景霖正宗四川麻辣米線 (通菜街)

Open Now

Now Closed

我覺得佢嘅湯底係好食過譚仔嘅雖然我覺得佢都係化學成分嘅朋友但係味覺上都好食過佢嘅不過你叫一個餸淨係得兩舊感覺上好似有啲唔抵不過我都係志在食佢嘅湯底我覺得還可以啦現場嘅樓面真係好忙碌因為就嚟過年好多貨要收同一個order搞錯幾次但係人哋 未食飯現場嘅顧客都好貼心咁樣提醒個樓面老老實實我本身唔係食佢㗎係食隔離嗰間嘢 見到佢哋個名差唔多先至入去食落咗單之後先至發覺唔係嗰間佢個鯊魚丸擺明就係福州魚丸雖然唔彈牙但係我真係食到有鯊魚味道魚皮餃就麻麻地整體上我覺得嘅都幾好食如果唔係佢哋都唔會忙碌到連飯都冇得食

為甚麼會找到呢間餐廳? 原先只是因為他近自修室，中途出來醫肚姐。然後經openrice, 見到其他人post的照片，好似幾好味。價錢又平，我呢d姑寒鬼，緊係要平靚正嫁啦。咁就過來試下啦。叫左個招牌米線，小辣。仲有杯迷你豆漿送。果然不負所望，好多餸同好好味喔個湯 我個人覺得好味過咩仔。最喜歡係好多! 好多餸。食餸都半飽了。旺角地方可能有點迫，但地方是乾淨的。阿姐服務亦好快同積極。其他未試，有機會試完再來分享。

下午茶set A $38。送兩隻雞翼（香草）&一杯豆漿餐牌配餸選擇少🤔#腩肉中麻辣米線不喜歡好似譚仔既腩肉，又肥切得又厚👎🏻雖然係有醃過咸咸地既味，份量都算多，但食了一塊而言。😕😕即使中辣，麻味不太重，中辣也可接受湯底比較重孜然粉嗰陣味，都幾特別。米線夠淋👍香草雞翼焗到好熱同香脆，陣味好香，肉質不算「鞋」，好多過腩肉。👍👍總括而言，唔會再嘗試食第二次，若大家有咩好食既配餸也可介紹給我👍

由於晚餐食唔飽嘅緣故，咁就唯有食個宵夜喇，食米線就係最好既選擇可以自己揀餸，呢間米線舖有下午茶，都幾抵食除左米線，仲有薯粉同擔擔面可以揀，仲有其他配料可以揀當然唔少得既就係小食啦，有串燒，雞翼同其他炸物炸醬鮑片酸辣米線，上菜果陣只係見到炸醬，說好的鮑片呢？成碗搵完得兩塊鮑片😱，跟住問侍應姐姐，鮑片米線只係得2塊鮑片？侍應姐姐仲好理直氣壯咁話你叫左兩個餸，所以係得兩塊（我加餸有加錢架），得到佢咁既回覆，咁我地就算啦，既然佢咁講，但係過左唔夠一分鐘，佢自己主動行埋黎望碗米線，仲問我地係咪得兩塊，跟住我地比佢睇左，佢話冇可能既，跟住拎左我地碗米線去廚房，過左一陣就拎返出黎，有6-7塊好整齊既鮑片係面，跟住同我地講話點會得2塊，係個底度你地未夾到姐😂，我地笑左出黎至於個味道，個人覺得都可以既，雖然個湯入面冇酸菜，但都食到好香既酸辣味，鮑片就唔comment 啦，都係買返黎既現成仿鮑片炸醬就係普普通通既肉醬，整體味道合格既腩肉麻辣米線有4-5片腩肉，都有返咁上下厚度既，好正常既腩肉味，冇乜特別，但至於個麻辣湯底就差左少少，完全食唔到麻味，只係得咸味同少少辣味，所以食食下都忍唔住要食隔離個酸辣湯😂

格左一排，係時候又食返景霖米線。點知。。。水準變差左首先，碗米線冇問題既，依舊都係酸酸辣辣，夠哂惹味。但問題係d 配菜。我依舊都係叫返雞肉同金針菇。雞肉變成薄切，一d 口感都冇。太薄真係冇咁好食。最最失望既係呢碟芝麻雞翼以前食果時真係好好味，新鮮即叫即烤，食落仲熱辣辣，好易辣口，又多芝麻，又香口又脆。而今時今日既芝麻雞翼，只有餘溫，又吾香脆，連芝麻都少左1成。一食就知吾係即整。另外，雞翼變得肥美，又多油。我邊食邊咬甩d 肥雞皮真係由10分變成3分炸

個個星期緊有1，2日黎景霖食，今次真係有d 失望啦。照舊都係叫左碗金針菇，雞肉酸辣米線同3隻芝麻雞翼。酸辣米線既雞肉改左，變成薄薄地一片，冇咩口感可言。芝麻雞翼就真係好失望啦第一隻雞翼，冇問題，食到乾乾淨淨。第二隻雞翼，食第一啖已經覺得有怪味，再食另一邊，都係果隻味。再食埋第三隻，心諗如果第三隻正常就算啦。 點知食到第三隻，第一啖都係咁，咁我唯有同店員講聲。等左一陣，淨係補得一隻比我，當然味道就正常返啦。成個lunch 落黎，只有一種感覺：好失望既芝麻雞翼

日日都食銀龍 諗住試下新野 就試左呢間景霖 之前一路都未試 點知今日一試就中哂伏🤮同男朋友食左個麻辣豬肚同兩碗米線 豬肚都叫正常 但兩碗米線利到 食左兩淡就吾想再食 最尾我地都係食哂啲食送就算 個米線真係頂吾緊🤢

景霖米線係咁多個米線店入面做得最好食之一，原因無他，料足，辣而不油膩。 今次就試下佢既紅油抽手，估吾到有驚喜。 通常紅油抽手既雲吞都係豬肉底，估吾到佢竟然除左有豬肉雲吞，仲有鮮蝦雲吞可以選擇😋😋😋每粒鮮雲吞都有大大粒鮮蝦❗️ 仲有勁多蔥，加埋d 醋同辣醬，真係好完美呀另外，芝麻雞翼我極力推薦，雞翼即叫即整，外皮脆，香❗️比譚仔既雞翼略勝一籌呀

喺旺角同老婆行完街，過哂鐘10:45，一般既餐廳唔係收左就準備收，我地唯有行去先達附近，印象中呢邊食肆好似收夜啲；皇天不負有心人，竟然見到景霖正宗~感覺好似見到一個舊朋友一樣，因為喺種多米線出現之前，景霖都算係元老，原來佢仲喺度，好感動。首先餐牌有別一般叫法，有啲套餐唔洗咁煩諗咩餸，咩都有啲，我老婆揀左個叫精選米線，其他名我無太注意到，我就牛肉豬潤，特別叫左一個魚麵試下。另外當然都叫返個雞亦，因為食xx米線一般都會叫埋雞亦😂，不過我鐘意呢個叫法，佢3隻$22，6隻$38，仲可以兩個味，我地就揀左四川同香草，唔洗好似喺xx米線咁叫大雞亦係5隻，兩個人成分唔到😂😂😂😂😂😂湯底方面，佢似一個胡椒既香辣湯味，有別一般麻辣，不過都係有6級辣分，都幾好味。最重要係開到零晨1點，姐姐服務亦非常好，值得推薦👍

每次去開旺中都會去食呢間米線都好一段時間冇去，環境變寬敞了，服務都好了，而味道都係依舊價錢比譚仔平少少，一樣可以加7蚊飲野配料就比較不同，丸類會多d佢亦有幾款set定的推介米線仲會有d小食--雞翼同串燒自己就叫左--<中麻辣豬腸魚皮餃米線>第一樣野當然係試下個湯湯底同之前冇乜變，開頭食唔會好辣，慢慢食個陣麻味慢慢湧出黎好似譚仔咁，有種獨有的味道而米線開始比較硬，不過食到一半，比湯會浸軟左，岩岩好魚皮餃係我食粉麵既最愛，而呢間魚皮餃個皮唔會好厚，而且入邊係會有肉汁👍而豬腸都好淋身，有鹵水味，不過甜味重左少少仲食左個小食--四川麻辣雞翼雞翼熱辣辣，而且肉質好嫩口不過唔知係咪因為食緊個碗都係麻辣，所以就食唔到雞翼既麻辣味總括黎講: 呢間米線都可以媲美譚仔，各有特色

一個令我疑問嘅時間 夜晚接近十點 由於好少咁夜 而我身處係灣仔我都唔知有咩食而女朋友又冇嘢食所以出咗旺角會合佢先最後搵咗間景霖食米線都係個啲三餸兩餸米線炸醬墨丸清湯米線走韮菜一黎第一樣要講佢啲芽菜好難食唔知浸咗幾耐一啲都唔爽口完全係淋嘅跟住炸醬辣辣地 冇乜其他味米線比較漲身 唔太好嘅口感健康蛋白魚腐米線魚腐冇乜問題 都好食嘅米線兩碗都差唔多因為兩碗都係清湯黎凍檸茶冇乜茶味普通用黎解下渴咁唔太話好飲嘅最後每人都係三十幾價錢ok算平嘅

其實有聽過，但一直都無食過呢間。出唔到去食lunch，決定叫個米線食下先。見有十幾樣餸可以揀，本身想叫兩餸算，但外賣要滿$40先送，所以叫左三個。*雲吞腩肉木耳中辣米線走韭*午餐時段送埋野飲，可選豆漿或涼茶（是日係羅漢果茶）。三個餸我揀左雲吞、木耳同腩肉👀雲吞有兩隻係厚皮的，有d似淘大出個種咁。木耳係切碎左既，都ok係難夾d姐😂腩肉我就幾鐘意，都幾多片，唔係薄切切咁，而且肥瘦適中，唔會痴牙米線質感就評論唔到，因為我有野要做，浸左好一陣子先食，應該有發脹到，但食落質感都仲彈牙，如果即刻食應該會再好味d🤔而呢間中辣對我尼講唔算辣，下次食下大辣先🤤

今日12:00去食左個豬潤魚麵，個人習慣先食麵後食餸，將豬潤放到最後食，點知發現原來豬潤未煮熟，咬開血淋淋，我並非追究責任，只叫阿姨提醒一下廚房下次小心，因為這是豬內臟，煮唔熟會有菌，但落單阿姐一幅冷淡態度好像覺得我此舉太多事，我便拿起手機拍個照，她更快速地收走我的碗。本來都冇唔係嬲，真心提醒一句啫，但阿姐個態度令我一肚火，有錯便要認是常識吧？一句唔好意思都冇！經過今日我會Blacklist哩間舖。

行行下旺角諗住醫下肚咁岩就見到之前朋友話好食既景霖同行友人一致讚成一齊去食米線，聽說好出名😂 同埋至緊要價錢夠親民必試既系豬頸肉串燒（有三隻味簡）試左沙嗲同椒鹽味，但個人覺得椒鹽味系好食d雖然外表一般但味道是不錯沙嗲味既豬頸肉 🙈以為沙嗲味濃d. 但系椒鹽好食d沙嗲牛😂😂😂系朋友既喜好 沙嗲味雞肉串燒.....麻麻地，我諗大家都系可以嗌番椒鹽味 🙈🙈魚腐米線 口感好軟☺️好鐘意食魚腐既感覺米線配埋佢個湯底....湯底好味米線夠滑👍🏻雞肉酸辣湯底都好正鐘意食酸辣既朋友可以試下呢度既湯底☺️

餓啫啫呢個米線控又想食米線！呢日同巴打去完先達就行到黎呢間米線店，見佢外表低調，莫非係臥虎藏龍之店？巴打唔太食得辣，於是叫左小小辣，配魚片頭+雲吞。魚片頭屬一般貨色，不過尚算彈牙。雲吞皮較厚，冇乜驚喜。湯底好清，真係得小小辣是也。小弟雖然係辣得之人，但係為免第一次食就中伏都係低調d要個小辣小試牛刀可惜真係唔係好辣，呢度嘅湯底比較清淡，同乜桂香，乜哥好唔同！可能只係唔適合喜歡濃味嘅餓啫啫吧！腩肉冇乜味，比較鞋口，而魚皮餃幾好食，大件又彈牙！份量：夠哂大碗，適合一眾男士味道：對小弟而言此辣不夠過癮米線：亦算滑身，恰到好處一場黎到再試多個雞翼，可惜同X仔真係比下去焗得唔夠脆身，未有少少脆皮嘅效果，失望可取之處係雞翼夠大隻吧！