潮興魚蛋粉 (Closed)

今日大澳游完水，我地5個friends唸住去東大街ge安利食魚蛋粉，點知close左，跟住見到隔離間潮興有打冷又有魚蛋粉咁就入去試下啦！呢度d魚蛋唔差得過安利架喎，最重要ge係d打冷又真係ok好食喎！我地叫左個鹵水拼盤、九菜豬紅、鹵水鵝同埋一人一個魚蛋粉。賣單每人都係四十幾蚊，多選擇、好抵食！

我係附近返學lunch諗住去安利食點知冇位,同行既同學聽到間野出面有waiter拉客話學生免費有凍豆漿,仲話係咩新鮮即磨所以就比我同行既同學拉左入左黎呢間潮興點知一入到去已經心知不妙烏蠅四處都係,衛生惡劣我求其叫左個魚蛋粉,同學叫左個爆醬面我果個魚蛋只係僅僅食得落口,但絕對稱唔上好味我友人個爆醬面氣味更加奇異,味道更加係苦不堪言好啦,都算啦,諗住有個免費凍豆漿,點知真係不出我所料除左細杯到200ml都冇之外,味道勁淡,好似飲水咁,而且冇大豆咪,都唔知係咪用嬰栗粉沖水當係豆漿諗走前佢倒瀉水,仲整到我,我唔記得帶紙巾,問佢拎啦佢比左包細tempo我,我都知佢冇咁好死,果然不出我所料,佢夠膽死收我兩蚊一火怒氣!最後啦啦聲食完走人,以後都唔會黎,亦叫左同班既人唔好黎呢間我black list左既鋪頭!

此家食店唯一推介是「黑椒牛丸」 ,其他的食物就無乜特別又唔太差。勝在佢24小時營業而同街的「安利」或「王林記」都比較早收舖,所以都有存在價值ge! 黑椒牛丸墨魚丸米加紫菜@ HK$23 腐乳通菜 @ HK$6

見到題目,不要以為我打錯了第二間餐廳其實呢間魚蛋粉係有提供飯餐的,不過只係豉油撈飯+餐飲的套餐講返個飯,有餐蛋,腸蛋同腿蛋飯三款選擇,準備好材料,再加上豉油,就食得了聽起來普通,就像最初朋友同我講話去呢間食豉油撈飯一樣,很難想到好味,不個實際上,蛋同埋腸仔等會即叫即整,出到來新鮮夠熱,蛋的賣相不算好,但口感一流腸仔就已經切開,食得更方便,而飯方面,更是溫而不盪,從飯的質素可見基本功十分穩固再加上豉油,原來豉油撈都可以咁好味~這一餐晚餐為$26,份量剛剛好從小處看到這餐廳的心思,值得下次再來試下他的魚蛋粉返璞歸真反而會有新發現,視乎我們是否願意嘗試

前兩日同呀媽兩個人黎食~我叫左<黑椒牛丸河>我呀媽要左<牛腩河, 凍0茶再加碟菜>..我仲要等好耐....無幾耐, 有一班人(應該有十個)入左黎...其中三個又係叫左<黑椒牛丸河>....點知黎得好快....我心知不妙我見d waitresses 搞掂曬佢地好大班客之後...我就再同waitress 講我碗<黑椒牛丸河>未到....過多陣, 佢拎住碗<兩粒黑椒牛丸+三粒普通牛丸河> 過黎問我　　<無曬黑椒牛丸，　咁樣得唔得？>勁嬲　但我趕時間無計．．．但我黎先　竟然無得食人地成棚人　就有得食咁做生意ｇａ搞錯好討厭好彩佢ｄ　牛丸都算彈牙．．．

牛腩粉麵$16加到$17坑腩粉麵$16加到$20一直只食坑腩粉麵, 加4蚊, 我寧願去隔離果間安利食切腩

魚蛋粉好食!辣椒油夠香夠辣!好味度!不過牛丸就唔係好得。

本人於年初三早上來吃早餐, 叫了一個餐蛋麵+凍0茶, 阿姐在沒有告知的情況下寫了$29然後我問佢為何, 因有新年餐牌寫上餐蛋飯+凍飲是$25, 為何麵要多加$4?? 沒有寫明.佢又話唔知, 說是老闆說要$29的. 我又問那我只要餐蛋麵多少$? or只要凍0茶多少$?佢又話唔知.... 不是明碼實價的, 寫單又不另外告知你... 當時亦沒什麼人, 不是很忙...以前我都見過佢地的員工特意寫多2/3元, (很多次的了...) 你不算清楚照給付, 那可能他們自己袋的了...這樣做生意, 還有人去幫襯嗎? 我就住在他們樓上, 本應很多機會去幫襯的, 但因為此事, 不是1/2元的問題, 是要清清楚楚, (別家多少$都有寫清楚的,新年要多收一些當然是合理) 但故意寫錯, 給人發現了又不認... 我就是不服, 我就以後都不會去幫襯的了!!!!

夜晚肚餓, CALL 友人往東太街找點什麼吃吃, 得知安利, 王林記已closed, 就入了潮興!點了牛腩河, 水餃面, 油菜,各16 元一碗, 人不太多, 很快上枱, 河粉還可以, 但牛腩就0 分, 何來此話, 一大舊肥膏+ 幾舊粗鞋肉(煲左好耐湯既肉), 其實我見門口個taxi driver 食緊碗好靚牛腩面, 先叫碗來試下.............! 真"大細超"!還有, 歺牌標明"冬姑水餃", 但只來碗菜肉餃, 完全不是那回事! 油菜就可接受..........,加5 蚊就有,算抵食, 亦有部tv 睇下!

新年的第一天, 來到東大街, 本想吃雲吞但找不到那間專賣雲吞的店子.安利, 王林記吃過無數次, 於是選了這間.魚蛋魚麵, 淨魚蛋水餃+ 鴛鴦魚麵是把魚蛋改成麵條狀. 但都幾得意.魚蛋彈牙.唯一不好就是淨魚蛋水餃, 只得3 粒魚蛋, 但有6 隻水餃.水餃雖然大隻, 但找不到菜單上標明的冬菇, 餡全是菜+蔥, 一點肉也沒有, 很差. 而且有被騙的感覺. $23 一碗.雙拼不是應該兩種食物各半的嗎?不誠實的店子, 無下次!吃完, 眼看安利門口仍然擠滿人等叫號碼, 其實魚蛋跟王林記和潮興沒太大分別, 羊群心理!

通常去第一次去的粉麵舖都會吃魚旦河.潮興的舖都幾大, 有十幾張5人小圓枱.能夠在東大街咁多粉麵舖下經營, 都有番咁上下啦.d魚旦好彈牙, 很有魚味. 魚片就普普通通啦. 湯都幾好. 這間舖有電視的, 是比隔鄰安利其中一個優勝的地方吧.

周六晚上又去潮興買外賣了, 今次要了牛腩河, 返到公司一看, 出乎意料之外是牛腩的賣相好得呢!! 坦白說, 本人不懂得分甚麼是爽腩之類, 但是這兒的牛腩是跟我平時吃開的不同, 肉中有軟膜, 不錯不錯, 而且有肉味, 湯底都幾濃, 不過就好多油, 如果飲一口就死硬!整體上來說我覺得不錯喎, 只是16元, 質素跟王林記也差不多, 但價錢就較王林記平. 而且這兒的服務也不錯, 由於本人喜歡吃辣, 於是當阿姐拿外賣給我時, 我便順口問, 有沒有辣椒油, 阿姐說放了下去了. 另一個阿姐聽到後, 即說如果唔夠就再拿多一包吧! 其實我覺得潮興的食物質素也不錯呢, 也不明白為何安利就咁多人排隊, 但潮興就不是有太多人. 不過咁都好, 我去買時就不用等太久.

好多地方都有蠔仔粥,不過好多都好難食.....除左新光...呢間都算好好食($28),大大粒蠔仔,又多肉碎,不過有d味精...但..可以試下!

自從來到筲箕灣後, 東大街就成為了我每天都會一到的地方. 除了安利外, 我也喜歡幫襯潮興. 之前吃開魚旦魚皮餃河, 覺得都不錯, 我尤其喜愛那兒的多蔥, 吃落很香口的.雖知有一天當我返工之前到這兒買外賣就出事了!! 那天心想每次都是買魚旦魚餃河, 不如今次就吃牛肚麵吧!!! 誰知咁就出事了!!! 回到公司吃後, 嘩, 碗麵超咸, 即時覺得好難食, 而且麵質也令我覺得好像是吃著橡筋似的, 好難頂!!!! 吃後要狂飲水, 真是難吃得不得了!!! 下次都係食番魚旦河算了!!!!!!!!!!!!!!

之前真是十年也不會來筲箕灣, 但最近由於公司搬了到筲箕灣, 於是便日日要來東大街搵食了. 東大街的食肆例如安利和至林記都是很早便關門, 對於我這種傳媒人來說, 不夜都不會來吃飯, 於是潮興便成為了我時常幫襯的地方. 我覺得這兒的魚旦也是不錯的, 雖然不算彈牙, 但不知是不是加了楜椒, 吃起來帶點辣的, 很醒骨, 不錯. 另外魚餃也不錯呢, 煙煙un un 的, 不錯不錯. 如果我仍然在這兒工作的話, 我也會keep住來吃的.