湘川滬 (+WOO嘉湖二期)

Open Now

Now Closed

依家難得出門見見朋友，朋友帶我去附近餐廳食埋晚飯傾耐d，佢有食過，覺得唔錯，帶我試下。餐廳可以話係好多選擇，你想食嘅中菜款式都有，一時間好難選擇😂鹹香海虾球虾球肉質爽口彈牙，配上薄薄的一層鹹蛋黃，味道配搭得十分好，配上鹹蛋黄，真係好酥香好惹味。而且咬落又唔覺得厚粉，整體口感都幾好。土匪搶鴨係全晚最好食嘅菜式，鹹度同辣度混合得啱啱好，配合鴨肉原本嘅鮮味，一拍即合。鴨肉經過醃製同烹調，味道豐富有層次，放入口，先係一個辣味蔓延開嚟，慢慢帶出鴨肉嘅香味，然後喺其他醬料，令人無法自拔。干煸四季豆四季豆好鮮嫩，咬落去總有“索索聲”嘅感覺，配上淡淡的橄欖菜以及肉碎，味道頗為惹味，又不失清新。蔥油海蜇皮海蜇肉厚實有韌性，配上蔥油作為調味料，不失為一碟開胃前菜。重慶酸辣魚片魚片爽口，比起日常經常食到嘅鱸魚，肉質更加鮮味，加上酸菜湯底同埋少少辣椒更加開胃可口。除咗魚片仲有粉絲配搭，不失風味。薑汁芝麻湯圓食完味道豐富嘅上菜，飯後配上一碗薑汁湯圓，亂唯有滿足。薑味唔算太濃烈唔使怕辣。

本來一心想過嚟試片皮鴨，但原來要早一日預訂，想試嘅記得要預早打去同餐廳留定。唯有照舊嗌小菜嘆吓人蔘烏龍，茶香依舊濃香回甘。萵荀絲份量十足，$55勁大碟，顏色碧綠爽脆，入口清香，係餐館中少數口味清淡嘅健康菜式。川菜普遍都加入紅綠辣椒爆炒，香口濃味，夏天食袪濕、冬天食暖肚。份量不多，雖則蝦球帶子均有乒乓波大小，但只有各四隻。不似京滬菜單純油爆香，川菜習慣先裹上生粉炸香再加入調味拌炒，外層炸成香脆，令整道菜更香口，蝦球帶子大隻得嚟都幾彈牙。可能加咗醋嘅關係，味道微甜偏酸，睇落紅卜卜實則食落無咩辣味。肋排加咗鹹甜梅菜炆煮，稔香肉嫩不痴牙，風味依舊，香甜惹味。可惜今次軟骨位唔多，反而多肉又厚身，食肉獸應該好buy

好朋友生日，壽星想食中菜，所以揀左呢間。其實都係常客，不過今日慶祝生日，梗係食豪小小啦。2個人嗌左一個小食，2道菜，二個甜品。鮑魚海參菜膽$268有4隻鮑魚，炆得幾入味。估唔到海參分量咁多，味道鮮味香濃。菜膽係西蘭花。三鮮鍋貼$38 （4隻）一碟4件，鍋貼煎至微焦，香脆口感。咬落去亦有肉汁，點醋食更加好味。香辣農家焙魚 $188店員介紹鉗魚，肉質更加鮮甜嫩滑。配菜有芽菜，菇，香草，一邊食一邊加熱，愈煮愈出味。最後嗌左椰汁雪燕同芒果布甸畫上完美句號。

家人飯聚，嗌左啲一家大細都啱食嘅。嫩雞煨麵估唔到又幾大碗，入面有好多雞粒，配切碎嘅小棠菜。湯底唔會太濃，啱晒同行小朋友。紅燒元碲(小)聽侍應推介，揀左小。一上枱都呆左，勁大隻。炆得好淋好入味！豬皮入口即溶，配埋肉一齊食，口感一流！強烈推薦呢一道菜！招牌小籠包皮薄多汁，大家夾嘅時候都小心翼翼。味道亦都唔錯！價錢： 價格大眾化，性價比十分高嫩雞煨麵$50紅燒元碲$138(小)招牌小籠包$38(4隻)店員態度亦十分親切有禮，值得推介。

一班親友聚會，當中有長輩，所以揀左中菜館 。店舖名已經講明入面有川（四川）滬（上海）湘（湖南），一間食店有齊3個地方菜色，一次滿足晒3個願望。鎮江餚肉$58光滑晶瑩，鹵凍透明。瘦肉香、肥肉唔膩，分佈得啱啱好。配埋香醋，有另一番風味。上海醉豬手 $60出街食豬手最怕去毛去得唔乾淨。呢度就處理得好好。肉質Q彈唔會韌。食時再點下汁就更有花雕酒味。夫妻肺片$55一道有名川菜，以牛內臟為主。香辣惹味，底下配青瓜，爽脆口感，中和麻辣感覺。土匪牛肉 $108無辣不歡嘅我地，見到一上枱有咁多辣椒就食指大動，牛肉肉質非常口感好淋，唔會好韌。

再來到這家餐廳食晚餐 這次去再已經坐滿一半人了面對疫情人人也很膽心人心惶惶 但飯此終是要吃的~何不吃得開心一點呢? 食飽才有氣力和健健康康過日子這次坐了於位坐得挻舒服 點了幾個小菜和兩個甜品🤤·四川樟茶乳鴿 HKD$78 乳鴿靜靜從小到大很喜歡吃😋 這個口味是第一次食😆上菜時已經聞到陣陣香味 外皮有點脆卜卜肉質嫰滑🤤·菠蘿黑醋骨 HKD$78 黑醋做菜不常見但挻健康食材 味道酸酸甜甜挻開胃醋骨不會感到太韌而且很腍身🤤 是個拌飯不錯的小菜·椰汁燉燕窩 | 燉雪烚紅蓮 HKD$50 飯後來個甜品滋補一下才行😆 即生津又潤喉挻不錯吧靜靜喜歡椰汁燉燕窩多一點 因為熱辣辣的椰汁很好吃而且做到燉蛋般的賣相很吸引😍 很快就被我吃光了🤩這次食物素質覺得不錯 價錢和份量挻好不過不失吧😊餐廳環境和職員服務挻好 這家餐廳還是會再來吃東西

喺OpenRice搵吓附近有乜嘢餐廳好推介，原來銀座有呢一間中菜館，平時日頭好似茶樓咁有點心小菜食夜晚都有特色小菜！見屋企人去左旅行又唔想煮嘢食就落嚟搵野食😋😋😋呢度嘅裝修都幾用心，好有中國氣氛平時去上海店都會帶個擔擔麵，嚟到呢度都唔例外即刻嗌返碗！分量仲要好多好大碗！湯底唔係好辣，夠重口味一啖面一啖湯非常之惹味！如果在香啲花生味就好啦麵條質地好有咬口每一條麵都掛滿左湯汁，好味道！再叫咗個口水雞做開胃菜，麻辣味道，皮爽肉滑，食得津津有味！送飯一流！另外在叫咗個瑤柱溫室豆苗豆苗非常之新鮮爽口，味道仲好清甜！必食！差少少想嗌多啲！水煮酸菜肥牛肉味道比我想像中清，平時食開嘅水煮牛都係紅紅辣辣嘅，呢個係酸辣嘅，肥牛嘅份量都唔少裏面仲有埋粉絲，相當豐富！肥牛煮得剛剛好，吸收左湯底嘅味道，食落幾開胃！總括而言餐廳嘅菜式種類繁多而且味道都有水準，叫咗咁多嘢都可以清光光，就知可以再次光臨👍🏻

今日放工都八點幾，唯有同朋友喺附近搵間餐廳食埋個晚飯先返屋企，想食返少少香口野朋友就帶咗我去銀座呢一間中菜餐廳！以前都嚟過呢間酒樓度飲早茶一向佢啲嘢食都幾好食，食物選擇多得來，食物新鮮，即叫即做，質素幾高！今次就嚟响呢度食個晚飯試吓晚飯小菜嘅質素如何！我哋叫咗個北京片皮鴨$248提早少少落單大概半個鐘到就考好片皮鴨啊，餐廳嘅店員問我地除咗片皮鴨食法會唔會，加$50做一個小菜！咁抵咁梗係要買啦揀咗個鴨肉炆苦瓜！片皮鴨切出嚟嘅肉都幾多，如果隻鴨在肥啲就好啦😂😂😂咁食落口門口更有油香味！將薄餅放上醬汁鴨肉同京蔥，所有材料捲埋一齊就可以擺落口啦落口味道唔錯，不過個人喜歡鴨肉脂肪比例多啲，食落口會更加香口！之後片皮鴨多餘嘅鴨肉就攞嚟做鴨肉炆苦瓜！份量都幾多！鴨肉雞肉汁炆得軟林，非常入味！苦瓜都吸滿左鴨肉嘅香味！不錯不錯！另外叫咗一個時菜蕃茄百業炒時蔬$60味道清香，有蕃茄帶一點酸甜味，非常之開胃！簡簡單單食餐飯，冇諗過可以咁豐富又滿足！以後遲收工都唔使再食杯麵啦！嚟呢度就得啦😂

話就話肺炎少咗人出街食飯，但係呢間餐廳平日夜晚都唔算太少人炒飯夠晒甘香，全部飯都係一粒粒，非常有咬口呢個賽螃蟹嘅蟹肉認真唔少，餐廳果然落足料，加埋好友蛋味嘅蛋白，用嚟送上面個炒飯簡直一流我至愛嘅黃金蝦終於到啦每隻大蝦都被厚厚嘅蛋黃醬包圍着，食落有陣蛋黃嘅香味，而且成個蝦球都炸到好脆，蝦肉又夠晒彈牙，其實食一兩舊都已經開始好飽我哋仲叫咗條松子魚添，醬汁酸酸甜甜咁，魚肉全部比油泡過，但係依然滑溜，仲要冇咩骨添鴨肉食落有陣煙燻味，估唔到仲有鴨髀位食添

情人節的要向大家分享《湘川滬》，這家餐廳是媽媽以前蠻喜歡跟朋友聚腳的地方～這間餐廳一直出名有不同地方的菜色，其中最常聽到就是他們吃四川菜和上海菜～⠀⠀⠀⠀⠀⠀⠀⠀⠀⠀⠀⠀糖醋桂花魚：製作工序繁複不簡單，這家餐廳的桂花魚外皮比較厚，所以相對亦都揸得非常香脆！魚肉質地還好，有少量魚骨可以接受，配上酸甜醬汁不錯～⠀⠀⠀⠀⠀⠀⠀⠀⠀⠀⠀⠀招牌小籠包：小籠包簡直是我最喜歡的菜式之一，這家的小籠包肉汁足夠，小籠包皮厚度還好～雪菜毛豆百葉：這是上海菜之中食清淡小菜，再次點這個菜，感覺非常回味～砂鍋獅子頭：獅子頭真的是一棵很大很大很大的肉丸～獅子球的口感鬆軟，是比較容易進口的一種～～醬汁的調味不錯，亦加入了切片冬菇～～

疫情下少左好人出街食飯，但真係要透下氣湘川滬座位有餐廳內、外室內有卡位，坐得好舒服有上海菜，亦有四川菜喜歡食辣既朋友仔都好多選擇上海醉豬手我一向都唔係好鐘意食豬手，但佢地既豬手非常好食豬皮夠爽，豬手夠淋夠入味竹笙燴素想食菜又唔想食炒菜咁簡單，食下燴素都唔錯有最愛竹笙同菇小籠包食上海野又點可以唔食小籠包佢地有好多唔同口味既小籠包，我就叫左最簡單既原味小籠包熱辣辣，內面有滿滿既肉汁糖醋魚塊味道跟生炒骨一樣，但怕吃了太多肉把豬肉變了魚塊，甜甜酸酸無咁＂濟＂醬炒年糕軟殼蟹估唔到中餐廳都有fusion菜醬炒年糕夠濃味，而且軟殼蟹份量多，都幾多肉一家人食都夠哂本來仲想叫上海甜品，不過太飽下次再叫過

於天水圍探朋友後，與另一半隨意去了附近一間餐廳晚餐！餐廳位於商場內，環境寬敞，店內及店外都有座位！由於正值繁忙時間，店內比較多人，所以店員提議我倆坐店外，會比較寧靜。我倆喝著玄米茶，一邊吃着花生小食，一邊看餐牌點菜，最終點了：陳醋小黃瓜青瓜加入蒜蓉及陳醋醃過，味道酸酸地，所以越食越開胃，令我倆更加肚餓😂清炒萵筍絲份量幾多，味道剛好，沒有過多調味蓋過萵筍味，而且是少油，感覺比較健康👍🏻四川擔擔麵與平時吃的擔擔麵有點出入，味道沒有太多的麻醬味，反而花椒味較重，另一半不太喜愛，但我一向偏愛花椒味的菜式，所以這碗麵全被我吃光😆韮黃炒鱔糊鱔魚切成小段，與吸收了醬汁的韮黃同吃，非常惹味，另一半很喜愛這菜式，而且菜式底部放了蠟燭，令食物保持溫熱，抵讚👍🏻灌湯小籠包小籠包新鮮熱辣上桌，而且皮薄多湯汁，真的想多叫一籠，很可惜我倆肚子空間有限！炸銀絲卷銀絲卷炸到金黃色，而且外脆內軟，配上煉奶真的吃到停不了口，每次吃上海菜都是我必點菜式之一😋食物味道不錯，我倆飽得捧著肚子歸家😂

最近好想食辣野刺激下味蕾🥵於是去咗銀座『湘川滬』食特式中菜。呢間餐廳都幾舒適，亦有多款座位供客人選擇，卡位、圓枱、室內、店外⋯⋯我地揀左靠近窗邊嘅卡位，私隱度相對高一點，可以放心傾計，又唔洗同其他食客坐得太近🤭🤭『湘川滬』嘅食物選擇都好多，既有山珍海味，又有豆腐青菜～可以滿足唔到客人嘅需要，而且價錢都好合理👍🏼冷盤揀左蔥油海蜇皮海蜇爽口，本身已經有淡淡嘅蔥油香，沾芥辣食又係另一番風味～酸菜魚係其中一道我好期待嘅餸除咗魚片，入邊仲有粉絲等配料魚片無骨，粉絲夠入味，完全吸收晒酸菜湯嘅精華❤️真心推介，又好味又飽肚👍🏼👍🏼👍🏼雪菜毛豆百葉清清地，可以中和返其他較濃味餸菜；又可以浸落酸菜魚湯或者酸辣湯入邊一齊食😋『湘川滬』嘅酸辣湯好出色，又係必食之選❤️除咗用料豐富，味道亦都夠晒濃郁！又酸又辣，真心過癮😍農家小炒肉好香好惹味👍🏼不過如果唔鍾意食蔥蒜嘅朋友就唔建議揀呢味餸了～壓軸登場嘅係辣子雞用鐵板上可以保持熱辣脆口👏🏼加上辣椒爆炒過，滿口都是香和辣🤩『湘川滬』值得一讚嘅地方係，餐廳提供嘅中國茶唔淨止平時飲開嘅普洱、水仙，仲有碧螺春，同埋好特別嘅人蔘烏龍。個人最鍾意人蔘烏龍，除咗因為唔係成日有機會飲

初十陪媽咪去飲下菜食下小菜，順便呼吸下新鮮空氣。菜館人客居然接近坐滿，喺近日疫情影響下都算難能可貴。菜式全部換上賀年意頭菜名，但價錢仍保持原價無坐地起價天氣涼返少少，當然要食羊暖身。點左道由細到大都愛食嘅小菜——京蔥爆羊肉，調味鹹甜適中，相當惹味又夠鑊氣。羊肉經爆炒後仍保持鮮嫩羶香，配上爽脆帶微辣嘅京蔥，一大撮夾入口中，口感相當豐富。雪菜同百頁係絕配，雪菜清淡不鹹，卻能辟去百頁嘅黃豆腥味，兩者同樣爽口相配。肉末配叉子燒餅同樣為上海地道名菜之一，填滿鹹香嘅肉末令燒餅更充實不寡，同時充滿飽足感本身醃製過嘅鹹榨菜配上肥豬肉，爽脆帶油香，單吃濃味，但配上鬆化中帶煙韌嘅燒餅就恰到好處唯一美中不足嘅係燒餅深度不足，填充空間有限，食哂都仲剩返好多肉碎。需時製作嘅紅燜黑棕鵝，$138嘅價錢有髀有鵝胸，加加埋埋有成十件，相當抵食醬汁係獅子頭嘅紅燒汁，好惹味，經燜煮嘅鵝肉紮實不老，皮與肉間帶一層厚嫩嘅脂肪，油香十足，好邪惡呀

話說去探天水圍嘅朋友, 走嗰時佢帶咗我去嘉湖銀座一間京川菜. 佢話天水圍一帶這一間算係有水準的. 呢間餐廳喺商場入面, 門前一帶範圍都屬於餐廳, 如果相冇咁嘈的話可以坐出面. 六點几去幾去到都有位, 但係過咗七點之後人非常爆滿. 原來兩個人食諗住嗌隻片皮鴨再加個小菜就算. 點知最後一隻早兩分鐘已經畀人order左, 望到隔離枱隻鴨又大又靚, 超想食, 下次要預訂. 由於冇鴨嘅關係我哋改咗食辣子雞, 水煮黃鱔毛血旺, 京蔥羊肉鐵鍋同埋炸醬麵. 其實喺呢度食嘢唔算貴同出面酒樓食一般價錢但已經可以食到京川菜, 我覺得都幾好. 一開始先嚟炸醬麵, 超大碗有多青瓜, D麵類似拉麵, 味道好食又唔鹹. 跟住就嚟咗個水煮黃鱔毛血旺, 似個覺得一般, 但勝在多料, 份量超讚, 仲有紅薯粉. 但係因為有炸醬麵嘅關係, 所以食唔曬啲紅薯粉. 提提呢度啲辣度係預設的, 加辣要自己同店員講, 預設的唔算辣, 但有辣香味. 跟住就嚟咗個辣子雞, 我個人就鍾意呢度嘅辣子雞, 我出便食嗰啲太細粒又冇乜肉, 但呢度嘅就比較大粒有口感, 炸得又香脆. 最後我最鍾意嘅京蔥羊肉, 佢唔係一片片嗰啲羊肉, 係類似一條條酥炸過