仔。說過不該在非專門的川菜館吃川菜，為迎合市場口味做的川味，怎會好？麻婆豆腐，滑豆腐上淋上肉末炒香甜醬，下了些辣椒油，辛而不香並帶點港式的甜味，豆腐倒是不錯很滑亦有豆香，用作豆腦桂魚的話該很可口。菜

記十月中旬下午茶金融海嘯人人自危，擔心年尾無Bouns、擔心飯碗不保，聽說有不少的求市套餐，並稱之為「金融海嘯套餐」，趁有一點點的時間，蛇出來吃個平價下午茶，純粹因為這裡兩點半至四點做著半價優惠。半價優惠一直都有做開，只是次按大氣候下，大家對於「半價」、「折扣優惠」比較敏感而已，一人來，簡單地叫了碗嫩雞燴麵、雞絲粉皮及紅油炒手，一些半價麵點小吃。滬式的嫩雞燴麵，高湯湯底下了火腿，有肉甜及鹹鮮，麵煮得軟腍，質地不算差只是帶點黏牙的粉渣，雞肉略腥無可無不可的吃過，配料爾爾但湯底下了功夫，收十六一碗亦選足料抵食，起碼比起樓上「新天地」有心。心情不佳就想吃辣，叫來紅油炒手，皮談不上薄，包著夾了薑絲豬肉餡，軟腍不羶，味道方面只能說易入口，紅油是辣油加上甜醬油，很港式但對口味，用作撈麵是不錯的。一碟雞絲皮粉，下了濃濃麻醬，很重的麻香味，撈起煙韌綠豆粉皮，不錯，雞肉鬆腍浸過鹹湯，幾好。三味加起來合共六十七元，如此價錢絕對交足功課，難怪平日不少旅遊團來開茶會，會再來的，尤其在這個年頭．．．