新潮發海鮮菜館

Open Now

Now Closed

椒鹽鮮魷一啲都唔椒鹽，麵粉漿過厚，唔熱冇鑊氣，蒜蓉粉絲蒸扇貝，微暖，粉絲硬，扇貝唔似新鮮，似急凍扇貝似擺落去隻殻度，兩個餸$188仲要+1，埋單$207，一啲都唔抵食，味道唔好

中午根據app推薦來到了這家，6人吃了950元左右，食材很新鮮，份量也不少，味道不錯。爬完山逛完沙灘又餓了，大家決定繼續來這家，避免踩雷。點單伙計看我們不說粵語，就給我們挖了一個坑，菜式完全相同的菜單（偏黃色），價格與中午完全兩樣！還好我們發現了。聞為什麼價格不一樣，他立馬從另一個地方拿出中午的菜單（偏白色），也不解釋，讓我們愕然。私下覺得可能是因為我們沒說粵語吧，早知道說中午來過，或者說英文都好些。大家謹慎來這家吧⋯⋯不厚道的老闆

約咗朋友到長洲係我常有的動作，因呢度有得玩有得行山有得食，最重要係有海鮮食，但又唔會太貴嗰隻😛呢日來到“新潮發海鮮菜館”，點咗個278蚊三款小菜/海鮮套餐，幾十樣野之中揀咗“白灼鮮魷”、“豉椒炒蟶子”和“蒜蓉蒸開邊蝦”，加埋送嘅“蒜蓉炒生菜”和“栗米魚肚羹”，實際係有4餸一湯😍豉椒炒蟶子中的蟶子係扁嗰隻，亦係我童年的回憶，火候够足，有洋蔥，辣椒啲料頭一齊炒，好惹味；蒜蓉開邊蝦啲粉絲好入味，吸收晒蝦的精華，yummy ；而白灼鮮魷就係今日之最，有D韭黃，芽菜墊底，魷魚非常新鮮，爽彈，仲有D豉油汁蘸住來會，好開胃😁

叫左6個小菜，除咗蒜蓉牛仔骨，其他一率都係劣，干炒牛河完全無鑊氣，炒聖子死既，肉又爛又梅咁都可以拎俾客食，椒鹽鮮魷硬得黎又無味，天呀$549，6個小菜套餐我係咪食緊屎呀？？

嗌咗四碟餸，椒鹽瀨尿蝦，唔熱嘅；豉椒炒蟶子，凍嘅，有沙，仲有好多唔開口嘅；蒜蓉牛仔骨，下面伴菜嘅分量多過啲牛仔骨；最正常係粟米魚塊，係熱架！連佢俾嗰壺茶都係凍嘅，中途要叫佢俾過壺熱。原本諗住嗌住四個餸先，之後再加，但見上枱時咁嘅質素，都係拿拿臨食完走去超市買零食算數！

在長洲品嚐海鮮是一個簡單而美味的選擇。當地的漁民直接從海洋中捕撈新鮮的海鮮，無論是燒烤、煮炒還是蒸煮，都能品嚐到豐富多樣的海鮮料理。長洲的海鮮具有鮮美的口感和獨特的風味，絕對能滿足你對海鮮的愛好。

Walking along the seashore, and thinking what to eat at the night and we found this chiu fat seafood restaurant don’t know is it all good but just have a try, but this indeed worth for the high rating on the web, nice chinese restaurant in cheung chau and definitely i’d recommend to my friends for this cheap and delicious chinese foodsStir-fried lettuce tasting good with soft vegetables though a bit oilyCorn soup isn’t a bad choice for watering my mouth, thanks for the vegetables and corn soup w

今次週末夜晚嚟到呢間餐廳食飯，我眼見星期六嘅客人都比較多，所以如果係下午就嚟到長洲嘅話就先嚟book位，先再行街街，以防萬一。我哋12個人點咗一個6餸餐同一個8餸餐，餐廳已經預設左一堆小菜係裡面簡，選擇都幾多。我地豉椒炒蜆同蟶子因為叫雙份擺左同一大碟，但係又無細碟咗，但係一上枱，真係大大碟，同埋唔會剩係得殼！呢樣嘢真係抵讚。但係蟶子就有少少沙同埋唔夠鑊氣，呢度就要扣少少分。其餘嘅菜式，例如椒鹽魷魚同椒鹽九肚魚，熱辣辣，炒粉又唔厚，非常之香口，而且較多，我們每人都食超過一舊另外有一樣嘢又係要讚嘅，就係清蒸黃立倉，有魚油香而且新鮮，不愧又係海鮮餐廳。總括嚟講，呢間餐廳，質素對得住佢嘅價錢，即使有啲菜式係普通，但係你都唔會有被騙嘅感覺，亦都明碼實價，所以呢一間推薦呀！

🍴任選三款海鮮小菜 $278 (8/10)星期六 日及公眾假期收10%服務費，送生菜同粟米蛋花湯，味道正常，勝在大方～🍴蠔仔煎蛋 (8/10)好大份，蛋煎得香脆唔乾身，蠔仔份量足又唔腥，好食～🍴蒜蓉蒸扇貝 (8.5/10)睇落細細粒，處理得好乾淨，食落鮮甜，加埋蒜蓉粉絲係perfect match~真心好食！🍴椒鹽九肚魚 （9/10)份量多到兩個人食唔曬，九肚魚炸粉好薄炸得香脆，食落軟滑唔腥，椒鹽味啱啱好，香口但唔鹹，唔油膩～推薦指數: 8.5/10以為好劏客同麻麻哋，入嚟N次都係第一次食，點知好有驚喜，講真好食過大魚蛋XD 海鮮新鮮價錢親民，下次都會再食～

📍新潮發海鮮菜館 (長洲)長洲北社海旁路13號地下C號舖靚景指數：❤️❤️❤️放聖誕節啦🤩放假最好就係一家大細一齊去離島玩一日～今次小編黎到長洲🗾除左周圍行下外 梗係要食返餐正格啦😆呢間新潮發菜館十分之適合一家人一齊食嘅 因為$408有5碟餸揀 仲粟米湯同生菜送 真係好抵食 而且味道都唔錯 仲有一片漁港景色 食得又睇得🤓1. 蒜茸蒸扇貝🐚先介紹小編最中意嘅一道菜😝我本身都好中意食蒜茸蒸扇貝 通常去食海鮮嘅地方 都一定會食呢道菜🥰呢一間都無令我失望 除左有鮮甜嘅扇貝 仲有索哂蒜茸香味嘅粉絲🤩一啖食落口 一個字 正‼️2. 蒜茸蒸開邊蝦🍤原本我都唔知咩叫開邊蝦嘅 原來係開一半嘅蝦🤣但真係好方便 唔洗用手碌殼就可以食到啖啖蝦肉😳同蒜茸都好夾呀😙3. 椒鹽豆腐◽️豆腐一黎到 已經聞到濃濃嘅椒鹽味👃🏻而且豆腐都炸得好香脆😋椒鹽味十分突出😁4. 避風塘魷魚🦑魷魚外皮鬆脆 肉質煙韌 好有口感😄而且都唔太辣 一家大細小朋友都岩食👨‍👩‍👧‍👦5. 肉絲炒麵🍜炸到脆卜卜嘅炒麵加上適量嘅芡汁 本身已經好好食😽再配搭肉絲 豆芽同香菇 豐富嘅材料😻除左色彩鮮艷賣相吸引外🌈更加令人食完一啖再一啖🙆🏻‍♀️

今日又嚟到長洲食海鮮$198任選兩個小炒我就叫左豉椒炒蜆🦑蒜蓉牛仔骨🥩仲有蒜蓉粉絲蒸扇貝🦪送椒絲腐乳通菜🥬同粟米湯🌽好好食！平民指數：🌟🌟🌟好食指數：🌟🌟🌟🌟———————————————————-營業時間：星期一至日11:00 - 23:00地址： 📍新潮發海鮮飯店追蹤我 @eggyork_foodiehk 一齊食盡天下！地址：長洲北社海傍路135號地舖#香港美食 #長洲美食 #長洲町 #長洲一日遊 #長洲好去處 #cheungchau #cheungchauisland #hkig #hkfood #hkfoodie #hongkong #hkfoodblogger #hkfoodlover #香港餐廳 #沙田美食

經過姐姐話有位，我地帶住兩個b緊係衝入去😂好耐無食過咁地道的港式大排檔！有highchair俾兩個bb太好！.🌟六款小菜 $978➡️ 豉椒炒蟶子➡️ 咕嚕魚柳➡️ 蒜蓉蒸扇貝➡️ 咖哩炒蟹➡️ 椒鹽瀨尿蝦➡️ 椒鹽鮮魷.叫左成枱海鮮勁開心🥳全部份量十足鮮味好食😋 咕嚕魚柳甜甜酸酸好開胃送飯一流，仲帶點辣！蟶子真的好多呢，港式口味懷念的味道🥰扇貝大大粒滿滿的蒜蓉，撈粉絲超正👍🏻老公就大愛咖哩炒蟹香辣惹味，連姐姐都不停用咖哩汁撈飯😂 椒鹽鮮魷真係好耐無食！炸得香口鮮味彈牙👍🏻再一班人一齊乾杯🍻開心🥳.食完大滿足🥰已經無哂落雨的失落🥳兩個bb真的好可愛🥰姐姐人也不錯我仲同佢傾左陣😂地點係望海，如果無落雨坐出面feel應該正好多！

去 長洲 食海鮮 ，有時真心覺得幾抵，而且質素其實都唔差 $278 3個餸，仲有2人分都夠嘅羹&菜在新潮發海鮮菜館。整體2人都吃不完，價真心抵食，坐得都舒服有不少風扇不會覺得熱。白灼蝦，份量2人都夠食，都幾大隻而且食得出好新鮮勁易脫殼和彈牙。豉油帶微辣幾惹味。豉汁蒸排骨，味道正常，排骨醃得不錯。頭汁蒸䱽魚，䱽魚都幾大條，魚質不錯幾入味。炒菜來到是炒唐生菜幾香都幾大碟有驚喜。粟米羹勁耐冇食，入面有啲魚肚，飲落不杰身幾好飲，份量都可以倒4碗出來都不少。

今晚只係同仔2個人叫左2個餸，虾仁炒蛋及蒜蓉蒸扇貝。但送左個粟米湯及蒜蓉生才。全部味道不錯。其實在這裡很多菜館價格都昰一樣的。上次我和朋友來試左隔離嗰間。下次再試下其他菜館先

之前去長洲一天遊時，曾經幫襯這家食店，D食物都0K。於是今年諗再食多次。点知就中伏。首先点餐後，等左好耐都未有得食，於是還顧周邊，点知枱上已擺滿食物，於是詢問伙記，佢地态度好差，冇礼貌，冇say sorry。之後又出錯單。接住食物質素差，冇味， 样相差，我煮比佢地更好。我吾會再幫襯呢間食店。