新潮發海鮮菜館

Open Now

Now Closed

你長洲玩諗住食埋海鮮餐，見到呢間野嘅應該唔會差。 我只可以話香港食咁多海鮮，覺得最差最差個間。食嘅野應該雪櫃個度囉出嚟。又乾，有冇肉，又冇味道，絕對無可能係新鮮嘅。從來未試過香港食到咁差海鮮。送個菜同埋湯。喺炒生菜，粟米湯。跟住又俾佢地呃左。問佢地個拉尿蝦會唔會辣的因為小朋友食唔倒。佢哋話一定唔辣。結果真係好辣，問佢哋只答我個「哦」。食海鮮一張濕紙巾都冇。基本上坐低之後冇人彩我地。冇想到長洲會有個咁難食，咁差地方。

今天和媽媽、妹妹一起去長洲走走，正好天氣涼爽，吹著海風，心情特別好！我們選了新潮發海鮮菜館，看到裡面好多食客，感覺水準應該不錯，果然沒讓我們失望！🍽️現在惠顧還會送湯和油菜，還免加一和茶芥，真的是超划算的家庭聚餐選擇！👍我們點了幾道菜，首先是⭐️豉椒炒蟶子，蟶子新鮮又肥美，炒得剛好，豉椒的香味讓人食指大動！接著是⭐️白灼鮮魷，簡單卻好吃，鮮魷肉質彈牙，搭配芽菜，讓鮮甜味更突出，每一口都讓人陶醉！😍最後，最愛的⭐️豉汁蒸白鱔來了，白鱔滑嫩又有油香，特製的豉汁很惹味，真的百吃不厭！這次的海鮮之旅，讓我們好滿足，期待下次再來！🌊✨

新潮發海鮮菜館地址:長洲北社海傍路13號地下C號舖趁着天氣涼涼地，今日和媽媽及妹妹一齊去長洲走走，吹吹海風，海旁有很多間海鮮酒家，見新潮發海鮮菜館內很多食客，水準應該不錯，於是入去試試，現在凡惠顧就送湯及油菜，也免加一及茶芥，一家人來食就最啱，真係非常之抵食！⭐️豉椒炒蟶子蟶子新鮮肥美，有鑊氣，炒至剛好熟透，豉椒的香氣撲鼻，搭配蟶子的鮮甜， 十分惹味。⭐️白灼鮮魷製作雖然簡單，卻能吃到海鮮的原汁原味，鮮魷經過焯水後，肉質彈牙，搭配清新爽口的芽菜，令鮮魷的鮮甜更加突出，每一口都令人陶醉。⭐️豉汁蒸白鱔是我最喜愛的一道菜，白鱔真係好肥美又有油香，肉質滑嫩，入口彈牙，加上特製的豉汁，味道非常豐富，真係百吃不厭。#長洲美食#新潮發海鮮菜館

🍱餐廳：新潮發海鮮菜館🏫地址：長洲北社海旁路13號地下C號舖姐夫想去長洲海旁釣魚仔🎣，咪一齊來玩下囉，雖然沒有魚穫，但係玩完搵間菜館食吓海鮮一樣咁開心🤣呢間海鮮同小菜都幾好食，去開長洲玩嘅朋友有機會可以試吓，我覺得下面呢幾樣都幾好味：～白灼鮮魷🦑色澤晶瑩透亮，鮮嫩彈牙。簡單的白灼烹調方式保留了鮮魷的天然鮮味，搭配醬油和蔥花，味道更加豐富🍽️😋～豉汁蒸白鱔🐟色澤鮮亮，肉質細嫩，鮮甜美味。搭配的豉汁醬香濃郁，增添了白鱔的風味，上面加了香蔥和紅椒絲，另色香味更俱全，絕對值得一試🦈🥰🍽️✨～蒜茸蒸開邊蝦🦐新鮮的蝦經過剛剛好的蒸煮，保留了肉質的鮮嫩，蝦肉彈牙，口感滑順，搭配新鮮的蒜茸，香氣四溢，再搭配少許醬油，簡單卻充滿層次感，美味之選！🦐🤤✨

長洲碼頭一落船轉左一直向左邊方向行5-10分鐘就會看到有幾間海鮮舖連在一起，這間就是第一間黃色枱布的餐廳。通常經過那個位置就會有一些姐姐拿着餐牌拉客，食客可隨自己喜好選擇其中一間，而我吃過幾間，覺得這一間的餸菜比較好食。今次我們選了兩個餸的套餐，通常套餐會送一碟菜及一碗粟米羹，兩個人都夠食。 兩餸的價錢是$188，食客可在餐牌選擇海鮮或其他小菜，我們選了蒜茸蒸開邊蝦及椒鹽鮮魷。蒜茸蒸開邊蝦 （$188/2餸）開邊蝦上面鋪上蒜蓉、粉絲、蔥及豉油蒸熟，餸飯一流。椒鹽鮮魷 （$188/2餸）鮮魷炸成金黃色，配椒鹽炒，食落香口，味道不錯，而且份量也不少，啱晒餸飯或啤酒。在離島吃海鮮特別新鮮，而且餐廳在海邊位置，一邊吃小炒，一邊望住海景和吹着海風，真是別有一番風味。

嚟到長洲一定要坐喺海旁一路望住風景一路嘆新鮮嘅海鮮餐。套餐入面有二三十款海鮮或小菜，選擇多好抵食。油鹽水蜆簡單嘅油鹽水煮法已經將蜆肉嘅鮮味帶出嚟，墊底嘅粉絲吸收晒湯汁嘅精華，鮮甜可口。豉油皇煎蝦調味適中香氣撲鼻，蝦肉爽彈充滿豉油嘅咸香十分惹味。避風塘魷魚魷魚炸至金黃色，肉質彈牙結實，配搭爆香嘅蒜蓉同辣椒，夾帶著濃濃嘅蒜香同惹火嘅辣味。例湯係粟米魚肚羹，清甜美味，比一般的例湯更足料，老少咸宜。食咗咁多邪惡嘅海鮮，梗係叫返嗰時蔬balance 下。

如果10分係滿分 我會比10分難食海鮮不新鮮 食物質素粗糙 連蝦仁蒸蛋都無味 粟米班腩無粟米味 職員態度不友善 無禮貌 令人食得唔安樂 室內冷氣亦不夠 絕不推介 屋企樓下既牛奶冰室好似仲好食 建議慎選

188蚊兩個小菜，免加一送米粟米羹送個炒菜當然唔會天真到以為係新鮮嘢但你都唔好誇張到我落單5分鐘個椒鹽瀨尿蝦就上枱，8分鐘碟蒜蓉粉絲蒸扇貝都到埋個菜反而係最後到我都算。。。瀨尿蝦件頭係足嘅，但啲肉全部都係霉晒，啲金銀蒜冇兜匀，個面鹹到飛起，個底就冇味嘅碟帶子仲有趣，上枱四隻殼，每隻殼入面有兩粒肉，一大一細，啲粉絲仲要未發好，個心係硬嘅。。。嗱，就咁嘅，188我就唔係就要求你俾靚嘢我但俾少少職業操守都得呱，你啲瀨尿蝦翻熱都兜勻少少，處理好少少，唔好又霉又鹹又唔熱呀你隻帶子個殼，返用組裝我都冇所謂，可唔可以個size合理啲？結果成餐飯，最正常係免費嘅粟米羹同埋個炒菜入嚟長洲除咗行下放鬆下，就係諗住咁多年入嚟咁多次都冇食過海鮮結果食咗個寂寞，真係喺屋企附近街市買返屋企自己整冇咁嬲

放假就決定搭下船，入下長洲走走，海傍一帶有很多海鮮菜館行行下就睇中新潮發海鮮菜館，落船沿海傍路行5分鐘就到！ 室外望住海景環境很舒服，不過現在夏天太陽實在太猛烈菜館有很多合乎不同人數 套餐選擇我就$278/3款 小菜選擇全海鮮也是可以的， 跟湯羹 是粟米魚肚羹，還有炒菜 不過送完即止！椒鹽鮮魷大大碟～～食落熱辣辣唔厚粉入口彈牙夠新鮮黃金蝦開左邊，咸蛋黃包得緊緊零死角都幾惹味！菠蘿生炒骨大大粒啖啖肉，酸甜度剛好！

生日來一個快閃長洲之旅，趁小朋友返左學。搭船出發去玩囉，午餐時間我地決定去食海鮮。邊行邊搵酒家，向碼頭左邊一直走沿路都被個Banner吸引住。［任選小菜/海鮮套裝］兩款二百都唔洗，五款餸五百蚊有找。淨餐牌食物相夠晒吸引，仲可以按需要自選二至十二款餸！加埋店員既落力招呼。當然要入去試試。 揀好座位，已有一大碗粟米羹同蒜蓉炒生菜送上（原來係送架，數量有限先到先得～～）我地點了蒜蓉粉絲蒸扇貝🐚蒜蓉粉絲蒸扇貝🐚蒜蓉開邊蝦🦐海鮮炒飯🦑🦐🍛豉椒炒蟶子🌶🫑🐚新鮮肥美帶子加埋蒜茸粉絲墊底再淋上甜豉油，香氣撲鼻十分滋味。蒜蓉開邊蝦🦐蝦雖然細隻但好新鮮同樣用蒜茸粉絲非常入味。海鮮炒飯🦑🦐🍛大大碟炒飯粒粒金黃粒粒分明有魷魚仔蝦仁。 豉椒炒蟶子🌶🫑🐚蟶子肉質鮮嫰彈牙用左洋蔥紅椒青椒少火喉十足非常惹味。 可選擇戶外/室內用餐，邊欣賞海景邊嘆海鮮一流👍👍👍 食飽飽我地就繼續生日之旅。大杯芒果沙冰，糯米糍大大粒魚蛋，我地黎喇😋😋🦐🦞新潮發海鮮菜館🥢📍長洲北社海旁路13號地下C號舖

去長洲玩玩，海鮮餐廳都非常多。今次就食左新潮發海鮮菜館，價錢優惠，而且用料都好新鮮，有in door and out door, 望住海食海鮮都別有一番風味呢。送既粟米羹,呢碗粟米羹清甜爽口,粟米粒清爽。佢可以作為前菜食,亦都係一道健康又好飽肚嘅湯品。再講白灼海蝦,嗰啲肉質又鮮又嫩,新鮮既先可以白灼就咁食。佢自然嘅真味,配埋啲蒜油,辣椒,好好食哦~蝦頭仲有好濃郁嘅蝦味喺口中流瀉開。第三樣就係蒜蓉粉絲蒸帶子,相信大家都好熟悉呢道菜。新鮮嫩滑嘅帶子,配埋香濃鮮味嘅蒜茸,同埋米粉絲嘅爽口感,真係天衣無縫。帶子個肉質鮮滑,而米粉絲又能夠吸埋蒜茸嗰啲汁,一樣唔能錯過!最後一樣就係椒鹽鮮魷，外酥內軟,特別入味。再加埋啲撈起嚟嗲嗲嗲嘅椒鹽,個味道真係非常之好,實在係鮮到爆, 一口就停唔到嘴。

閒日見無乜嘢做，決定去離島行吓，啱啱過完佛誕假期，應該無咁多人，所以決定入長洲，今次利害差唔多行晒成個島主嘅主要景點，接近日落，緊係要揾食，然後歸家。 行過「海鮮街」，見佢個餐牌幾吸引，所以決定嚟呢度～新潮發海鮮菜館，點解話佢餐牌吸引？因為好多時套餐係set定幾多人，幾多隻指定餸，係無得揀，同埋食海鮮，大家一定最怕俾人「劏」到一頸血，佢呢度任你選幾多樣餸菜，就幾多錢，心諗係咪咁正？可能係份量大小之分呱。 我哋二個人揀「4款」$368～避風塘鮮魷，沙爹粉絲蟹煲，蒜蓉粉絲開邊蝦，同埋蒜蓉蒸班頭腩（呢味寫明加$30）。 避風塘鮮魷～我認知嘅避風塘炒乜炒物係有好多金蒜辣椒之類炒得好野味，呢度味道係夠，魷魚亦新鮮，但多咗好多葱同青椒（最尾張相），早知叫椒鹽鮮魷，無咁多「配菜」。 沙爹粉絲蟹煲～通常係粉絲多過蟹，俾人人都係正常諗法😅，但呢度係蟹多過粉絲，雖然係成煲蟹仔，肉唔多，我唔係「蟹民」，志在過口癮，叫做過嚟食過海鮮咁，味道一般，無我諗嘅沙爹味，勝在份量夠，我記得曾幾何時去西貢海鮮街話「米豬蓮」果間食二人嘅海鮮套餐，果碟薑蔥蟹～一隻仔，細到我都唔好意思夾

每幾個月就想遠離一下煩囂🌿五一黃金週 全個九龍區被人海淹沒 所以所以所以 又搭船入長洲 避下世⛵️如果有時間既話 入長洲指定動作 都會食埋晚餐 打個冷食個大排檔先出返香港😂因為都真係幾抵！$278可以任揀三餸 仲送粟米湯同埋菜！🌽粟米湯一入坐 就指定送一碗大大既粟米湯 🥣🥬炒時菜🦑避風塘鮮魷同椒鹽鮮魷其實差唔多 只係多咗少少辣椒 唔會好辣🐖生炒骨唔會太酸 唔會太甜味道啱啱好😂🦐黃金蝦鹹蛋黃完整地包圍着全隻蝦

週末去到長洲郊遊玩樂，其中一站指定動作——食海鮮！選擇一間近碼頭海鮮餐廳，可以任選小菜/海鮮套餐！🏠餐廳： #新潮發海鮮菜館📍地址： 長洲北社海傍路13號地下C號舖兩個人品嚐3款套餐$278，整體感覺調味味道十足：#豉椒炒蟶子豆豉青椒非常出味，味道濃郁配合蟶爽彈口感。#避風塘鮮魷炸到脆皮變黃色鮮魷再配搭避風塘脆辣口感，炸粉內鮮魷都保持咬口，送酒都唔錯。#香橙骨感覺香橙骨比海鮮更出眾，食出香橙開胃酸溜溜感覺，而且豬扒都大大塊，份量非常足！另外仲會附送湯及菜，品嚐 #粟米羹 、 #蒜蓉炒生菜 ，2個人食都滿足，而且選擇海鮮套餐的餐廳感覺價格均真，價錢對應海鮮質量，不會有一種給人海鮮價的感覺。

最近聽講香港人放假全部唔係返內地同就係去旅行，所以依家長洲都少咗好多遊客。今日難得放假就同女朋友入去周圍行吓食吓嘢放鬆心情，中環碼頭坐船九個字左右就到咗，一落船我同另一半都有啲肚餓，所以大家就沿着海旁行，喺海旁見到有一排大排檔。大大話話大概都有十間大排檔左右，揀咗呢間比較多顧客幫襯嘅 “新潮發海鮮菜館” 任選套餐呢個設計相當唔錯，而且菜式種類都好多，叫咗豉椒炒蟶子、椒鹽鮮魷、豉汁蒸白鱔，另外餐廳仲送咗油菜同埋粟米羹。椒鹽鮮魷沾上薄薄炸漿，炸至呈金黃色，口感爽口彈牙，而且份量亦好多。非常惹味嘅豉椒炒蟶子同樣都係大大碟，每隻蟶子都無沙洗得非常乾淨，而且肉質飽滿彈牙。最後呢味豉汁蒸白鱔，鱔肉非常新鮮，半點腥味都無，而且肉質爽口又有營養價值，就算要另加 $30 都合理。