潮苑正宗潮洲粉麵

Open Now

Now Closed

今早去潮苑食，一早預咗不要期望服務態度，但比想象好。叫咗碗坑腩魚餃米，湯底淡而無味，魚餃不好吃，皮鞋餡少，至攞命係食食下，咬到塊坑腩竟然酸既，重有餿味！無下次！

返工無帶飯，出街買野食。叫左墨魚頭面同咖啡，企係門口等既時候，其實可以見到距碌面既動作，撈起墨魚頭，放落外賣盒，然後有個姐姐拎出來裝袋，再行出門口哎人。墨魚頭好大粒，份量也足料啊，墨魚頭點配送的辣椒醬，真係好鍾意食。咖啡就唔得，似乎有d混合左奶茶既味道，無咖啡香，比一般茶記咖啡要差，飲左兩啖就唔想飲喇。店舖衛生狀況一般，見到有墨魚頭跌落檯面都係用手直接執落碗。價錢平，無什麼多講。

店名：潮苑正宗潮州粉麵地址：香港仔湖北街12號地下好味指數：7.5／10價錢：$23 （一碗）上：牛肉餅米,下：牛筋河個人比較喜歡吃粉麵類食物,尤其潮州粉麵!這間店我由細食到大,每次去都會食牛肉餅,牛筋或者魚蛋。牛肉餅好爽口彈牙,出面好少地方有得食,所以通常我都會擺佢係第一選擇！另外我中意呢間店係因為佢的炸蒜蓉可以任落唔嬲>3<岩曬重口味的我：）唯一問題係佢湯底唔夠熱,食到一半個湯已經凍左。 

店名:潮苑正宗潮州粉麵地址：香港仔湖北街12號地下好味指數：8/10價錢：$23早餐：魚蛋牛肉餅河(配飲品一杯)湯底鮮甜，魚蛋爽口彈牙，牛肉餅鮮味彈牙，河粉爽滑，加入大量炸蒜更添風味店名:潮苑正宗潮州粉麵地址：香港仔湖北街12號地下好味指數：8/10價錢：$20早餐：魚蛋米(配飲品一杯)最近潮苑推出了早餐優惠，非常抵食。湯底鮮甜，魚蛋爽口彈牙，加入大量炸蒜更添風味。早餐一至日都有，供應時間每日8：00-10：30，訓晏左都有得食啦。

到附近蒲窩逛了一圈，就來這兒吃個便飯~點了這兒最出名的牛肉餅拼魚蛋(淨食)、墨魚頭拼魚片頭(淨食)，另每人點了一碗粉麵，友人要了牛腩河，而我則點了牛沙瓜米粉~ 一開始並沒有聽過什麼是牛沙瓜，好奇問問店員，原來是牛胃，但又不是我們吃到的那種牛肚，不過牛有四個胃，我想是不同位置的牛胃吧，反正沒有吃過，就試試它 我的牛沙瓜來了，份量很多，外貌與豬肚差不多，但較深色，肉質較豬肚實而軟，肉味較濃郁，不肥膩，不錯 友人的牛腩半肥瘦，炆至軟腍入味，份量同樣不少，以這價錢來看，算便宜呢~牛肉餅原來是拍扁了的牛丸，肉味濃，爽口但較牛丸軟腍，份量足；魚蛋大大粒，有鮮味，同樣爽口彈牙軟滑；墨魚頭新鮮軟腍爽口不靭，配醋同吃吊出鮮味；炸魚片頭比魚蛋更爽更富彈性，有點靭煙，頗特別~ 所有食品份量都不少，各式丸類配料都做得很出色，我們二人都吃個肚滿腸肥 惜位處香港仔，前來不便，否則可多再來~

見到呢間招牌甘靚价錢甘共道(23元)嘅潮州粉面緊要試下，就甘食碗牛腩河湯好淡，肉無咩特別好食，點知對面位的士司機大佬點碗魚旦河都要加色=加腩汁。試下加左個湯即刻對味返，加埋枱頭嘅炸香蒜又香又脆就成碗好食返。不過對佢地嘅辣椒油徧喊，個人唔多仲意。

接近四時，但仍然很多人坑腩米線，但原來沒有米線，要了河粉以25元來說不算太少坑腩瘦的很腍，肥的也不是太肥，而且有點煙韌邊邊的肥就最香濃河粉都太林了還好的是，有辣椒油，魚露，炸蒜，讓食客自行調味湯底不太美味，一點兒特色都沒有不濃不香就像只是一碗沒放調味料的車仔面湯底6元汽水很小支其實是因為覺得少來香港仔，來試試地道食肆下次還是南記可靠划算

下午五點多鐘來到不用等位，大約還有十個八個客人。我點的牛坑腩配牛肉餅河很快就來到。這裡的牛坑腩質素肯定優勝過天后某一間名店，牛肉餅也不錯只是湯頭實在不行。但是回心一想如果這樣大小的店鋪日租要四五千元的話，那麼大家也會明白河粉、湯及衛生質素一再下滑的原因在那裡了。

我一年都會幫襯潮苑幾次，主要係因為香港仔無啖好食，選擇不多，同埋我去親香港仔通常都係趕時間的，所以食野最緊要快。不過前日食完之後，我一排都不會再去。平時我多數食魚蛋麵或者牛餅麵，今次就試佢嗰牛雜河。哇！D牛肚咸到不得了，牛膀就煮到溶溶爛爛。牛肺最好食，個粉都吾錯，但不足以補償以上食吾落口的部位！其實麵鋪來來去去都係個幾味，應該樣樣都只少有個普啊！

發覺毎次到訪所吃到的魚蛋都是不一樣. 口感有時硬,有時諗,味道時鹹時淡, 魚味有時完全欠奉. 像今天吃的, 就完全不像魚蛋, 像豆腐. 希望休魚期過後會有所改善... 炸魚皮就水準穏定, 是薄身, 少炸粉的, 非常脆口.

昨晚太累所以回家之前去此餐廳買了一碗牛餅魚旦河和一盒生菜,回家後食了盒生菜味道冇乜特別但當我食粉時發覺有好多黑色一點點,因太肚餓所以食了幾口,,但到了零晨肚子開始唔舒服之後又痀又嘔,到了今天去睇醫生,醫生問我尋晚食過乜,我口答後他說我係食左不潔食乜腸胃嚴........................我以後都唔會再幫襯只餐廳,因為太恐怖啦

今日去呢到買外賣番屋企 其中一碗係魚旦河 番到屋企打開竟然無魚旦 打番落去問 有個男人竟然發晒發氣 真係激死人 後來理論完 佢話會送上門番俾我 結果幾個鍾都唔見人送上門 平時服務態度都已經唔好 係貪 方便先去 不過經過今次 真係以後都唔再去

尋日陪老公去中瓖睇F1表演, 睇完本來想返九龍食Dinner,但老公話難得揸車去香港島, 不如踩入香港仔, 成日都係我帶佢食好野, 今次輪到佢帶我去食好野.佢話佢次次去香港島踩單車都會去香港仔食粉麵,佢覺得好好食, 好想帶我去食.好啦, 雖然我都唔帶任何期望, 不過都順佢意去試試啦,點知...老公點左牛肉餅拼魚蛋, 我真想講唔知佢想點囉,只係一粒拍扁左既牛丸, 仲要冇左牛丸既彈牙口感,雖然有牛肉味, 但冇鮮味, 死死實實咁, 真係好難食.另外魚蛋亦都不見出色, 只係普通貨色.我就諗住叫個坑腩河最穩陣啦, 點知都係出事,我明明叫左坑腩, 佢比左普通既牛腩我, 呢樣都唔緊要, 但係佢D牛腩真係唔好食囉,話佢係柱候牛腩, 佢又唔夠味, 話佢係清湯腩, 佢又唔夠清,雖然係淋, 但唔入味.而麵粉既來貨亦唔係好, 河粉硬冇彈性,一大碗, 目的只係餵飽人, 我食左2啖就冇食.可能係我要求高左啦, 但係我食過好食過佢既大有人在,我一定唔會再幫襯佢囉.

七點人在香港仔本想去太興, 唔知咩事一條友居然要等十多張枱 梗係唔等, 只好過處 香港仔這個地方, 人多過食店, 突然間又唸唔到有邊到可以去 本來仲有間翠華, 不過又要過條大馬路…..盤算中經過潮苑見客唔係好多… 心唸…事但啦 點知領野 原來晚餐也是 A,B,C 的碟頭飯, 無辦法只好選雙併的焗飯連湯 $38 紅組: 茄汁豬扒飯 白組: 白汁龍利柳先試茄汁那面, 汁底唔錯, 有點像以前外買快餐店的味道, 味道係有點假, 但幾喜歡豬扒就不行了, 炸到過了火干吧吧的, 好彩還有汁可以送飯白汁是開稀了百倍的罐頭湯又無味, 感覺幾核突 所謂的龍利柳, 死魚過死魚, 沒有魚肉應有的質感和味道, 唔講真係唔知係乜東東 青紅蘿蔔湯 : 正常例水, 可以接受的總結: 快餐店黰以下的水準, 絕對無下次

For those living around the area, this restaurant is the perfect place to grab a quick bite on a lazy afternoon. I have been here a few times, and never have I been disappointed. The famous items on the menu are the 魚蛋 and 牛肉餅. (1) 魚蛋魚片河The 魚蛋 really lives up to its hype. This particular bowl of noodles leaves you feeling refreshed (not greasy/oily). I'm usually able to finish the toppings but often have lots of noodles left over.