湘川滬 (Closed)

事隔一個月, 都仲好慶上個月我老媽子生日咁之前家姐食過話ok, 服務唔錯咪試下啦入到去佢得好少選擇我地五個人, 叫一個北京填鴨6人餐首先等到發霉都冇人理我地啦~~俾成40分鐘我地食個冷盤終於隻鴨o黎喇, 有個老師傅o係我地面前片好勁呀, 佢連肉都片埋出o黎仲片得超hea, 大大舊你包完, 會發現變成變種饅頭咁大舊之後仲離譜佢個湯有豆腐, 之後個時菜係波菜老人家話唔可以放兩樣野一齊食, 唔係會結石咁我地問d侍應點啦佢地啞晒完全冇呢個概念之後佢地就當我地一家人係瘟神專搞麻煩咁個櫃面小姐同經過o既侍應講我地呢張桌o既人又手指指，又咀廟廟最後埋單近一千元佢隻鴨片完, 仲拎入去切幾條鴨絲同埋整埋個豆腐老鴨湯再加頭先個冷盤、時菜、水煮牛肉，生果咁就每人200元一隻鴨整幾味送then收我地一個去食鮑翅半席o既價錢我真係O晒咀我地成家人決定呢世都唔再去幫襯唔想再體會貼錢買難受o既滋味huffy:

8 點半後好多也是半價 , 勁抵 , 10 多個人吃 , 加起來也有 20 多款 , 埋單只得 $700 . 食物味道尚可 , 個人特別喜歡 南瓜餅 , 上到檯的時候 , 脹卜卜 , 原來是剛剛炸起 , 不多油 , 好薄 , 感覺有些像炸番薯 . 茶介 $9 一位 , 也可以接受 , 外面有些沒有特價也收 $10 一位 , 這裡也算便宜 , 下次一定會再來 .

昨晚一行七人到湘川滬吃晚飯, 分三輪點了以下餸菜第一輪)- 鎮江肴肉: 肴肉清爽, 一點也不肥膩- 糖醋排骨: 肉質嫩, 醬汁鮮甜 - 小籠包: 皮薄餡靚, 很喜歡那豐富非常的肉汁! - 砂鍋雲吞雞: 略為普通- 火腿津白: 津白腍, 易入口(第二輪)- 水煮魚: 賣相很討好, 鍋中佈滿紅椒, 但吃魚時嘗不到一點麻辣味 - 上海炒年糕: 味道普通, 欠惹味 - 醉雞: 欠一點酒味(第三輪)- 炒拉麵: 尚可, 不算太油- 鍋貼: 皮略厚, 肉汁不夠- 香蕉高力豆沙: 炸至金黃色, 頗大粒, 但味道不夠香呢!

見有四川野食個日去試吓我最喜歡的水煮桂魚頂！！一d都唔正宗無凉粉係底菜都無條得幾條牙菜又唔辣而且桂魚沾了生粉炸Ｄ魚尾魚頭炸到濃哂賣$138加埋一成$150蚊成碗我計過得只有9片魚超呃$食慣四川菜既人根本一食已知唔正宗~~千其咪試一食便知唔係個種味小籠包$22都ok既幾多湯汁、清炒河蝦仁做本月優惠半價$44但一Ｄ爽一Ｄ淋唔好食雪菜肉絲麵$32~麵好淋唔彈牙Ｄ雪菜就幾好~整體超唔得2個人叫左Ｄ飲品連加一茶介3佰幾食咗好似無食份量小又唔好食~~差！差！差！差！差！我好小咁彈法真係唔得

我尋晚7點去食，可能因為是平日而且時間早，所以人比較少，上菜很快，而且服務也很周到。點了「四人剔剔餐」+砂鍋雲吞雞+擔擔麵+炸銀絲卷「四人剔剔餐」，$418可以揀8樣野，算抵食。小籠包：夠熱、夠湯、夠味。水煮牛肉：10多片，每片都有半隻手掌大，好牛者必選。賽螃蟹：夠滑。雞絲粉皮：花生醬夠香夠濃。擔擔麵($23)：麵質一流，好咬口，不過湯不夠味。砂鍋雲吞雞（$98）：只屬一般，和其他食物比，它就顯得不值了...

昨晚9時後入席．．唔係好多人．．原來依個時段入席有ｄ菜式有半價．我地3個人叫左（1）　蒜蓉菠菜　($24) – 無咩蒜蓉味．菠菜味道都可以．（2）　甜酸魚塊　($30) – 雖然炸左．D魚都係‘梅梅地’．（3）　上海炒年糕　($30) – 味道一般．不過份量好多．但係論口感我較為喜歡食上海小館的．（4）　酒釀丸子 ($8) – 朋友食完無講話好唔好食喎…??（5） 小籠包 ($11/4pcs) – 掂喎!! 皮薄多湯同埋熱騰騰．好味!! 本來叫左南瓜餅．佢地叫人地埋單先話比人地聽冇囉．咁樣唔係好掂喎! 服務態度一般!!　另外，茶錢要$9一位．另加10% service charge．所以朋友話潮館會抵D．因為佢地冇加10%．

5個人食飯，沒有叫套餐，只散叫鍾意吃的款式。冷盤有雞絲粉皮及烤夫。粉皮入口滑身又不會好腍，花生醬亦夠濃，而另上的芥辣，味道較似千島汁。烤夫切得很大粒，但每件也很入味。砂鍋雲吞雞-我認為最好食不是湯或雲吞，而是雞，大家也不信上碟那隻雞，是經過慢火長時間熬製的，賣相還是很完整，雞肉很嫩口，亦有雞味。梅菜骨-與綠楊村相比真是差很遠，沒有鹹中帶甜的梅菜味道，而且濃濃的醬油味。紅燒黃魚-黃魚煎至金黃色後淋上醬汁，魚肉出奇地有鮮味，沒有一種平時食黃魚的怪怪味道。雪菜百頁毛豆-我覺得雪菜浸得太過透徹，失去應有的鹹味，毛豆的份量很少，每次夾都只有百頁。鹹肉津白-這個較為清淡，鹹肉的鹹度不夠濃。上海炒年榚-這個做得唔錯，味道濃淡得宜，而年榚煙韌得來也不會過硬，我一個人食了不少呢。小籠包-一客4隻，我沒有食。但友人的反應不錯。飯後還送甜品，是綠豆沙。夠真材實料，起沙得來夠多豆，合晒我心意。很久很久OR的聚會中，送過一張VIP咭，原來只得9折，其實HSBC都做到。

有很多時中午時份,唔係飲茶就係茶餐廳醫肚,隅而會到這裏午膳.這裏有一些套餐選擇,但內容多數是一些大路款式,如果是第一次來,都是不錯的選擇.今天三人同行,又不想吃太飽,所以叫了,口水雞,擔擔麵,炸醬麵及梅菜包.口水雞個汁唔錯,少少地麻且辣,而講到雞肉,現在香港食肆九成九都用雪雞,唔好講有無雞味,能將它做到嫩而不鞋,已算OK,這裏算OK.擔擔麵及炸醬麵的麵唔錯,相信是自家做的原故,擔擔麵夠香一口湯一口麵,而炸醬麵是帶甜的那種,將麵,醬及青瓜絲一同撈混,食落有麵的「in」「un」青瓜的爽脆,但兩碗麵都有一個共通點,就係唔夠辣.梅菜包個包身幾鬆軟,但梅菜原全無麥味,未知係咪浸水浸過籠.總括來講呢一餐不過不失,但在呢一區想找撻坐得舒服,而又唔係飲茶就係茶餐廳的話,這裏都是不錯的選擇.

放假同屋企人去食上海,老豆話怕等位所以好耐冇試過呢間,今次有時間不如去啦今次就算撞假期,但等了不出15分鐘就有位今次老豆發板,叫小籠飽,炸饅頭,雞絲粉皮,炒鱔糊,同怪味雞等等.....d味道同一般上海菜館差不多,但普遍來說d較辣,特別個怪味雞,麻辣味好重,我老豆頂唔住,不過我覺得ok,幾特別最好食係豆莎餅,甜而不膩.

雞絲粉皮$42 麻香煎素餃$22/4pcs ~ 煎過燶,饀OK湖南豆酥魚$98 ~ 賣相很靚,但一點面鼓味也沒有,魚身整條起骨,魚肉完全沒味道老干媽炒田雞$78 ~ 田雞必是雪藏品,無鮮味不在講,入口肉質削到即時爛開擔擔麵$18 ~ 辣味適中,但此店欠缺麻味/花生味

如果看官能抓緊兩點至四點半(四點前要到因會截單)這黃金兩小時，湘川滬，可能係世界上最好o既下午茶。下午茶有飽點類、麵條類及飯類三大選擇，款款比平日平一大截，但水準依舊份量亦可，師傅真的毫無欺場，抵讚。一伙人吃過兩次，青菜麵湯底勁正、鱔糊麵份量十足，但個人至愛還是那瑤柱蛋白炒飯，真係食到lam lam 利，每次都照鏡而回。舒適的環境、勁抵的價錢，不過人數少的要有心理準備要勁排隊，因他們不設搭台。

一月是大出血月份幾個好朋友的生日孖住來!我們一行10人要了2 SET 4人餐(@$2XX)+小籠包今次叫得幾精明有成10樣野食,仲有湯有甜品雖然每碟細細咁,不過可以試到唔同既食物,很好!食物水準唔錯,咁既價錢叫做交到功課小籠包就麻麻地,可以唔叫不過服務認真一般,我地趕住切蛋糕,但佢就硬係三催四請先捧個蛋糕出黎環境亦寬敞,會再來

同家人行完街後食晚餐，全家人都鍾意食上海菜，所以選左呢度。口水雞：唔太辣，醬料唔夠香，雞幾滑，但冇咩雞味，份量亦太少。賽螃蟹：蛋白炒得好滑，蟹肉唔太多，清清地，係唔錯既。糖醋排骨：味道似京都骨，甜甜酸酸，但肉質唔靚，唔易骨肉分離，有少少霉同雪味。蔥爆牛肉，太鹹了，牛肉有肉味，化學料用得唔多，一般啦。豆沙鍋餅：豆沙太少，餅皮太薄，唔脆口，唔得。

2007年11月12日，湘川滬。與另一半跟家人吃晚飯。叫了四人套餐再加了特價蟹粉小籠包。烤麩：不差，可以少一點甜味。怪味雞：可以。酸辣湯：酸辣都夠了（可以少一點酸），但不夠濃郁，還差些質感。鍋貼：一般，不太好。北菇紅燒豆腐：豆腐唔夠滑和豆腐味。獅子頭鍋：味道OK，不過淨係用個鍋裝住就叫獅子頭鍋，都無熱辣辣感覺，扣分。豆沙鍋餅：有D硬。不滿意。蟹粉小籠包：無乜蟹粉味道，似普通小籠包多D。價錢就平喇，但食物不太出色，普普通通。

一星期前打電話BOOK星期六晚八點一家人做節，待應六點幾仲打電話俾我，問我係咪confirm人數時間，我話係。於是一行十二人加一個BABY，準時八點到達，點知佢\話我係等大第六位，我話我BOOK位喎，佢\話係呀，但人未埋單我都無俾你，跟住我見張BOOK紙到，排我後面幾個名，反而係等第一二位，我問點解，佢\話BOOK位係大家都BOOK個時間，咁人先，所以排前。離哂譜，咁叫BOOK位咩，我BOOK八點，梗係準時啦，原來我要七點半到再籌，BOOK位時又唔講明，咁我駛乜一星期前打定電話，星期六下晝先打，跟住七點半咪排第一張大囉。如果根本上無咁多張，就唔好俾咁多人BOOK位，你可以話FULL。人美心同潮江春都話FULL。你想做兩轉生意，咁就要同早入座人講明，要幾點交，人有個預算，係咁亂BOOK，到BOOK八點，八點九先有位，最慘係有老人家又有BABY，點交待。仲有待應，為唔想俾鬧，夠膽死成日入面又執又帶位，死都唔出，又唔應人，真係太過份。OK好食，但又如何，點都唔會再幫襯。